كل الحِبِّيبة تعالوا جاااي ...

[حبوبة]

شباب وشيبة كيفنكم ... أعضاء منتدانا الحبيب ازيكم

أهل الرواكيب يا صناديد ... الليلة جيتكم من بعيد

أصلي سمعت إنو في عيد

وشان حبوبة بتموت في الريد ... استعجلت وجات قبّال الناس تمد الايد

جاتكم جارية شايلة الريد

شان كل الناس اتنين اتنين ... يالله هادوا وهنّوا يا حلوين

الهدايا ... نظرة حانية ..كلمة طيبة .. بسمة ضاوية ...

لمسة من أروع يدين .. قبلة من زولاً حنين [ع الجبين يا مكركبين:d ]

وكل فالنتاين ونحن لامين تامين وفي سوداننا متحابين

[zizou]

المنتدى كل بقى شعرا

[بكور]

المنتدى كل بقى شعرا

عشان كده انا ان شاء الله حأبقى دكتووور

يا حبوبه انتى ما عجزتى ع الحاجات دى

لكن ما مشكله انا حعزك و اقعد معاك

[حبوبة]

المنتدى كل بقى شعرا

هو الشعر ده هين كدي يا جنا !!! ياريت ....

لكن أهو بنحاول شان خاطركم وفي وجودكم الحروف براها بتجود

[zizou]

عشان كده انا ان شاء الله حأبقى دكتووور

يا حبوبه انتى ما عجزتى ع الحاجات دى

لكن ما مشكله انا حعزك و اقعد معاك

اووع تبقى دكتور

[حبوبة]

يا حبوبه انتى ما عجزتى ع الحاجات دى

لكن ما مشكله انا حعزك و اقعد معاك

هو الحب كمان بيكبروا عليه يا بكور
الحب ده بابو مفتوح لي كل زول
الحب حنان الحب أمان الحب حبور
الحب صفا وجر للخاطر المكسور

الحب خيار ماهو احتكار
تحب اخوك وكمان الجار
الوالدين والصحبة في كل دار
عيد الحب ما كلو عشق وودار

أنا قصدت الحب في ذات نفسو
الإحساس الحلو الانت بتحسو
لي أيا كان نفسك تبثو .. تعال احكيه ولا تدسو
أصلو دنيانا ما بتوريه آخرو .. أو إمتى بتحبسو

هذا هو ما عنيتُه .... إني أحبك في الله يا بكور ....

[بكور]

هو الحب كمان بيكبروا عليه يا بكور
الحب ده بابو مفتوح لي كل زول
الحب حنان الحب أمان الحب حبور
الحب صفا وجر للخاطر المكسور

الحب خيار ماهو احتكار
تحب اخوك وكمان الجار
الوالدين والصحبة في كل دار
عيد الحب ما كلو عشق وودار

أنا قصدت الحب في ذات نفسو
الإحساس الحلو الانت بتحسو
لي أيا كان نفسك تبثو .. تعال احكيه ولا تدسو
أصلو دنيانا ما بتوريه آخرو .. أو إمتى بتحبسو

هذا هو ما عنيتُه .... إني أحبك في الله يا بكور ....

بالتأكيد حبوبه .... كلنا بنحب بعض ف الله

[معتبر]

حبوبة
حبينا
وحبونا
ولسه بنحب
وعشان الناس الحلوين الهنا
بنفتح قلوبنا استادات ودور محبة
ونتكسر في الريل
ونغني

الحب البان في لمسة يد في لمسة يد
اليد الناعمه والزوله الطاعمه
عنوان

وبيني بينك مشاوير تانية
وقبايل العيد جايه

[القلب الملك]

حبو من متين الحب عايز عيد ،،؟


الحب في كل يوم جديد ،،،


والعيد بكون لي الثابت الما بنتعش ولا بتحرك ولا بفيض ولا بزيد ،،،

لكين ريدنا وحبنا دايما متجدد ،، زايد ،،، فايض ،،، مليان لهيب ،،،


وكان لازم اهدي في اليوم دا ،،،،


يبقى لي هناية ،،، والعصفورة ،،، وذات القلاع ،،،


والجاي اكتر ،،، وبكرة أحلى ،،،

[رنو]

احلى تعليق يا حبوبة ودايما جاهزة بالشاعرية الجميله دى

[saare]

[align=center]والله ياريت الحب ده يكون فى اي يوم ماتخلو ليه يوم معين[/align][/size]

[امال الناس]

شباب وشيبة كيفنكم ... أعضاء منتدانا الحبيب ازيكم

أهل الرواكيب يا صناديد ... الليلة جيتكم من بعيد

أصلي سمعت إنو في عيد

وشان حبوبة بتموت في الريد ... استعجلت وجات قبّال الناس تمد الايد

جاتكم جارية شايلة الريد

شان كل الناس اتنين اتنين ... يالله هادوا وهنّوا يا حلوين

الهدايا ... نظرة حانية ..كلمة طيبة .. بسمة ضاوية ...

لمسة من أروع يدين .. قبلة من زولاً حنين [ع الجبين يا مكركبين:d ]

وكل فالنتاين ونحن لامين تامين وفي سوداننا متحابين

شبيك لبيك
يا حبوبة
نحنا بين يديك

[اطياف الخريف]

زي ما قالت امال احنا بين ايديك

[ود الزوحي]

أنا جيت .. وبس

[حبوبة]

حبوبة

وعشان الناس الحلوين الهنا
بنفتح قلوبنا استادات ودور محبة

اب سن ..
لكن ما في ناس غير ناس هنا
ديل وين نصيبهم من الهنا
ما دايرة اوصيك يا جنا
علي حبوباتك أخياتك وام الجنا
وفّي هناك ... بعدين الفايض هنا

[حبوبة]

حبو من متين الحب عايز عيد ،،؟

الحب في كل يوم جديد ،،،

قلبنا .. لا فض فوك .. نضمك سمح تب
لكن سؤالي .. امتى آخر مرة ونّستها بكلمة حب
عافيت الوالدة طلبت رضاها باسم الحب
هديت الجار باسم الود مركوب أو جب

وتصل هديتك وتلقاها نيتك
وبالود يا حبيب كل أيامك تطيب

[مها]

كلمة جميله يا غاليه
ومن شفتيك معسولة
مقاطع من حروف تطلع
وترمى قوافى من طوله
حبوبه يا غاليه ،،،،،،كلنا معاك نغنى للحب وللوصال
وياريت لو بقى صوت الحب لسان حالنا

[معتبر]

اعمل لي في بروفه عشان انطق المفردة
بنغمة حنينة واقول ......... يا .... المنططة عينيك

[bet-handasa]

[grade="00008b ff6347 008000 4b0082"]حبوبه الحبوبه
ازيك ومشتاقين شديد
وبي الجدكلامك حلو شديد
تسلمي شديد وسجلوني معاكم[/grade]

[حبوبة]

[align=center]والله ياريت الحب ده يكون فى اي يوم ماتخلو ليه يوم معين[/align][/size]

ساري الليل ... رايك سديد بلحيل .. وفعلا الحب رفيقا دايم .. بلاه كان انهد الحيل
لكن في لخمة الزمن الجميل حتى الحب بيحتاج لو وقفة وأحيانا تفسير
كل مناحي حياتنا مبنية عليه ومن كتر ما الناس اعتادت عليه صار يؤخذ على إنو واجب
يعني تكون عملت حاجة غير ملزم عليها بدافع التوادد والطرف الآخر يفترض انو ده واجبك
في حين كلمة حلوة أو لمسة شكر أو حتى ابتسامة كانت ح تخلي الود يزيد والإحساس أجمل

وبعدين الدنيا مشارف ربيع ... وخلي قلبك عامر بالحب تملي .. في الزحمة منك لا ... يضيع
Saare برضو طالباك هدية لي كل الأحبة