كلاب ضاله ام زئاب متوحشه

[العمده2]

كنت اسمع واقرأ كثيرا عن الحيوانات الغريبه التى ظهرت اخيرا فى الخرطوم 0
وآخر حاجه قال ليك الظاهره دى انتهت وتم احتوائها عن طريق امن ولاية الخرطوم
والوالى جا قال برضو ماممكن تكون الحيوانات دى ذئاب متوحشه والسبب قال لان الذئاب
ماتقدر تعيش فى الازدحام والانتشار السكانى وكثرة الضوضاء وإنارة المدينه 00
وكمان ناس الثروه الحيوانيه بوزارة الزراعه اكدو انو الحيوانات دى كلاب ضاله كانت
بتتغذى فى الاول على الحيوانات والفراخ الميته وعشان الولايه هسع بقت نظيفه من الحاجات دى
اضطرت الحيونات تبحث غذائها فى نص الحِله 000
ده كلام المسئولين ما كلامى يا جماعه 00
** طيب يا جماعه تفتكرو الكلام ده مقتع ولا رأيكم شنو ؟؟؟انا غيتو لي اربعه سنين من السودان
يعنى ما اقدر احلل كلامهم ده صح ولا غلط 00

[عاشقة النيل]

والله انا مابفهم في الحاجات دي كتير بس الكلام بكل صراحة مامقنع
وشكرااا على الموضوع تقبل مروري

[ندى البيلسان]

رواية أخرى هي كلاب مهجنة

[saare]

انا مع ندى فى كلامها الناس كلها بتقول كلاب مهجة والله اعلم
والله يستر

[معاذ الهادي]

سلام يا عمدة
الشغلانة ما اكتر من كلاب هجين

بيين كلاب الذوات البتاكل تلاتة فرخات في اليوم

وكلابنا الجعانة المابتغباك ديك

النتيجة اصحاب الكلاب لاقدروا يبيعوها لاقدروا يربوها

فبقت كلاب هجين جعانة وغبر مربية(قليلة ادب)






وقلة ادبها دي خلت اعدادها تزيد يوم بعد يوم



وبتهاجم الزرايب في اطراف الخرطوم وام درمان وبحري


لوفي زول عايز يشوفها ممكن يمشي حديقة حيوان كوكو (حلة كوكو)


في عينات منها هناك

[العمده2]

[align=center]شكرا ليكم على المرور
شكرا اخوى معاذ على التوضيح 0 بس معقول حكومة الولايه
ما قادره تعدم الحيوانات دى ؟ يقال انها فى انتشار اكتر
الله يستر بس[/align][/size]

[bitadlan]

وطبعاً كل شمار وليه زيادة كتحه مامعناه انو الخبر شمار بس لكن بتقول الجرايد انه الموضوع بقى اكبر من العاصمه ورحل على الولايات رأيكم شنو؟؟؟ في الكلاب البتحوم لحدي الولايات دي جايه سياحه ولا شنو؟؟؟