ازيكم يا حلوين ودائما عامرين ولامين ومبسوطين .................
طبعا كلنا سودانيين في هذا المنتدى او الاغلبية ، عشان كده عاوز من الجميع أن يوصف لينا
مواصفات شكل البيت الاساسي الذي تربيت فيه ........
كم غرفة وكم صاله وكم حوش وووووووو .............
المهم ببدأ ليكم عشان الفكرة توضح اكتر ..... بيتنا فيه غرفتين وصاله ، برندتين وحوشين ومطبخ
وحمامين وباب كبير وباب وصغير ودرابزين بقعد فيه الوالد يشرب الشيشة وتاني ناصية يفتح على زلط
انتوا بيوتكم كيف ................
كمان بوصف ليكم بيت ناس هنايه جيرانا عشان غائبة من المنتدى بسبب الجامعة وكده
بيتهم بفتح على الزلط ومسلح من دورين عندهم كم دكان كده وصالتين و3 غرف وصالون كبير وحوشين وزقاق ومطبخ وحمامين والدور الارضي مؤجر يعني راحات انسى بس
حبيبى نحنا بيتنا زى بيوت معظم السودانيين
فيهو 3 غرف كبيرة خالص خالص وديوان
ممكن يكون قدر غرفتين من الغرف الصغيرة
و2 حمام و2 قراش عشان نحنا فى الجزيرة
ودائما بيوت الجزية تحصل فيها القراشات دى
عشام لوازم الترترات والعربات (اللوارى)
وايضا بيضعول فيها براميل الزيت والجاز والكفرات والمحراث وووووالخ الحاجات الزراعية دى
وكمان فيهو برندة من اول الغرفة الاولى الى اخر الغرفة الاخيرة
لون بيتنا باللبنى
الغرف الكثيرة دى عشان البنات كانو كثيرين بس هسع كولهم اتزوجو
بس قاعدين انا وامى وابوى و3 من زوجات اخوانى
وبس
ahmede كتب:كمان بوصف ليكم بيت ناس هنايه جيرانا عشان غائبة من المنتدى بسبب الجامعة وكده
بيتهم بفتح على الزلط ومسلح من دورين عندهم كم دكان كده وصالتين و3 غرف وصالون كبير وحوشين وزقاق ومطبخ وحمامين والدور الارضي مؤجر يعني راحات انسى بس
شنو يا زينة تخلو بيتكم القديم وترحلو مكان تاني
مهما كان البيت الاتربيت فيهو ما بتنسي ......
اها رحلتو وين حاليا ديم النور والا هدل والا الثورة ما تخافي ما بنزورك
شكرااا يا ahmedeعلى الموضوع الحلو
بس انا اتولدت واتربيت في الدوحة وبالتحديد في مدينة خليفة في بيت كبييير
كان فيهو 4غرف و 3 حمامات وصالة كبيرة وحوش لاحولا كبيييير وفي الحوش كان في ملحق الملحق كنا ماجرينو بس حسي رحلنا في فلة طابقين في الطابق الفوق في 4غرف و3 حمامات وصالة والطابق التحت في
في صالة كبيرة للاستقبال وفي مجلس هوب حجم غرفتين وفي غرفة للاستقبال الحريم وحمامين ومطبخ والحوش كبير .
عاشقة النيل كتب:شكرااا يا ahmedeعلى الموضوع الحلو
بس انا اتولدت واتربيت في الدوحة وبالتحديد في مدينة خليفة في بيت كبييير
كان فيهو 4غرف و 3 حمامات وصالة كبيرة وحوش لاحولا كبيييير وفي الحوش كان في ملحق الملحق كنا ماجرينو بس حسي رحلنا في فلة طابقين في الطابق الفوق في 4غرف و3 حمامات وصالة والطابق التحت في
في صالة كبيرة للاستقبال وفي مجلس هوب حجم غرفتين وفي غرفة للاستقبال الحريم وحمامين ومطبخ والحوش كبير .
ما شاء الله يا عاشقة النيل مرتاحيين وكمان في مدينة خليفة ما نسحركم بس
يعني كان جيت زيارة للدوحة ما ننزل في فندق بتصل عليك واقول ليك شوفي لينا حته ننوم فيها
ahmede كتب:
ما شاء الله يا عاشقة النيل مرتاحيين وكمان في مدينة خليفة ما نسحركم بس
يعني كان جيت زيارة للدوحة ما ننزل في فندق بتصل عليك واقول ليك شوفي لينا حته ننوم فيها
تخريمة :
رءوف كان عرف على طول حيقول عاوز اعرسك
نحنا حسي في الغرافة جنب مدينة خليفة
طوالي ماعندك اي مشكلة حياك الله
هههههههه
