بسمـــــتك ياــلها من بســــمة

[معتبر]

لوقالوا ليك تخيلا
تقول هي
ولو قالو ليك هي تقول طبعا اكيد

اوصفا مش حتقدر
لانك تعيش اوصافها حته حته
تبسط وتنشرح
تريد الريد عشان ريدتا

البسمة تزيدا جمال وتزيدك انت جهجهة
ما البسمة بتضوي ملامح سيدا
وتجهرك وتخلي رمشك ينطبق علي الرمش
وانا بين اهدابا استريح
عرفتوها
بس هي ذاتا
حلوة شديد

[هامس]

[quote="علي أبوسن"]لوقالوا ليك تخيلا
تقول هي
ولو قالو ليك هي تقول طبعا اكيد

اوصفا مش حتقدر
لانك تعيش اوصافها حته حته
تبسط وتنشرح
تريد الريد عشان ريدتا


خلنى النجرب ياود أبوسن النوصِِفـا
بيض العيون حاكا السواد بؤبؤا
فريع البان فى المشيه تتنى تعجب ناظِِرا
قمـمحيه البشره تأسر قـلوب تناغِِما
كاسيها الحياء.. والأدب بى توبو ملبِِسا
جلََ المولى الكريمـ بى كل الجمال خالقا

يا ربى قـدرت أوصفـا........ يمكن بعرفـا(همسه) تسلم على ما خطه أنملك يا على أبو سن

[حبوبة]

البسمة تزيدا جمال وتزيدك انت جهجهة
ما البسم بتضوي ملامح سيدا
وتجهرك وتخلي رمشك ينطبق علي الرمش
وانا بين اهدابا استريح
عرفتوها

اب سن ... تحية قلبية

وصفك يشهي ويحير
ومن عيون الشباب للنوم يطير

البسمة مشّيناها :D
العيون .. يمكن عدسات !!
ما سمعت أنو الرموش
بقن تركيب ورتوش

وفي النهاية يا حبيب
على الله تكون قدر الوصف
ما تجننك وعقلك يخف
والخيال بخطأ وبصيب

قلبي عندك يا ابو علي
بس بعدين ما تقول
ماااااااا قلتو لي

[معتبر]

لوقالوا ليك تخيلا
تقول هي
ولو قالو ليك هي تقول طبعا اكيد

اوصفا مش حتقدر
لانك تعيش اوصافها حته حته
تبسط وتنشرح
تريد الريد عشان ريدتا


خلنى النجرب ياود أبوسن النوصِِفـا
بيض العيون حاكا السواد بؤبؤا
فريع البان فى المشيه تتنى تعجب ناظِِرا
قمـمحيه البشره تأسر قـلوب تناغِِما
كاسيها الحياء.. والأدب بى توبو ملبِِسا
جلََ المولى الكريمـ بى كل الجمال خالقا

يا ربى قـدرت أوصفـا........ يمكن بعرفـا(همسه) تسلم على ما خطه أنملك يا على أبو سن

هامس
الهمسة عندك والوصف منك جاني
وضعت الخطوط العريضة وخليت لي التفاصيل
لوزدت الرقة شوية تكون قربت
هي عطر الاماكن
يبقي اثرها في كل الحنايا
اتباهي بيها
في عينيها حكاوي
في لهيجا شئ بنقط
همسة من همساتك (تنقط عسل )

[معتبر]

اب سن ... تحية قلبية


وفي النهاية يا حبيب
على الله تكون قدر الوصف
ما تجننك وعقلك يخف
والخيال بخطأ وبصيب

حبو
تحية من القلب
وقلبي اتعود ودادك

هي نبع الحنان
احلي الحسان

يعني لو ما عقلي خف قدرت قولت الكلام دا

بين العقل والخيال بسمة في الخاطر
وبين المشية والجية خطوة
والخطاوي ليها احلي المشاوير

متوردة الخدين هي

[عايشه في وسط غربه]

اصراحه مدري وش اقوللليك على الوصف الجميل دا

لكن وبكل هدوء دخل هدا القلب


وشكراً على ماتخطه يدك من جمال بديع

وشكراً

[معتبر]

اصراحه مدري وش اقوللليك على الوصف الجميل دا

لكن وبكل هدوء دخل هدا القلب


وشكراً على ماتخطه يدك من جمال بديع

وشكراً

عايشة
لو قلت ليك طلتك ابتسامة رضا
وطيب كلامك زرع في جوانا وفاء
ويسلم قلبك وتعيشي الغربة فرح ووصال
بيك سعدت جد
املي في ابتسامتك

مودتي

[حبوبة]

بين العقل والخيال بسمة في الخاطر
وبين المشية والجية خطوة
والخطاوي ليها احلي المشاوير

متوردة الخدين هي

وحاتك الجمال في عين البشوف
جمال روحك عكس ضواها الحروف
وجموح خيالك خلى القمر مكسوف

ولو هي قرت الكلام ده .. دوب الخدود ما اتوردن
والبسيمات افتر ثغرهن وزغردن ..
وخطاويك تتابع خيالك وعليك يتمردن

وصفك يا السمح .. خلى حروفنا تنشرح
وهامس عدييييل جاك منطرح :d

وبسمتها ليك تدوم .. تملا ليلك بالفرح

[معتبر]

وحاتك الجمال في عين البشوف

.. دوب الخدود ما اتوردن
والبسيمات افتر ثغرهن وزغردن ..
وخطاويك تتابع خيالك وعليك يتمردن

حبوبة
جمالك في احساسك
توصيل الاحساس رهافة الحس

الخدود الشاربة من شفق المغارب
وحاجات تاني جواي تتفجر لوقلتها
الخطاوي عالم من الرقة
تخاف عليها من العليها
حلاة وحمار
بالسوداني البرتكاني جنني
في الجوف كلام
وبي بسمة رضا اكمل الخيال

اتخيلك

[بسمه السودان]

رووووعه ياراجل
انا بيعجبني كتيييييييير وصفك ياابو وسن (ربي يخليلك وسن)
بس حابه اعرف معنى كلمه (جهجهه)
وشكرا ليك

[معتبر]

رووووعه ياراجل
انا بيعجبني كتيييييييير وصفك ياابو وسن (ربي يخليلك وسن)
بس حابه اعرف معنى كلمه (جهجهه)
وشكرا ليك

بسمة
رسمتي كل بسمات ناس السودان الطيبين والسمحين جوانا

وكل التقدير لاعجابك وان شاء الله تلقي كل حاجه عاجباك
الجهجه دي يابسمة
لما تلاقي انسان وتسحرك بسمته وتشدك وتخليك
مشددودة ليهو وانتي ما حاسة بحالتك
وتقومي وتقعدي ويغلبك البتقوليهو وقلبك تزيد دقاتو ويدك ترجف دي الجهجهة
( ابوسن دا اسم جدي )

كل التحايا والود

[حبوبة]

جمالك في احساسك
توصيل الاحساس رهافة الحس

الخدود الشاربة من شفق المغارب

في الجوف كلام
وبي بسمة رضا اكمل الخيال

اتخيلك

ابو علي .. توقيعك في محلو .. لأنو انت بالجد روعتك في إحساسك
بتوصل الإحساس بعذوبة وبترسم الصورة بريشة فنان

وأي كلام ...
ألذ أنواع الكلام .. بس خلي ف سرك :d

البسمة يا زول يا نسمة
هي أملنا وسمح عملنا
نور الدرب وفرح القلب ..
وان شالله تلقاك دايما بابتسامة

قصدك تتخيلا .. يا بختها

[هامس]

اتخيلك

أتخيلك
نسمة صباحيه أواخر ليل نجومو مضويه
موكب فـرح رونق زهور ياداب مفـرهده
بسمة وليد يادوب سنونو مكدِِده
أتخيلك
رقة شعور عطر البخور موكب سرور
أتخيلك آيه من الحور
ليها العيون مترصده

[معتبر]

قصدك تتخيلا .. يا بختها

حبوبة
قصدي انتي عارفه
وقلت هي ذاتا
وياحلاة الدنيا بيها
وياحلاة المشاعر الطيبة
وياحلاة اللوحة المرسومة ليها
الوانا فرايحية
وسماتا عجب عيني
ياخ دي ما رويانة لمن مندية

[معتبر]

أتخيلك
نسمة صباحيه أواخر ليل نجومو مضويه
موكب فـرح رونق زهور ياداب مفـرهده
بسمة وليد يادوب سنونو مكدِِده
أتخيلك
رقة شعور عطر البخور موكب سرور
أتخيلك آيه من الحور
ليها العيون مترصده

هامس
لو اهديتك عيوني حتقول نفس الوصف
كملت مقايس الجمال
والبياض ناصع جهرني
والعيون في عيونا عذاب
تشوف سحرا وتغرم بفتورا
تشهق لطولا
وتتاوق لمكنونا

مودتي

[حبوبة]

اب سن .. صباحاتك ندية

انت قلت بسمتك يا لها من بسمة .. صاح

وبسمتو !؟!

أنا اقول ليك ..

ابتسم .. وللقليب الصادئ شرح
ابتسم ..
وسكون الليل الهادي في جواها يود فاض وجمح
ابتسم ..
وفيض الأماني النايمة في الخاطر سرح
ابتسم ..
صحى الشجون وأشكال المجون وعم الفرح ..


ياخي كفاك .. حتى هامس معاي قال أح :d

[معتبر]

اب سن .. صباحاتك ندية

انت قلت بسمتك يا لها من بسمة .. صاح

وبسمتو !؟!

أنا اقول ليك ..

ابتسم .. وللقليب الصادئ شرح
ابتسم ..
وسكون الليل الهادي في جواها يود فاض وجمح
ابتسم ..
وفيض الأماني النايمة في الخاطر سرح
ابتسم ..
صحى الشجون وأشكال المجون وعم الفرح ..


ياخي كفاك .. حتى هامس معاي قال أح :d

حبو
الاماني اماني غالية
والروح حبيبة

وعذبها همسها
ونحب ونقول
نهواك

وبسمتك فرحة جواي
وجواي مكان تلتقي فيه حاجات حلوة
نقدمها بكل اريحية
عشقا وهيام

تبادلها همسة
حبايبنا
قرايبنا

اغلي المودة

[سماح البدرى]

وحياة ابتسامتك
يا حبيبي
وحياة عينك

تقبل مروري وسلامات

[معتبر]

وحياة ابتسامتك
يا حبيبي
وحياة عينك

تقبل مروري وسلامات

سماح البدري
شايف العيون
ومتخيل الابتسامة

انسحرت
وسرحت

من يوم ماشفتك فلبي للدنيا ابتسم
اشرقت دنياي فارق دربي هم
في انتظارك ياحبيبي
رايح ارعاك بحناني
القي في قربك سعادتي
وانسي تعذيبي

تحياتي