[grade="00008b ff6347 008000 4b0082"]يامقسومة بين الموت
وبين الحلم الفرهد وبتق
يامرسومة في رحم الغيب
الوان فرحة
وطيفك غربََ فيني وشرق
ويا مليانة من الجواي
منو الدساك في فكرة موتك
زيف فيكي كلامك وصوتك
ورتب ليكي مجيكي وفوتك
وختا يقينك كلو كلام ينقال بتصدق
ويا السكنتك كل دنياي ...وديمة معاي
حقو نرتب كل افكارنا
قبل قرارنا
انا الدخلتك وطن الحب
البيهو هتفنا وقلنا شعارنا
وانا العلمتك كيف نتهجأ حروف اصرارنا
وانا الاسست عشان نتماسك
سقف الدنيا
عتبة لدارنا
واتحديت بي هواك الكل .. ونضمي الناس السيفو مطرق
وانتي ,,
انتي الصابرة علي بلواي وشايلة اساي
وفيك ارتحت ونجض الني
وانتي الشلتي نبقة الدنيا وقسمتيها
نص لي باكر وواحد لي
وانتي الذوق والرأي والطيبة
الخلت عين الدنيا علي
وانت الغيم البيو راهنتا
وقلتا يخدر عمري الصي
لا قلتا بفوت لا طاف بالبال في يوم اتفرق
واتصادفنا
في رعشة ايد
ونشوة لحظة .. واروع مشهد
يوم وقعنا العهد البينا
واتحضرنا عشان نتوحد
لا اتسألنا عن الهفوات
لا خوفنا اليوم الاسود
وما اهتمينا متين نتلاقي
وكيف نتلاقي
كان الكون انا عندي نفيسة
وكان الكون في عيونك احمد
وكنا سوا .. زي عصفور في غصناً فرهد
زي الغصن كنا انحنا
وزي عصفورة حبنا غرد
هم اتنين ووحدو لوحة
وطلعت بيهم احلى واسعد
ونحنا اتنين في نفس اللوحة
بس الوانا كانت اغمق
..............
وحلمنا سوا
بي حفلتنا ..
وكيف الرقصة
حلمنا بدارنا..
ومع اطفالنا كيف الجلسة
اثيل ومعز وارهاف مع لمسة
وبرة بتلعب جمبنا همسة
والمستعصم من ما حسا
صنقر ونقنق
وبي ضحكات ابت تندسا
قلتي مشوطن زي واخرق
ونحنا بنحلم ما اتخيلنا الحاصل هسا
ولا اتخيلنا في يوم نتفرق
.........
ونحنا احبة لفت بينا الدنيا ودارت
لا احلامنا قلت همة
لا اشواقنا قدرنا نلمها
لا آمالنا في باكر طارت
وبدت القصة
يوم ايمانك وثقتك قلو
منو اللاقيتها ؟
وكيف سلمتا ؟ وكيف ونستها ؟
وكيفن قعدوا معاك من اصلو
وخاصة فلانة
ديك شيطانة
وكل الناس من فعلها ملو
وحقو تخاصم ناس علانة
يوم لاقونا بكل بجاحة عنك سألو
وقلتي كلام انا عازرك فيهو
وقلتي كلام ماكان في محلو
وماهميت لكلامك ابداً
وقلتا خلاص ما الناس بتسألو
وما اتخيلتا الكان جواك
وماظنيت الشك من اصلو
وكنت بظنك عارفة وواثقة
اني اخترتا عيونك قبلة
مافكرتا احج لي غيرك
ولاني سألتا الناس كيف صلو
واني بريدك كلك كاملة
ما شان لونك ولا ملامحك
ولاقوامك
شان بهواك .. وشان احلام في عيونك طلو
وشان الحب بيناتنا قضية
فكرة ومبدأ
لابتتغير لابتتجزأ
بحبك فكرة
حب بالفطرة
وحب لي بكرة
لا بتنازل لا بتهزا
لا ايدي في الحب بنشلو
.......
وبقت القصة رتيبة مملة
وبقي تفكيرك وباقي الملة
اني بهينك .. واني عيونك قاصد اذلا
وانو الناس متوهطة فيني
وغير قلبي ما ليكي محلا
ماحسيتي ...
اني بلاقي الناس مشتاق
ولما اجيك اشواقي ببلا
واني بشوفك سما من فوقنا
وباقي الناس نجوم واهلة
كان احساسك زي تفكيرك
حارب وخاصم نفذ و(إلا )
وانا نفذتا
وهسي ندمتا
اريتني وقفتا قليل فكرتا
وقت بسملا
واريت ما كنتا ... عليك راهنتا
زي الغيمة عمري ترشي
واريت لو فُتا
شان جواي ما كنتي تخشي
واريت لو مُتا
قبلي تخوني الحب وتغشي
واريت لو تنفع
ما كان ضاع من حبنا شي
..
واخر حاجة عايز اقولها
انو سنينك رايعة فصولها
من تبيتي
وقمتي حبيتي
لي سنة اولي
اما التانية ، فكانت اروع
من التالتة الما معقولة
وزي الرابعة
دوام مذهولة
حتي الخامسة
الما اتوقعنا .. ابداً افولا
كانت زهرة وراجية زبولها
وهسا بصافحك
وقلبي مسامحك
ودعتك الله
شيلي ملامحك
وخلي القصة تكون معقولة[/grade]
عينيك صفحه من ماضينا
بتقلب مواجعوا علينا
وتكرر فصول من قصه
ياما وياما بيها شقينا
قصه ونحن كنا ابطالا
عشنا اياما عشنا سنينا
كانت ليها احلى بداية
لكن النهاية حذينه
جبار ياذمن يا قاسى
يا جاير على احساسى
ابحرت بى مراكب حبى
ما بينت ليها مراسى
ضحيت بى سنينى وعمرى
هديت فى ساسى.وراسى
لا طيبت خاطر لى
لا هونت لى قواسى
رحماك ياذمن بى ريدة
لسه ساكنه فى وجدانى
تاريخ من مشاعر صادقه
من شوقى وشقاى وحنانى
قصة ريدة لو انساها
دقات القلب تنسانى
راهنت بعميرى عليها
لا ..خسرت فيها رهانى
[grade="00008b ff6347 008000 4b0082"]و أنا طفل يحبو
لا أذكر كنت أنا يوما طفلا يحبو
لا أذكر كنت أنا شيئا
بل قل شبحا
يمشي , يكبو
قد أذكر لي سنوات ست
ولبضع شهور قد تربو
أتفاعل فـــي
كل الأشياء
أتساءل عن
معنى الأسماء
والنفس الطفلة كم تشتطّ
لـــمــا تصبو
*******
في يوم ما
ازدحمت فيه الأشياء
أدخلنا – أذكر في غرفه
لا أعرف كنت لها إسما
لكني أدركها وصفا
كبرت جسما
بهتت رسما
عظمت جوفا
بعدت سقفا
وعلى أدراج خشبيه
كنا نجلس صفا صفا
والناظر جاء
وتلا قائمة الأسماء
وأشار لأفخرنا جسدا
أن كن " ألفه "
كان " الألفه "
أتذكره
إن جلس فمجلسه أوسع
إن قام فقامته أرفع
إن فهم فأطولنا إصبع
ولذا فينا
كان " الألفه "
كم كان كثيرا لا يفهم
لكن الناظر لا يرحم
من منا خطّأه " الألفه "
كنا نهديه
قطع العملة و الحلوى
لتقربنا
منه زلفى
**********
مضت الأيام
و مضت تتبعها الأعوام
أرقاما خطتها الأقلام
انفلتت بين أصابعنا
وسياط الناظر تتبعنا
" واللحم لكم , والعظم لنا "
ومخاوفنا
تكبر معنا
**********
السوط الهاوي
في الأبدان
ضربا
رُعبا
رَهَبا
عُنفا
الباعث في كل جنان
هلعا
وجعا
فزعا
خوفا
و الصوت الداوي
في الآذان
شتما
قذفا
نسيتنا الرحمة لو ننسى
يوما رقما
أو نسقط في
حين حرفا
و المشهد دوما يتكرر
و تكاد سهامي تتكسر
لكأني أحرث إذ أبحر
لا شط أمان
لا مرفأ
و جراحي
كمصاب السكر
لا تهدأ بالا لا تفتر
لا توقف نزفا
لا تشفى
**********
و مضت تخرسنا الأجراس
و تُكتِّم فينا الأنفاس
و تُصادر منا الإحساس
وتبعثرنا
شيئا حائر
للناظر منا يترائى
وهْما في العين له الناظر
في الفصل
على الدرب
وفي البيت
يشقينا القول
كمثل الصمت
الصوت إذا يعلو
فــالموت
فانفضّ بداخلنا السامر
وانحسرت آمال الآتي
من وطأة آلام الحاضر
***********
لكني ـــ أذكر ـــ في مره
من خلف عيون الرقباء
كنا ثله
قادتها الحيرة ذات مساء
للشاطئ في يوم ما
إذ قامت
في الضفه نـــخـــلة
تـــتــــعـــالــــى
رغم الأنـــــواء
تــتــــراقــص
في وجه الـمـاء
فإذا من قلتنا قله
ترمي الأحجار إلى أعلى
نرمي حجرا
تلقي ثمرا
نرمي , تُلقي
حجـــرا
ثمـــــرا
حجـــرا
ثمـــــرا
حجـــرا
مقدار قساوتنا معطاء
**********
يا روعة هاتيك النخله
كنا بحجارتنا ندنو
كانت ترنو
وبنا تحنو
تهتز وما فتئت جذلى
من ذاك الحين
وأنا مفتون بالنخله
و الحب لها
وليوم الدين
مطبوع
في النفس الطفله
**********
مضت السنوات
ولها في قلبي خطرات
عندي صارت مثلا أعلى
يجذبني الدرس اذا دارت
القصة فيه عن نخله
ويظل بقلبي يترنم
الوحي الهاتف يا مريم
ان هزي جذع النخله
في أروع لحظة ميلاد
دالت في الأرض لها دوله
***********
و مضت أيام
جفت صحف , رفعت أقلام
فإذا أعوام الدرس
المرة مقضيه
و بدأنا نبحث ساعتها
عن وهم يدعى الحريه
كانت حلما
راودني والنفس صبيه
تتعشق أن تغدو يوما
نفسا راضية مرضيه
تتنسم أرج الحريه
لكن , ارتجت خطواتي
وارتدّت ذاتي في ذاتي
في وجهي فرح حضري
لكن في صدري من صغري
أحزان حرّى بدويه
وكدت أُساق إلى الإيمان
أنّ الإنسان
قد أوجد خلف القضبان
والبعض على البعض السجان
في سجن يبدو أبديا
فالناظر موجود أبدا
في كل زمان و مكان
وتهيأ لي أنّ الدنيا
تتهيأ أخرى للطوفان
وأنا إذ أمشي أتعثر
لكأنّي أحرث إذ أبحر
لا شطّ أمـــان
لا مرفأ
وجراحي كمصاب السكر
لا تهدأ بالا لا تفتر
لا توقف نزفا
لا تشفى
***********
أعوام تغرب من عمري
وأنــــا أكبر
لأفتش عن
ضلعي الأيسر
وتظل جراحي مبتله
تتعهد قلبي بالسقيا
أتطلع
لإمرأة نخله
تحمل عني ثقل الدنيا
تمنحني
معنى أن أحيا
أتطلع
لإمرأة نخله
لتُجنب أقدامي الزِّلة
***********
وبذات مساء
وبلا ميعاد
كان الميلاد
وتلاقينا
ما طاب لنا من عرض الأرض
تساقينا
وتعارفنا
وتدانينا
وتآلفنا
وتآخينا
وتحالفنا
لعيون الناس ترائينا
لا يُعرف من
يدنو عينا
منا أو من يعلو جفنا
وتشاركنا
وتشابكنا
كخطوط الطول
إذا التفت بخطوط العرض
ووضوء سنته اندست
في جوف الفرض
كانت قلبا
وهوانا العِرق
فكنت النبض
كانت مُزنا
وهوانا الغيث
فكنت الأرض
وأنا ظمآن
جادتني حبا وحنان
أروتني دفئا وأمان
كانت نخله
تتعالى فوق الأحزان
وتُطل على قلبي حبلى
بالأمل الغض الريان
وتظل بأعماقي قِبله
تدفعني نحو الإيمان
كانت لحنا
عبر الأزمان
يأتي من غور التاريخ
يستعلي فوق المريخ
صارت تملؤني في صمتي
وإذا حدّثْتُ أحِسُّ بها
ترنيمة سعد في صوتي
أتوسم فيها إكسيرا
أبدا يحييني
في موتي
*********
وبـذات مساء
وبلا ميعاد أو وعـــــد
إذ كان لقــاء
و الشوق يشد من الأيدي
فتوقف نبض السنوات
في أقسى أطول لحظات
تتساقط
بعض الكلمات
تنفرط كحبات العقد
فكان وداعا
دون دمــــوع
كــــان بكاء
لأفارق أجمل ما عندي
وكان قضاء
أن تمضي
كي أبقى وحدي
لكني
باق في عهدي
فهواها
قد أضحى قيدي
**********
وبدت سنوات تلاقينا
من قصر
في عمر هلال
لقليل
لوح في الآفاق
كظلال سحاب رحال
كندى الأسحار
على الأوراق
يتلاشى
عند الإشراق
************
لكـــــــنّا
رغم تفرقنا
يجمعنا
شئ في الأعماق
نتلاقى
دوما
في استغراق
في كل حكايا الأبطال
نتلاقى
مثل الأشواق
تتسق بليل العشاق
نتلاقى
في كل سؤال
يبدو
بعيون الأطفال
**********
ولئن ذهبت
سأكون بها
وكما قالت
فبقلبي أبدا
ما زالت
ريحا للغيمة تدفعها
حتى تمطر
ريقا للوردة ترعاها
حتى تزهر
ماء للحنطة تسقيها
حتى تثمر
أمنـــــا
للخائــــف
و الـــمظلوم
عـــونا
للـــــــسائل
والــــــــمحــــــروم
ولئن ذهبت
فلقد صارت
عندي جرحا
يوري قدحا
يفتق صبحا
لأكون بها
ايقاعا فـــي كل غناء
لو يمحو ليل الأحزان
وخشوعا
في كل دعاء
يسعى لعلو الإيـــمان
ترنيما
في كل حُداء
من أجل بقاء الإنسان
من أجل نقاء الإنسان
من أجل إخاء الإنسان[/grade]
كم وقفت في هذه البيات منذ ان سمعتها من شاعرها محي الدين الفاتح (ود طابت )
وأشار لأفخرنا جسدا
أن كن " ألفه "
كان " الألفه "
أتذكره
إن جلس فمجلسه أوسع
إن قام فقامته أرفع
إن فهم فأطولنا إصبع
ولذا فينا
كان " الألفه "
كم كان كثيرا لا يفهم
لكن الناظر لا يرحم
من منا خطّأه " الألفه "
كنا نهديه
قطع العملة و الحلوى
لتقربنا
منه زلفى
مافي أروع من كدا في وصف المرحلة الابتدائية (وايا أظنك كنت ألفة وبليد)
وأيضا
ألقي حجرا تلقي ثمرا
حجرا ثمرا
حجرا ثمرا
مقدرا قساوتنا عطا
الله ما اروعك محي الدين الفاتح
ووايا
الزوق
لقد أسكرتمونا حلالا
تشكرات
وبقيت ممحنة فى الحلق
الطقطق الوجع السكات
صارى النضم حفنة وهم
جوة الحشا .. والباقى مات
كومين رماد مكشوحة
فى الدرب البساسق
لى الممات ..و فات الفوات
فات الفوات لى زول غرق نص النهار
كسر المرق لى جد ضرير
يتم بسيمات الصغار
شلهت بيوت فرشت بكاها للكبار
والعصافير النفير كيفن تطير
ركت تنقر فى الحجار
كتح عشيشاتها الغبار
دمدم شديراتها الدمار
والشكوى سارجة النيل مسار
نص النهار...
شال الصفار لون الخدار
حتحت صفيقات الجروف
والموجه تردح فى الخلا
مكسورة خاتر ومكسرا
النيل تعب ..شد الضهر
لليل شكا .. لامن بكا
واليوم طويل ..فاقد الدليل
وفضلت ابحلق فى الخلق
مشدوهه بى شيتا كتر
نضما كتر ..
والصف طويل ..
والزمن ممحوق قليل
لا ضل ضحى ونومة ضهر
لا كوم نجوم لاضى قمر
شليل وين راح ..ودع ختر
لا يوم طويل وتعب سفر
والجهال تحت الشدر
حتى الحراز فقد المطر
وفضلت ابحلق فى القريب
حتى البعيد .. مد البصر
الكل ملجم من طرف
الا من شيتا كتر
نضما كتر
نشف الكلام وسط الحلق
جف العرق
نشف جريدنا والورق
والجوف فتر
والجاى حار و طعمو مر
وبقيت اتاوق من بعيد
افتش الدرب العتيق
الكل مقبل من طريق
حتى الفريق
فرتق بيتو عرق .. عرق
اتشلع السقف المرق
...
يالمة فتشى فى الزحام
يا غيمة لمى المطر الغمام
وياامة لملمى سمح الكلام
يا عافية اغشيى الدغش
خشم البيوت..
قبال نفوت
ادى الصغار لمسة شفا
واتصبرى
ادى الكبار دفة حنان
و كملى المشوار عشا
لمينا بى نية الدفا
وغطينا ياعافية
الوفــــــــــا
يا مطر اهدى الدعاش
رشة صباح
واهدى الفريق
غيمة ضهر
تغرق مطاميرنا العصر
الموجة ترقص فى البحر
والفرحة تكبر فى الحكر
يا يمة جاى
يا خالة جاى
ويااااا مطر اهدينا
افراحنا البكر
وايا بصراحة لقيت قصيدة لود بادي اقسم بالله البتأملها صاح يعرف من هو ود بادي الطبيب الإنسان
بعد عشرين حسبتها يابا يوم فوق يوم وعام فوق عام
حنينكم طش فى طشيش
ويا مالقيت تملى الحنين جمام
اتلفحت شال الشوق احادى الراحلة لا قدام
كسحت شمال وحس طنبوركم الولوال نحاس ابواتكم الرزام
صليلن يصحى فى الشوق اذا ما نسم النسام
نزلت قرير اهالى الشان يعشو الضيف بخيلن فنجرى وعزام
كرفت الطينة ارث الفات
وما كفانى الا بركت فوق الدار واتنسمت من السام
شرفت على رمال القوز
واترحمت على حرزا هناك مركوز
على راسم سريع النهمة كان ودتوم وكان فى الماضى مو نوام
ردفت الصيحة فوق الصيحة واتحزمت ابكى رجال
بكيتَ سيوفن المدروعة فى الحيطان
وزى ما هم رقادن طال رقادن طال
بكيت فرواتن المفروشه للجهال
ويا ما قال ويا ما قال ويا ما عرض الصهال
نشدت الفى الضريح راقدين عليكم الله يا خالدين
عليكم عزتن كانت زمن زينكم
ودنياكم لبن معسول وتشربوا فيها بى هينكم
جدى سعيد ولد بادى العكودابى دحين يا ابواتى كان بينكم؟
قالوا اتربى فوق خيلكم ويوم الحارة شايل شيلتو من شيلكم
وقالوا الهيلو، كانت في العرف، هيلكم
يخالطكم قداحة الخير ويتحزم وكت شينكم
قالوا أماتو مو دابن
عقاب التيه ما بهابن
حناضل المره شرّابن
وشكاراتو سمعن قولى قالن سى بدن شكرو
وقالن لى يمين ما قلت فى جدك كلام قدرو
وكل القلتو فيه قليل وما قارب عشر عشرو
الصهالة والوقالة والرقالة وام غره هو ركابن
الجهنية والقطنية والمحوية وام درة الباريها حلابن
العشاية والشاشاية والسباية وام ضرة لى ضيفانو بسخابن
المزروعة والمقروعة والمفدوعة لا برة متمسح ديمة قيسابن
المفزوعة والمقلوعة والممنوعة بالمرة كان من مافى جيابن
راكب الفصلوا انسابن ودايما قدمو فى ركابن
اسود الغابة غلابن وبعرف يكسر انيابن
حلفوا الشافوا قدحو الحار وشافو كتار وماهو كضب
قالوا وساعو مركب زان يشيل اطنان وخرسو هلب
جفير سكينو دمو ينز وداك برادو واسكت كب
اهل السايحة والمتراوحة خاتمة وعاقبة بى قدامو سوا درب
ده ماهو كتير على ولدا مربى على ضفاف النيل
ويوم ولدوه دفنو ابواتو صرتو فوف مراقد الخيل
عكود الكان بعبر الكيل
جاتو الدنيا هينة ولينة بالخيرات مشيلة شيل
سواقى تسوق تلوت الليل
ونخلوا متنى شايل العجوة والقنديل
عيوشو مصوبرات كيمان
وعيش الريف ولد تيمان وخاتى البودة والعسيل
ده شيتا كم دقون شافنو
بين شفقة وحرص عبدنو
والعقال لعابن يسيل
الا سعيد الطلق الزايلة وخطب بى مالو دارا خالدة كان عزام وباعو طويل
بساطو الاحمدى المحضور
غدا وعشيات ملاقية فطور
وديمة ضيوفو ديل فوق ديل
يختف من مطايب الدكة لى ضيفانو مو ضباح حميل وسخيل
طحاناتو ما نامن
جبال اللقمة كم عامن
فوق سمنا مصفى تقيل
ويومو الودع الحبان
ونورو الضاو تحت التراب ما بان
كان الفقد فيهو كبير
وكان اليوم ده ما خاتنو فى الحسبان
وكان ميراثو كل ميراثو
قدحا ناز وسيف فولاذ وفروة ناس اصال وعزاز
وسبحة ملانة يا حنان ويا منان
قبل العم وقبل الخال بكوا العدام ..
بكوا الايتام
بكى الكرم الصبح
مشلول وكل ابواتو راحو وغابو فى الرهبان
ونحن عشنا لا زمناً
قبل ما يبنوا فيه البيت يكوسو الطبلة والجنزيز مع البيبان
زمان الصالة والصالون
زمان الرغوة والبالون
حليل الكان
حليل الدانقة والديوان
حليل النافق اموالو وتدى يمينو وما تعرف حسابو شمال
خليك من يعرفوا فلان
ده كلو فضيلة فى الاجداد ابت ما تبقى فى الاحفاد
ومسكت فى النعوش الطاهرة واندفنت مع الجثمان
وكل مكارم العابرين معاهم راقدة فى شبرين
وبقت امجادنا كانوا زمان وكانوا زمان
ياااااااااااااااااااااااااااااااااااااا ما كل هذا الإبداع وهذه الإنتقاءات الجميلة البهية
أصبحتوا ملوك الكلمة الزاهية الراقية
وأنتي مثلما " كلماتك " الندى على ورود الصفحات
[grade="00008b ff6347 008000 4b0082"]بيني وبينك تستطيل حوائط ..
ليل ... وينهض ألف باب
بيني وبينك تستبين كهولتي
وتذوب أقنعة الشباب
ماذا يقول الناس إذ يتمايل النخل العجوز سفاهة
ويعود للأرض الخراب....
شبق الجروف البكر للأمطار
حين تصلّ في القيعان رقرقة السراب
عبرت ملامحك النضيرة خاطري
فهتفت ليتك لا تزال
للريح خمرك للمساء وللظلال
والبرق لي .. والرعد والسحب الخطاطيف الطوال
تروى هجير النار تحت أضالعي الحرّى
وتلحف في السؤال
كيف ارتحالك في العشيِّ
بلا حقائب أو لحاف ؟
ترتاد أقبية المكاتب والرفوف السود
والصحف العجاف
زمنا يمصّّ الضوء من عينيك
يصلب وجهك المنسيّ في الدرج العتيق
أثرا كومض شرارة تعبى على خشب الحريق
كيف ارتحالك أيها المصلوب مثل شواهد الموتى بزاوية الطريق
سكن السحاب ومرّ طيفك من جديد
نثرته كفّ البرق حين تلاحق الإيماض
وانعتقت شرارات الرعود
أرخى وأزهر ثم طار زنابق كالفجر لامعة الخدود
حلق المرايا رنّ كالناقوس
وانفرطت ملايين العقود
فإذا هممتُ توارت الألوان
وانتصبت شبابيك الجليد
أنا في الرياح مسافر يلقى على الأبواب
جارحة الردود
بيني وبينك تستبين مخالبي
وتسيل من شدقي الدماء
وحش أنا غول خرافيُّ العواء
تحوى توابيتي دقيق الموت
تزحف من سراديبي ثعابين الشتاء
سبري: عجين السدر سن الحوت
هيكل مومياء
بيني وبينك ما يراه الناس
سروة شاطىء ناء وزهرة كستناء
تتلاصقان على الرمال فتذهل الدنيا وترتعش الحقول
كيف التجاؤك للتماثيل التي أسنت على برك الوحول ؟
منك الشباب عصارة النبت الجديد
ومهرجانات الفصول
ونراك تحفل بالعواجيز العتاق صفائح الأيّام مقبرة الأفول
بيني وبينك سكّة السفر الطويل
من الربيع الي الخريف
تعلو قصور الوهم أنت
ومرقدي في الليل أتربة الرصيف
هم ألبسوك دثار خزّ ناعم الأسلاك
منغوم الحفيف
ودعوك تاج العزّ فخر العزّ مجد العزّ
شمس العزّ عزّ العزّ
صبّوا في دماك
عصارة الكذب المخيف
وأنا الذي حرق الحشاشة في هواك
ممزّق الأضلاع مطلول النـزيف
بيني وبينك قصّة الشعراء صدر غمامة
يلهو على الأفق الشفيف
هذا أنا
بحر بغير سواحل بحر هلامي عنيف
لا بدء لي لا قاع لي لا عمر لي
لكنني في الجوف ينبض قلبي
النـزق
اللهيف
.ومضيت أسأل عنهمو
فانسدت السبل..
قالت مطوقة والريح تنزف والامطار تشتعل..
كانوا هنا.. شفقا ندي..
اشعارهم في النيل تسبح،
دمع احرفهم علي الشرفات
ينسفحون اغنية ويحترقون اغنية
ويبتردون في البرق المعلق بين انفاس المدي..
شفقا.. ندي
كانوا هنا.. لكنهم رحلوا..
واهتزت الاقواس ثانية: هنا..؟
وتوتر الأمل..
لكنهم يا ورد قنديل الهوي،
قالوا...
فصار حديثهم نجوى معذبة الصدي..
مازال ساقي البرق يوردني بلسعته القضا..
لو.. انهم سألوا..
لو.. انهم تركوا علي الشرفات اعينهم.
وبعض روائح الذكرى وانفاس الرضا..
لو. انهم عدلو..
لكنهم...
واحسرتاه رمي كتابي نسر عزتهم
للريح..حتي ازهر الخجل..
ان كان حظي ان ابقي هنا،
شفقا للامسيات
فلست احفل ان لو اسرع الاجل..
احبابنا..
اشتاق طلّتهم، والليل ينسجهم،
والعطر والانسام. والغزل
والبحر.. هذا البحر يشعلهم
يا بحر. يا اشعار.. يا زجل..
والنجم.. هذا النجم ينقشهم
يا نجم. يااحضان.. يا قبل..
اعصاب احرفنا من بعدهم نتف
وسطورابحرنا ما سطر الازل..
احبابنا..
واظل اسأل عنهمو: فينقط العسل.. [/grade]
