كيف تجيبي عريييييييييييييس؟؟؟
المشرف: بانه
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
كيف تجيبي عريييييييييييييس؟؟؟
إلى كل سحلية واقفة في حلق أهلها وما عارفه تتصرَّف مع إنهم خاتِّين معاها أُخُتا مجاناً لزوم الترويج وكدا!!!
إليكي يا إنتي..
كيف تصطادين عريساً باستخدام الأساليب الحديثة غير المكلفة وذات الأثر؟
للإجابة على هذا السؤال خذي بالآتي:
1.أول خطوة ركِّزي على النسوان العجايز.. وبخاصة (أم الحريف) العليو النظر.. (ما تعايني لي كدا قصدي العريس).
2.خليكى لاصقه جنب أمك وبطِّلي عوارة وجرى ورا البنات صحباتك (شِن سوِّيتي بالخفة والهبالة يالفالحة؟!!)
3. لمَّ تكوني ماشَّة راسك الكبير دا تختيو بين كتافينك وأبداً ما ترفعى لي فوق عشان يقولو مؤدَّبة وما متقندفة وبطِّلي فلهمتك الما جابت ليك غير البلاوي!!
4.كلمة خالة دي خليها طوالي فوق لسانك وخاصةً لي (أم الحريف هي قصدي العريس) عشان تحس بالتميز من بقية العجايز القاعدات معاها (ما في مانع تنادى واحدة تانية بخالتك الدنيا ما معروفة يمكن الخطة ما تنجح وفي الحالة دي لساتكك ما تطير وبكون عندك بديل جاهز.. وخلي بالك العمر جاري ).
5.أول ما أمك تبدا الكلام ألكزيها بي تحت من غير ما زول يحس عشان تدخِّلك الموضوع حتى لو ما كان عندك مزاج.. زي ما بقول المثل كَترَت الكلام تكسر الحديد.!! (عارفك ح تقولي لي المثل دا ما ليو داعى بس ما لقيت لي مثل غيرو!!!!).
6. أخوانك الصغار أجرى وراهم واعملي انك مهتمة بيهم كأنك أمهم عشان (أم العريس) تقول عليك إنك حنينه على أولادك (ربنا يخلف عليك)...!
7.كل شي تاكلو أم العريس ويكون حلو خلي أمك تقول والله نفس الأكلة البتسويها بتي (حتى ولو كانت أكلة من المطعم الصينى!!).
8. لو مديتي إيدك لي شي (اريتا بالكسر) اتوجَّعى واتنهَّدي (بس براحة كدا.. لأنو صوتك شين) خلى أمك تقول يديها العافية انا أقوليها ما تنضِّفى الشارع إلا هي كاتلاها النضافة (ولو جينا للجد تلاقيك اوضتك ما قادرة عليها والصراصير سيرة عرس بي دلاليكا.!!!).
9.بعدين لما تقعدي خليك قاعدة في الطرف وشدِّي طولك زى البالعة ليك عود عشان طولك ما ينقص (الكلام دا للقُصار تحديداً..!!).
10.إذا النسوان العجايز ديل اتكلمو عن أي عرس اكتمي نَفَسِك لغاية ما خدودك يحمِّرَن عشان يقولو البت خجلانة (وأعملي حسابك ما تكتمي نفسك للنهاية بعدين تروحي فيها وتودينا فى داهية..!!).
11.مهما كان الموضوع حماسي خليكي راااااسية وتقيلة وبطِّلي خفَّة وما تنحشرى فيو (التِحشِّر دا بتجيب أجل الخطة كلها وطيارتك ح تقوم..!!).
12.شعيراتك ديل خليهن مفرودات أوعك من الطاير والمنكوش (النسوان العجايز ديل جنهن وجن الشعر المنكوش..!!!).
13. اها أكان العجوز (أم السجم قصدي العريس) قالت أي حاجة أكان سياسة ولا اقتصاد إن كان مسيخ وما منطقي ولا أفقي (حتى لو قالت أمبارح بوش كان فاطر معانا) قولي بي حُسن نية وبراءة وليه يا خالتي ما كلمتينا نجي نساعدكم؟!!
14. إي عرس قاعدة فيو (ام العريس) أوعك من النطيط والرقيص.. اهمدي واتلمى وقولي بطريقة تسمعا (إنو الرقيص دا عيب)..!!
15. لو جات سيرة السوق خلى امك (ربنا يصبرا عليكي) تقول بناتى أصلن ما بمشن السوق وأي حاجه بجيبا ليهن ابوهن (وتلاقيك حايمه السوق زى بتاع الترمس)..
16- اقفلى الموبايل اوخليهو صامت عشان ام الكوتش ماتقول البت جنها تلفونات(ودى حقيقه اصلا )
احتمال وارد
بينك وبين نفسك ممكن تقولي إنو العجوز (أم صاحبنا) خاتا عينا على وحده تانية والبتسوي فوقو إنتي دا ح يروح شمار فى مرقه ساي!!! أوعك تصدقي الأوهام دي.. ركزي في تنفيذ الخطة والحاجة ح تقع يعني ح تقع وح تجيبي كثافتا لا محالة بي حركاتك دي..!!
الشغل الخاص بالعريس
1.اها (أم العريس) بعد ما تخش الشبكة.. نجي بقى للعريس ذاااااااااتو.. وأول تبادي اتلمى وخليك فى بيتكم واوعك من الحوامة..
2.أكان جاكم العريس خلى أبوك يقول ليو والله لازم تشوف البت وتاخد راحتك عشان ما تقول غشيتونى بس هى بتنكسف تظهر عليك كدى ادينا مهلة نقنعا (دي طبعاً وهمة ساي)..!!
3.قبل ما يجى اليوم اليشوفك فيو العريس بحوالى أسبوع كدا (حسب شنات وشِّك) لفي من كوفير لي كوفير.. ومن صبغة شعر لي فرد ضهر.. وتنظيف طبلون ونتف شعيرات العيون وما تنسى شعيرات الرقبة التحت الدقن وما تقصري أبداً فى روحك (دا عريس يالمطرطشة وجا بعد وجع سنين )..!
4. لما يجى (مقطوع الطاري) خلى أخوك يكون معاك واقف جنب الشباك يضاري الضو عشان المسكين يخجل منه وما يشوف حاجة ويظهر المخبي.. وضو الشباك يبيِّن المندسِّي.. تطبيقاً لنظرية اللمحة ضبحه (ما تسألوني عن المثل دا أنا جبتو من وين..!).
5. اها بعد دا يجي أبوك داخل أكان حظك سمح العريس ح ينط فى راس ابوك وهاك يا بوس لامن يقرب يشفط مخوو.. وطوالي ح يسألو.. أها ياعمي العرس متين؟!!
6.بعدا الله يوفقك وما تنسينا من حلاوة العرس.. بس حسك عينك تقولى لى زول منو العلمك الكلام دا.. الحُسَّاد كُتااااااااار.. تجي وحده من اياهم تستعمل نفس الخطه ولساتكك تطير وتمشي بي عجل حديد بعد اك.!
تحذييييييييير
ابعدي من العجايز المتعلمات البلبسن الجزمه لون الشنطه الماشا مع الفستان.. ديل مصايب ودايرين خطط جهنمية أنا ما بقدر عليها..!
نصيحه
صحباتك ح يلاحظن التغييرات الحاصلة ليك اوووعك لسانك دا أبلعي وسرك خلي فى بير بطنك وإلا لساتكك ح تطير قبل العريس..!
منقوووووووول
إليكي يا إنتي..
كيف تصطادين عريساً باستخدام الأساليب الحديثة غير المكلفة وذات الأثر؟
للإجابة على هذا السؤال خذي بالآتي:
1.أول خطوة ركِّزي على النسوان العجايز.. وبخاصة (أم الحريف) العليو النظر.. (ما تعايني لي كدا قصدي العريس).
2.خليكى لاصقه جنب أمك وبطِّلي عوارة وجرى ورا البنات صحباتك (شِن سوِّيتي بالخفة والهبالة يالفالحة؟!!)
3. لمَّ تكوني ماشَّة راسك الكبير دا تختيو بين كتافينك وأبداً ما ترفعى لي فوق عشان يقولو مؤدَّبة وما متقندفة وبطِّلي فلهمتك الما جابت ليك غير البلاوي!!
4.كلمة خالة دي خليها طوالي فوق لسانك وخاصةً لي (أم الحريف هي قصدي العريس) عشان تحس بالتميز من بقية العجايز القاعدات معاها (ما في مانع تنادى واحدة تانية بخالتك الدنيا ما معروفة يمكن الخطة ما تنجح وفي الحالة دي لساتكك ما تطير وبكون عندك بديل جاهز.. وخلي بالك العمر جاري ).
5.أول ما أمك تبدا الكلام ألكزيها بي تحت من غير ما زول يحس عشان تدخِّلك الموضوع حتى لو ما كان عندك مزاج.. زي ما بقول المثل كَترَت الكلام تكسر الحديد.!! (عارفك ح تقولي لي المثل دا ما ليو داعى بس ما لقيت لي مثل غيرو!!!!).
6. أخوانك الصغار أجرى وراهم واعملي انك مهتمة بيهم كأنك أمهم عشان (أم العريس) تقول عليك إنك حنينه على أولادك (ربنا يخلف عليك)...!
7.كل شي تاكلو أم العريس ويكون حلو خلي أمك تقول والله نفس الأكلة البتسويها بتي (حتى ولو كانت أكلة من المطعم الصينى!!).
8. لو مديتي إيدك لي شي (اريتا بالكسر) اتوجَّعى واتنهَّدي (بس براحة كدا.. لأنو صوتك شين) خلى أمك تقول يديها العافية انا أقوليها ما تنضِّفى الشارع إلا هي كاتلاها النضافة (ولو جينا للجد تلاقيك اوضتك ما قادرة عليها والصراصير سيرة عرس بي دلاليكا.!!!).
9.بعدين لما تقعدي خليك قاعدة في الطرف وشدِّي طولك زى البالعة ليك عود عشان طولك ما ينقص (الكلام دا للقُصار تحديداً..!!).
10.إذا النسوان العجايز ديل اتكلمو عن أي عرس اكتمي نَفَسِك لغاية ما خدودك يحمِّرَن عشان يقولو البت خجلانة (وأعملي حسابك ما تكتمي نفسك للنهاية بعدين تروحي فيها وتودينا فى داهية..!!).
11.مهما كان الموضوع حماسي خليكي راااااسية وتقيلة وبطِّلي خفَّة وما تنحشرى فيو (التِحشِّر دا بتجيب أجل الخطة كلها وطيارتك ح تقوم..!!).
12.شعيراتك ديل خليهن مفرودات أوعك من الطاير والمنكوش (النسوان العجايز ديل جنهن وجن الشعر المنكوش..!!!).
13. اها أكان العجوز (أم السجم قصدي العريس) قالت أي حاجة أكان سياسة ولا اقتصاد إن كان مسيخ وما منطقي ولا أفقي (حتى لو قالت أمبارح بوش كان فاطر معانا) قولي بي حُسن نية وبراءة وليه يا خالتي ما كلمتينا نجي نساعدكم؟!!
14. إي عرس قاعدة فيو (ام العريس) أوعك من النطيط والرقيص.. اهمدي واتلمى وقولي بطريقة تسمعا (إنو الرقيص دا عيب)..!!
15. لو جات سيرة السوق خلى امك (ربنا يصبرا عليكي) تقول بناتى أصلن ما بمشن السوق وأي حاجه بجيبا ليهن ابوهن (وتلاقيك حايمه السوق زى بتاع الترمس)..
16- اقفلى الموبايل اوخليهو صامت عشان ام الكوتش ماتقول البت جنها تلفونات(ودى حقيقه اصلا )
احتمال وارد
بينك وبين نفسك ممكن تقولي إنو العجوز (أم صاحبنا) خاتا عينا على وحده تانية والبتسوي فوقو إنتي دا ح يروح شمار فى مرقه ساي!!! أوعك تصدقي الأوهام دي.. ركزي في تنفيذ الخطة والحاجة ح تقع يعني ح تقع وح تجيبي كثافتا لا محالة بي حركاتك دي..!!
الشغل الخاص بالعريس
1.اها (أم العريس) بعد ما تخش الشبكة.. نجي بقى للعريس ذاااااااااتو.. وأول تبادي اتلمى وخليك فى بيتكم واوعك من الحوامة..
2.أكان جاكم العريس خلى أبوك يقول ليو والله لازم تشوف البت وتاخد راحتك عشان ما تقول غشيتونى بس هى بتنكسف تظهر عليك كدى ادينا مهلة نقنعا (دي طبعاً وهمة ساي)..!!
3.قبل ما يجى اليوم اليشوفك فيو العريس بحوالى أسبوع كدا (حسب شنات وشِّك) لفي من كوفير لي كوفير.. ومن صبغة شعر لي فرد ضهر.. وتنظيف طبلون ونتف شعيرات العيون وما تنسى شعيرات الرقبة التحت الدقن وما تقصري أبداً فى روحك (دا عريس يالمطرطشة وجا بعد وجع سنين )..!
4. لما يجى (مقطوع الطاري) خلى أخوك يكون معاك واقف جنب الشباك يضاري الضو عشان المسكين يخجل منه وما يشوف حاجة ويظهر المخبي.. وضو الشباك يبيِّن المندسِّي.. تطبيقاً لنظرية اللمحة ضبحه (ما تسألوني عن المثل دا أنا جبتو من وين..!).
5. اها بعد دا يجي أبوك داخل أكان حظك سمح العريس ح ينط فى راس ابوك وهاك يا بوس لامن يقرب يشفط مخوو.. وطوالي ح يسألو.. أها ياعمي العرس متين؟!!
6.بعدا الله يوفقك وما تنسينا من حلاوة العرس.. بس حسك عينك تقولى لى زول منو العلمك الكلام دا.. الحُسَّاد كُتااااااااار.. تجي وحده من اياهم تستعمل نفس الخطه ولساتكك تطير وتمشي بي عجل حديد بعد اك.!
تحذييييييييير
ابعدي من العجايز المتعلمات البلبسن الجزمه لون الشنطه الماشا مع الفستان.. ديل مصايب ودايرين خطط جهنمية أنا ما بقدر عليها..!
نصيحه
صحباتك ح يلاحظن التغييرات الحاصلة ليك اوووعك لسانك دا أبلعي وسرك خلي فى بير بطنك وإلا لساتكك ح تطير قبل العريس..!
منقوووووووول
- القلب الملك
- مشاركات: 9797
- اشترك في: الجمعة 2009.7.31 1:40 am
- مكان: بعد سن الأربعين ،،،
رد: كيف تجيبي عريييييييييييييس؟؟؟
هههههههههههههههههههههه
والله نصائح قيمة جدا ،،، والحتعمل بيها اكيد حتصل ،،،
ما في نقلة للعايز عروس ؟
والله نصائح قيمة جدا ،،، والحتعمل بيها اكيد حتصل ،،،
ما في نقلة للعايز عروس ؟
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
يديك العافية خلينا ادنيني يومين النشوفليك خطة
-
- مشاركات: 39
- اشترك في: الاثنين 2010.1.25 11:06 pm
- مكان: حلفاية الملوك
رد: كيف تجيبي عريييييييييييييس؟؟؟
و الله دي نصيحة من دهب ما بنلقاها عند اي زول لكن كمان المثل بقول (و انتي حكاية الامثال دي عاجباك)اسمع نصيحة مجرب ولا تسمع نصيحة طبيب أهاااا انتي جربتي ولا لا عشان ما نامل ساي؟؟؟؟
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
حاولت لكن الصبر مفتاح الفرج
-
- مشاركات: 39
- اشترك في: الاثنين 2010.1.25 11:06 pm
- مكان: حلفاية الملوك
رد: كيف تجيبي عريييييييييييييس؟؟؟
كلامك ده فيهو إنة ماااااااااااتمام يعني مامضمونة ولا كيف؟؟؟؟؟؟؟
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
لا بس صديقني مرات بتنجح انا هسة قاعدة احاول
- ابو ايووودي
- مشاركات: 6187
- اشترك في: الجمعة 2009.2.6 6:02 am
- مكان: جدة
رد: كيف تجيبي عريييييييييييييس؟؟؟
جبتي الكلام ده من وين يا شقية
قايتو البنات بقوا مصايب
عسل انتي يا سلمى يا ظالمة
قايتو البنات بقوا مصايب
عسل انتي يا سلمى يا ظالمة
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
تسلم حمودي اصبر يومين اشوفليك طريقة ياباير
- ابو ايووودي
- مشاركات: 6187
- اشترك في: الجمعة 2009.2.6 6:02 am
- مكان: جدة
رد: كيف تجيبي عريييييييييييييس؟؟؟
القال ليك انا باير منو يا حلوةسلمي200005 كتب:تسلم حمودي اصبر يومين اشوفليك طريقة ياباير
مفكر اعرس المرة التانية
بس المشكلة هم كتار وبتشاكلوا فيني عشان كده منتظر لحد ما تتحل
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
هوي ياجنا دي ماحفيت لمن قدرت جبتها معاك مبنرضي تعرس فوق بتنا
رد: كيف تجيبي عريييييييييييييس؟؟؟
ههههههههههههههههههههههههههههههههه
والله يا بت ابوها طلعتى ما هينة كل دا
ليك حق تجري وتجري
وانتي فهمتينى موش هههههههههههههه
كدي انا بدك اسبوعين تجربي لقطتى ليك واحد ادينى خبر
هههههههههههههههههههههههههه
والله يا بت ابوها طلعتى ما هينة كل دا
ليك حق تجري وتجري
وانتي فهمتينى موش هههههههههههههه
كدي انا بدك اسبوعين تجربي لقطتى ليك واحد ادينى خبر
هههههههههههههههههههههههههه
- عاشقة النيل
- مشاركات: 5930
- اشترك في: السبت 2007.8.11 5:38 pm
- مكان: الدوحة
رد: كيف تجيبي عريييييييييييييس؟؟؟
شكرااا يا سلمى على الموضوع الحلو
بس انتي عارفة حسي لو البنت عملت كل اللي انتي قلتيهو بيقولو عنها معقدة وهبلة ساااي.
بس انتي عارفة حسي لو البنت عملت كل اللي انتي قلتيهو بيقولو عنها معقدة وهبلة ساااي.
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
فاهماااااااااااااااااااااااااااااااااك يابت السقاااااااااااااااااااااااااااااااي
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
عاد غلبنا نسوي شنو ياربي لاكدة نافع ولاكدة نافععاشقة النيل كتب:شكرااا يا سلمى على الموضوع الحلو
بس انتي عارفة حسي لو البنت عملت كل اللي انتي قلتيهو بيقولو عنها معقدة وهبلة ساااي.
رد: كيف تجيبي عريييييييييييييس؟؟؟
اااااااااااااااااااااااااااااخ انا
البوره ماحاره يابناتى
والله تقطعو القلب
- سلمي200005
- مشاركات: 745
- اشترك في: الخميس 2009.2.19 11:35 pm
- مكان: قلوبكم ياحلوين
رد: كيف تجيبي عريييييييييييييس؟؟؟
هوووووووووووووووووووووووي ياباير الرجال ماتو في كرريادهم كتب:
اااااااااااااااااااااااااااااخ انا
البوره ماحاره يابناتى
والله تقطعو القلب
رد: كيف تجيبي عريييييييييييييس؟؟؟
سلمي200005 كتب:هوووووووووووووووووووووووي ياباير الرجال ماتو في كرري
لا ياشيخه
يعنى انتى بتتكلمى على اساس انكم من البنات
- عاشقة النيل
- مشاركات: 5930
- اشترك في: السبت 2007.8.11 5:38 pm
- مكان: الدوحة
رد: كيف تجيبي عريييييييييييييس؟؟؟
ههههههههههههههههههه منو القال ليك بايراااااااات
العرسان واقفين بالطوابير لكين نحنا نتغلى
العرسان واقفين بالطوابير لكين نحنا نتغلى
رد: كيف تجيبي عريييييييييييييس؟؟؟
[align=center]يا ادهم نحن ما بيرات
لاكن ما لقينا لينا راجل نافع معانا
راجل الزمن ديل كيف كيف ما بعرفوم[/align][/size]
لاكن ما لقينا لينا راجل نافع معانا
راجل الزمن ديل كيف كيف ما بعرفوم[/align][/size]