ببكي وبنوح وبصيح

[حبيب الناس]

يا اخوان غلبني اقول الكلام وجهاً لوجه فقررت ان اقوله من وراء الكواليس . واللبيب بالإشارة يفهم .



وكل واحد عايز يقول كلام لزول معين رسالة او كلمة او شعور وما قدر يقولو بشكل مباشر يخش هنا معانا وينداح ويبكي وينوح ويصيح . وانا عندي كلام كتير لزول ملك قلبي لما فاض واتدفق وشغل عقلي لما غلبني التركيز في حياتي .

إليكي يا من رأيتك صدفة وعشقتك رغم انفي .
إليكي يا من حرمتي عيني النوم وعلمتي جسمي السهر.
إليكي يا ملكة جمال افكاري وحلي وترحالي .
إليكي يا من نسجتي على قلبي فلم يعد يقدر الخلاص.

هل ياترى يا ملهمتي تعرفين اني عشقتك حتى فقدت الإتزان . ؟
هل يا ترى شعرتي بمدى حوجتي لقربك . ؟
هل يا ترى فهمتي نظراتي إليك وتعابيري . ؟
هل أحسستي بكلامتي المبعثرة . ؟


شفتك صدفة .
وعشقتك مرغم
وحلمي صار مبهم


لو كان العشق رجلاً لقتلته .
ولو كان الإنتظار جبلا لسحقته .
ولو كان القدر وحشاً لأكلته .


رسالتي لكي يا ملهمتي :-

هل انا احمق ؟
هل انا مسحور ؟
هل ستفهمين ؟
هل ستعقلين ؟
هل علمتي من أعني ؟
من احببت وعشقت ؟
من أنتي ؟


انا ما حقدر اصارحك بكل حبي ليك
ومستني يوم يجمعني بيك
وبقول ليك بحبك

وفي الختام بكينا ونوحنا والكلام ما كمل والجواي كتير بيحرق الجوف والعصب ما كنت داير اقولو ليك لكين لسان الحال غلب .

[القلب الملك]

الله يبل شوقك يا حبيب الناس ،،،


كلماتك حلوة ،،

هسا كل واحدة تقول قاصدا بالكلام دا ،،،

[نهـاد]

حبيب الناس
ما عارفة اقول ليك شنو
بس بتمنى انها تفهم الكلام دا وتحس بيه وتعرف انها هي المقصودة
لانو فعلا اصعب شي يكون عندنا مشاعر واحاسيس ما نقدر نوصلها للطرف التاني
والأصعب اننا ما نكون عارفين هل هو زينا بحمل نفس المشاعر دي ولا لا

[نهر المحبه]

شكرا ليك حبيب الناس على البوست ده
والله يجمعك بحبك الخلاك تبكي وتنوح وتصيح
للشوفه بتريح
انا ببكي وبقول
او علمت اني ببعدك تعلمت ان الشوق حراق
او علمت انك ببرودك تطفىء حرقة الاشواق
او ما علمت انني اعلم انك تريد ان تقولها
ولكن تواجه صعوبة وتشعر بالاخفاق
قلها...عاليا واسمع صوتك لكل الارجاء

[نهر المحبه]

الله يبل شوقك يا حبيب الناس ،،،


كلماتك حلوة ،،

هسا كل واحدة تقول قاصدا بالكلام دا ،،،

قال جدو قال

[الضراع]

حبيب الناس
يازول البت دي كسرت وهردت مصارينك وفشفاشك .حالتك تحنن
وانا زاتي حسي نوحتا معاك وعايز ابكي كمان
عشان حالتك دي مرتي بي وكان كتبت تاني كلام حلو كيف كلامك دا
بعد شويه بقلب ليك البوست دا بكي عديييييل ودرديق في التراب
تحياتي

[omar babikir]

من مده طويلة ما شفت بكه زي ده يعني من يوم ما ظهر النت والشات والسات
وكترن البنات.. وساقن العربات ...ومسكن الموبايلات ...بقا مافي كسير وبكا زي بكاك
دا ...اكيد الكسرتك سوبرجكس...يعني مافي منها...عموما البكا ما عيب لكن خلي
بالك واعمل حسابك من

[حبيب الناس]

الله يبل شوقك يا حبيب الناس ،،،


كلماتك حلوة ،،

هسا كل واحدة تقول قاصدا بالكلام دا ،،،

القلب الملك ،،، تحياتي ...


المقصودة بالكلام إنسانة كلها ذوق واحتــــــــــــــــرام .
وانا حبيتها بدون سابق انذار وقلبي عرف الهيــــــــــام .
وقلبي بيها صار مغروم وعشقي ليها نال كل اهتمـــــــام .
الفريدة في حسنها وفي بنات حوا كلهن وقف الكـــــــلام .
الناعسة طويلة الجيد فكري معهاها وحركت الأنــــــــام .
وكل واحدة تقول يا ربي دي انا وانا بقول دي كل الغرام .



إنشاء الله تكون فهمت أحاسيسي وقدرت تلحظ كلمات الغرام .

[ياسرالسوداني]

حبيب الناس ربنا يعطيك الفي البالك

[حبيب الناس]

حبيب الناس
ما عارفة اقول ليك شنو
بس بتمنى انها تفهم الكلام دا وتحس بيه وتعرف انها هي المقصودة
لانو فعلا اصعب شي يكون عندنا مشاعر واحاسيس ما نقدر نوصلها للطرف التاني
والأصعب اننا ما نكون عارفين هل هو زينا بحمل نفس المشاعر دي ولا لا

نهاد نورتي البوست والله ،،،


اي إنسان خلقو ربنا بيكون حاشد جواه احاسيس حلوة كتيرة . وده هدف البوست . بدون ذكر اسماء وصفات بيحاول الكاتب إنو يقول الكلام الغلبو يقولو مباشرةً لمحبوبو عن طريق الكابة المبعثرة ويذكر صفة ما بيقدر يلاحظها غير الشخص المقصود بالكلام عشان المعلومة توصل .
وانا بتمنى من خلال البوست ده إنو كل واحد مننا يقدر يعبر لحبيبو بطريقتو الخاصة والشخص المقصود يقدر يفهم احاسيسو ويعبر ليهو عنها في نفس البوست ويحصل الوئام بين الإتنين .

والمطلبو إنو مافي زول يبخل لنفسو بالكلام عن دواخلو لأي زول ونلقة في المكان ده المحبوب اللي نقدر نقول ليهو الكلام الماقدرنا نقولو ليهو وجها لوجه سواء كان عتاب أو كلمة حب او كلمة إمتنان أو كلمة إفتقاد .

يلا خلونا من حروفكم نتشجع ونقدر نقول الكلام بدون حدود للزول البهمنا انو يعرف مشاعرنا ليهو

[حبيب الناس]

شكرا ليك حبيب الناس على البوست ده
والله يجمعك بحبك الخلاك تبكي وتنوح وتصيح
للشوفه بتريح
انا ببكي وبقول
او علمت اني ببعدك تعلمت ان الشوق حراق
او علمت انك ببرودك تطفىء حرقة الاشواق
او ما علمت انني اعلم انك تريد ان تقولها
ولكن تواجه صعوبة وتشعر بالاخفاق
قلها...عاليا واسمع صوتك لكل الارجاء

تسلمي نهر المحبة على الكلمات دي .
وانا بقول ليها .

خليتي الكلام ينثر دهب .
من حروف زادت تعبي تعب .
من يوم شفت البوفايل الوقفني عجب .
طريتك بسمة في الخاطر .
وعرفت للحب مسلك درب .

[حبيب الناس]

حبيب الناس
يازول البت دي كسرت وهردت مصارينك وفشفاشك .حالتك تحنن
وانا زاتي حسي نوحتا معاك وعايز ابكي كمان
عشان حالتك دي مرتي بي وكان كتبت تاني كلام حلو كيف كلامك دا
بعد شويه بقلب ليك البوست دا بكي عديييييل ودرديق في التراب
تحياتي

كويس يا الضراع انت عايز تدردق أخوك جلدو انسلخ من الدردقة .

[مسلمة وافتخر]

كويس يا الضراع انت عايز تدردق أخوك جلدو انسلخ من الدردقة .

[حبيب الناس]

من مده طويلة ما شفت بكه زي ده يعني من يوم ما ظهر النت والشات والسات
وكترن البنات.. وساقن العربات ...ومسكن الموبايلات ...بقا مافي كسير وبكا زي بكاك
دا ...اكيد الكسرتك سوبرجكس...يعني مافي منها...عموما البكا ما عيب لكن خلي
بالك واعمل حسابك من

إنت يا زولنا ما شفت الطلة .
الفيها داخو واتعذبو خلق الله .
لو شفت القامة البغزال تتورا.
والخشيم المن ابتسامتو تنجما .
والنهيد المن برتكان هندي اتروا .
حبيب كل تفاصيلا وقعدت اتحرا .
الحبيب الزاد جني وخلاني واتحجا .



تقول لي ما سوبر جكس .
دي ست البنات الفي قلبي اتوسدت لما كتمت نفسي .

[هوبة]

واشريري يا حبيب الناس
اوعى تكون هنايهـ

تخريمهـ : يا جماعهـ فارماس وود الزوحي وين

[حبيب الناس]

واشريري يا حبيب الناس
اوعى تكون هنايهـ

تخريمهـ : يا جماعهـ فارماس وود الزوحي وين

وااااااااااااي وكمان
واااااااااااي
والله يا هوبة لا فايدة من ده ولا من ده

وما تقولي انا معيون
انا ما معيون ... ازاي ودواي خدود وعيون


وسجلي لي المقلب

[القلب الملك]

قال جدو قال

الظاهر إنو كلام رءوف صاح ،،،

انا كبرت وبقيت اخرف ،،، :

استحلمو جدو شوية ،،،، بكرة أموت وتورثي السحارة بالفيها ،،، 001:
============

حبيب الناس ،،، حالتك صعبة ،،، إن شاء الله تكون فهمت حاجة ،،،

كدي انقشا بي كلمة كلمتين من الكنت بتقولهم ليها ،،،

[هوبة]

يا حبيبنا
واااااااااي و 2 واااااااااااي



سجل لي النسكافية دا ,,,,,,

[حبيب الناس]

الظاهر إنو كلام رءوف صاح ،،،

انا كبرت وبقيت اخرف ،،، :

استحلمو جدو شوية ،،،، بكرة أموت وتورثي السحارة بالفيها ،،، 001:
============

حبيب الناس ،،، حالتك صعبة ،،، إن شاء الله تكون فهمت حاجة ،،،

كدي انقشا بي كلمة كلمتين من الكنت بتقولهم ليها ،،،

والله يا القلب الملك انا ما قدرت اصارحا بحبي ليها لانو في ظرف معين مانعني ابوح بكل الجواي لكين هي عارفة اني حبيتها بالكركي كده . وعايزكم تدعو لي ربنا يمشي الايام الجاية دي على خير واقدر اصرخ بعالي الصوت لكل الناس واقول ليها حبيب الناس بحبك يا هنايه

[حبيب الناس]

يا حبيبنا
واااااااااي و 2 واااااااااااي



سجل لي النسكافية دا ,,,,,,

يارسايل شوقي ليهم امشي ليهم وقلي ليهم قلبي وعيوني مشتاقة لعنيهم .



يا الله ساعدو .



وسجلي لي الشاي الكشري في كباية الشوب