ببكي وبنوح وبصيح

[كلك حركات]

[aldl]http://www.abuaseel.net/dam3at_7ozn/ekc ... akalah.gif[/aldl]

[حبيب الناس]

غلبني الصبر وجيت أبكي وازيد في بكاي وانوح واصيح ،،،،
من هجر الحبيب لي بدونن أسباب يقسى علي ولقلبي يجرح ،،،

وبقول ليك يا حبيبي زي ما قال سيف الدين الدسوقي

ليه بنهرب من مصيرنا
نقضى ايامنا فى عذاب
ليه تقول لى انتيهنا
نحن فى عز الشبــاب
نحنا فى الايام بقينا
قصة ما بتعرف نهاية
إبتدت ريده ومحبه
وأصبحت فى ذاتا غاية
كنت تمنحنى السعادة
و ليا تتفجر عطايا
لما أغرق فى دموعى
بتبكى من قلبك معايا
نحنا فى ماضينا قوة
قوة تتحدى الصعاب
نقطع الليل المخيم
نمشى فى القفر اليباب
كنا للناس رمز طيبة
وكنا عنوان للشباب
ولسه تايهين لينا مدة
بنجرى من خلف السراب

ميتن نتلم ويرجع لينا صفانا يا حبيبي ؟؟؟؟

[امال الناس]

يا اخوان غلبني اقول الكلام وجهاً لوجه فقررت ان اقوله من وراء الكواليس . واللبيب بالإشارة يفهم .



وكل واحد عايز يقول كلام لزول معين رسالة او كلمة او شعور وما قدر يقولو بشكل مباشر يخش هنا معانا وينداح ويبكي وينوح ويصيح . وانا عندي كلام كتير لزول ملك قلبي لما فاض واتدفق وشغل عقلي لما غلبني التركيز في حياتي .

إليكي يا من رأيتك صدفة وعشقتك رغم انفي .
إليكي يا من حرمتي عيني النوم وعلمتي جسمي السهر.
إليكي يا ملكة جمال افكاري وحلي وترحالي .
إليكي يا من نسجتي على قلبي فلم يعد يقدر الخلاص.

هل ياترى يا ملهمتي تعرفين اني عشقتك حتى فقدت الإتزان . ؟
هل يا ترى شعرتي بمدى حوجتي لقربك . ؟
هل يا ترى فهمتي نظراتي إليك وتعابيري . ؟
هل أحسستي بكلامتي المبعثرة . ؟


شفتك صدفة .
وعشقتك مرغم
وحلمي صار مبهم


لو كان العشق رجلاً لقتلته .
ولو كان الإنتظار جبلا لسحقته .
ولو كان القدر وحشاً لأكلته .


رسالتي لكي يا ملهمتي :-

هل انا احمق ؟
هل انا مسحور ؟
هل ستفهمين ؟
هل ستعقلين ؟
هل علمتي من أعني ؟
من احببت وعشقت ؟
من أنتي ؟


انا ما حقدر اصارحك بكل حبي ليك
ومستني يوم يجمعني بيك
وبقول ليك بحبك

وفي الختام بكينا ونوحنا والكلام ما كمل والجواي كتير بيحرق الجوف والعصب ما كنت داير اقولو ليك لكين لسان الحال غلب .

حبيب الناس ربنا يخفف عليك
ويبل شوقك
بس الدمعة لو بتفيد
كان بدري فادتني
ما خلت الايام الامها صابتني

[حبيب الناس]

حبيب الناس ربنا يخفف عليك
ويبل شوقك
بس الدمعة لو بتفيد
كان بدري فادتني
ما خلت الايام الامها صابتني

اختي العزيزة آمال ...

البكاء ما بيفيد ولا بيغني عن حزن . لكين لما تكون قاعد منتظر حكم القدر وبتعاني من هجر حبيب بدون اسباب بنكون في صراع صعب مع الحياة . وهذا قدري انا اقاسي مُر الذكريات .

[حبيب الناس]

البُكى ما كفاية
انا طول عمري ببكي
لاقادر اتصبر ولا قادر اشكي
لا دايرني أنضم ولا لروحي اشكي

[امال الناس]

اختي العزيزة آمال ...

البكاء ما بيفيد ولا بيغني عن حزن . لكين لما تكون قاعد منتظر حكم القدر وبتعاني من هجر حبيب بدون اسباب بنكون في صراع صعب مع الحياة . وهذا قدري انا اقاسي مُر الذكريات .

حبيب الناس

[/size]

الذكريات مهما كانت برضو ترديدها بيالم

[معتبر]

ميتن نتلم ويرجع لينا صفانا يا حبيبي ؟؟؟؟

حبيبي تعال نتلم
دعوة
امل
اماني مؤجلة مستعدة للتحقق
برسم الانتظار

[دق التحيه قدامك سودانيه]

قالو البعيش الدنيا يامه تشوفو تشقيهو بي فرقت عزيز بي الحسره ريقو تنشفو
وانشاءالله مايحصل فراق لي قلوب بعد يتولفو

الصبر قاسي ومر وربنا يديك الصبر

[saleeh]

تسلم تسلم تسلم كتير كتير
على البوست
الجميل
والله
يديك العافيه
وتقبل مرورى


تحياتى

[حبيب الناس]

حبيب الناس

[/size]

الذكريات مهما كانت برضو ترديدها بيالم

الذكريات صادقة وجميلة
مهما تجافينا بنقول حليلة

الذكريات في كل ليلة
توحي للحبايب اشياء كثيرة
فمن يغني يذكر خليلة
ومن بينعي ماضي وذميلة
و من بيعبود وقد طال ليلة
فل تذكورنا كثيرة او قليلة

الذكرة تجمعنا ونمرح طويلة
الذكرى للحبان اجمل اشارة
هي للقلوب مراة وللحب منارة
مرات تجود بجنانة ومرة نارة
حيث الاشار صعب في الحب مدارة

فذكراتنا جميلة وكم نبيلة
واحبابنا وين الليلة في اي ليلة

رجع الصدى المحبوب بالذكريات
واحيا الالم والجور بالذكريات
وفرح الاحبة يتم في الامسيات
حيث اللقاء بهديك ماكان وفات

يا الفي الجنوب حي الشمال
يا الفي الشروق ليك شوقنا طال
يا الفي الغروب هاك لحني قال

الذكريات نهضة بجيلة
ونا كنت حاديها ودايما دليلة
الذكريات صادقة ونبيله
مهما تجافينا بنقول حليلا

[حبيب الناس]

حبيبي تعال نتلم
دعوة
امل
اماني مؤجلة مستعدة للتحقق
برسم الانتظار

الدنيا منى واحلام
ليالي لقانا جميلة كانت كانت يا سلام
أفراح وسمر وأغاني والدنيا منى وأحلام
دنيا الأحلام الهائمة في بحر الريد
وليالي الأنس الحالمة كليالي العيد
حبيت وأنا طبعا حبي في نوعو فريد
حاول تسعد في حبك مهما إزددت هيام
وأحزر ما تسلم قلبك لتصاريف الأيام
الحب موجود في الدنيا من ماضي دهور
لليل تشتاق الأنجم والظلمة تحب النور
في الروض كم ساجعة جميلة تغرد للعصفور
وكل أغرودة لطيفة لبنات الأيك كلام
وكل أنشودة خفيفة فرحة وشفاء للآلام

[حبيب الناس]

قالو البعيش الدنيا يامه تشوفو تشقيهو بي فرقت عزيز بي الحسره ريقو تنشفو
وانشاءالله مايحصل فراق لي قلوب بعد يتولفو

الصبر قاسي ومر وربنا يديك الصبر

حتقولي شنو في زول الصبر خلاهو مجنون

قالوا علي شـــــــقي وجنون
صحـــــــــــــيح مجـــــــــنون
انتي جنـــــــــــوني ياحــلوين
انتو لي قلــــــــبي زاد عمرو
وليه المنـــــــــيه والســـــلوه
دمــــــــــــــــوعي عيـــــون
عيون لو شافه عطشانه
سنين يــــــــــــــــــــــروى
وليه ما اجــــــــــــــــــــــــــــــن
الليل البشيل الناس بشيل هموم
اقاسي مرارة الوحــــــــــــــــده
واقــــــــــــــــــابل لوعة المحروم
اتعــــــــــــــــــــــــــــــــذب سنين
ما ذقـــــــــت طــــــــعن الـــنوم
كـــــــــــثير يا زول كثـــــــــــــير
امثالي من هــــجر الحبيب جنوا
ان شاء الله اجن وازيد في الجن
وانتو تجــــــــــــــــــــافوا ما تحنوا
ايه انا عنــــــــــــــــــدي في الدنيا
فــــــــــؤادي انــــــــــــــتو مالكنو
شبـــــــــــابي الكنت بحلف بيهو
دمـــــــــــــــــــرتوه من بــــــدري
ليكم يا حــــــــــــــــــسان الحور
هديت الباقي من عـــــــــــمري
انتي بتقولي اصـــــــــــــــــــــبر
الصبر كـــــــــــــــملتو بصبري
بساهر الليل براي بساهر الليل
بشوق السنين مــــــمكون
اتحسر واشيل الـــــــــــــهم
الا يوم بكره كيف حـــــيكون
دموعي الدمعا باريـه الدمعة
وانتي بتقولي مجـــــــــــــنون
وحات الذقت في ريدكم صحيح
شقي ومجــــــــــــــــــــــــنون

[حبيب الناس]

وها انا ذا أختم وأغلق كل الدفاتر والصحف التي تنادي بإسم الحب والغرام
أتيت مانياً بكل رحابة صدر وعذوبة الإحساس وصدق المعاني أدون قصتي
وجدت فيها الجميل من حنان وحلاوة تعذيب الغرام وجفى الحبيب المنتظر
وها انا ذا أختم أبياتي وكلماتي التي سطرتها سابقاً والفرح يغمرني
واليوم اسطرها والحزن يكسو ملامحي وسيف الحب قد نال مني ذروته
سال دمي مع كل كلمة عشق رددتها وسال الآن مع كل كلمة وداع أدونها
وأدركت أن الحب هو مجرد هلام لا وجود له إلا في مخيلتنا العنجهية
وهذه هي حواء اللمساء الرقطاء التي تعشمك بنيل سهام حبك منها
ها هي الجميلة المستحيلة المنال تأتي وتقول قسمة ونصيب وأنت من احببت
هي التي دقت نواقيس الحب وأجراس البراءة تقول انا لك وحدك لا لغيرك
إنها تأتي وتقول أعذرني لن أستطيع وصالاً يا حب عمري وقدري الذي وددته
كم هي حميلة عندما تمنيك بوعودها ... وكم هي ضربة نبال سامة تقول فراقاً

كم تغنى ونظم العديد فرقا الحب ولكن لم يسمع النداء أحد
كم تحاور الخبراء إنك لن تبلغ يا من تنادي أحببتها وصالاً

في الليلة دي لا هان علي ارضى وأسامحك ولا هان علي أعتب عليك
شلتي الجراح والغبتسامة وكل حرامان اليتامى

ليه كل العذاب ليه كل الألم بزرع في المحبة وحصادي الندم

خدعتني بجاملا وخلتني هويتا وقالت لي لالا

ما اصلو ريد وانتهى


واليوم أحبتي ننهي اجمل قصة حب بين إثنين لا بل هي أجمل قصة حب من طرف واحد
اليوم نغلق صفحات الولع والحرمان والغزل والاحلام البرزخية
اليوم نقول وداعاً روضي الغناء وداعا معبدي القدسي

ونصيحتي التي اقدما لكم احبتي في خواتيم هذا البوست الذي نال مني حتى ارتويت من صفحاته .

حواء و آدم
لكم مع حبي


من كان يحبك سيسعى دوماً لرضاءك مهما دعته الظروف والاقدار
سيجاهد من اجله

لا تدع نفسك فريسة لذيذة لأنياب الضعفاء

وإلى اللقاء في قصة مأساوة اخرى

وإلى اللقاء يا من جرحتي قلباً أحبك حتى فاض حبه ليسع الكون وما حواليه ينطق حباً بإسمك ورسمك
لن يسعد الضعيف طالما أنه يظلم من كان قوياً معه

لن يسعد
لن يسعد
لن يسعد

[حبيب الناس]

وعدنا تاني بعد مده

[حبيب الناس]

باب الريدة وانسد

وقصر الشوق وأتهد

تمر أيام وتتعدى

ونقعد نحسب فى المدة

ومهما أجرب النسيان

الأقى الشوق بيمتده

وحات عمرا قضيتو معاك ،

محال عن ريدك أرتد

وراجى العين تلاقى العين

وأحضن أيدك البضة

وأهى الأيام بتتعدى

ونتعاتب ونرجع تانى لابد

يا قصر الشوق لو هداك حبيك

ومرة ليك صد

ببنيك بغلاوة الريد ..

محال أنا قصرى ينهد

واهى الايام بتتعدى

ونتعاتب ونرجع تانى لابد

أقول أصبر على الحرمان

أقول أنساك لابد

أشوف بس طرفك النعسان

تخونى القوة والشدة

وأصبر قلبى .. على الهجران

يثور ماضينا ويتحدى

وأهى الأيام بتتعدى ونرجع تانى لابد

[حبيب الناس]

يا ناااااااااااس يا هووووووووووووووووو


معقولة زول يقول ليك إنك دنيتو وحياتو وراحة سهادو

وينساك وما يطراك

ويقفل بابك ومشتهاك

وانت الكنت بتودو وتواصلو وتجاملو

حتى يوم عيد ميلادو تجانبو وتشاركو

ولما يقسى عليك تمسح دميعاتو

وترجع تاني

وتوه تاني في عينيهو من ذكرياتك

وتتمنى تشوف لو لمحة من حياتو

ده ما بيكون بريدك

ده أكيد كان بجاملك