خواطر و أحلام ...... حلو مُر

[هامس]

المتل ديل الله لا سخر لهم طاري
إت سَوْ هِمتك وخليك للآخرة شاري
غرور الدنيا أوعاك لا تباري
والكريم يا جنا ليك يلطف يضاري

يسلمك ويديك الزينتين ذرية ومصاري ..

بالمكتوب المسطر من الكريمـ البارى
بقـيت أعيش آلامى وأنا صابر راضى
لاغرور لا كِِبِِر لا للحق بعرف أضارى
بى فضل الكريم..ووصيتك على عينى وراسى


بس من صالح الدعوات لينا ما تبخلى و...تسلمى

[هامس]

تسلم يالوصل حبك للمو دارى والدارى


غلبني وحاتك وربك يعلم
أجاريك فيه موزون الكلم
بالفي القلوب المولى يعلم
وتلقاه جزاك يوم الملم

ربي يخليك ويسلم لي ده القلم

يامكمل الرقـه والذوق وعالى الفـهمــ
سمح التواضع.. قالوا من أصل الشِِيَمـ
باااين إسكيلك العالى ما حروف بتتكلمــ
وهامس يا دابو بيحبا فى فصلك بيتعلمــ


يحفظك من كل شر وبليه... تسلمــ

[Hoomy]

[font=tahoma]
الدنيا حالا دوام خوانة فراقة
بيمينا تدينا وبي شمالا سراقة
ما تحزن آ حِبي تسقي أشواقا
كم من حبيب قبلك أهوالا يود ضاقا
للعاشقين ديمة زايداهو خنّاقا
أرميه حزنك غادي لا يبقلك عاقة
وعشم لقياي في جواك .. فتح لك طاقة
علي وعليك دنيا وآخرة [/font]

حبوبة رجعنالك

هاك دي كمان

(كتبت ليك والله ياقمر الزمان )
لما الغيمة تضارى القمرة

راجى طلوع القمرة الطوّل

و لما الغيمة الحبلى تنقنق

و الايام ترجع زى اول

يبقى فراش الريدة يحلق

فوق نوار العمر الفضل

انا بلقاك و يبقى العالم

جمبك اجمل و اجمل وأجمل



ما بين موجة و موجة اشوفك

شايلة بشارة خير فى الضفة

ما بين غيمة و غيمة تكبى

شايلة قلوب الناس فى كفة

و الاحلام الجارية وراكٍ

فاتت خيل الشوق فى اللفة

و انا بلقاك قدامى حقيقة

او القاك فى الخاطر زلفة

يا خالقنك لىّ من طينك

مارقة و داخلة خلايا الدم

ريدك اكبر ولا سنينى

هدت فيها ليالى الهم

انا بلقاك محل ما تكونى

لو فى العمر الفاضل كم

[معتبر]

و اكتب لي يا غااااالي الحروووووف

حبو
واحكي لي ياما الدنيا نورا وفرحتا
صارت بلاك غيمة شتاء

اتمني في لهفة محب
شال الصبر
لما الصبر في قلبو داب

الله يصبرنا
عيون تعاين لينا وعيون نعاين ليهن
نظرتك

[هامس]

]


لمتين يا ابن آدم تظل تايه في أراضيها
[/quote]



سبحان الله. فوق ظلمتو الأولى بحس بى مآسيها
بيعلن بالصريخ جيتو وهو مابيها
فى مهدو بى كل حنان تنكب بالمشاعر الفيها
تلوليهو تدفيهو ويكبر هو. ويكبر حبو ليها
وكتين يخدََر عودو.. ويصبح هو المواليها
تخرب للنفوس ويظل أبن آدم تائه فى أراضيها
يخليك.. ولى كل الطيبات تكون ..........لامـيها

[حبوبة]

ادونا حنية
نديكم الدايرنو

يا ربي؟ ماااأظن .. لأنو
يا آدم مما جينا قمنا حواْ بيك بتتغنى
وانت لبسمتا بتتمنى وبلمستا بتتهنى
تهمس حياتي معاك أحلى جنة
وهي تدوب وتسقيك محنة
وقولو بسم الله يا اهلنا
لمونا ما قادرين نستنى
وبالعديل والزين تم جرتقنا
وسط الزغاريد لي رحطنا قطعنا
بدا المشوار .. وعلي الحلوة والمرة اتعاهدنا
وحلفت ليك بالمقلوب حيكون برميل عسلنا
ومرت الأيام في عمرنا ..
راح الشغف وبرد عشقنا .. وانشغلنا
وبعد سنين.. يعاودك حنين.. وقلبك يلين
وتقول وين راح عمرنا؟!

[حبوبة]

[quote="هامس"][quote="حبوبة"]


سمح التواضع.. قالوا من أصل الشِِيَمـ



على الله نكون متل ما قلت يا أصل الكرم
شاحداه الكريم بي خلق اسلامنا نوصم
أصلو التواضع نعمة يا ريت بيها نُكْرَم
كان بيه نتقرب من سيد البشر حادي الأمم

صلي عليه وسلم وزيد .. كان ننول الشفعة نكرم

[حبوبة]

هما الغيمة تضارى القمرة
راجى طلوع القمرة الطوّل


انا بلقاك و يبقى العالم
جمبك اجمل و اجمل وأجمل

راجي طلوع القمرة؟!
أنساها الفكرة ..
انت الغيمة وهي القمرة
أتخيلت المنظر!
حضن الغيمة للقمرة
شن بتدور غير دي الحضرة
عيش يا زول وياها الفكرة
وارجع عيد لحظات الذكرى
ليالي الريد ..
والتوهان في نشوتُه سُكرى
اللقيا أكيد ..
طول ما الغيمة حااضنة القمرة ..

[حبوبة]

ما بين موجة و موجة اشوفك
شايلة بشارة خير فى الضفة
ما بين غيمة و غيمة تكبى
شايلة قلوب الناس فى كفة
و الاحلام الجارية وراكٍ
فاتت خيل الشوق فى اللفة
و انا بلقاك قدامى حقيقة
او القاك فى الخاطر زلفة

يا ساكن في الجوف والخاطر
كايس لي وانا بين ايديك
شايلك ماضي وساكنك حاضر
ياني موجك يا البحر الهادر
باقي لك حاجز من القيفة
حايشة الجروف ليك ما تغازل

[حبوبة]

الله يصبرنا
عيون تعاين لينا وعيون نعاين ليهن
نظرتك

أعمل حسابك يا حنون
بخاف ليك انا منهن ..
العيون ..
ياما فيهن وفيهن .. فتون
أوعاك تبراهن ..
بغرقنك .. في سكون
يأملنّك .. بي ليالي من المجون
يدخلنك ..في عوالم من ظنون
وانت أدرى بالأنفس وما يشتهون

لا تقول لي بعاين .. والكائن يكون

والا انت مسكون :d

[هامس]

]
الدنيا حالا دوام خوانة فراقة
بيمينا تدينا وبي شمالا سراقة
ما تحزن آ حِبي تسقي أشواقا
كم من حبيب قبلك أهوالا يود ضاقا
للعاشقين ديمة زايداهو خنّاقا
أرميه حزنك غادي لا يبقلك عاقة
وعشم لقياي في جواك .. فتح لك طاقة [/color][/size]
علي وعليك دنيا وآخرة [/font][/QUOTE]


ما حال الدنيا متل الساقيه بواقه
لجراحاتنا بتروى بمهاره سقاقه
كم حبيب للقيا مشاعرو تواقه
وكم عاشق صبح مورود
متل جمرا نارو حراقه
بلل خدود
شلال دموع براقه
ياها الدنيا
ضحاكه غشاشه للفرح
سراقه
ما بتليمـ شمل..بس لى نار الحزن
بقاقه

[مهاجر في البلد]

حلاوة وابداع يا هامس

مع اجمل الامنيات بدوام الابداع والكلمات الرائعة

[هامس]

حلاوة وابداع يا هامس

مع اجمل الامنيات بدوام الابداع والكلمات الرائعة

العزيز
مهاجر
تسلمـ يا زول ياراقى
بس تعرف يا شاب
كلو من سقياكمـ

ليك(همسه) كل التحايا والحاجات الطيبه

[سماح البدرى]

في عوينك حكاوي الريدة
والقصة القديمة ...
وفي قليبك سكة الشوق
السكن دم شرايين السئيمة ..
يا فرح عمر الخطاوي
وزادها في الظلمة الظليمة ..
ونور عيوني الأشتهن
كحلة رموش عينك ديما
‏..
كنت ناوي اكلمك عن
حزني وكآبتي وبكل
شجوني الأليمة
‏..
لما شفتك واتسالمنا
نسيتا همومي الشايلها
ديمة
‏..
ياكا زادي وقوت ارادتي
وقمر سماي البدلني لي
سعد النجيمة
‏..
جوك انت احلي جو
بيك تسعد روحي الأصبح
الشقا قسيمه
‏..
وليك جد احساس فاق
حرف الحكايات العظيمة
‏..
وزكرياتي معاك انت كانت
صبابة العشق البفتش
لينا ديمة
‏..
انا بس بريدك شديد
يا صديق عمري وسنينو
وكل اسباب النجاح
وسندي لما توجعني
الهذيمة‏..

‏

[سماح البدرى]

ولا الحزن القديم

إنتِ

ولا لون الفرح

إنتِ

ولا الشوق المشيتْ بيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

[Hoomy]

ولا الحزن القديم

إنتِ

ولا لون الفرح

إنتِ

ولا الشوق المشيتْ بيهو

وغلبْنى أقيف

وما بِنْتِ

ولا التذكار ولا كُنْتِ

بتطْلَعِى إنتِ من غابات

ومن وديان...

ومنى أنا..

ومِن صحْيَة جروف النيل

مع الموجَهْ الصباحيَّه

ومن شهقَة زهور عطشانَهْ

فوق أحزانهْا

متْكَّيهْ

بتَطْلَعى إنتِ من صوت طِفلَهْ

وسط اللمَّهْ منْسيَّهْ

تَجينى



معاكْ يجينى زمن

أمتِّع نفسى بالدهشَهْ

الدوش - وردي - سماح البدري
الحزن القديم
مفردات لايمكن العبور منها بدون ضريبة
ولكنك تدفعها وانت تمتع نفسك بالدهشة
لانها تستاهل
شكرا سماح
لإيقاظ الحزن القديم

[معتبر]

أعمل حسابك يا حنون
بخاف ليك انا منهن ..
العيون ..
ياما فيهن وفيهن .. فتون
أوعاك تبراهن ..
بغرقنك .. في سكون
يأملنّك .. بي ليالي من المجون
يدخلنك ..في عوالم من ظنون
وانت أدرى بالأنفس وما يشتهون

لا تقول لي بعاين .. والكائن يكون

والا انت مسكون :d

حبو
عيون جميلة
وعيوني تتشابي
تتشعلق بالحلوات
وتمني النظرات
نشيلهم عز
ونغني ليهن
امسكن عليك عيونكن ديل
يخلن ليلنا نهار
سهاري

[عسجد]

كلمات روعة او كم هو جميل ما نقشته في القلوب و المشاعر كلماتك تدخل وتتغلغل في القلب
و الو جدان فتعجز الكلمات عن الكتابة لوصف ما نغشتة
في هذة الصفحات فستمري الى الامام في هذا الابداع المتميز
مع تحيات عسجد

[سمل ود الولياب]

الينا ذكريات جميلة مع حبوبات اشكرك على البوست الجميل

[حبوبة]

]
وكم عاشق صبح مورود
متل جمرا نارو حراقه
بلل خدود
شلال دموع براقه

هامس يا حِبّيبْ لسان حال العاشق دايما:

يا اهل الله ادعوا معاي الكريم ربي
يعينني من عندو ويفرج هو لي كربي
يداوي لي وجعي ويختم علي قلبي
الديمة راميني ودوام سبب غُلبي
شقيش اروح آناس ألقى العذاب دربي ....

علة انا حمدي ما بوفي للكريم ربي
الأكرمني من عندو ووالف لي يود حبي