وكتين يخدََر عودو.. ويصبح هو المواليها
تخرب للنفوس ويظل أبن آدم تائه فى أراضيها
ياربي هي البتخرب والا احنا يود جايرين عليها
أصلو ابن آدم حد ما يعلى برضو سايق فيها
قدر تديه لساتو طمعان في البين ايديها
ينسى روحو يغلط ويرمي اللوم عليها
عسجد كتب:كلمات روعة او كم هو جميل ما نقشته في القلوب و المشاعر كلماتك تدخل وتتغلغل في القلب
و الو جدان فتعجز الكلمات عن الكتابة لوصف ما نغشتة
في هذة الصفحات فستمري الى الامام في هذا الابداع المتميز
مع تحيات عسجد
البشوفك ينتشي والبصاحبك يسعد
وحلم امتلاكك كم للعالمين أسهد
صفارك زهزه الصفحة وليها فرهد
يا التبر اسمك والزهر نسمك
شرفني رسمك يا أغلى عسجد
كنت فاكرك يازماني ح تفضل ديمة صافي
ما انا كنت قاعد بي خيري لي شري كافي
جيتني بي زاير لا تحيات لا عوافي
حسيت يوم لاقيتو إنو ألوف وجافي
امتى وليه وكيف بقى للحب مرافئ ..
يعلم ربك الواحد عالم كل خافي !!
دحين سائلاه ربي المولى الكريم الشافي
يداوي معاي قليبي ويشفي لي جراحي
يديه الفي بالو ويوقف لي نُواحي
ده الحزني من حزنو وفرحو أفراحي
في قلبي بس منية ... أشيلو بين راحي
ومن كل عيون خلقك اغطيه بوشاحي
السكناه نني العين وحاضناه زي دمعة
تحكيلو بالأشواق عن لهفة عن لوعة
عن حب عظيم وعميق مليان أسى وروعة
ورغم جفاك ما ونَ لكنو زاد لمعة
أعذرني يا المحبوب كان جُرت والا قسيت
لو ما عشم مني ما كان عليك خطيت
ما البيننا دوم عامرة كان دُرت والا أبيت
تزعل تجور تبعد تلقاني ليك صافيت ...
كبارنا قالوا الريد كفيف
لا بعرف حواجز لا ظروف
ما تسأل كيف؟
كلو بيجيك الحلو والمخيف
من ظُلمُه بس قول يا لطيف
ما إنت يا حلو يا ظريف
لسّاك في ربيعك ما شفت صيف
مصيرك تشوف الأصيل والزيف
لابد تعيش تتعذب تشوف
أصلو حال الدنيا مكشوف
يوم تشيل تديك بالألوف
تعيش في فرح بهجة ودفوف
يوم تصابحك وتمسيك كفوف
تملاك مرار حزن وعزوف
أصبر وسبّح يا لطيف ..
وكلو بيهون يا ولوف ..
وقول يالطيف ..
مابين عيونك والفرح شي من خوف وحب ومسافات طويلة
شي يجعل النفس سكرى ويكسبها سندسا ورونقا جميلا
شي فٌسر في التاريخ والأساطير أنه ضرب من المستحيلا
شيء كلما وصفته بالكلمات كان ذلك في وصفه شيء قليلا
حبا سرمديا أدهش الشعراء وصفا فحارت كلماتهم بين القال والقيلا
شي أرجعني إلي دنيا الوري فعشقتك وعشقت الناس جملة وتفصيلا
يا أيتها الثريا البعيدة فقط أجيبيني هل إلي قلبك من سبيلا
الابداع بجيني وكت القاك معاي
وكتين الاقي زولا حاسي بالجواي
وكتين اساهر ليلي أناجيك يا عشاي
أقولك محقوقالك عافي لي غباي
سهوة غير مقصودة وجد من دون دراي
تقول لي ما بيناتنا يمة الجاية جاي
يغتيك الحفيظ يا سمح الفهم والراي
يعلي شانك ويحقق لك كل غاي
يديك المراد ويديم الوداد شحدتو يود مولاي ..
hoomy كتب:
يا أيتها الثريا البعيدة فقط أجيبيني هل إلي قلبك من سبيلا
ولي رجعة
ده لسان حالك؟ هاك لسان حالا :
جنني جفاك وين لي وصالك
سنين راجاك بحلم بي جمالك
عشقان ولهان سرحان في خيالك
ولم لقيتك احترت حِيالك
معقولة خيالي يكون في كمالك ؟؟
جنَ الفؤاد وعليك اتهالك
أشيل وأوصي أقولو اتمالك
قال لي كيف وانا شايف حالك
سرح عقلك نحل جسمك وانشغل بالك
أميري يا أصيل هل لي سؤالك ..
تحس بي واكون في بالك ؟!
تصفى وتحن وتسيبو دلالك ..
أخوي اب سن آهلي طول ماظهر
اشتقنالو وحشتنا جرستو والغزل
وصيتو قُت لو بنوت حوا الببراهن بودِّر
قلبك بشويش عليه ومن ريدن لا تكتر
قال لي شن نسو ديل جمالن خلاني اهستر
وفي السمعتو قالولي محموم مدستر
عافية آجنا ولي خطاياك تزيل تكفر
أدعولو معاي أسد القبيلة النتر
يزول البيه ومايضوق تاني شر
العيد طلاّنا بي حضورك
واحساسي لا يوصف وكتين يهل نورك
والدهشة هندامي ..
لمّن اسرح بين سطورك ..
شوفوه يا خِلة
جاني بأبهى طلّة .. وقال دي ما الحُلّة !!
يا النوّرت للحلة
وبنوتا ليك اتشابن ونومن وراك قلّ
كيفن يكون الحال حين تلبس الحُلّة ؟!
وفي بحر الكلام حبوبة يود طفلة
حروفي توب جيران عهدو يود ولّى ..
جمال كلمك يا السمح خلّاني أتجلّى
لا تطوِل الغيبة وعلينا تتغلّى
عيناك إذ تتألقان
عيناك من عسل المفاتن جرتان
عيناك من سور المحاسن آيتان
هذا قليل
عيناك انضر واحتين
عيناك أجمل درتين
هذا أقل
عيناك اصفى بركتين من البرآءة
نزل الضياء ليستحم بها وألقى
عند ضفتها رداءه
أربعة وإلي مالانهاية بقول ليك هومي
ألغي المَسافةَ بينَنا
ده الخلى يجيك يجري:d
