حبيـــت اشرح ليكم موضوع احتمال يكون غير معروف لبعض من الأشخاص وهو موضوع ملفات الكراكcrack وكيف نتعامل معاها وهي اصــــــلا شنو
اكيد صادفكم قبل كده برنامج او لعبه في الانترنت حبيت شديــــــــد انه تحصل عليها وقمت بتنزيلها عندك وابتديت تستخدمها بس بعد فترة وقفت! او الرنامج بقى كل ماتفتحو تجيك مسج بتقول انه انتهت الفترة التجريبية للبرنامج ولازم تقوم بشرائه عبر الانترنت او من اي مكان تاني عشان تقدر تواصل استخدامه صح؟.. ودي بنسميها برامج او العاب ديمو DEMO يعني لفترة محدودة فقط تقدر تستخدمها.. يعني دعاية بس..
يلا الكراك ده عبارة عن ملف بقوم بكسر البرنامج التجريبي وبخليهو كامل.
طريقة الاستخدام ساهلة جدا وهي بأنه تقم بتنزيل نسخة البرنامج او اللعبة التجريبية وتثبيتها على جهازك بعدين تقوم بتنزيل ملف الكراك الخاص بها ووضعة ضمن ملفات البرنامج بالصورة الأتية..
1- بعد تثبيت البرنامج اضغط على الايقونة الخاصه به بالزر اليمين للماوس واختار Properties
2- اختار Open File Location
3- حتظهر ليك ملفات البرنامج, خلي الويندوز بتاع ملفات البرنامج ده مفتوح وامشي للكراك النزلتو بعدين ببساطة شيل الكراك وختو مع ملفات البرنامج, احتمال تظهر ليك رسالة بتقول انه يوجد ملف بيحمل نفس الاسم موجود مع ملفات البرنامج, ماتهتم بيها وانقل الملف.
4- بعد كده اقفل الويندوز وقوم بتشغيل البرنامج عادي, راح شتغل معاك وكأنه نسخه كاااملة!
طيب.. هل ممكن نصنع كراك بروحنا؟!
ممكن.. إذا تعلمنا لغة البرمجة الخاصة بالكومبيوتر وإذا تعلمنا كيف نستخدم برامج صناعة الكراك.. ودي محتاجة لسنين لتعلمها.. يعني الحكاية محتاجة لمحترفين.. الأسهل ننزل الكراك جاهز!
السؤال المهم.. من وين نجيب الكراك المطلووووب؟؟!!
ببساطة.. اكتب في قوقل اسم البرنامج او اللعبة المطلوب الكراك ليها متبوعا بكلمة crack
مثلا..
إذا عاوزين الكراك بتاع برنامج microsoft word 2007 نكتب في قوقل الاتي:
microsoft word 2007 crack
قوقل راح يظهر ليك كل المواقع الممكن تحصل الكراك المطلوب فيها.. نفس الطريقة تنطبق على جميييييع البرامج والالعاب..
يلا المشكلة هنا انه تقريبا كل المواقع البتقدم الكراكات هي عبارة عن مواقع هكرز hackers او قراصنة عشان كده لابد من الحزر الشديييد.. لكن صدقوني الموضوع بستاهل المجازفه دي.. وللعلم انا كللللل البرامج العندي في جهازي مكســـورة
وانا لي 4 سنين في الحالة دي! يعني انا جربت الموضوع واهو جهازي نظيف مليون في المية!! ومع الايام راح تبقوا خبرة.إذا عنكم اي استفسار عن الموضوع اخدوا راحتكم انا جااااهز
يارب اكون افدتكم
