الحاجة مبروكة وخالد شقوري

[هامس]

[quote="حبوبة"])
الساب = ؟
)
خزاز = ؟

الباز = ؟


حبوبه
مساء الخير

الباز = نوع من أنواع الصقـور يمتاز بالإنقـضاض السريع على الفريسه
يدرب ويستعمل للصيد (القنص أو القنيص...

خزاز = الشىء الغير منتظمـ ... كالنومـ المتقـطع

الساب = على ما أعتقـد .. نوع من الريح.. يعنى مثل القِِـره (الهواء البارد) أو
السمومـ (الهواء الحار) أو النو( الهواء المعتدل الذى تنساب فـيه المراكب
على البحر دون أى صعوبه. أو الإعصار..باللهجه الدارجيه (الدوامه) وأنا
برجح الدوامه دى... والله أعلمـ

حبوبه.. يديك العافـيه

[( ود البورت )]

مشكوووووره علي القصيده الجميل وده من اجمل القصايد اللي عرفتها

[حبوبة]

[align=center][move=right]ماشاءالله عليك حبوبة تستحقي لقب المعجم الدارجي والله[/move][/align][/size]

يااااا ريت ... لكن محاولة أتعلم ايدكم معاي ...ما عندك قاموس ود ضيف الله !!!

[حبوبة]

حبوبة تسلمي على النقلة الريفية .. وشوقي لي ناسا حنان كلمن ..

طبعا انا قريت القصيدة أكتر من مرة .. وترسمت قدامي الصورة ..


بالجد تسلمي ..

وده كان المغزى ..
رسم الصورة للناس الما عارفين جيل 80 ، 90 ، 2000

والفيها عاش تهف لو ريحة الدعاش ويعيش لحظة صفا ... ببلاش

وبعث الحنين في قلوب غشاها ضباب السنين ...

تسلم انت ع المرور الراقي زيك يا ود الزوحي ...

[حبوبة]

حبوبه شكرا لمجهودك العظيم في نقل القصيده الاكثر من روعة
والتحيه للمبدع خالد شقوري
القصيدة تبين لنا انتقال الشخص من الريف
الي الحضر بطريقة سريعه لم يستوعبها هو
وتكون في دهشه من الحياة الاصبحت دخيله علي ثقافته
في نفس الوقت نسيانه لماضيه الجميل
الدوكه والصاج الواقود والفلوكه
تحياتي

شرح خفيف موجز وظريف
باين عليك فهمك نضيف

الشكر موصول ليك أولا ... تسلم يديك

[حبوبة]

بس الشوكة الفي الشق الماليهو حدود مبالغة تصوير
تنم عن الرجولة والسعي بين الحيضان وفي المياه ( الخبوب والطين)

هسة لو جيت فتشت قدمك بلقى شق ولو صغير :d

هي الحاجة مبروكة ذاتا دوب ما ملست قدمها بالحنة

[حبوبة]

تعطيل اجتماعي ،، وضعف في الاجسام بسبب الراحة ،،،

المختصر المفيد ... بتعملها كيف دي؟

[حبوبة]

لكن فى إعتقادى
إنو المبدع خالد شقورى وضع حكمه وعظه كبيره فى القصيده دى..
والعظه على ما يعتقد شخصى الضعيف فى القصيده إنو الواحد لما ربنا يغير
من حالو للأحسن ما ينسيهو النعيمـ ماضيهو الشقى وكيف رب العالمين فتح
عليهو أبواب الرحمه.. يقومـ يقـصر فى علاقتو مع الفتاح العليمـ .. ينسى صلاته
وعبادته.. ويقـصر فى صِِلات الرحمـ مع الأهل والجيران لأنو.. وتانى لأنو
دوامـ الحال من المحال وزى ما إتغيرت الحياة للأحسن ممكن فى غمضة
عين ترجع زى ما كانت.. و......

هامس يا حكيم ... نقطة جميلة جدا .. عارف الحتة دي كانت واقفة لي في حلقي ... يعني ليه يقول عليها كده وهي الشقيانة طول عمرها ... وشرحك ليها ختاها لي في منظور تاني خاص وريحني ..

عليك الله ما تمشي بعيد خليك في حوانا ..

[حبوبة]

سيبو9 ... تسلم يا جناي ..
جبتك هنا شان تشوف الدنيا أمس كانت كيف... والليلة حال وبكرة حالاً غير... والأحزان صحي منعطف بنمر عليه سريع ...نعدي منو لي ليل الفرح
شكرا ع التشريفة و تسلم ع المرور

[حبوبة]

مان المان

مرور رشيق زي قلمك ورؤية مختلفة وده المطلوب

[حبوبة]

الروعة مرورك يا أبو صديق ...
والباقي عليك تخلي صديق وإخوانه يحتفظوا ببعض ما كنا عليه .... وربك يحفظهم وأمثالهم

[ابن عوف]

تسلمى حبوبة

ويسلم شقورى الزى ربط لنا الماضى بالحاضر


ودائما ما يرجعنا الحنين الى الماضى ولابد من التغير



شكرا حبوبة

مودتى

[ود الفضل]

حبوووووووووووو:
لو تصبح الكلمات وتر . . تروي المواجع بالحروف
ما اظن تسوغ ساكت وتر . . من جوف ملمات الظروف
وتملى الدواخل بالفكر . .

[سقراط الكارورى]

مساكين احنا اولاد الخرتوم
ناس شجر العيش

والله قريت نص القصيدة
ما فهمت ايه حاجة
مع انو جدى الكبير ابو أمى شايقى



سقراط الكارورى

[حبوبة]

هومي
ام صبا
ندى
نهاد
المبارك
ود البورت
ود ابنعوف
ود الفضل
سقراط

حقيقي أثريتم الصفحة بتواجدكم ..
ومروركم الكريم على عيني وراسي (ع قول اهلنا الشوام)

غرضي كان سبر الأغوار وقراءة رؤاكم لهذه الروعة التي لمست دواخلي ..
ح انزل اختلاف الرؤى في مداخلة واادةلكي تعم الفائدة ..
يديكم العافية

[مهاجر في البلد]

حبوبتنا الراقية

طبعا انتي يا حبوبة جيل مخضرم لامي بين الهاي هاي والبلدي
ودي ميزة في حد زاتا طيبة

وخالد شقوري كلامو كلو حكم
وتفسيرك للكلمات ممتاز ...

ويا حبوبة النسا قديمو تاااااااه

انا طبعا ياحبوبة بدور لي اوضة صغيرونة زقفا بلدي
وارضيتا رملة حمرا
والحوش الواسع الفيهو راكوبة في نصو

والكانون كانون السرور بالكتير
والتلاجة تححت الزير والديب فريزر مشلعيب

طبعا حا اعيش عزابي لان مافي واحدة بتوافق بالوضع الخطير دا

وترجع ليك يا درب الساقية شايلي عذابا وشوقا تعود
تقسم قشها تحقب نصو وترفع نصو مع محمود
تنوم في راسا كداد المعزي وتصحى على السعن المقدود
وتبقى حياتا حليلة ويكة وقربة موية وراس واقود
وتبقى حياتا حليلة ويكي وقربة موية وراس واقود

[حبوبة]

الما عندو قديم ما عندو جديد لبيب


واترسمت قدامي الصورة .. ود الزوحي


القصيدة تبين لنا انتقال الشخص من الريف
إلى الحضر بطريقة سريعة لم يستوعبها هو
وتكون في دهشة من الحياة الاصبحت دخيلة علي ثقافته
في نفس الوقت نسيانه لماضيه الجميل ... الضراع


ابداع خالد شقوري واضح
الشوكة الفي الشق الما ليهو حدود مبالغة تصوير
تنم عن الرجولة والسعي بين الحيضان وفي المياه (الخبوب والطين)
الصورة تم استيعابها اب سن


دا وصف للجانب السلبي للتكنولوجيا ،،،
تعطيل اجتماعي ،، وضعف في الأجسام بسبب الراحة ،،، القلب الملك


وضع حكمه وعظه كبيره في القصيدة دي..
والعظة على ما يعتقد شخصي الضعيف في القصيدة إنو الواحد لما ربنا يغير
من حالو للأحسن ما ينسيهو النعيمـ ماضيهو الشقي وكيف رب العالمين فتح
عليهو أبواب الرحمة.. يقومـ يقـصر فى علاقتو مع الفتاح العليمـ .. ينسى صلاته
وعبادته.. ويقـصر في صِِلات الرحمـ مع الأهل والجيران لأنو.. وتاني لأنو
دوامـ الحال من المحال وزى ما اتغيرت الحياة للأحسن ممكن فى غمضة
عين ترجع زى ما كانت.. و...... هامس


قصيدة من الأمس من أجل اليوم وغدا...
تجلت فيها ملامح شعبنا الأصيل من إغاثة للملهوف وتفقد الناس ومعرفة أحوالهم... مان المان


شي يعيدك للبلد دون قيد أو شرط ودون جواز سفر
يعيدك علي جناح الشوق مجبور ومسرور
بحثت عن الحاجة مبروكة
وجدتها فينا هومي


وعشان كلام أهلنا الحلو ده بنفتخر بأننا منهم
ولو ما كنت من زي ديل وآماسأتي وذلي ام صبا


قصيدة جميلة وتشبيهاتها حلوة
طبعا في الأول كان في صعوبة في فهم بعض الكلمات نهـاد


رائعة خالد شقوري التي قدمتيها لنا وكانت عبارة عن قصة درامية وواقع عشنا معه وكدنا أن نقول (لا للبوتاجاز !!) رغم أنو من ناحية راحة عايزين الراحة للبنات والأخوات والعمات والخالات.. المبارك


يا سلام رحلتي بينا للجذور وللأصول
لجروف مكان الجرراي والسلوكة والجريد والحراز
وهل يكون للإبداع مرفأ أو ساحل عندما ينسكب مداده من محبرة مميزة
إبدددددددددددددددددددددددددددد دددددددددددددددددددددددددددددد دددددددددع ندوية


مشكوووووره علي القصيدة الجميل وده من أجمل القصايد اللي عرفتها ودالبورت


ويسلم شقورى الزى ربط لنا الماضى بالحاضر
ودائما ما يرجعنا الحنين الى الماضى ولابد من التغير ود ابنعوف


لو تصبح الكلمات وتر . . تروي المواجع بالحروف
وتملى الدواخل بالفكر . . ود الفضل


مساكين احنا اولاد الخرتوم
ناس شجر العيش سقراط


انا طبعا ياحبوبة بدور لي اوضة صغيرونة سقفا بلدي
وارضيتا رملة حمرا
والحوش الواسع الفيهو راكوبة في نصو
والكانون كانون السرور بالكتير
والتلاجة تححت الزير والديب فريزر مشلعيب
طبعا حا اعيش عزابي لان مافي واحدة بتوافق بالوضع الخطير دا مهاجر

شفتو التباين والتشابه في الرؤى ...........

[مهاجر في البلد]

حبوبة .... حبوبة ... حبوبة
انتي مشيتي وين حبوبة

الروعة تاتي عند لحظة من الثانية
والجمال تبيحه النفس لنفسها
والحب شتلة منها نمتد انفاس الحياة
والالفة صراع بين اليوم والامس

والاحساس البينا حقيقة (كل الاعضاء)


[align=center]بين الليلة وبين يوم باكر
شتلة إلفة ومضت خاطر
شوق الناس البذروا بذورم
منتظرين المطرة تخاطر
هبّت نسمة مساها حِنيّن
ربطتت بينا وبينا أواصر
تبقى الكلمة ونحنا نغادر
تفضل شايلة الثمر الطيّب
ويبقى حضورك لي يغيّب
والأيام ترحل لي باكر
الإحساس البينا حقيقي
نوروا يضوّي طريقي
ترسى مراكبي وإنت تروقي
غصن الفرحة يخضّر باكر
والأحساس بي باكر يكبر
في أعماقنا ويصبح زاهر[/align][/size]

[حبوبة]

والاحساس البينا حقيقة (كل الاعضاء)


[align=center]بين الليلة وبين يوم باكر
شتلة إلفة ومضت خاطر
شوق الناس البذروا بذورم
منتظرين المطرة تخاطر
هبّت نسمة مساها حِنيّن
ربطتت بينا وبينا أواصر
تبقى الكلمة ونحنا نغادر
تفضل شايلة الثمر الطيّب
ويبقى حضورك لي يغيّب
والأيام ترحل لي باكر[/align][/size]

وباكر يجينا عبيرو يفوح
عمران بالريد مشتاق للبوح
ما أصلو معاك يا حبيب الروح
رباطو عميق سوّى لو صروح
سيرة الغياب سوّت لو قروح
وان قلت تغادر ينزف مجروح
وخاطرو يطيب يوم طيفك يلوح
لو جانا عبيرك في النسمة يفوح
تحكي عينيه تحمر وجنتيه..
ومن جوه يسوح
بذرت البذرة محلاها الثمرة..
في حضورك يا صبوح ...

مهاجر ... خليك معاي أوعك تروح ... شان يابا وراك الروح بتنوح

عطرت الصفحة بالمرور البهي ... يسلمك مولاك

[مهاجر في البلد]

كلماتك لسه صداها جميل
وموضوعك روعة ما بدورو دليل
رجوع للاصل بدون تضليل
والحاجة مبروكة زي ما قبيل
نرجع تاني لنفس الفكرة
ويا حبوبة نشيلك فكرة
ونباركك روعـــــــة
ولو بالجد نتمنى نعاود
لي كلماتك الرائعـــة اكيد بنشيل
منها ... سماحى وطيبة ... وتبقى ركائز وتبقى دعائم لشعب اصيل


دي نجرتها من راسي اسي حسب الحالة

حبوبة ممكن طلب

مافي حجوة من حجى زمان