انا بت ياأمي وريني اعمل شنو؟؟

[سماح البدرى]

ليس من عادة حباب الأستيقاظ متأخر وذ لك لما يمليه عليها العمل ... صوت ام حباب يتسلل يا بت حباب قومي عشان وقت الشغل مايروح عليك ..تجيب حباب لا ياأمي انا تاني ماماشة الشغل ..مالك يا حباب سجم خشمي انتي ياحبوبة ابوكي عيان وعيون اخوانك العشرة تعاين ليك ونحن دايرين اكل ودايرين مدارس وكهربا وموية و... و......تنزل دموع حباب وكأنها تجرح خدها ذالك الحريري يا أمي انا تعبت تجلس الام بجوارها وهي مغطاة بي بطانيتها ذات اللون البني ..اجي يا حبوبة نحن من زمان مستنين تخريجك وشغلك عشان ترفعينا وتسندينا انتي ياكي عشاي وياكي عكاز عماي ياحبوبة .. تسيل دموع حبوبة تحت البطانية وتكون بحيرة علي المخدة ..ياأمي انا حاجاتي كلها صعبة وتعب انتي عارفة انا عشان امشي الشغل واجي ساعتين ماشة وساعتين جاية اركب اربعة مواصلات واتحرك والناس بتصلي في الصبح ومضايقات المواصلات وقرفها بعدين يا امي الشغل ذاتو انا ما مرتاحة فيهو ناس شغلنا كعبين ودساسات ومصالح يعني جفاف كدا وما حاسة بأمان بعدين ياأمي دا كلو مامشكلة ذي مديرنا صاحب الشركة الخاصة دي نظراتو مامريحة وبلمح بحاجات كدا ما عارفة افهمك كيف وعندو سلطة وانا يا امي ما حأقدر...... بالجد يا امي انا تعبانة شديد ..تجيب الأم بري يا حباب اكان مديركم دا كدا الشغل خليهو وتاني ما تمشي ..تجيب حباب بصوت اجش من البكاء ياأمي انا حاسة اي حاجة في الدنيا دي بتخزلني ...خطيبي خذلني وخلاني في اكتر وقت انا محتاجة ليهو وصاحباتي كلهم مافي واحدة صاحبتي شديد وتتفهم ظروفي حتي اهلنا ...يا أمي انا تعبانة شديد شديد ..بعد ساعتين يرن جوال حباب ويطلب حضورها لتكملة اجراءات وظيفة في مؤسسة عامة مرموقة قامت حباب بالمعاينة قبل شهرين كأداء واجب لكن حظها كان قوي..تجيب امها ياحبوبة ربنا مابيخذل زول وربنا ارحم الراحمين وانتي يابتي نيتك بيضة وشايلة همنا .. تمتم امها ببعض الدعوات بينما الابتسامة ترتسم علي وجه حباب

[عاشقة النيل]

قصة حلوة
مشكورة ياسموحة

[ملاك الورد]

قصه نايس
مشكوره

[مهاجر في البلد]

سماح البدري

قصة رهيبة
انا من شدة ما عشت معاها قربت اسألك من حباب الخلاها خطيبا دي
دي مفروض خطيبا يحافظ عليها لانها عملة نادرة ولو ما دايرا انا ادفع فيها كل عمري

ولك شكري على هذه الروعة والتألق

[مها]

قصه جميله اخت سماح.......
لك الشكر

[جراح]

اروع من انها رائعه

بس حلوه بتخليك يعنى عايش مع القصه

وياريت كل البنات اكونو زى حباب وما يفرطوى فى شى امس الشرف مهما حصل

واكيد الله سبحانه وتعالى بقدر ويسهل كل شى

لكى التحيه يا سماح

[SOoOmA]

قصه حلووه مشكوره يااسمااح وفي انتظار المزيد....

[ادهم]

الاخت سماح
قصة واقعيه جدا وكتير بنات عاشوها

تحياتى

[سلمي200005]

نرفع القبعة لحباب والتحية لسموحة التي ذكرتنا بواجبنا علي اهلنا والكلام ده موجه لكل الشباب شوفي البنية مكسورة الجناح سوت شنو شدوا حيلكم

[سماح البدرى]

تسلمي ياسلومة يا رائعة ويعطيك يديك الله ويرضيك ..لكن التحية ل حباب سودانية وربنا يوفق الجميع ..

[mihrab]

القصة حلوة

[عسجد]

يسلموا على القصة الروعة او في انتظار جديدك

[سماح البدرى]

يسلموا على القصة الروعة او في انتظار جديدك

‏ تسلمي يا حبيبة وشكرا علي مرورك

[سماح البدرى]

القصة حلوة

شكرا اختي علي مرورك الجميل

[بجبوج الاصل]

قصة جميلة جداً وانا بحيك
تحياتى

[سماح البدرى]

شكرا بجبوج الاصل علي مرورك الجميل .. تحياتي

[saleeh]

قصه حلوة حلوة حلوة
يا سماح
والله يديك العافيه
تقبلى مرورى


تحياتى.....

[بت الرباط]

شكرا سموحه علي القصه الحلوه تسلم ايدك ... حقيقه البيتوكل علي الله ما بضيع

[ألم علي عوض]

حين دمعت حباب انا ادمعت معها لموقفها الصعب
فعلاً ربنا لا يضيع اجر من احسن عملا
احسنتي اختي وصديقتي

[دعد]

قصة حلوة وواقعية جدا