بعد ما يئست من الأحلام
وقلت أكيد ح القاك قدام
ما انا كبرت علي الغرام
خلاص علي ضاع المرام
لكن ... دارت الأيام
وعرفتك صدفة ... حقبقة اقسام
قلت زميل ومعرفة ساي
شوية شوية ومن جاي لجاي
اتغلغلت وجيت عششت في جواي
امتى وفين وكيف وازاي ؟؟
لاني عارف لا لي دِراي ....
كان يوم حبك اجمل صدفة
غناها حليم
وحكى عن شوقو كمان واللهفة
وربي بالجواي عليم
بس لي سؤال داير لو وقفة
وبيك الشورة يا حكيم
سر لقانا .. وهل مقدر والا صدفة
هل مسطر والزمان كان لي غريم
والقبطان المسك في الدفة
كان مخير والا غشيم
وزي ما اليوم لاقيتك صدفة
قبال شوفك ريحك هف
دخلت الجوف وسكنت بخفة
وخليتني بي ريدك أهيم
لو جيت طوالي من غير لفة
يمكن كان حصّلت الزفة
وكنت انا رديت لحليم
حياتي معاه أروع صدفة
وكان يوم حبك أجمل صدفة .............
كنت حاسس رغم ريدي إني زي الما حبيبك
والزمان عارف مصيرنا و حقو لي ما كان يجيبك
يا حليل قليبي التاه و روّح في دريبك
منّك اتعلّم كتير وفي الصبابة صِبح ربيبك
قالوا "الحب ورد" الا بس شوكُه كتير
وانا زي فراشة جنب النار تطير
زي عطشان في صحراء بيحلم بالغدير
متل عدمان بيأمل و يحلم بالحرير
زي طفلا غرير ضلّ السبيل
آهٍ ثم آهٍ يا أجمل غرام يا الحب النبيل
وقلبي البي هواك اصبح عليل
والزمان لعب علي وعذبني بلحيل
من القدر والظروف أنا ضقت ويل الويل
أنا ودموعي وذكراك والقمر والليل
ماانت عارف من زمان مكتول هواك انا من قبيل ....
حبوبة كتب:كنت حاسس رغم ريدي إني زي الما حبيبك
والزمان عارف مصيرنا و حقو لي ما كان يجيبك
يا حليل قليبي التاه و روّح في دريبك
منّك اتعلّم كتير وفي الصبابة صِبح ربيبك
قالوا "الحب ورد" الا بس شوكُه كتير
وانا زي فراشة جنب النار تطير
زي عطشان في صحراء بيحلم بالغدير
متل عدمان بيأمل و يحلم بالحرير
زي طفلا غرير ضلّ السبيل
آهٍ ثم آهٍ يا أجمل غرام يا الحب النبيل
وقلبي البي هواك اصبح عليل
والزمان لعب علي وعذبني بلحيل
من القدر والظروف أنا ضقت ويل الويل
أنا ودموعي وذكراك والقمر والليل
ماانت عارف من زمان مكتول هواك انا من قبيل ....
أبو علي .. قال الشاعر هو شوق الجن بيتبلا
وقال ساخر إن لمّن فيك يحلك الحلّ بلة
لكن
زي ما هن ليكم ملاذ
انتو يا غالي لينا الساس وفوق الراس
نشيلكم حِن غلا وإعزاز
وليكم ريدة مااااااا بتنقاس
و
اريتك ديمة طيب و...ز
ملان احساس
حبوبة كتب:
أبو علي .. قال الشاعر هو شوق الجن بيتبلا
وقال ساخر إن لمّن فيك يحلك الحلّ بلة
لكن
زي ما هن ليكم ملاذ
انتو يا غالي لينا الساس وفوق الراس
نشيلكم حِن غلا وإعزاز
وليكم ريدة مااااااا بتنقاس
و
اريتك ديمة طيب و...ز
ملان احساس
حبوبة
الخاطر يطيب لمعانقة حبيب
ولو زاد يبقي فرح
وبيني بينك اعزاز حاسيهو في حروف ابداع
تدهشك وحالة الدهشة الملازمة للحضور المتألق
تفكير في استدامة تواجد
زمان الإلفة والتحنان
يجيك في لحظة صفاء بين الحِبان
بحلم
وزي ماكل الناس بتحلم
بحلم
بي قلب صافي
وصديرا حنينا دافي
بحلم بالأمل الشايفه في عينيك موزع
بين كل الخلوق وكافي
بحلم وأجيك شايل حلمي الفاض
بفتش للمرافي
هدير الموجة بس صوت قلبي
لمن تجافي
وقلبي الجريح فتر من جفاك
طالبك بي الله عليه خافي
ياروعة ياست هواي
يابسمة ياكل مناي
يا انت
يا
مرافيء
بلدا فيها مليون ميل
أرضا جاري فيها النيل
[كان] عمران شمالها حمضيات منقة ونخيل
غربها خيرو [كان] فايض الكعبة كاسيها الحرير
للأرض الحرام من شرقها أقرب سبيل
جمال طبيعة وناس في شموخ توتيل
جنوبها خيراتو مدفونة من قل الدليل
اما الوسط ارض البطانة يا أصيل
أرض الجزيرة دهبنا الأبيض ياحليل
يا اخوانا نحن وين ؟؟؟ نلعب في شليل !!!!
مو نحن القال فينا شاعرنا الجليل
(نحن من نفر عمروا الأرض) وين ما نميل !!
مو نحن أحفاد المهدي ومهيرة وعبد الجليل !!
دايرني ادفرك للرحيل !!
كيف .. وانا المن دونك عليل
حبي داءك وريدك دواي انا ياجميل
تحكي عن البحر وانا الغرقت في حبك قبيل
وصدقني ما أبحرت .. علة جرفني سيل
تقول انتهيت ولسة ماتمينا ميل
وان ده كلامك وماعندك بديل
أكيد بدعي المولى يديك كل خير ...
وزي ما لقاك مسطر يبقى الفراق قدري
لو بإيدي ما هويتك .. وانت تدري
متين عرفتك؟ كيف عشفتك؟ لست أدري
سكنت الدواخل .. شغلت فكري
أشعلت نار صارت في دماي تسري
أنا ياسيدي .... محتارة في أمري
بس في مقولة كتير برددها ف سري
بما لا تشتهي السفن .. الرياح تجري .......
hoomy كتب:وقلبي الجريح فتر من جفاك
طالبك بي الله عليه خافي
ياروعة ياست هواي
يابسمة ياكل مناي
يا انت
يا
مرافيء
سبحان الكريم عالم الخفايا
كم وكم ناجيتو بحكايا
عن حلم ساكن الحنايا
عن زيارتك يوم تحن يا عشايَ
وكيف يوم تطل بصدح غنايَ
علة طال طناشك يا منايَ
من برودك الصقيع ضرب الحنايا
قنعت .. فما كل ما اتمنّته النفس ملكته يدايَ
وجاي الليلة تشتكي من جفايَ ؟؟