جميع المغتربين ((سؤال صعب جدا))...

[Mr.NENO]

حا يكون اختياري السودان الحبيب
لانو مهما اغتربت لابد لنك تحن لوطنك

[مغتربة مقيمة في الإمارات]

لو بتهتموا برأيي

أنا حختار السودان طبعا والسؤال دة لازم ما ينسئل لأنو كيف الواحد يفضل بلاد الغربة عن وطنه


مع تحياتي

الاء

[دانة]

افكورس حاختار السودان

[هدندوية مية المية]

عوووودة بعد غياااب طوييييييييييييل..

والله يا سارونا اكيد حختارو في السودان في النهاية الزول كده ولا كده ومهما مرت الايام حيرجع لي بلدو ماعندنا غيره ..

تقبلي مروري :-
[mark=FF99FF]هــــدندوية ميــة الميــة .. [/mark]

[رحـــال الشمـــال]

البيت معناه الاستقرار فإذا كان البيت فاخر وكبير زي ما بتقولي

بدون أي شك حيكون مستقري في بلدي

وليك الشكر على السؤال

[ود اهلى]

[move=up]

السلام عليكم ورحمه الله وبركاته وبعد ...
كل السودانيين بعيشوا على الذكريات والامنيات اذا كان ما تقولون كلكم بانكم بتختاروا السودان لماذا فضلتم العيش خارجه بختياركم الغربه دوما فى كل الاحوال والسبل ليه ما فكرتواتقعدوا وتقولوا فعلا بلدنا محتاج لكل واحد منا بخبرته وعلمه اضحى السودان مصدرا لكل الجنسيات الاخرى وترك السودانيين بلدهم للاخرين يعملوا بها ما يريدون واسفتاه عليكم بس انتم فقط متمرسون على الكلام الحنيين للوطن والكلام الكبير فى معناه وقيمه السمحة لو طبقت على ارض الواقع ولو كل سودانى متميز سافر واغترب ممن سبقى للسودان لك الله يا وطنى يا ارض اجدادى يا دمى الغانى فى كل شراينى بكل نبضه ينبض السودان القلب الحاضن لكل انسان مهما كانت المغريات مافى زول برضى يبدل جنسيته دا شى مسلم به مافى داعى نقول كلام من اجل الكلام عشان كده احسن الناس تنسى السودان لناسوا القاعدين فيه فقط انتم من الخارج خليكم فى حياتكم الخاصه والرفاهية الزايفه , معليش للكل اذا اسات الكلام فى خطوم الحديث بس لعله راى يعبر عن راى شخصى تحياتى .

[/move]

[هدندوية مية المية]

ود اهلي بس بحب ابين ليك نقطة

انحنا ما اخترنا الغربة انحنا فتحنا عيونا لقينا روحنا في الغربة

وعلى حسب كلامك انو احنا لما نتكلم عن الوطن كلامنا زايف وبالعكس ، دي الحاجة الدايما بقولوها ناس السودان دايما عننا للاسف

وانحنا دايما بنفكر انو نكون في السودان ونعيش فيهو واكبر مثال لي ذلك انو بيمشي معظمنا يقرا في جامعات السودان

لكن اهالينا مافي حاجة دفعتم يغتربوا الا للظروف الصعبة الكانت زمان في السودان وما زالت

وفي النهاية الانسان ببحث عن راحتو ورفاهيتو لانو العمر ده مرة وحدة ما بتكرر

لما امشي السودان والقه روحي تعبانة ومافي حاجة متوفرة لي وبره بي ابسط الاشياء بكون مرتاحة وريني سبب واحد يدفعني اقعد فيهو غير الاهل !!!!!!!!!!!!!!!؟؟؟؟؟؟؟؟؟؟؟؟؟

[الفرح المهاجر]

[align=center]الغريب عن وطنو مهما طالو غيابو
مصيرو يرجع لى اهلو احبابو

يعنى مهم بلغت من العمر برا وطنك
اكيد يجى يوم ترجع[/align][/size]

[دلوعه وكلمتى مسموعه]

مشكور علي البوست وانا اكيد راح اختار في بلدى السودان لانوهي اللي بنحن ليها ومافي بلد في العالم كلو مهما كانت متقدمه عنها تكون مكانها في قلبي

[بجبوج الاصل]

وطنا البأسمك كتبنا ورطنا وطنا وطنا وطنا وطنا
سودانى الجوة فى وجدانى بريدو سودانى
وطن الجدود نفديك بالارواح

الماعندو خير فى بلدو خايب رجاء

[المحب لوطنه]

طبعاً في بلدي لأنو زي البلد مافي والزول مهما كانت الظروف راجع راجع للبلد
بلادي وإن جارت علي عزيزة وأهل و إن ظنو علي كرام

[درة الوطن]

انا طول عمري عشت خارج الوطن لاكن كل سنه بمشي السودان صرااااااااااااااااااااااحة حااختارالبلد المغترب فيهااااااااااا والله مابعرف:ليه صراحه السؤال صعب................
مشكورة ياساروووووووووووووونة على السؤال الاكثر من رائع................

[كشكول]

سوداني العايش جوه وجداني

[omnia]

السلام عليكم
طبعا انا لو خيروني بختار السودان لانو مصير كل واحد في بلده
ومهما عشت بره حترجع السودان لو لي جامعه لو قدر الله ابوك مات ربنا ما يقولها
او حتى ابوك كبر في السن حيصرف عليكم من وين لازم ترجعوا فعشان كده اختاروا بلدكم
وامشو باغنيه ياغريب عن ديارك مصيرك تعود بعد غربته سنين مصيرك تعود