حيوانات متوحشة تروع سكان الخرطوم

[saydbrka]

اخر الاخبار حسب كلام المدير العام للحياة البرية انها كلاب خلاء متوحشة وجات قبل كدة سنة 94

[saydbrka]

ودة كلام جريدة الدار امس:


كتب: احمد الامين بخيت { لم تكن حملة (الدار) وما تكتبه عن الحيوانات الغريبة محض افتراء ولا تلفيقا للحقائق خاصة ان ما تنشره كان مدعماً بالصور وشهود العيان وشاءت ارادة الله ان تكشف للجميع عمق المأساة التي كانت الدار اول من قام بفتح ملفاتها وتابعتها بتميز.. الان فقط حصحص الحق

عندما قام احد هذه الحيوانات بالتهام طفل في منطقة الحتانة ..واذا شئنا الحقيقة فإن احد هذه الحيوانات قام باختطاف الطفل من صدر والدته ومن داخل الغرفة التي ينام فيها وذلك في حوالي الثالثة فجراً وقام بالتهامه مع آخر حيث تمكن الحيوانان من التهام مقعد الطفل كاملاً واجزاء كبيرة من فخذيه وبعد ان شبع الحيوانان الغريبان اخذا قسطاً من الراحة والطفل المنهوش ممداً بينهما بلا حراك بعد الغيبوبة التي اصابته من جراء فقدانه لدمائه الغزيرة وهذه الحادثة تعد الابشع من بين التي قمنا برصدها ونبهنا لها كثيراً ابتداء من المجزرة التي ارتكبها احد هذه الحيوانات مع الطفلة (آلاء) في مدينة السامراب مروراً بالطفلة (متاع) بسوبا الحلة وآخرهم الطفل (عمر) بمنطقة بتري. وتعود وقائع قصة الطفل (كون) ابن العامين والذي كان ينام في حضن والدته داخل غرفة مبنية بالاعواد البلدية وان شئنا فهي (راكوبة) اما الوالد فكان مسافراً الي مدينة سنار وليلاً تأكدت والدة الطفل بخيتة جبور انها قامت بقفل باب الغرفة وهو عبارة ن (ملاية) عادية حيث تمكن الحيوانان الغريبان من الدخول وسحب الطفل الصغير وقاما بجره والتهام الاجزاء الخلفية من جسده كاملة وبعد ان اشبعاه نهشاً تركاه مضرجاً في دمائه مصاباً بحالة غيبوبة الي ان استيقظت والدته بخيتة في الثالثة فجرا ًوعندما لم تجده ذهبت خارجاً لتبحث عنه فوجدته ممداً بين حيوانين كانا ينامان ملء العين والطفل غارق في دمائه..فزعت الام وقامت بالتقاط جسد ابنها الذي يبدو بلا حراك ولكن ذلك التصرف لم يرض سلوك الحيوانين اللذين اخذا في مهاجمة الام نفسها لكنها استحضرت ان هذه الحيوانات لا تخيفها الا الانوار فقامت بإنارة بطاريتها الشئ الذي دفع بهذه الحيوانات الي الهرب. تم فتح بلاغ بالحادثة وقد اهتم سعادة العميد جمال الدين عكاشة مدير شرطة محلية كرري بالامر بنفسه وامر فورا بقتل الكلاب المعتدية وقد تم له ما اراد حيث تحول مركز شرطة محلية كرري الي خلية نحل وقاموا بمتابعة اثر الحيوان وتمكنوا من قتله ثم اخذ الطفل الي قسم الحوادث بمستشفي ام درمان ..و قال احد الاطباء ان الطفل فقد جميع وظائفه الحيوية وحالته غير مستقرة وغير مطمئنة.. وتبقي مسألة حياته من عدمها بيد الخالق عز وجل نسأل الله له الشفاء. ومن جانب آخر قام الدكتور عماد حامد سليمان معتمد ام درمان بزيارة الي مستشفي ام درمان ووقف بنفسه علي حالة الطفل. كما امر سيادته بتنفيذ حملة كبرى للقضاء على الكلاب الضالة ابتداء من اليوم خاصة في المناطق الطرفية والمناطق التي تقع علي شريط النيل وقد تم رصد ثلاث دوريات لتطبيق هذه الحملة وقال سيادته ان هذه الحملة هدفها ابادة كل الكلاب الضالة وذلك حرصاً علي ارواح المواطنين وقد شغل سيادته غرفة طوارئ وغرفة بلاغات في المحلية واهاب بالمواطنين الاتصال علي الارقام التالية: 012874459 والرقم 0908744760 في حالة وقوع أي حادثة مرتبطة بهذه الحيوانات. (الدار) التقت الاستاذ محمد عبدالماجد منسق اللجنة الشعبية بمحلية كرري والذي كان في زيارة الي الطفل بالمستشفي حيث قال: اثمن لجريدة الدار دورها الكبير في كشفها لقصة الحيوانات الغريبة وقد كانت الصحيفة السباقة كعادتها وكانت اول المبصرين لحوادث الحيوانات الغريبة وسط تكذيب قطاعات كبيرة وناشد سيادته وزير الداخلية بعمل حملة كبري في ولاية الخرطوم قاطبة خاصة بعد استفحال خطر هذه الحيوانات التي لا تفرق في هجماتها بين انسان وحيوان.

[جدو206]

انا من المقيمين بدولة الامارات واتابع اخبار الحيوانات المتوحشة عبر صحيفة الدار حتى الان الاقاويل لم تثبت على شى مفيدة ويزيل العتمة من مصدر هذه الحيوانات الضارية حتى هذه اللحظة لم يظهر علينا مسوؤل واحد بالخبر اليقين عن هذه الحيوانات ومصدرها نرجو ان يظهر علينا احد المسئولين فى شاشات التلفاز ليوضح لنا الحقيقة بالكامل

[saydbrka]

طلعت كلاب...........................................

[العمده2]

وقال ليك شنو كمان ؟؟

عصام الترابى ينتقد شرطة الحياة البريه ويدافع عن الكلاب
فى جريدة الخرطوم اليوم
تقول حيصوتو ليهم

عـــــــــــــــــــــالم مليان عجايب

[sma7a]

اخر الاخبار حسب كلام المدير العام للحياة البرية انها كلاب خلاء متوحشة وجات قبل كدة سنة 94

ايوا بالزبط كدا
بس المعلومة الغلط انها ما كتيره كل الشوهيد عدد قلليل جدا يمكن 3 وبعد وفاة واحد الباقي اتنين ان شاء الله يلاقهوم

[وليد مختار]

والله ياحلوين البقراء في الكلام دا بقول انو ما في السودان والله دا كلو كلام جرايد وزيادات ساي من الناس وسودانا في امن وامان ودي شنو ياجماعه الودوها قسم الكلاكله بس ماتقولو لي الكلاب ...... لو الكلاب مليون في الميه كطب ومعناها مافي اي كلاب وناس انصار السنه ديل اول مره نسمع بيهم ..... والله قعد تزكرونا كلام حبوباتنا .. كان بقولو التيمان بتقلبو كدايس والسحاحير دا كلام ساااااكت والله يدينا ويديكم العافيه

[ملاك الورد]

بتعرفوا عالم الحيونات السوداني داك اسمو شنو ما عارفه
بحكو لي انه زمان كان بجيب حشرات و مصايب كده في التلفزيون

المهم قال انه "خلطة الكلاب و الذئاب و الضباع " دي تربيتها صعبه و مكلفه ............... !!!!!!!
يعني محتاجه كل يوم زي كم كيلوا لحمه مسلوقه مع الخضار
و من عندي "حبة كاتشاب : : "
لكن صور الهنايات دي لمن جابوها في الشروق بس شكل الكديس
مسكييينه .....

[سليمو]

ربنا يحفظ جميع اطفال المسلمين وبالأخص اولاد حلتنا .

[saydbrka]

بتعرفوا عالم الحيونات السوداني داك اسمو شنو ما عارفه
بحكو لي انه زمان كان بجيب حشرات و مصايب كده في التلفزيون

المهم قال انه "خلطة الكلاب و الذئاب و الضباع " دي تربيتها صعبه و مكلفه ............... !!!!!!!
يعني محتاجه كل يوم زي كم كيلوا لحمه مسلوقه مع الخضار
و من عندي "حبة كاتشاب : : Banana.gif "
لكن صور الهنايات دي لمن جابوها في الشروق بس شكل الكديس
مسكييينه .....

معقولة يا ملاك النور ما بتعرفى محمد عبد الله الريح ؟؟
ياخ دة حساس محمد حساس .. دة حلمنتيش ذاتها

وبرضو شكرا على المرور..

[ظبياني وأفتخر]

[glow=66CCFF]وهذا القول الارجح علمياً لا يتزاوج الذئب مع الضبع على خلاف الكلب والذئب...

والسبب واضح الذئب والكلب من فصيله واحدة وهي الكلبيات ويمكن حدوث تزاوج بينهم...
اما (الضبع) فهو فصيله منفصله واسمها الضبعيات..
وتنقسم الى ثلاث انواع البني والمنقط والمخطط
واضيف معلومه
لحد الان لم يستطيع العلماء من تحديد الذكر من الانثة من الضباع وهذه حقيقة علميه

وانا بعتقادي ان الشيب احد انواع الذئاب الكبيرة والنادرة في الجزيرة العربية قد تكون هجينة من نوعين من الذئاب او من الكلاب مع الذئاب..
لكن بعتقادي اذا حصل تزاوج بين الضبع والذئب وهو مستبعد سيكون الناتج عقيم لا ينجب


الشيب






و الله اعلم . [/glow]

[أبو أحمد]

والله دى حيوانات عجيبة خلاص

[مصعب الحداد]

بسم الله الذى لا يضر مع اسمه شئ فى الارض ولا فى السماء وهو السميع العليم"

تقول هذا الدعاء 3 مرات ومن قالها لم يضره شئ

او تقول

" أعوذ بكلمات الله التامات من شر ماخلق"
من قالها 3 مرات صباحا ومساءا لم يضره شئ

اللهم احفظ السودان واحفظ اهلها

[فــتى الفلامنكو]

يااا ناااس دي حقيقه ولا خرافات دا كلووو في السودان

لا حول ولا قوة إلابالله

والله خوفتونا من السودان ده زاااتو وكمان كلام bob marley 2009عقدني زيادة

هه ودي حاااله العاصمه طيب القرى والارياف بتكون كيف مع إني حاس إنوو القرى والارياف أمن من

العاصمه مليووون مره

الله يحفضنا ويحفضكم إنشاء الله

[فــتى الفلامنكو]

بسم الله الذى لا يضر مع اسمه شئ فى الارض ولا فى السماء وهو السميع العليم"


بسم الله الذى لا يضر مع اسمه شئ فى الارض ولا فى السماء وهو السميع العليم"


بسم الله الذى لا يضر مع اسمه شئ فى الارض ولا فى السماء وهو السميع العليم"


" أعوذ بكلمات الله التامات من شر ماخلق"


" أعوذ بكلمات الله التامات من شر ماخلق"


" أعوذ بكلمات الله التامات من شر ماخلق"

[ملاك الورد]

معقولة يا ملاك النور ما بتعرفى محمد عبد الله الريح ؟؟
ياخ دة حساس محمد حساس .. دة حلمنتيش ذاتها

وبرضو شكرا على المرور..

حساس شنو !!!
العكس انا بعرفه لكن نسيت الاسم

[بكور]

و الله يا شباب ده بالنسبه لى كلام جرايد ساى ..... انا لغايه 3 صباحا بكون بره البيت و احيانا بكون واقف 1 صباحا ف ميدان مستنى الشباب يجو يسوقونى و كل اللاقنى مجرد كلاب عاديه و نااااادر ما القاهم ....... لو بقيف ف مكان و احد ممكن نقول عشان كده ما بلاقونى .... لكن انا مره ف امدرمان و كم مره ف بحرى و طوااااالى ف الخرطوم .... و صدقونى ف حاجه اسمها زئاب او كلاب مهجنه او اى كلام زى ده

[saydbrka]

حساس شنو !!!
العكس انا بعرفه لكن نسيت الاسم

حساس محمد حساس دة اسمو الحركى فى هيئة حلمنتيش العليا , ومن قصايدو ابو فرار





ودمت

[ملاك الورد]

حساس محمد حساس دة اسمو الحركى فى هيئة حلمنتيش العليا , ومن قصايدو ابو فرار





ودمت

شكرا جزيلا
و الله ماكنت عارفه المعلومه دي انه بكتب قصايد
تشكراتي
بس اسمه فيه رنه

[saydbrka]

شكرا جزيلا
و الله ماكنت عارفه المعلومه دي انه بكتب قصايد
تشكراتي
بس اسمه فيه رنه

ولا ( شكرن ) على واجب

هى حنس قصايد
احلى قصايد حلمنتيش
اصبرى لى شوية اكتب ليك واحدة


ودمت :d:40: