zaina كتب:ود عكاشة سلامات بالكوم:
انت كشاب واصغر مرشح فى المجلس التشريعى "هل الشباب اصحاب الطاقات اللامحدودة "كمثال انت مثلا مظلومون فى ايجاد فرصة تناسب هذه الطاقات؟ "بخر نفسك واقراء المعوذتين زينة عينها حادة مرات"
هل التطبيق دائما يصعب على مرشحينا عموما "بمعنى لماذا يسهل الحديث ويصعب التطبيق العملى"فى الواقع
وهل لديك خطة معينة فى البال بتمشى عليها ان كان الفوز فى النصيب حتى وان كانت خطط يصعب تطبيقها؟
ايه ابرز المشاكل التى تعانى منها منطقتك المرشح فيها وايهما يكون فى الاولويات؟
بصراحة كدة مجدى عكاشة الشاب صغير السن و القيادى الناجح "كيف اكتسبت هذه الروح القيادية
وانت مازلت فى سن صغيرة "هل تعشق التحدى بطبعك فى حياتك عموما ويسهل عليك اتخاذ القرارات الصعبة؟؟
زينة .. كترتي الغيبة
وازيك شديد ..
ما بعرف طبعآ اعمل اقتباس متعدد .. وكسلان خالص انى اعدد اسألتك ..
لكن ححاول اجملها فى شكل نقاط ...........
اولآ انا ما بنفع اكون مثال لاصحاب الطاقة اللامحدودة لكن بقول ليك ان فى شباب لديهم من الطاقات لقيادة المجتمع بصورة رهيبة لكن ما بيلقو فرصة لضيق الفرص وشح توفرها فى المجتمع والمطالبة بالتأكيد بعوامل الخبرة اضافة لى احتكار العديد من المؤسسات الحزبية لصالح كبار السن بإعتبار انها بقت ادب معروف .........!!
وصراحة يا زينة
مجمتعنا السوداني ما ضاق انتخابات ديمقراطية ليهو واحد وعشرين سنة فبالتالي ما بنقدر نحدد هل كل المرشحين بيقولو عكس ما بيفعلو .... !!؟ لكن الاعلام العربي بشكل عام وضح جليآ ان الانتخابات عبارة عن حرب وصراع كلامي من الدرجة الاولي ولا ينطبق ذلك الصراع علي الارض الواقع والمثال البيقتدي بيهو الشعب السوداني ( السواي ما حداث ) .....!! وفى المفهوم العام الحداث عبارة عن زول ساي ..........!!
معننا لحدى الليلة ما عشنا حملة انتخابية بفهوم الانتخابات العامة
ولا جربنا الممكن يحصل شنو بعد ظهور النتائج وتجربة المشرحين بشكل رسمي فى فترة انتخابهم وهي الاربعة سنواتـ .........!!
بالتأكيد فى خطة انا ماشي بيها اذا ربنا كتب لي الفوز
وصراحة زى ما قلت قبل كدة ما ببني عدائي مع النواب فى المجلس او المجالس الصغري مثل المحليات وما شابه .. لكن بالضرورة ححاول ادرس المنطقة لان الحكومة طيلة الفترة الفاتت كانت عبارة عن دهاليس مغلقة يصعب علي المواطن او الصحفي اختراقها بفعل الاجهزة الامنية واحتكارها لكل المعلومات ... واستحالية نقد المسؤولين .................!!؟
اما الاشكالات البتواجهها منطقتي
منطقة بحري القديمة التى تمتد من كافوري الى المغتربين بمافيها شريط النيل من حلة حمد وخوجلي والوابرات وكل المناطق التي تقع فى الوسط ... بتعاني مثل ما يعاني سكان الكلاكلات ..
اما موضوع القيادى
فحقيقي انا ماشايف الحكاية دى فيني .. لكن قد تكون خبرة الممارسة اكتسبتها من الجامعة والجامعات الاخري فى الزمن الذي مضي .............!!
زينة اتمني انى اكون جاوبت علي اسألتك
