معليش اتحملوني شوية ، أحكي ليكم حكايتي وليست هي مع الحناكيش بل مع نقيض الحناكيش البسطاء
كنا أيام الجامعة معسكرين في بيت واحد من اصحابنا للامتحانات ومعانا واحد بسيط جدا وأسألتو كتيرة . أها اليوم داك ونحن بنقرا وخلاص قفلنا من القراية جات أخت صاحبنا وعندها طفلتها ومسكوها للمبيت عندهم ، فقالت ما عندها مشكلة بس هي ما جابت معاها ( بامبرس ) للبنت فقالوا ليها ما مشكلة فلان أخوها بيجيبو ليها من الصيدلية . أها قال لينا انتو زهجتو من القراية قومو معاي نجيب بامبرس للبنت ، وفي الطريق صاحبنا الشليق داك قام علي أسئلتو الكتيرة ديك وسألني انت البامبرس دا شنو . وبي صراحة أنا لمعت عيوني من سؤالو وقلت دي فرصة نفرق بيها من زهج القراية ، فبراحة مسكتو من ايدو وقلت ليهو انت ما عارف ؟ البامبرس دا ( فطير ) بياكلوه الاطفال انت ما متذكر ( السيرلاك ) داك . بالمناسبة هو مرة مشي معانا برضو الصيدلية جبنا للبنت سيرلاك وقال الا يضوقو وضوقناهو ليهو وعجبو شديد وقال لينا والله انتو شفعكم ديل مدلعنهم شديد ، المهم صاحبنا سكت ولمن وصلنا الصيدلية طبعا البامبرس في السودان مرات ببيعوهو بالحبة يعني عايز اتنين تلاتة ما مشكلة . فأخو البنت طلب 2 وصاحبنا الشليق قام شافو ولقاهو ابيض وعجبتو قصة الفطير دي فمسكني علي جنبه كده وقال لي وبيقي يطلع قروش من جيبو وقال لي ( والله الليلة عشاكم علي ، شوف سماحة الفطير دا الشي دا مسونو بدقيق فيني ؟ كلم الزول دا يدينا تلاتة طرقات واللبن أنا بجيبو وحرم ما في زول يدفع معاي ) المهم أنا خلاص بقيت ما قادر أمسك نفسي من الضحك وبتاع الصيدلية يعاين لينا البتعازمو علي العشا في صيدليتو ديل شنو !!!!!! والله يغفر لينا أيام الجهل .
فى تلاتة أولاد من حلتنا و كانوا جيعانين جداً و ما عندهم
غير بتاع واحد فول بس .. فمشوا المطعم و طلبوا الواحد
فول دة .. وجمبهم كان فى واحد طالب جدادة كاااااملة
فقام صاحب الجدادة دة من محلو .. أخوانا ديل مفتكرنو
خلاص شبع .. قاموا جابوا الصحن عليهم و هاك يا أكل
بعد شوية جاء صاحب الجدادة شايل فى يدو صحن شطة
قام إتفاجأ بإنو الجماعة ديل خلوا الجدادة بتاعتو صورة
أشعة بس ... عاين ليهم مساافة كدة و قال ليهم حسبى الله
ونعم الوكيل.
والله الحصل لينا كتييييييييير منها طبعا انوو اختي مسمية مشروب الابري الابيض عصير مناديل..وحصلت لي شخصيا و انا في امتحان لاب و كان موف تست الهو انك بتقيف قدام العينة مده دقيقة و تتحرك للعينة البعدها فالدكتورة بتقولي تري غادي و طبعا انا ما فاهماها و هي بتجوط فيني قلت ليها يعني اعمل شنووووووووووووووووو بعدين عل ما فهمت هي قاصده شنو كانت 6دقايق عدت
قمر السودان كتب:والله الحصل لينا كتييييييييير منها طبعا انوو اختي مسمية مشروب الابري الابيض عصير مناديل..وحصلت لي شخصيا و انا في امتحان لاب و كان موف تست الهو انك بتقيف قدام العينة مده دقيقة و تتحرك للعينة البعدها فالدكتورة بتقولي تري غادي و طبعا انا ما فاهماها و هي بتجوط فيني قلت ليها يعني اعمل شنووووووووووووووووو بعدين عل ما فهمت هي قاصده شنو كانت 6دقايق عدت
jasmina كتب:[glow=ccff00][align=center]بتحصل نكات كتيير للحناكيش بالذات لما يمشو السودان يلا نضحك مع بعض !!!! حبدأ انا
لما كان عمري 3 سنة ومشينا السودان شفت غنماية ناديت جدو
ياجدو ياجدو الحق شوف الصرصورةthumbup.gif
طبعا جدي بعد مات من الضحك قال لي انتو في السعودية صرصورتكم قدر دة !!!!!!
وماسكنها لي لحدي هسي [/align][/glow]
ههههههههههههههههههههههههههههههههههه
يا جدوا مرة واحدة , ومن غنماية لى صرصورايه
يا رباه , حنكوشة مع مرتبة الشرف , يعنى أول الدفعة فى الحنكشة مافي الإملاء
جيتى بتكتبلي فى الحنكشة غلطتى وكتبتلي فى الإملاء
ما شاءالله وعيني عليك باردة شديد , أبرد من ليالي الشتاء القارصة
عندك تاريخ عريق في الحنكشه , منذ نعومة أظفارك , وليست وليدة الصدفة .......
عمروا 4 سنة وامو مشت السوق اشترت قرقبية دي 
:.........شوف الشافع المفعوص انا اكبر منو بــ18 سنة ماعارفاها 
بس انا اسديت قلت ليهو بتعرف العنقريب وطلع مابيعرفو 
بس عشان امو ماتتفلسف 
حبدأ انا 
!!!!!!
[/align]