ركن ود النصر للاتصالات والسياسة والشمار والشعر والعماري الجيد

[ود النصر]

[align=center]وبما انو ما في واحد جاملني انا بصوت اول واحد وبقول موااااافق[/align][/size]

[jasmina]

[align=center]وبما انو ما في واحد جاملني انا بصوت اول واحد وبقول موااااافق[/align][/size]

[glow=FFFF99]

بتصوت على شنو

[/glow]

[ود النصر]

[align=center]ههههههههههههههه jasmina يا روعة المشاركة القبل الاخيرة موضوع الشمارات نجيبة ليك تاني[/align]

الموضوع الاصلي بواسطتي

[align=center]جاتني فكرة جديدة
وهي نابعة من حتة جات في الخاطر لمن انتابتني فكرة شمارية مفادها انو
هل في زول ولا (زولة) كده جاب سيرتي بالخير ولا بالشر في المنتدى ده
في اي موضوع وانا ما جايب خبر؟
قلت خلاص افتح ركن اسميهو يا فلان في البوست الفلاني اسمك منور
لكن ولاني متأكد الشمشارة كتار وفي ناس بهمهم يعرفو الجاب سيرتهم منو؟
عشان كده ده حايكون بوست براهو ما تبع الركن
بس حاياخذ شرعتو من الركن يعني الفكرة لو عجبتك قول لي عشان اعملو
ولو لا كمان برضو قول لي عشان اخليهو
بالعربي حا يكون في تصويت علي الفكرة قبل النشر ومنتظر ردودكم[/align][/size]

[أبو صديق]

[align=center]وبما انو ما في واحد جاملني انا بصوت اول واحد وبقول موااااافق[/align][/size]

[glow=ffff99]

بتصوت على شنو

[/glow]

خلاص كدا تلاته
نشوف باقي الحلوين
موفق يارائع

[ود النصر]

خلاص كدا تلاته
نشوف باقي الحلوين
موفق يارائع

[align=center]الموضوع بدأ يجيب العزاز يا ابو الصديق يديك الف عافية[/align][/size]

[align=center]دايرين نوصلو خمسطاشر ونبدأ في التنفيذ.

[/align][/size]

[ود النصر]

[align=center]ركني ده ضربتو البورة شكلو كده ياخوانا وين ابداعاتكم معاي؟؟؟؟[/align][/size]

[أبو صديق]

[align=center]ركني ده ضربتو البورة شكلو كده ياخوانا وين ابداعاتكم معاي؟؟؟؟[/align][/size]

شنو يا معلم لوك الصبر شوية
إنت ما سمعت بالأزمة العالمية والسوق الأيامات دي ظااطو نائم
وحتي بالجرورة الشغلة ما نافعة..
رائك شنو تعمل تنزيلات وسحوبات وهدايا ورصيد مجاااني
وزي ما قالو(( بكرة الفولة بنملي والبقارة بجو ))

[فــتى الفلامنكو]

i'm agree

[ود النصر]

[align=center]هههههه ما عندك مشكلة يا ابو الصديق
وانا بديهم فرصة لحدي بكرة وبعلن عن سحوبات علي التصويت علي عدد 3لاند كروزر
(ابرق) فووووووول اوبشن مع البرادع[/align][/size]

[ود النصر]

[align=center]تسلم يا فــتى الفلامنكو واوعدك اول شمار حا يكون شمارك انت لو وصلنا 15 مصوت[/align][/size]

[ود النصر]

[align=center]وانا بعمل جرد علي الركن بمناسبة نهاية السنة المالية استوقفتني الاسماء التي شاركتني فاحببت ان اقول شكراً[/align][/size]


[align=center]فــتى الفلامنكو
أبو صديق
Jasmine
دلوعة النيل
Rehany
هندسسسسسه
بعد الزمن
الحلاوية
فــتى الفلامنكو
ود الشرفه[/align]

[ود النصر]

[align=center]بورة ود النصر (هيْ) اقصد ركن ود النصر

[/size][/font][/color][/align]

[align=center]الاحباب جميع الليلة داير الفزعة
راسمالي الوحيد والنابني من الزرعة
شكلو خلاص ببور وانا خوفي من الصرعة
لاني مليت عليو كل الرفوف مجتمعة

ركن ود النصر الليلة ضقت البورة
لا بغشاك حبيب لا فردة لا امورة
زي حال الشباب دارو العرس بالكورة
بس بي حسرتهم مسكوك يالماسورة

لكن للعدل زاروهو ناس حلوين
وختو كلام سمح فرحني غرّ العين
وما قطعوني تب بمشو وبجو راجعين
وشان خاطر عيونهم صابرين ومستنين[/align]

[بت كردفان]

اخونا ود النصر
كيفنك وحبابك عشره
بوست جميل والله
واديك فيه مشاركه كردفانيه بحته
قالو البنيه جاها عريسا غريب
وهى بتدور ود عمها .. امها بتنصحها قالت ليها
يا بنيتى اسمعى نصحيتى دى ...
بدورى ود الخاله نار الشتا البلباله..والبدقق بنعاله وبسرحك بحماره
ولا بدورى ود عمكى البكتلكى ما بغرمكى والبصير خصيم لأمكى ..
ولا بدورى الغريب البملالك الزريب والبحترم النسيب ...
.. شفت الكلام ده ..معليش كتبتها بنفس اللهجه .. جائز فى بعض الاعضاء ما يفهمونى مع انو كلامنا احنا الكردفانيين عربى اصيل .. لو ركزتو اكيد بيتفهم

تقبل مرورى .. وفتكم بعافيه

[ود النصر]

[align=center]هم الحلوين العشان خاطرهم صابرين ديل منو؟ ما انتي ذاااااااااااااتك.
منورة يا بت كردفان وتسلمي.[/align][/size]

[ود النصر]

[glow=330033]اعلان هام[/glow]

[align=center]يا فلان في البوست الفلاني اسمك منور

اتخيل لمن نختصر ليك الفتيش في البوست ده بنوفر ليك زمن قدر كيف لو الفكرة عجبتك صوت بالموافقة

[/size][/font][/color][/align]

[ود النصر]

[glow=330033]اعلان مهم [/glow]

[align=center]يا فلان في البوست الفلاني اسمك منور

اتخيل لمن نختصر ليك الفتيش في البوست ده بنوفر ليك زمن قدر كيف لو الفكرة عجبتك صوت بالموافقة

[/size][/font][/color][/align]

[align=center]جاتني رسالة يتقول المفروض لغوياً اعلان مهم مش هام
وكده عدلناه يا فردة والزعل مرفوع[/align][/size]

[ود النصر]

[align=center]لا لا لا انا كده ماراضي ولا اي حاجة
معقولة بس؟؟؟؟

[/size][/font][/color][/align]

[ود النصر]

[align=center]العِرف السر يقول لي
ده شمار داير البحث والتنقيب[/align][/size]

[ود الزوحي]

يا ود النصر .. حرم أنا كل ما أجي ناحية الركن بتاعك ده ألقى مقفل ..


داير لي هناي عشان هناية ديك ما نفع معاها القلتو لي داك ..



بجيك لمن تفتح ..

[ود النصر]

يا ود النصر .. حرم أنا كل ما أجي ناحية الركن بتاعك ده ألقى مقفل ..


داير لي هناي عشان هناية ديك ما نفع معاها القلتو لي داك ..



بجيك لمن تفتح ..

[align=center][align=center]زحزحا يا بركة ياخ معقول انا كان عارفك جاي كنت ختيت ليك المفتاح تحت الطوبة
ما عندك مشكلة في الرف الفوقاني بتلقي البديل شيل ليك قبضة كده
وجرب المفعول بتاعها[/align][/align][/size]