الزواج المبكـــــر

[ناجي عثمان عبد الرازق]

اصرار الاهل على تزويج ابنهم الذي يبلغ من العمر 18 سنه من فتاه عمرها 16 سنه لك ان تتخيل المأسآه اللتي عاشوها ، فبين تدخل الاهل واعتماد الزوج على ابيه في كل شيء والفتاه بنصائح امها الغير مجديه وتدخلها بخصوصيات جمه التي دمرت حياتها وتمرد الفتاه واستنقاصها بعمر زوجها وبين مشاكل الدراسه والنقل وقلة الدخل المادي وتحول الايام انهار الزواج وختم بالطلاق عافانا الله
استفساراتي او محاور النقاش : مارايك بالزواج المبكر ..؟؟

- هل هناك ما نع او عارض يمنع من الزواج المبكر ؟؟؟

[الياسمينة]

الزواج المبكر زواج نهايته حتما الطلاق الا من رحم ربي وذلك لقلة فهم الزوجين في ادارة شؤن حياتهم
الموانع كثيرة منها عدم مقدرة الزوجين علي تحمل المسؤلية وعدم نضوج الزوجين فكرا
تقبل مروري

[ناجي عثمان عبد الرازق]

طبعا ياياسمينة معظم ابواتنا وامهاتنا وحبوباتنا اتزوجو بالصورة دي

[الياسمينة]

معاك بس انا بتكلم عن زمنا ده زمن الولد بكون من عمر 10 سنة بحب

[ناجي عثمان عبد الرازق]

طبعا اختلاف كبير جدا - حتى الحب عندهم بختلف في المعني والطريقة - سن الرشد عندهم ياياسمينة مفترض اكون بـــ 40 ـــعـد سنة فمافوق

[الياسمينة]

الزواج المبكر في زمنا ده بقي خطر جدا علي العائلات والاهم ناتج الزواج ده الاطفاااااااال

[ناجي عثمان عبد الرازق]

طبعا الطفل بستنشق التنافس مابين الوالدين في حال الانفصال وده بديهو قوة على التمرد في بعض الاحوال لكسب الطرف الذي يريده والتملق في احوال اخري للوصول الى مايريد فهل ستكون هذه التربية صالحة - (الفقرة دي معظم الاباء والمهات بتجاوزوها ومابنظروا ليها باعتبار - بكون الكبرياء والانفة هم قواد المعرفة - عجبأ والله !!!!!!!!!!!)

[الياسمينة]

صدقني اخي ناجي
المشكلة لما الام والاب ينفصلو والاتنين يرفضو الاولاد ده الضياع زاتو انا بفتكر

[ناجي عثمان عبد الرازق]

نحن في مجتمعاتنا ماواردة حكاية ضياع الاولاد ورفضهم لان الاجاويد - بعدين ياياسمينة كيف ام تخلي اولادها ؟ دي ماعلامات الساعة ؟

[الياسمينة]

صدقني انا مرت بي قصة ولد امو وابو اتخلو عنو ورباهو خالو وخالو اتوفي مرت خالو طردتو وكان عايش في حالة نفسية سيئة جدا لدرجة انو فكر ينتحر
والكلام ده في الخرطوم دي

[ناجي عثمان عبد الرازق]

طبعا ده بكون منتهى الكراهية لوالدو - لكن دي بتكون ظروف لايام وبترجه المياه لمجاريها - وانا برضو تصديقا لحديثك شفت قصة قريبة بس الوالد والوالدة مامنفصلين - البت اتزوجها واحد بدون رضاهم المهم لماجات الولادة الام رفضت تمشي لبتها والبت بقت في حالة نفسية بطالة لدرجة انها اجهضت - الشئ الموسف انها مازارتها في المستشفي - بتصدقي انها اليوم داك مشت تجامل في زوااج بت صاحبتها ؟ منتهى الحماقة

[الياسمينة]

عموما الحكاية كلها بترجع لتصرفات الشباب الرعناء وعدم تحمل المسؤلية وقلة الخبرة والاهم ادعاء المعرفة

[بعد الزمن]

فى زمنا دا , الزوج المبكر , مضاروا اكبر من منافعوا ,بقيدك وانت فى اول العمر
بحيث , تعيش علاقة منغلقة , حتفوتك صداقات الجامعة الشات ,
وكل ماهو, ممتع وترفيهي ,وتشعر انك , ما عايش, لان الزمن دا
زمن العلاقات المنفتحة , وبسمحلك , باختيار الانسانة المناسبة
لانك بتكون مريت على كل الاصناف والاشكال ,
وبالتالى ,فان احتمالات الطلاق تقل ,
لانك بتكون وقعت فى زولتك الدايرة
واللى بتحس انك , حتقدر تكمل معاها
لى نهاية المشوار

ودمت بخير

[الياسمينة]

ما اظن الانفتاح والصداقات سبب في نجاح الزواج

[ديمة]

من رائي ان الزواج المبكر مفيد جدا ولكن في حدود المعقول اي يجب ان يكون الزوجين عاقلين ليس كبر سن فقط ولا يجب ان يعود من الزواج المبكر الطلاق في ناس بيتجوزوا في سن متاخرة وبكون في اخرتها الطلاق وكلامي دة ما معناهوا اني موافقة على المهزلة البتحصل اصل الجواز بالاجبار ما بصير سوى زواج مبكر او لا وهذا الشئ يعود عللى رغبة المتزوج وفي النهاية ما ننساء ان الزواج المبكر حث عليهوا الاسلام وما وهو سلاح ذو حدين ..
وشكرا على الموضوع دة فعلا موضوع مهم ..

[ناجي عثمان عبد الرازق]

المطلوب في شروط الزواج وأنا بعتبروا من اهم الشروط التوافق وبالنظر طبعا للسن يعني التبكير يؤدي للنهاية المحزنة في غالب الاحيان لان الرغبة في الزواج عادة ماتكون فكرة غير مكتملة أو بزواية محددة لاتشمل المسئولية ومعركة العيال عادة ماتكون من اجل النزوة واشباع الغرائز

[الياسمينة]

السودانيون ياناجي دايما مابياخدو المواضيع دي من باب التقليد الا عمي

[ناجي عثمان عبد الرازق]

ابدا السودانيين المفروض ومن الناحية الشرعية وكما هو مفروف ياخدو راي المرأة في مايتعلق بها وهنا بكون الموضوع منطقي - لكن يااختي لو افترضنا هذا حصل بنلقى انو المرأة في السودان ماقدر المسئولية دي وهذا لعدم الاستفادة الكافية من النعليم والتجربة في الحياة نجد ان معطمهن يأخن الموضوع بكربريا وباملاءشروط زمواضيع فارغة !!!

[الياسمينة]

طبعا ياناجي نحن بنات حوا ديل الحالة المادية هي الغالبة علي الاختيار وخاصة لو كان اهل العريس ماديا مرتاحين ابو العروس وامها يمرقوها من سادسة وتتولي الام مهمة الاقناع بمزايا وامتيازات العريس المادية طبعا وحيكون العريس الثانوي ماتماهو ولو كان ودعمها لا هي ولا امها مافي زول بشتغل بيهم غصبا عنها تعرسو

[ناجي عثمان عبد الرازق]

لكن نسيبتك الاختارتك هي التي ستخسف بالحياة في اعتقادي لاني اعتقد وان اكتب لك ان هذه الاطراف لاتفهم شيئا في الحياة الحالية (ولاحاجة صدقيني ) كلها تنظير وكلااااااااااااااااااااام