حصه حياتي
طاقه مشاعري وحبي ليك بالفيزيا فاتت الف جول
واشواقي ليك بالعربى فاضت في السهول
وتفاضل الاشواق بعد جمع البواقى من الكسور
بيكامل احساسي الدفين بي حبي ليك يا احلي زول
وإتركزت احلامي في عينيك سنين قالولي فاتت الف مول
وكان جينا لي سرعه قليبي المشتهيك
بي (عجله) بي (زاويه) (stred)
تلقيهو طار من دون قواعد وليك بقول:-
بهواك
بهاوك وبهوى الريده لي شخصك تكون
وانا بعشق السحر المذاب بين الجفون
ما اصلو حبك بادي فيني من (السكون)
بي سرعه إبتدائيه (الف ميل) في الثانيه لو ليك بس اكون
ويا حليلو قليبي لو ميل عليك بي زاويه بس مقدارا( one)
يفضل يدور في سماك فلكا عليو كايس زمن
ولو زاد بسيط في الزاويه دي
زي الجسم زاد في الزمن
تلقاهو هناك في الارجوع
محبوس اسير بين الوجن
والضحكه ديك زي الوتر
والصوت يجي وفي القول لجن
تعشق غناهو حتي الطيور وقت الدجن
حسبت عزه قلبي ليك (بالجيب)
ولقيتا فيك لي (بالتمام) ماليه البدن
وظللت (ظل)الشوق علي عرشك زمن
وقطعت (قاطع)(بالتمام)عهدا علي قلبي الحنين
لي الإمتحان الفي تفاصيل حبي ليك لو لي يبين
الرسوب والا النجاح في (فيزيا) أو في(كيميا) أو حتي........
الفنون
اقبل علي كورسا براي سويت نجاحو مع الجنون
وانجح وبنجح
ما لازم انجح لاني مافي خيار غير النجاح
البيهو إما أكون او لا أكون[/align][/size]
حصه حياتي
المشرف: بانه
رد: حصه حياتي
أكيد ح تكونود البلد دى كتب:حصه حياتي
طاقه مشاعري وحبي ليك بالفيزيا فاتت الف جول
واشواقي ليك بالعربى فاضت في السهول
وتفاضل الاشواق بعد جمع البواقى من الكسور
بيكامل احساسي الدفين بي حبي ليك يا احلي زول
وإتركزت احلامي في عينيك سنين قالولي فاتت الف مول
ولو زاد بسيط في الزاويه دي
زي الجسم زاد في الزمن
تلقاهو هناك في الارجوع
حسبت عزه قلبي ليك (بالجيب)
ولقيتا فيك لي (بالتمام) ماليه البدن
وظللت (ظل)الشوق علي عرشك زمن
وقطعت (قاطع)(بالتمام)عهدا علي قلبي الحنين
لي الإمتحان الفي تفاصيل حبي ليك لو لي يبين
الرسوب والا النجاح في (فيزيا) أو في(كيميا) أو حتي........
الفنون
اقبل علي كورسا براي سويت نجاحو مع الجنون
وانجح وبنجح
ما لازم انجح لاني مافي خيار غير النجاح
البيهو إما أكون او لا أكون[/align][/size]
إبداع يا ود البلد .. ياريت تزود من ابداعاتك ...
قربت أفهم الفيزياء و الجا والجتا :D mix رهيب ماحصل
ولو ممكن نشر القصيدة دي في المدارس
شان يغيروا نظرتهم للفيزياء