هل اولاد المغتربين حناكيش؟؟؟؟؟ ادونا رأيكم...!!

[mo3taz]

السلام عليكم
هسي انتو ياجماعة قاعدين تتناقشو في موضوع الحناكيش ....
وقلتوا انهم ما منهم فايدة ابدا كلامكم صح و100% ولكن ماننسى انهم سودانيين زينا....
لكن هم برضوا ماظريفين ودمهم زي السكر طبعا ما كلهم ديل الي انتوا قلتوا عنهم عاملين نفسم ناس كوول
وترطيبة.....(ديل حناكيش ميد ان تايلاند)
اخوكم المغترب من الدوحة.......mo3taz

[mo3taz]

السلام عليكم
هسي انتو ياجماعة قاعدين تتناقشو في موضوع الحناكيش ....
وقلتوا انهم ما منهم فايدة ابدا كلامكم صح و100% ولكن ماننسى انهم سودانيين زينا....لكن القال اولاد المغتربين حناكيش بقول ليهو كلامك غلط وانت لوكنت عاشرتهم ما كان قلت كده هم بس علشان مرتاحين ولاقين كل شي متوفر ليهم......وانا في نظري الحنكوش هو الزول الي عامل نفسوا زول كووووول ومرطب.....(ديل حناكيش ميد ان تايلاند)
اخوكم المغترب من الدوحة.......mo3taz

[أهتم فيني]

السلام كيف المغترب يبقى حنكوش وهو في السودان ولي يروح السودان يبقى حنكوش في أمور كتيره
في السودان تطير الحنكشه من االمتحنكش زاتو الحر ونقطاع الكهربه المفاجئ وأنت في أمس الحاجه
ليهو زي القصدك وزحمه المواصلات واللأستغلا في الأسعار والمطر لما ينزل و أنت فى عز نومك
وقوم دخل السرير ولما يوقف دخل السرير يكون النوم طار من عينك وياعوز تفطر أو تتعشه
تاخذ صحنك وتطلع في الشارع عشان تجيب فول والفول يكسروهو بقزازه أستيم فاظيه كل
حاجه صعبه وين الحنكشه

[عشوقة]

هههههههههههههه..
طيب شكرا عالطرح الجميل ده..
هل اولاد المغتربين حناكيش؟
طبعا حناكيش ونص كمان!!
وانا اولهم!!
بس هل نظرة الناس في السودان
للمغتربين صحيحه؟
طبعا لا..
قايلنا ..عايشين حياة ما في زيها!!
وده كلوه غلط في غلط..
لكن نحن بالاغتراب ..بنتحنكش..
لو كان معناتوه ناكل جلكسي!!
لانوه بنلاقي حاجات مش متوافره لكل سوداني
بالسودان..وبالتالي بنتعود على انها
موجوده ومتوافره..وننصدم في السودان..
وبالتي ..نكون بنظرهم..((حناكيش))
لاننا لا شفنا الشقا ولا عشنا..
زي كتير من السودانين بالبلد..
ولكن..مش ذنبنا..عشان كده
كان الحكايه فيها ماما وبابا
ابقى انا اول حنكوشه!!
شكرا للطرح الجميل
[glint]سلمت يداك..[/glint]

[جذاب وما كذاب]

والله موضوع جميل غايتو ما معروف كيف
لكن في البدايه كان مفروض الناس تتفق علي معني كلمه حنكوش ؟؟؟
ولو وجد التفسير المقنع بطلت الاستفهمات؟؟

والله لا حناكيش ولا حاجه ....
بالرغم من انو السودان كانت علاقتنا بيهو علي خفييييييييييييييف كدا
بس لما رجعنا عاااااااااااااااااااااااااااااااااااااااااااادي الواحد حام مع الحايمين واكل مع الاكلين
هو صحيح في حاجات كدا الزول بقفدها بس ما ممشكله الحياه ما بتقيف علي الحاجات دي !!!!

[زووول سعودي]

يا دكتور الحنكشة ما شرط للمغتربين السودان مليان حناكيش وداه ان دل دل على النعمة والخير. وي موضوعك ظرررررريف .

[عسولة وبس]

حرام عليكم تظلمو المغتربين كده هم ما عملو ليكم حاجة صح ولا انا غلطانة ؟
تانيا المغتربين هم الرافعين للسودان راسهم وهم المطورين السودان ولولا المغتربين ما كانت السودان بقت حاجة أصلا وبطلو استحقار بالمغتربين وهم ما حناكيش ناس السودان حناكيش اكتر منهم
وانا مغتربة لي 14 سنة وما حنكوشة زيكم يا حناكيش السودان

[هدندوية مية المية]

يا جماعة يعني ما لي الدرجة دي
كل زووول في خاطررره يقول كلمه عن المغتربين طوالي يقووووله
راعووووااا شوية
ما ممكن ردود بعض الاعضاااااء الصرااااااااحة تزعل والله
يعني انحنا فرقنا عنكم شنو انتوا متعودين على التعب والشقا
وانحنا ما متعودين بي اختصااار يعني
انحنا مغتربين دافعنا عن نفسنا ووريناكم راينا في الموضوووع بدون ما نتفوه بي اي كلمة
ما تعجبكم
لكن البعض منكم يعني اتمنى يخفف شوية من حدة كلامه وينتبه لي كلامه قبل ما يكتبه
في النهاية انحنا بشر زينا زيكم بتزعلنا حاجات وبترضينا حاجات

[سيراف]

شوفو أنا شايفه إنو ده حسب الحته الجاين منها أهلو والطريقه اللى ربوها بيهو يعنى أنحنا هنا في حناكيش بالوراثه وفي ناس دخلو أولادون مدارس إنجليزى بيقو ما عارفين عربي ولا سودانى وفي ناس (ذى بتكم) ناس السودان بيستغربو من كلامون من شدة ما هو تقول أسع جنه نزل من القطر الجاى من كريمي

[ضـــوء القـــمــر]

مشكور اخي المشرف على الموضوع
وانا اوافق استارو وعاشقة محمود في الراي يعني اولاد المغتربين ماشافوا للدنيا حاجة وانا لماكنت صغير كنا مغتربين وبشوف الصور والفيديو بعرف انو انا كنت حنكوش لانو كل شي بعيدا عن الشمس يعني المغتربين مابيعرفوا عبارة (ياولاد خشوا بيضربكم سحائي) ولفتتني عبارة تانية انو وحدة قالت ناس السودان بيئة احب اقو ليها جرسون في تراب بلدي افضل من امير في مال غيري
وبعدين منو مننا المعاش طفوله حرة ولعب بالطين والرمل ومويه المطرة والمشرف صلاح اسألوه ما لعب بعربات علب الصلصه (صلصة البستان) ولا شليل ولا كمبليتا
يعني باختصار البيئه في السودان قاسيه شويه وتعلم الاعتماد على النفس واتحدى اي مغترب (شهاده عربيه) يقدر يعتمد على نفسة من غير مساعدة والدليل البيحصل يجو يدرسوا الجامعة تلقاهم يسوا حاجات دخيله على مجتمعنا السوداني) وعزرا لكل مغترب بس اختكم دلوعة عمان استفزتني واخيرا اقول ليهم السمح سمح من ديرة وعشيرتو وطبعو والساب عاتو قلت سعاتو

[عسولة وبس]

ما تغلط على المغتربين نحن صح يمكن في حنكوشين بس ما كلهم وفي مغتربين معتمدين على نفسهم وما مدلعين ><

[سموءال دياب]

حكاية اولاد المغتربين حناكيش البيقولوا الكلام ديه جهلاء لانهم ما طلعوا بره البلد وماشافوا حاجة
يعني طول عمرهم ما شافوا التراب ولا الغبارولا بيت جالوص وبيشربوا مويه صحية ولمان ياجو السودان بيستغربوا الحد الادني للرواتب الف ومئتان ريال وخمسمائة ريال بيعيش الاسرة في الشهر في النعيم وفي السودان الراتب ما بيكفي حتي صاحب الراتب خليك من اسرته اتخيلوا الخرطوم وسط ثلاث انهر والناس عطاشى في القرن الواحد وعشرين بكلامكم ديه 90% من العالم حناكيش لانهم عايشين في مدن نظيفة وللحيث بقية

سموءال _ الرياض

[بنت سدن دن]

بصراحة انا ما عارفة اقول شنو رغم صغر سني لكين أنا بصراحة مستمتعة في قطر شديد لكين برضو حنيت لي شرب ماءالنيل .

[احلى دلع]

صح اولاد المغتربين حناكيش والدليل انهم مابيعرفوا اي شئ عن السودان وعن تراثه ونادرا الذين يعرفون عاداتهم وتقاليدهم

[خالد المشـــرف]

الحنكوش حنكوش ولو ختو في راسو فانوس


والله في رايي في مغتربيت ما حناكيش

وفي بيجو حناكيش ويبقو ما حناكيش

وفي حناكيش في السودان زاته بتتخلع فيهم كيف اتحنكشو



حنكش حنكيش ورسم عالحيط :)




في زول فهم حاجه


تحياتي

[عسولة وبس]

يا أحلى دلع اولا نحن ما حناكيش وبنعرف عن السودان ولكن كمان نحن بنعرف تواريخ والمناطق السياحية للبلدان الأخرى على عكس السودانيين الحناكيش

[ضـــوء القـــمــر]

اختي عسوله مشكوره على الراي المتواضع ولاتزعلى ياستي مني بس انتو اخذتو الموضوع بنوع من السطحيه يعني كون الانسان يعرف ثقافات اخرى او يكون متعلم ده ماعندو علاقه لصيقه بكون الانسان حنكوش او لا يعني الحنكشه ماهي الجهل والموضوع اقرب من ان يكون معاير بيئيه يعني منو الاحتياجاتو اقرب مين البيئه قاسيه شويه معاهو مين الكل رغباته تحت متناول اليد وكلامي لاينفي وجود حناكيش داخل السودان بس طبيعة القاعده تقول انو المتربين خارج ارض الوطن اكثر حنكشه ورقي وثقافه بس ده ماقاعده ثابته...

وتشكري اختوي عسوله وغيرها من اخواننا المغتربون

[عسولة وبس]

بس بصراحة المغتربين ما حناكيش لكن في بعضهم حناكيش والقليل منهم يعني انت لمن تشوفو مغترب ولا شهادة عربية حتى لو ما بتعرفوهو بتقولو حنكوش انت حاولو تقربو من المغتربين وناس الشهادة العربية وحتعرفو انهم ما حناكيش لأنهم عاشوا في بلدان متحضرة ونظيفة على عكس السودان وبصراحة أنا بموت في السودان ونفسي اعيش فيها طوالي بس ظروف الدنيا ما بتسمح لينا انو نعيش في السودان
وشكرا ودا على العموم رأي

[بنت سدن دن]

أنا فرحانة اني حنكوشة دام انو حأفضل سودانية.

[بنوته رزينه]

مرحبا
بالنسبه لي انا بشوف انو المغتربين حناكيش بس في نظر الناس العايشين في السودان بس بالنسبه للمغتربين نفسهم ماشايفين نفسهم حنااااااااااكيش ليه؟
لانهم عايشين في مستوى عااااااااااااااالي ولمن ينزلو السودان بيتخلعوا من مستوى السودان فكدا يبقوا حناكيش في نظر ناس السودان وبس...