خواطر و أحلام ...... حلو مُر

[حبوبة]

فى الله وأقسمبو........ ما كايس وراو نفـع

(همسه) ويخليك إنت ياسمح الطبع

قالوا كتال الولف
وزي ما القلوب بتأتلف
حال الحروف ما بيختلف
ما هي لا بتغش لا بتستلف
بس للدواخل تستشف

ربي يخليك .. وعين الناس عنك يكف

[حبوبة]

ناس في المرة جافونا
وبكرة الحلوة بجينا بجينا

ده حال الناس كبار وصغار
يحلُّو معاك ويشيلو كمان مع الطبال
ويوم يتبدل بيك الحال
من بعيد لبعيد يشمشمو خبرك من الزبال
لكن يا السمحة بت الخال
نحن معاك ووراك في القعدة والترحال
يديك المراد ويكفيك شر العباد يا مبلغ الآمال

[حبوبة]

"

وقالت خايفة من كلمة (فراق )
وشن قولك يا ست البنات في الشوق وكت يبقى حراق
وشن رأيك في حرق الحشا وفي الشوف لمن يبقى رقراق
وشن بتسوي في الزمن الكعب وكت الزمن يصبح لينا سراق

علا بس قلتيها كلمة
خليها للزمن
ولي رجعة

شن أقول وانا حرقة الشوق باقالي زاد
شن أقول وانا حشاي حد ما حرق هبّتْ رماد
ياتو شوف؟ العيون كتر البكا طششِن شوفن سواد
شن أقول أنا عاد ؟ مرات أعيب الزمن العاق
أعود اتحوقل الخلاق ال عظّم ساعة الفراق
أتحسبن .. وبالراحة أشيل النفس الضاق
وأقول يا رب .. تراك عالم بالفي القلب خفاق ..


ياتو كلمة .. يا الخليل ؟
وياتو زمن .. ما راح قبيل ؟
وفي رجاك أنا يا أصيل

[Hoomy]

شن أقول وانا حرقة الشوق باقالي زاد
شن أقول وانا حشاي حد ما حرق هبّتْ رماد
ياتو شوف؟ العيون كتر البكا طششِن شوفن سواد
شن أقول أنا عاد ؟ مرات أعيب الزمن العاق
أعود اتحوقل الخلاق ال عظّم ساعة الفراق
أتحسبن .. وبالراحة أشيل النفس الضاق
وأقول يا رب .. تراك عالم بالفي القلب خفاق ..


ياتو كلمة .. يا الخليل ؟
وياتو زمن .. ما راح قبيل ؟
وفي رجاك أنا يا أصيل

حبوبة انت بتردي متين انا قبل شوية كنت في البوست دا وانت مافي
جيت لقيتك رديت عند وحي ولا شي تاني
يمكن مرسال الشوق
مامعروف
لكن اصبري بلبد ليك اشوفك بتخشي متين

[هامس]

هامس الرائع
عندما كان بروفسيور عبد الله الطيب عميدا لكلية الآداب
أورد بعض أبيات المتنبي في محاضرة ما
وكان جميع الطلاب يتنافسون في ارضاء البروف الذي لايرتوي من اللغة العربية
وحين أنتهت المحاضرة سأله أحد طلابه سؤال برئ (مارأيك يابروف في شعر المتنبي )
فأجاب لو (قلت انا رأي في شعره لما أستحق أن ندرسه)
هذا تواضع العلماء
عزيزي هامس
حاولت تصويب هدف أخطات أنا في مرماه فاستمتعت بالإعادة بالتصوير البطيء
فوجدت جمال ما اوردت انت يفوق أضعاف ما اوردت انا
وتواضعت
وهكذا انتم دوما
علماء بتواضع البروف
لك التحية

عزيزى هـومى
عندما أتتنى هذه الشهاده من أحد القـامات السامقه
فى المنتدى ..تأكدت بأنى أسير فى الطريق الصحيح
الذى أنارته ثُريََاتـك...

فى أحد الندوات العربيه كان الحضور فى أنتظار
محاضرة العلامه عبدالله الطيب وهمـ يتاهمسون فى
نطقـه لحرف (الراء) فـفاجأهمـ هذا العملاق وهو يتحدث
طِِوال محاضرته التى كانت من رأسه دون أن يأتى
بكلمه بها حرف (الراء) ألا رحمـ الله الفـقـيد وجعل
ما تركه من كنوز المعرفه و (أنت أحد هذه الكنوز)
فى ميزان حسناته.....

أبو خليل.. لك كل التحايا والتقدير

[حبوبة]

قـرب الحبيب عطر الود ديمه فـايح
هايف الزمن فيهو ثوانى رايح
دعوات يالهميمه المولى يجمع بين الروايح
يلين قـلب الزمن بيهو تهدا تسكن جوارِِح
(همسه) أبارح....لو الصبر ما صبر أنا مااا ببارح

صدقت القرب مافي شيتن بنافسو
جنبك قريب وكتين تدور تغمز تهامسو
تجوط تشاكسو .. تحن تلامسو
شوفتو ساكت تصافي الروح تآنسو

الصبر كيفن يبارح وانت قاعد حارسو

[حبوبة]

قـرب الحبيب عطر الود ديمه فـايح
هايف الزمن فيهو ثوانى رايح
دعوات يالهميمه المولى يجمع بين الروايح
يلين قـلب الزمن بيهو تهدا تسكن جوارِِح
(همسه) أبارح....لو الصبر ما صبر أنا مااا ببارح

صدقت القرب مافي شيتن بنافسو
جنبك قريب وكتين تدور تغمز تهامسو
تجوط تشاكسو .. تحن تلامسو
شوفتو ساكت .. تصافي الروح تآنسو


الصبر كيفن يبارح وانت قاعد حارسو

[حبوبة]

قـالت خايفـه من كلمة فـراق

الفراق يا تومي
بكوا منو وبرضو غنّو
وكم من عشاق ضاعوا جنّو
وكم كم وجعات أسبابا منّو
و ياما قالوا وكتبوا عنّو

يبقى لي حق أخف من سيرتو والا كيف؟

[حبوبة]

لو ما كان العشم ما قلت واتماديت
ياما بتقول وأقول وبيحصل أكيد وأكيد
كلمات مني إليك توعاها طول ماحييت
لو انت لي نسيت لو غيري انت لقيت
لو لي تب جافيت وفي شوفتي اتغابيت
في حقي عافيالك شاهد هو رب البيت

[معتبر]

لو ما كان العشم ما قلت واتماديت
ياما بتقول وأقول وبيحصل أكيد وأكيد
كلمات مني إليك توعاها طول ماحييت
لو انت لي نسيت لو غيري انت لقيت
لو لي تب جافيت وفي شوفتي اتغابيت
في حقي عافيالك شاهد هو رب البيت

حبوبة

منو البقدر اتغابي
ومنو البقدر ينسي
ولي شنو وعشان شنو
الواحد لوقالوا ليهو اتمني يقول هو

وبس يابختو بيك

دندنة ثنائية
اقدر اصابح الشمس بيك
اقدر اجيك واهديك هنائي وعمري كلو بين يديك

ربنا يغفر ليهو

[هامس]

قالوا كتال الولف
وزي ما القلوب بتأتلف
حال الحروف ما بيختلف
ما هي لا بتغش لا بتستلف
بس للدواخل تستشف

ربي يخليك .. وعين الناس عنك يكف

شيتن وحيد النفـوس كيفن ليهو تعرف
صِِبحت لا بتحس لا بتقـدر للظرف
قـست النفوس بالمشاعر صارت تستخف
عله الحرف.لابغش لابرائى لابرفض للولف

ربى يديم عليك ينبوع حنانك أبد ما يجف

[هامس]

لو ما كان العشم ما قلت واتماديت
ياما بتقول وأقول وبيحصل أكيد وأكيد
كلمات مني إليك توعاها طول ماحييت
لو انت لي نسيت لو غيري انت لقيت
لو لي تب جافيت وفي شوفتي اتغابيت
في حقي عافيالك شاهد هو رب البيت

أنساك كيف يا السكن الفـؤاد سواهو بيت
أنساك كيف وشايلو ريدك جواى من تبيت
أنساك كيف إنتا الصُبُح بكايا فـيك دوبيت
أنساك كيف إنتا المِِساء غنايا بيك أوبريت
لا بجافـيك لا غيرك بدورو مالى..... جنيت

[حبوبة]

قـست النفوس بالمشاعر صارت تستخف

يقولوا كايس الشمار ان سألت عن ناس ليهم غلاوة
أو للتلج كسّار لو بادرت وأظهرت الحفاوة
إن قلت الدنيا ما بتستاهل يقولوا الزول ده واوا
درادر الدنيا قوّت للقلوب وِلفوها القساوة

ويخليك .. ويزيد كلمك حكمة وطلاوة

[حبوبة]

لا بجافـيك لا غيرك بدورو مالى..... جنيت

تسلم لي إنت يا دربي و وداري
تسلم لي انت يا فرحي و حساري
تسلم لي انت يا عازف أوتاري
يسلم لي ريدك يا جنتي وناري

ويسلم لي ريدك يا ملهم أشعاري

[هامس]

يقولوا كايس الشمار ان سألت عن ناس ليهم غلاوة
أو للتلج كسّار لو بادرت وأظهرت الحفاوة
إن قلت الدنيا ما بتستاهل يقولوا الزول ده واوا
درادر الدنيا قوّت للقلوب وِلفوها القساوة

ويخليك .. ويزيد كلمك حكمة وطلاوة

ياخيتى

قـول الشين عند الناس صِِبح مظهر حفاوه
بتباهى الغشيم..وعند العقال هايف هفاوه
الفانيه مابتستاهل.. ماعمت بصرو بغشاوه
وكل ما كِِتِِر قولهمـ فـينى زادنى صفا ونقـاوه
تسلم ياال كلما زاد قولو.. عند الناس إزداد غلاوه

[هامس]

تسلم لي إنت يا دربي و وداري
تسلم لي انت يا فرحي و حساري
تسلم لي انت يا عازف أوتاري
يسلم لي ريدك يا جنتي وناري

ويسلم لي ريدك يا ملهم أشعاري

تسلم يالوصل حبك للمو دارى والدارى
تسلم يالنقى ريدك صدق ماهو ممارى
حبك فى الله جوانا صبح أنشود قمارى
ربى يغطيك من عين الحسد ليك يدارى


تسلمـ يا السمح البى كل سمح دارى

[حبوبة]

منو البقدر اتغابي
ومنو البقدر ينسي

ربنا يغفر ليهو

أب سن ياخوي

ماهو دام ملكك أكيد قادر
والبجرحك علي النسيان يبقى قادر
وخوفي من انو ينسى ويقطع للأواصر
وجع الفرقة يا ابسن بيقصم للخواصر

ويغفر لي وليك وسائر المسلمين .. قول آمين

[حبوبة]

كنت فاكرك يازماني ح تفضل ديمة صافي
ما انا كنت قاعد بي خيري لي شري كافي
جيتني بي زاير لا تحيات لا عوافي
حسيت يوم لاقيتو انو ألوف وجافي
امتى وليه وكيف بقى للحب مرافئ !!
يعلم ربك الواحد عالم كل خافي ...
دحين سائلاه للمولى الكريم الشافي
يداوي معاي قليبي ويشفي لي جراحي
يديه الفي بالو ويوقف لي نُواحي
ده الحزني من حزنو وفرحو أفراحي
في قلبي بس منية ... أشيلو بين راحي
ومن كل عيون خلقك اغطيه بوشاحي
السكناه نني العين وحاضناه زي دمعة
تحكيلو بالأشواق عن لهفة عن لوعة
عن حب عظيم وعميق مليان أسى وروعة
ورغم جفاك ما ونَ لكنو زاد لمعة
أعذرني يا المحبوب كان جُرت والا قسيت
لو ما عشم مني ما كان عليك خطيت
ما البيننا دوم عامرة كان دُرت والا أبيت
تزعل تجور تبعد تلقاني ليك صافيت ...

[مها]

لويمر فى الصبح صوتك نشوة الزول الموالف
او تجوب سفن اللقاء وتملى من عشمك بضائع
دائر ازف صمتك مهر فى نرجس الليل والهوى
عشان عيونك بكره تضوى وتبقى انوار للشوارع
داير ادس عينيك ريده
بس بخاف القاها تجرف
للبعيد مركب هواك
راسيه فى قيف الموانع

[حبوبة]

لويمر فى الصبح صوتك نشوة الزول الموالف
داير ادس عينيك ريده

يوم يمر حرفك يسطِّر
ينور الصفحة ويخدِّر
وتسرح النظرة وتودِّر
في حروف تومتي البريدا ..

مهوية يا غالية .. تسلمي ع المرور الجميل زيك