همس القوافى

[الضراع]

نسيتينى وماقايلك بتنسينى
نسيتينى ونسيتى إنك نسيتينى
سألت عيونك المحتاره لمن إنتى شفتينى
مشبهى والله هاديه النظره أم بهتت عناوينى

[الضراع]

اتاريك انتى فى وادى
وبنات أفكارى فى وادى
وقليبك طاشى بى غادى ناسى البينو والبينى
إستاهل عشان طاريك لم سهيت عن دينى
فقدت الذات وقلبى المات والله يكضب الشينى

[مها]

هنا عيناك يا حبى
كعصفورين فى بستان
يطل الحذن بينهما
ويرحل فيهما انسان
هنا عيناك يا عمرى
وطيف يملا الاذمان
كفرت انا بعينيك
وذقت حلاوة الايمان

[مها]

انبلج صبح الخلاص
اتشابى نور عم السطور
امتد يسرج فى قوافى الهم
ويمسح فى التواريخ
القبيل كانت وهم
..........يا حليلو كان عاقد على الظلمات عشم
..........متوسد الليل منهزم
...مستنى طلات البدور.....

[لبيب]

[align=center]ياجاية من عشم الفرح
اديني زاد البشريات
ياواحة في الزمن الصعب
ما انت احلى الأمنيات
ياداخلة جوا الجوف شفاء
وياطاردة من عمقي الحريق
لمتين الاقيك ياقمر
يا انت يا ست البنات[/align]

[ليه كل العذاب]

أرجوك لا تأتي ...‏
لا ترحل لا تنظر في عيني ...‏
لا تكتب لي لا تجلس مع افكاري لا تحفر اخاديد بين سطوري ..‏
لا تشعل جزوة الأمان الراحله منذ زمن في داخلي فأنا أجلس علي قطرات الليل باكيه وأحب الصيف والوعد أحب الدم وهو يجري علي السطور.‏
اكرهك لأنك تحضر كالصاعقه وتثقل بهمومك علي قلبي ، لا تجلس امامي وارحل وخذ ذاك النبض من قلبي . حبيبي جلوسك علي قطرات الندي في اعماقي يرهقني ، حضور صوتك يمزقني أين سأرحل منك وانت تسكنني وتسافر كل ليلة بأفكاري ...

[سامر عوض]

قوما اذا صفعت بالنعال وجوههم شكت النعال باي ذنب تصفع

[تاج السماح]

وراك أحـزَاني لـو طـَالـتْ
وجـَار بي الـظـَرِف عِـنـيَا
وحرّمني الـبُـعَـاد ريـدتـِـكْ
وبيك فـَرقـنـي فـي الـدنـيـَا
بصَــبِّر قـَلـبي واسـتـنـَاك
وأشيل عُـمر الزمان غـُنيـة
مَصِـيرنـَا نعـُـود ونـتـلاقى
وسَـــوّه نـَكـَمـِّـل المُـنـْـيَـة

[لبيب]

[align=center]عشات حبك سليت الدنيا واحوالا
وجيتك يا ملاك الروح
عشان عينيك وموالا
افارق كيف قمر محياك
وقلبي وروحي زاتا معاك
وحي الريدة أوحالا[/align][/size]

[مها]

على عهدى
مع عينيك يا عمرى
اكن له على طول المدى
ودى
واهديه ...بميقات الهوى حزما من الورد
ورغم الحزن ...والوجد
وطول البعد ...والسهد
...اظل احبه وحدى

[عبدالله عبدالرحمن عبدالله]

[align=center]تسعة والوالد مُفارِق
والوالدة للاسواق تساسق
ولعنة الاسواق تلاحق
والرزق ممحوق وماحق
وللضرورات ماهو لاحق[/align][/color]

[لبيب]

[align=center]بحبك يا ملاك الروح
بصرح بى هواك وابوح
و ماهماني أي عزول
عشان عينيك بتصبر
محال تهزمني أي جروح[/align][/size]

[ليه كل العذاب]

اشتقت ليك
لي دنيا تجمعني بعنيك
والكون رقص وانا بين ايديك
اشتقت لي فرحة مشاعري الصادقة بيك
واشتقت لي دقة قليبي ورقصته
لمن عيني تجي في عينيك
واشتقت لي نفسك كمان
لمن يجور بي الزمان

[ريانه إمام]

والتقينا بعد طول فراق,,
وبالرغم من ثقوب النفس المهترئة كجورب متسول,,
وفئران الذاكرة التي قرضت أحلى ذكرياتنا,,
بالرغم من بطارياتنا الخاوية,,
والسيالات الروحية اللامرئية,,
توحِّدنا بالتواصل الغامض الأكيد,,
"بإحساسنا تواصلنا ليلتها"
,,

[ندى البيلسان]

منو الجابك ... عشــان ما تفتحــى الباب الــــــــرتاجو حــــــــديد
منو الساقك ... منو السابك تتفجرى فئ لحـن جــــــــديد
زمان كســرت لوح الشعر لاتشرفــــت لااتبركـــــت بالتجديــــد
ولاغنيت غنيوات فرحــــــــــه لى عاشقا برااااه وحيــــــــــــــــد
هجرت الشعر وإرتديت لا صليت لعينيهن ولا اورادى فى ترديد
بقيت زى ما حكيت حالى البعيــــــد فى روعة الغـــــريــــــــــــد
بديت اسأل من الجابك ؟ عشـــــــــان تمتدى فينى نشيـــــــــد
لقيت الصـــــــــدفه تمتد فى زحام السكــــه فالها سعيـــــــــد
لقيت الصدفه هى الجابت اريجك لى يفوح رقه ويضوع تغريد
وعادت للغنا المسكين نداوة العافيه جاك ينساب صداه بعيد
وجات تتنهد الاحرف صبابه وشــــــــوق ... وداعه وريـــــــــــد
وجات مشتاقه تـــــــرحل ليك خطـــــــــى المشــــــــــــــتاق
تشيل احــــــــــــــــــــــــــــلامو تزرع فيها شتل الريـــــــــــــــد

[لبيب]

[align=center]ياساكنة جوا الروح غرام
يافرحة الدنيا وعبيرا
و أسمى من لغة الكلام
انا شان عيونك ياملاك
كملت بيك حد الغرام
انا شلت حبك في دماي
وليك شايلني الهيام[/align][/size][/size]

[لبيب]

[align=center]يا فرح عم البوادي
ويا أمل لى زول بنادي
انت أسمى من المعاني
من ضميري بقول بحبك
صوت جهور في كل وادي[/align][/b][/size]

[مها]

انا من يوم ما كنت بحاول
اكتب شعرى ومرات يندر
ما لقيت زى غنوه معاك
معاك الكلمه صهيلها بيظهر

[مها]

الليل عندى هداة القاك فيها من بعيد
فانام ملء جفونى ثقة بان غدى سعيد
فى الليل اهجع هانئا واغازل البدر الوليد
يابدر نورك ينسنى يوما واياما يبيد
ومليكتى بدرا يلوح لناظرى متى اريد
فانزل الى الارض
اقتبس من نورها كى يستذيد

[لبيب]

[align=center]أطر الغرام البيني بينك
ذاخرة بالشوق والأماني
وسايكلوجية غرامك
أدلجت فيني المعاني
يا مموثق في الداواخل
أبقى بس واصلني تاني[/align][/size]