معقول شخص الدين شمسيا هنا قصدي معتز سيد
منور والله الفنجان
عندي ليك كم سؤال كده انشاءالله يعدلو ليك مزاجك
رياضيا
1/ بما انك تنتمي للقبيله الزرقاء ومتعصب جداسؤالي ليك
لماذا الاستقالات الحصلت داخل ادارة نادي الهلال من وجهة نظرك وقبل كم يوم يوم تابعت تصريح
لاحد المستقيلين وهو بقول انو مبسوط جدا بسب استقالتو لانو داخل الادارة ما مدينهم اي اهتمام وغير كده
ارائهم الادارة ما بتعمل بيها . ما التاثير الذي يلحق بالادارة من جراء تلك الاستقالات والتصريحات الخطيرة.
رجعنا ليك معتز ولسه مع الرياضه وخلي
ابنعوف يزيد ليك من الجنزبيل في البن
2/ هل بتفتكر وجود هذا الكم الهائل من المحترفين في فرق القمة سلبي ام ايجابي وما مدي تاثيره على اللعيبة المحليين ؟
3/ بالرغم من وجود المحترفين الاجانب الا ان الفُرق لم تصل الي مراحل مرضيه في البطولات
الخارجيه عايزين توضيح بسيط لو امكن ؟
4/ المنتخب الوطني اصبحنا لا نسمع عنه اي اخبار وتراجع الي الوراء بصورة مخيفه السبب بي بساطة ؟
خلاص انتهينا من الرياضه .
نجي للمنتدي وعندي ليك فيهو سؤال
1/في الفترات الاخيره اصبح النقد داخل المنتدي بصورة جارحه يعني مثلا واحد عندو
مثله شخصيه مع احد الاعضاء ما بيحلها بطرق تانيه تكون افضل وترضي كل الاطراف
كبسوله كده منك بتقول ليهم شنو عشان كلنا نستفيد ؟
2/ هل بتري المنتدي اتطور ام تراجع قليلاً؟
كوكتيل
1/ علاقتك بالفن كيف؟ ولو علاقتك كويسه منو من الفنانين بترتاح ليهو وبتلقي نفسك بتدندن في اغانيه؟
2/ مدينة سودانيه زورتها وتركت أتر داخل نفسك ؟
3/ قصة حصلت ليك وما بتنساها ؟
4/ رايك شنو في قهوة ابنعوف دي مظبوطة ولا عايزة يتقلوها ليك ؟
ود ابنعوف كتب:
هل ترى انه الفرق السودانية تنظيرهم اكتر من فعلهم
بصراحة أنا شايف قصة التنظير دي شماعة يلجأ لها أصحاب المناصب في مواجهة الانتقادات لأشخاصهم وقصور أداءهم. سواء على مستوى الفرق أو حتى مستوى الاتحاد والوزارات ذات الصلة.
لأنك انت كإداري تقلدت منصب معناها انت تجد في نفسك الكفاءة اللازمة للنهوض بالرياضة، وتقدر تذلل أو تواجه كل العقبات الممكن تقيف في طريقك بما فيها انتقادات الإعلام وتنظيراتهم.
لكن الإعلام واحدة من مهامه التنظير . والإداري والقيادي ليس من مهامه التنظير، القيادي مهمتك الأساسية التنظير والتنفيذ. .
فالإداري الناس ما محتاجة تسمع نظرياته محتاجة تشوفها نتائج ملموسة وإنجازات محققة ماثلة في الواقع.
عشان كدة -برأيي- التنظير دة شماعة وهي في حد ذاتها تنظير
ود ابنعوف كتب:
وهل نقص الامكانيات هى سبب تاخرنا كرويا ونحن من المؤسيسين للاتحاد الافريقى
ام انه اللاعيبة غير جادين وما عندهم الولاء للفريق
نقص الإمكانيات دي كمان شماعة أخرى يلجأ لها الإداريون . ويطبل لها الإعلام أحياناً ويصدقها الجمهور في كثير من الأحايين.
والمشكلة الأساسية بشكل عام هي التخطيط. لأنه التخطيط انت بتخطط قدر إمكانياتك . جزء من التخطيط انك ما تضع خطة أكبر من إمكانياتك وتحقق نتائج أكبر من إمكانياتك .
لكن الحاصل الآن من نتائج رياضية للسودان على كافة المناشط والمستويات هي أقل من إمكانياتنا المادية بكثير.
لذلك المشكلة قصور تخطيط وبالتالي قصور الإدارة.
أما اللاعب هو الآخر ضحية لسوء التخطيط . اللاعب ببدا نشيط يظهر مستواه في مدينةٍ ما أو حيٍ ما. يبقى طموحه يمشي لقدام يسجل في فريق درجة أولى، يصل أحد فريقي القمة .
وبمجرد وصوله لفريق القمة هو يبقى تحت تأثير سوء التخطيط. فنجده لا يتطور ولا يطور مستواه ولا نشعر في أداءه تطور أو رغبة في مواصلة الصعود بنفس الطريق للاحتراف خارجياً . فنلقاه بدا في عد تنازلي أو جمود عند نفس المستوى حتى الاعتزال.
اللاعب محتاج يطلق العنان لطموحه ولا يجعلها أسيرة بسقف ناديي القمة. والشي دة اذا سعت إدارات الأندية تقدمه للاعبين هي تستطيع ذلك وهو شي أساسي تحت مسئولياتها. وهي ستحصد استفادة قصوى من اللاعب في أداءه على مستوى الفريق، وكصفقة إذا طُلب هذا اللاعب من نادي آخر.
ود ابنعوف كتب:
والمدينة الرياضية الحلم الزى يراود كل الرياضين لم يطرا فيها جديد من كم سنة
ــــــــــــــــــــــــــ
المدينة الرياضية نفسها سوء تخطيط والله علمي علمك ما متابع أخبارها بدت في فترة سابقة وتوقف العمل بها وأصبحت كالوكر المهجور . وأنا كنت سمعت من مصادر غير موثوق بها انه في صراعات إدارية تتعلق بالتمويل أو بالفساد المالي أو تضارب مهام بعض الجهات المختصة.
وأياً كانت من الأسباب أعلاه هي في النهاية خلل إداري وسوء التخطيط في النهاية
مشكور حبيبنا [fot1]ود ابنعوف[/fot1] . في انتظارك تاني زيد البن
[align=center]وين يا معتز سيد .. خبارك مشتاقييين يا خي
كمان بقيت تجي تشرب الجبنه مع الجنا دا ..
فنجان جبنه بالياسمين والله تماام
انت عارف لو بطريقتك دي .. حتكمل لي الزول دا البن بتاعوو كلو ![/align][/b][/size]
معقول شخص الدين شمسيا هنا قصدي معتز سيد
منور والله الفنجان
انتي دي الشخصياً هنا!؟ وانتي دي المنورة
samraa alsudan كتب:
رياضيا
1/ بما انك تنتمي للقبيله الزرقاء ومتعصب جداسؤالي ليك
لماذا الاستقالات الحصلت داخل ادارة نادي الهلال من وجهة نظرك وقبل كم يوم يوم تابعت تصريح
لاحد المستقيلين وهو بقول انو مبسوط جدا بسب استقالتو لانو داخل الادارة ما مدينهم اي اهتمام وغير كده
ارائهم الادارة ما بتعمل بيها . ما التاثير الذي يلحق بالادارة من جراء تلك الاستقالات والتصريحات الخطيرة..
وانتوا مالكم شاغلين نفسكم بسيد البلد خليكم في الوصيف بتاعكم
هو ممكن يكون رأيهم صحيح وعندهم حق . يعني يكون صلاح إدريس لا يستجيب لآرائهم.
لكن في المقابل استقالاتهم لا تعني شيء . طالما هم مهمشين (وكانو قاعدين ساكت )
يبقى المجلس ما ح يتأثر كتير بالاستقالات. خصوصاً انه استقالة (الطاش) رُفضت وأظنه رجع عنها .
وبنظرة أخرى المجلس الحالي ح يحاول يثبت وجوده ونجاحه بعد الاستقالات. يعني ح يكون في مصلحة الهلال . إلا إذا حاول المستقيلين عرقلة جهود المجلس ومهامه. هنا ممكن تكمن الخطورة ولكن لا نسبق الحوادث.
2/ هل بتفتكر وجود هذا الكم الهائل من المحترفين في فرق القمة سلبي ام ايجابي وما مدي تاثيره على اللعيبة المحليين ؟
الاتحاد وضع لوائح واضحة فيما يخص اللاعبين المحترفين. يعني حدد عدد اللاعبين المسموح بهم لأندية الممتاز. ووضع الحد دة وفق خطة للاستفادة من اللاعبين المحترفين وعدم الإضرار بمصلحة اللاعب الوطني.
لكن ناديي القمة جاءوا بحيل جديدة وهي التجنيس . يعني يسجلوا العدد المسموح به من محترفين ويجنسوا معاهم اتنين تلاتة لاعبين محترفين.
وحيلة تانية هي ما يعرف بالتخزين . يعني النادي يكون ما محتاج للاعب معين بدلاً عن إخلاء سبيله يتم تخزينه في أحد الأندية (حتى لا ينتقل لنادي القمة المنافس )
والاتحاد عجز عن حماية قوانينه وأكثر من ذلك هو نفسه أصبح شريك في خرق القوانين الوضعها بنفسه. لأنه بقى يستسلم لاستثناءات لفريقي الهلال والمريخ وهم الأندية الأكثر استجلاباً للمحترفين.
يعني القوانين الوضعها الاتحاد لحماية الملاعب السودانية من سلبيات الاحتراف لجعله إيجابياً لتطوير الكرة . استثنى منها الهلال والمريخ وأصبحت بلا فائدة لذلك فرضت السلبيات نفسها مع الإيجابيات.
samraa alsudan كتب:
4/ المنتخب الوطني اصبحنا لا نسمع عنه اي اخبار وتراجع الي الوراء بصورة مخيفه السبب بي بساطة ؟
السبب ببساطة هو سوء تقدير للاتحاد العام .
الاتحاد العام حاول ينفذ استراتيجية لتكوين فريق وطني قوي على مدى سنتين أو ثلاثة (على المدى الطويل). وبناءً عليه تعاقد مع المدرب قسطنطين الذي بدأ مهامه وفق خطة الاتحاد . يعني تكوين منتخب وطني من البنية الأساسية وقد لا يؤتي ثماره إلا في خلال سنتين على أقل تقدير.
ولكن الخطأ في هذه الخطوة إنه المنتخب الوطني كان يخوض منافسة الموسم السابق في تصفيات الأمم الأفريقية وكأس العالم.
وكوننا نتجاهل هذه المنافسة ونقول عايزين نبني منتخب ينافس لقدام هو ما جعل المشاركة في التصفيات هذيلة وكأنها أداء واجب أو أقل من ذلك بكثير
الاتحاد كان ممكن يعمل على الخطين : المنافسة بالفريق الحالي ودي يشرف عليها مدرب وطني ممكن يلحق الركب باللاعبين الموجودين وينافس .
والخط التاني: إعداد اللاعبين من الأعمار السنية وتجهيزهم للتنافس المقبل . ودي كان ممكن يشرف عليها المدرب الأجنبي.
samraa alsudan كتب:
خلاص انتهينا من الرياضه
نجي للمنتدي وعندي ليك فيهو سؤال
1/في الفترات الاخيره اصبح النقد داخل المنتدي بصورة جارحه يعني مثلا واحد عندو
مثله شخصيه مع احد الاعضاء ما بيحلها بطرق تانيه تكون افضل وترضي كل الاطراف
كبسوله كده منك بتقول ليهم شنو عشان كلنا نستفيد ؟
حلو ... ننتقل من الرياضة
أنا ما عارف إذا كنت فهمت قصدك بطريقة صحيحة .
ولكن عموماً النقد مفيد عشان يصلح الهفوات والأخطاء غير المقصودة منها وكذلك المقصودة . وكلنا بشر وكلنا خطائين. تبقى كيفية النصح والنقد . اذا فعلاً عايزين نصحح من أخطأ ، النقد يكون بأسلوب لا يجرح الإنسان المخطئ لأنه هذا الأسلوب يجعل من الناصح هو نفسه غير مؤهل للنقد وتصحيح من أخطأ، وبالتالي هو نفسه يحتاج نصح وإرشاد ..
ودة مش في المنتدى فقط، هو في الحياة عموماً . يعني إذا عايز أنصح من هو أصغر مني وأقدم على خطأ في مسيرته الدراسية مثلاً لا أبادر وأقول ليهو (انت اصلك إنسان فاشل) لأنه كدة وكأني قلت ليهو خلاص انت كدة وح تظل كدة زي ما انت وما في فايدة منك .
لكن بهدوء أحاول أخليه هو يكون مُقِر من تلقاء نفسه بخطأه. وبعد دة نديهو راحته في الحديث بحرية ومحاولة التبرير . يعني نسمع منه هو برأيه ليه النتيجة جاءت كدة. قد تكون أسبابه مبررة أو قد تكون أسباب واهية .
ولمعالجة الخطأ ومساعدته على تدارك الأخطاء وفي كلا الحالتين سواءً أسبابه منطقية أو غير منطقية لازم تكون بهدوء وواحدة وواحدة .
والله أعلم
samraa alsudan كتب:
2/ هل بتري المنتدي اتطور ام تراجع قليلاً؟
المنتدى منذ اشتراكي في أغسطس 2008م وإلى الآن يسير على نفس النمط ونفس المستوى لم يتراجع ولم يتطور.
samraa alsudan كتب:
3/ قصة حصلت ليك وما بتنساها ؟
[fot1]سمراء[/fot1] القصص كتيرة واعتقد كلنا حياتنا كلها عبارة عن قصص ، في المدرسة قصص وفي الجامعة قصص، وفي البيت قصص ، وفي مكان العمل قصص.
حاولي توضحي اكتر
samraa alsudan كتب:
4/ رايك شنو في قهوة ابنعوف دي مظبوطة ولا عايزة يتقلوها ليك ؟
علاقتي بالقهوة أنا (ما كييف) ممكن أشربها إن وُجدت وممكن استغنى عنها ولا أبحث عنها. لذلك ما بعرف أميز بين التقيلة والخفيفة ولا الحبشية أو غيرها.
لكن بتاعة ودابنعوف دي شكلها خفيفة لسة .
samraa alsudan كتب:
يلا سلام لو اتذكرت لي حاجه بجي راجعه
أوكييييييييييي . مستنيك تسألي في اي شي ان شاء الله في عواسة الكسرة اذا حبيتي
سيبو9 كتب:[align=center]وين يا معتز سيد .. خبارك مشتاقييين يا خي
كمان بقيت تجي تشرب الجبنه مع الجنا دا ..
فنجان جبنه بالياسمين والله تماام
انت عارف لو بطريقتك دي .. حتكمل لي الزول دا البن بتاعوو كلو ![/align][/b][/size]
حبيبنا [fot1]سيبو[/fot1] . وينك يا راجل سبتنا
مشتاقين كميات باللواري.
كدي تعال لي طمنا عن أخبارك . هنا ولا بي غادي البريحك
معتز
في كم سؤال ما جاوبت عليهم
عايز زيادة بن ولا شنو d
معليش [fot1]samraa alsudan[/fot1] سقطت سهواً مع اني متأكد اني شفت الأسئلة وجهزت الإجابة في راسي
بس لا تؤاخذينا إن نسينا أو أخطأنا
وإليكي ملحق بالإجابات المنسية
samraa alsudan كتب:
3/ بالرغم من وجود المحترفين الاجانب الا ان الفُرق لم تصل الي مراحل مرضيه في البطولات
الخارجيه عايزين توضيح بسيط لو امكن ؟
الإجابة عن السؤال دة جزء كبير منها مضمن في الإجابة عن السؤال المتعلق بالاحتراف .
الاحتراف هو مطلوب لتطوير الكرة على مستوى العالم. وهو يساهم في تطوير اللاعب المحلي ويساهم اللاعب المحلي نفسه أن يكون جزء من هذا الاحتراف للعب خارجياً في أندية أعلى خبرة وإمكانيات من الفرق المحلية.
ولكن لما تقدم في الإجابة عن السؤال أعلاه . ملف الاحتراف لا يُدار بشكل جيد من قبل رؤساء ناديي القمة ومن قِبل الاتحاد العام نفسه.
من ناحية الأندية نجدهم فقط يهتموا بجلب اللاعب المحترف وبدون رؤى فنية وبدون تهيئة المناخ لهذا المحترف للعطاء الفاعل ، وبدون تهيئة المناخ للاعب المحلي للاستفادة من هذا المحترف والتنافس لحجز خانة أساسية في الفريق.
ومن ناحية الاتحاد نجده يفتح باب الاحتراف بدون ضوابط كافية للاستفادة المرجوة من الاحتراف وتلافي السلبيات التي تضر بالمستوى المحلي.
samraa alsudan كتب:
1/ علاقتك بالفن كيف؟ ولو علاقتك كويسه منو من الفنانين بترتاح ليهو وبتلقي نفسك بتدندن في اغانيه؟
كنت سابقاً على علاقة بالفن وكنت أسمع محمد وردي وعبد الحليم حافظ وفيروز وسمعت الكثير من الفن السوداني بما فيهم الشباب .
ولكن توقفت منذ أعوام وبقناعة شخصية تامة عن الاستماع للأغاني
samraa alsudan كتب:
2/ مدينة سودانيه زورتها وتركت أتر داخل نفسك ؟
أي مدينة سودانية زرتها تركت أثر في نفسي بالترتيب حسب الفترات والأثر:
كسلا ، كوستي ، بورتسودان ، حلفا ، ود مدني ، سنار ، سنجة
الضيف الكريم ودابنعوف ودالزوحي الأعضاء المتداخلين والزوار الكرام ...
تحية تليق بقدركم ... ودور طلبات على حسابي ...سادة- وسط سكر- زيادة زي ما تدورو يا حلوين
زيزو.... ليك مخصوص واحد شاي أخضر منعنع ... اعتذارا عن التأخير ... وتمهيدا ......:D
بما أني لا أفقه في الكرة ولا أستطعم السياسة ... عندي كم سؤال من النوع اياه ياريت تجاوب بصراحة ...
.
. اللاعب ببدا نشيط يظهر مستواه في مدينةٍ ما أو حيٍ ما. يبقى طموحه يمشي لقدام يسجل في فريق درجة أولى، يصل أحد فريقي القمة . 
)
ياريت تجاوب بصراحة ...