الاستقلال غلطة ابناء السودان

[محمد على محمود]

الاستقلال تلك الكلمة التى لها معانى كبيرة ولها مدلولات وطنية وقد يكون الناس تعجلوا فى الفدائية والزود بالارواح من اجل نيل شرف الاستقلال الذى كان ممكن ان يتم بعد سنوات التنمية المستدامة التى ما بخل بها الانجليز على السودان والسودانيين وعلى غير عادتهم فى الامبراطورية البرطانية فهم لا يتركون ثقافتهم ولا ينمون انسان الدول التى تحت احتلالهم ما عدا السودان لان النظرة تجاهة نظرة مستقبلية وانة بوابة افريقيا وموقعة وثرواتة التى ينقصها التطوير يمكن ان تجعل منة جزء بريطانى فى افريقيا وخير شاهد على ذلك هى تلك اللمسات التطويرية التى انتهجتها بريطانيا فى كل اقاليم السودان ويبدو واضح للعيان حتى يومنا هذا فى تلك المبانى التى تشمل المدارس والشفخانات سابقا والجامعة التى هى لا مثيل لها فى افريقيا والدول العربية جامعة غردون التى كانت لوقت قريب تصنف ثامن جامعة فى العالم ونظامها لايختلف عن الجامعات البريطانية وكل هذة الخصوصية التى اولاها الاحتلال لابناء السودان لينال اعلى مستويات التعليم فى زمن كان فية اغلب العرب ليس لديهم ابسط مقومات التعليم جاء نفر نحن اليوم نسميهم الشهداء ةالابطال ووقفوا حاجز بين بناء دولة سودانية متطورة وضعت لها كل المقومات ابتداء بسريا الحاكم العام ذلك المبنى الفريد والبنية التحتية على اعلى مستوى انذاك وتطوير المشاريع ومشروع الجزيرة الذى شيع جنازتة ابناء السودان خير شاهد على تلك الطفرة التى حولت انسان السودان الى انسان منتج ومستمتع بدخل جيد وربط مدن السودان بخطوط السكة حديد التى اتى الكيزان ليقتلعوها من جزورها وتحول بقايا قضبانها لمصنع جياد وكل التنمية التى كانت تنتظر التنفيذ هدموها هؤلاء الناس وتعجلوا فى اخراج من هو انفع واكرم للسودان والسودانيين والاستقلال لو تاخر لمدة عشرة سنوات كان للسودان ان يكون دولة قوية وبها كل مقومات الدولة التقدمة لان البريطانيين ما بخلو على السودانيين وكان يمكن ان يعملو ما عجز وسيعجز عن فعلة السودانيين وكان لنا ان نطلع من تصنيف الدول الفقيرة ونحن نعانى الهشاشة الادارية والاقتصادية ونفشل فى ادارة بلد كان للمستعمر الفضل فى خلق ملامحة والذى يعترض على ذلك لة ان يشاهد كل ما تبقى من بنية تحتية شيدت قبل 54 عام وعندها سوف يدرك ان خروج البريطانيين خصارة فادحة وان اتخاذ قرار ابعادهم كان غلطة لتنال مجموعة شرف البطولات ويدفع الثمن السودان وابناء السودان وهم يعيشون الفقر والجهل والمرض بعد ان مضت 54 عام على ذلك الاستقلال المزعوم لنعيش صراعات السلطة من كل الانظمة التى تلت ذلك الحدث والكل لايهمة خلق انسان متطور ولا بلد لة وزنة كل المهم الكرسى الذى يمكن ان يفعلوا لاجلة كل شى حتى لو كانت تفرقة ابناء السودان وهدم حتى الذى تبقى من فترة التعميير التى جادت بهاء بريطانيا والانجليز خرجوا والسودان موحد ولة امكانية ان يكون دولة وياتى الان ابناء السودان الحديث لجعلوة سودان مقسم والناس فية درجات واحزاب وشيع اليس المستعمر ارحم 0 ودمتم

[الأسيد]

[align=center][quote="محمد على محمود"]الاستقلال تلك الكلمة التى لها معانى كبيرة ولها مدلولات وطنية وقد يكون الناس تعجلوا فى الفدائية والزود بالارواح من اجل نيل شرف الاستقلال الذى كان ممكن ان يتم بعد سنوات التنمية المستدامة التى ما بخل بها الانجليز على السودان والسودانيين وعلى غير عادتهم فى الامبراطورية البرطانية فهم لا يتركون ثقافتهم ولا ينمون انسان الدول التى تحت احتلالهم ما عدا السودان لان النظرة تجاهة نظرة مستقبلية وانة بوابة افريقيا وموقعة وثرواتة التى ينقصها التطوير يمكن ان تجعل منة جزء بريطانى فى افريقيا وخير شاهد على ذلك هى تلك اللمسات التطويرية التى انتهجتها بريطانيا فى كل اقاليم السودان ويبدو واضح للعيان حتى يومنا هذا فى تلك المبانى التى تشمل المدارس والشفخانات سابقا والجامعة التى هى لا مثيل لها فى افريقيا والدول العربية جامعة غردون التى كانت لوقت قريب تصنف ثامن جامعة فى العالم ونظامها لايختلف عن الجامعات البريطانية وكل هذة الخصوصية التى اولاها الاحتلال لابناء السودان لينال اعلى مستويات التعليم فى زمن كان فية اغلب العرب ليس لديهم ابسط مقومات التعليم جاء نفر نحن اليوم نسميهم الشهداء ةالابطال ووقفوا حاجز بين بناء دولة سودانية متطورة وضعت لها كل المقومات ابتداء بسريا الحاكم العام ذلك المبنى الفريد والبنية التحتية على اعلى مستوى انذاك وتطوير المشاريع ومشروع الجزيرة الذى شيع جنازتة ابناء السودان خير شاهد على تلك الطفرة التى حولت انسان السودان الى انسان منتج ومستمتع بدخل جيد وربط مدن السودان بخطوط السكة حديد التى اتى الكيزان ليقتلعوها من جزورها وتحول بقايا قضبانها لمصنع جياد وكل التنمية التى كانت تنتظر التنفيذ هدموها هؤلاء الناس وتعجلوا فى اخراج من هو انفع واكرم للسودان والسودانيين والاستقلال لو تاخر لمدة عشرة سنوات كان للسودان ان يكون دولة قوية وبها كل مقومات الدولة التقدمة لان البريطانيين ما بخلو على السودانيين وكان يمكن ان يعملو ما عجز وسيعجز عن فعلة السودانيين وكان لنا ان نطلع من تصنيف الدول الفقيرة ونحن نعانى الهشاشة الادارية والاقتصادية ونفشل فى ادارة بلد كان للمستعمر الفضل فى خلق ملامحة والذى يعترض على ذلك لة ان يشاهد كل ما تبقى من بنية تحتية شيدت قبل 54 عام وعندها سوف يدرك ان خروج البريطانيين خصارة فادحة وان اتخاذ قرار ابعادهم كان غلطة لتنال مجموعة شرف البطولات ويدفع الثمن السودان وابناء السودان وهم يعيشون الفقر والجهل والمرض بعد ان مضت 54 عام على ذلك الاستقلال المزعوم لنعيش صراعات السلطة من كل الانظمة التى تلت ذلك الحدث والكل لايهمة خلق انسان متطور ولا بلد لة وزنة كل المهم الكرسى الذى يمكن ان يفعلوا لاجلة كل شى حتى لو كانت تفرقة ابناء السودان وهدم حتى الذى تبقى من فترة التعميير التى جادت بهاء بريطانيا والانجليز خرجوا والسودان موحد ولة امكانية ان يكون دولة وياتى الان ابناء السودان الحديث لجعلوة سودان مقسم والناس فية درجات واحزاب وشيع اليس المستعمر ارحم 0 ودمتم[/quote]

اخي محمد : مساء الخير
استنتجت من كلامك هذا وارجو ان اطون غير مخطئ في إستنتاجي , انك ,تؤيد وجود الاستعمار في ظل التنمية والتطور آنذااااك ,
تريد وجود من استعبد المواطن السوداني في شتي المجالات آنذاااك
تريد من يستخدم اهل السودان عمااال ومستأجرين في بلدهم وكأنهم غرباء, وحمالين للأنجليز كلما يريدون التحرك من مكان لآخر , مقامهم مقام ( الحمير والجمال لا مؤاخذه )
اخي محمد يجب ان نوسع افقنا وننظر الي السودان سابقا وهو تحت قبضة الاستعمار , والسودان الان وهو بين ايدي ابناءه , رغم ما فيه من خلافات وتقسيمات واحزاب وظلم وجور , وتسلط حكااام , ولكن الوطنية تقول السودان لكل سوداني , وليس المستعمر الناهب والمتعدي لحقوق الاخرين ,ليس فينا ما يرض استمار بلادنا مهما تعددت مزايا هذا الاستعمار ولو بلغت من تطورهم ما بلغ فيه فسيظل لمصلحتهم ومصلحة اجيالهم ,
وهولاء الذين ضحوا بأرواحهم من هذا الوطن المعطاه هم شهداء لله بين الملاء وفي كتاب الله , لدفاعهم عن وطنهم وصد العدوان ,
ولكن لو تمعنا وتمحصنا كلمة استعمار وعرفنا معانيها من دون الخوض في تفاصيل اخري , نجد ان انفسنا ترفضها بشدة , اذن ليس من المعقوول ان يكون هناك خيار المستعمر لما يخدث الان في السودان , وكل مواطن سوداني , معارض او موالي , غريب او بعيد يفرح ويبتهج يوم استقلا هذا البلد الطيب بأهله ومواطنيه وتلك الاشعار التي رويت ونظمت تكون الي لا شئ ,( اليوم نرفع راية استقلالنا) .استقلالنا هي حريتنا , هي امننا , فهل لنا ان نستبدل حرياتنا بالمستعمر؟؟؟؟[/align][/b][/size]

[saydbrka]

سلامات:

؟؟كلام غريب , زول يفضل الاستعمار

عش رجبا ترى عجبا...

[توقن فنتي]

لك التحيه اخي محمد
غريب امر من يمجد ويهلل للاستعمار ماذا جنى لنا الاستعمار
كل ما يعانيه السودان اليوم من تناحر سياسي وقبلي وحرب في
الجنوب والغرب والشرق نتاجه الاستعمار اخي انت لم تعاصر الاستعمار
فاسال من عاصرها ستجد الاجابه الشافي ابحث عن الدول الذي
استعمرتها بريطانيا الذي مارس سياسة المد والجزر واكبر دليل منع الانجليز
دخول السوداني الذي يقطن في الشمال في جنوب السودان
وشكرا الاخ الاسيد على المشاركه القيمه المليئة بالانتماء للوطن

[محمد على محمود]

اشكر اراء المشاركين واخص اخى الاسيد على كلامة ولكن لى تعليق على بعضة اخى كلنا فى السودان سواء لانة الوطن والوطنية لاتعرف احزاب او طوائف ولكن هذا من باب الفطرة السودانية التى لايختلف فيها اثنين ولكن متى يكون الاستعمار هو الحل الانسب والانجع عندما نقف على وضع السودان منذ الاستقلال فهو مكانك سرك لم يتغير شى وكل النخب الحاكمة ابتداء من ازهرى الى ان نصل الى الانقاذيين كلهم لا يولون انسان السودان اهتمام والسودان عندهم مجرد طورتة يتصارعون على تقسميها والمواطن هو الضحية والمستعمر ما فعل بابناء السودان كما فعل هؤلاء الساسة ومن يتكلم عن الاستنذاف لخيرات ومقدرات الوطن فليسال نفسة اين تذهب الثروات بعد ان غادر الانجليز والى يومنا هذا ونحن قد مررنا بعدة مراحل توسعية فى مدخلات الانتاج الى ان وصلنا مرحلة انتاج البترول الذى لم يشاهد المواطن منة سوى اسفلت رصفت بة بعض الشوارع اين تذهب الميزانيات منذ 56 اخى لانكابر ونتشدق بامل كاذب فلنعترف اننا فشلنا وسنفشل فى ادارة السودان والمشكلة فى ماهية السودانيين كيف لوطن بة كل القوة السياسية المتضاربة والمتناحرة ان يتطور وينفض غبار الفقر الذى اصبح وصف للسودان فى مشارق الارض ومغاربها المستعمر نجح ولو قدر لة البقاء كان سيوضع خارطة طريق لسودان حر الناس فية سواسية سودان متطور والمسالة فى الاخر ليس صنع امجاد على حساب انسان السودان وكن صريحا اخى هل المستعمر هو من اقصى انسان الجنوب من المشاركة فى الحكم وممارسة حقوق المواطن العادى هل المستعمر هو من ترك انسان الغرب يعيش تحت خط الفقر هل المستعمر هو من جعل انسان الشرق لا يملك حتى القدرة على المشاركة الوطنية لتفشى الجهل والفقر ان المستعمر خرج من السودان وتركة موحد واتى ابناءة ليفككوة ولهم الفضل فى ذلك ابتداء نقض اتفاقيات لم الشمل التى كانت مجرد محاولات لوضع حد للنزاعات الداخلية وكان الرئيس جعفر نميرى لة السبق فى انهاء الدائرة المستديرة وتلتها اتفاقيات اديس اببا ويستمر مسلسل الفشل الى ان نصل الى محاولات التنصل التى يمارسها المؤتمر الوطنى فى اتفاق نيفاشا وكل هذا التخازل ماهو الا تهرب من مشاركة الجنوبيين وممارسة حقوقهم وابناء الشمال يريدون سودان موحد تربطهم فية علاقة مع جنوبيين بلا مطالب وان جاز التشبية يردون علاقة حصان بعربة الكارو التى يكون فيها الحصان ليس يائس من قدوم لحظة اماطة اللثام ليصبح حرا وهذا حقة الذى فطر علية اخى نحن نستنجد بقوى الاستعمار الحديث لوضع حلول مشروطة والعالم الان ليس كما السابق والصراعات تضرب كل الدنيا ولكن يظل السودان هو النشاذ الذى لامثيل لة ياتى الانقاذيين وتتعالى اصواتهم امريكا روسيا قد دنا عذابها وكيف يتم ذلك ونحن نعانى اخر حدود الفقر والتخلف كيف تترجح كفة الفقر ومقاومة اكبر واعظم امبراطوريات العصر الحديث اخى الموضوع ليس جعلية كما يحلو للبعض تميز الجعلية عن غيرهم فى الشجاعة المشكلة ان الاستعمار لم يصنع بنا صنيع الجهوية والاستعلا والاستبداد والفساد واقصاء الاخر كما فعل ابناء السودان فى بنى جلدتهم 0 ودمت

[بنت الناس ماتنداس]

يخس علي علي عبد اللطيف الما عرف قيمة الاحتلال



ونعمة الاحتلال العظيمه



يخس علي شهداء كرري



يخس علي مؤتمر الخريجين




يخس علي من ضحوا بارواحهم وهي اغلي ما يملكون من اجل كرامة بلادنا



يخس علي حوا الطقاقه وعلي بابا اسماعيل الازهري




وعلي كل سوداني حر شريف عشق هذا الوطن



يخس عليهم حرمونا نعمة الاحتلال العظيمه


وانا علي يقين ان هذه النعمه الغاليه في كريقها للرجوع


وقريب جدا جدا



فلتبشر ولتسعد يا اخي ويا ابن بلدي يا حفيد الاحرار


والشهداء الابطال

[ود القبيلة]

الإستعمار مشكلة كبيرة والمؤتمر الوطني مشكلتين

[بنت الناس ماتنداس]

[quote="ود القبيلة"]

الإستعمار مشكلة كبيرة والمؤتمر الوطني مشكلتين

[/QUOTE

[ابو العزائم احمد الطيب]

أخي الكريم ماذا اقول لك وماذا ارد وماذا انا قائل لكي أرجعك الي صوابك وعقلك.
الطائر الذي عقله ليس مثل عقل الانسان مع تكريم رب العزة للانسان بالعقل نجد الطائر عندما حبسه صاحبة داخل القفص
وبعدها اطلق سراحة قال الطائر أن الحرية لا تشتري بالذهبي
يا ابني الواحد عندما يتكلم عن موضوع يجب عليه أن يتكلم بعقلانية فأنت مثلا تعلم في السياسة اكثر من علي عبداللطيف او المهدي او بابا أسماعيل كما اسلفت أختنا الكريمة الاجابة اكيد لا
فلذلك يجب عليك النظر في ماانت كتبتة هذه سوف تسبب لك فرقة بين بني جلدتك والذين يحسبون انفسهم وبتأكيد هم احرار وأبناء احرار ويفضلو احرار حتي قيام الساعة
ياسر عرمان وباقان اموم الذين يتنازعون علي الكرسي ويتمنون إطاحت هذا النظام الحالي لو حضر واحدا منهم الي هذا المنتدي وقراءة ماكتبت والله والله والله لقام بتوبيخك وحملك مسؤلية ماقلت فلذلك اخي ارجع الي صوابك ورشدك

[مجدى عكاشه]

سلام شباب ...

اولآ التحية لى الاستاذ محمد علي محمود
فى فتح مواضيع قيمة .. ولها معاني اكثير من معانيها البارزة ..
والتحية ايضآ موصولة لكل المشاركين الذين تغمرهم مياة الغيرة وحب الوطن وتاريخ .. الوطن

نبدا من النص ..

مافى زول بيحب الاستعمار
ومافي زول .. بيقول ان الاستعمار سمح او نمشي ننادية
اضافة لى كدة .. فى شهداء قدمو حياتهم للوطن وللمواطن وللدين والشرف
ويستحيل بما كان الواحد ينسي التاريخ وينسي ابطال التاريخ ..

لكن ما افتكر ان الاستاذ محمد علي محمود كان بيتكلم عن النقطة دى
بأعتبار ان لحدى تاريخ 2010 فى معالم واضحة للمستعمر الانجليزي
فى تحريك الاقتصاد وتنظيم حركة السير ,, وشارع النيل وكل المعالم البارزة
لا ننكر ايضآ استهلاك واستهداف الاستعمار لابناء الوطن وموارد الوطن الحقيقية
ولا ننكر ايضآ ان التعليم بدا بصورة جدية فى عهد الاستعمار وتم تعليم الاخرين الثورة بديمقراطية الجيش وحب الوطن .. وهذا تم تعليمة من غير قصد ..

لو ذاكرنا كويس فترة الاستعمار بنلقي ان الدولة السودانية استفادت من وجود المستعمر
بدليل بعد جلاء المستعمر مافى حاجة اتغيرت من سلوكياتو .. حتي الاخوة فى جنوب السودان
بقو يرددو .. ان ذهب مستعمر واتي مستعمر أخر .. بالاشارة لابناء العرب وتعاملهم مع جنوب السودان
وما ننسي التهميش الكان متعمد من قبل تيارات الازهرى بما يختص بجنوب السوددان فى تلك الحقبة من الزمان ..

من توسيع دائرة التعليم والتمثيل فى البرلمان والمشاركة فى دفة الحكم ..

العايز اقولو ..
ان اذا جا الاستعمار الليلة كلنا بما فيهم الاستاذ محمد علي محمود عن دافع عن الوطن ونقدم روحنا لية
لكن اذا كان الاستعمار زمان قعد فترة اطول بعوامل الصدفة لكان الوضع نسبيآ اتحسن فى عملية توزيع الاقتصاد والتعليم وتوسيع دائرة الحراك المعرفي ..

لان السودان كان فى حالة هيمنة طائفية
اى بمعني انى لمن اصحي من النوم واقول انى شفت النبي .. تاني يوم حيعملو لي قبة .. ويسموها قبة الشيخ مجدى عكاشه ......

الفترة ديك المجتمع السودان عايش حالة انغلاق معرفي تام
وماعايز فى زات نفسو ان يتداخل مع الاخرين فى شؤون العلم او غيرو
ودة السببة لينا ازمة اجيال موجودة حتي ألأن ............


يعني معقولة نفس الشخصيات بتحكم وبتعارض
ليها اكتر من تلاتين سنة .................................!!؟

ادوني بلد زينا كدة ............................!!


ممكن القي رئساء ليهم اكتر من 26 سنة
لكن .. فى حكومة ومعارضة .. نفس الشخصيات بيتخاصمو ويتصالحو
ليهم اكتر من ربع قرن وماشيين علي نص قرن .....................!!

[توقن فنتي]

وقف ابطال السودان لدحر الاستعمار من دون جهويه او قبليه ورغم ان اول من فرض الجهويه والقبليه
هو الاستعمارالامام محمد احمد المهدي عندما حارب الاستعمار كان انصاره من كل انحاء السودان
عبداللطيف اللماظ كان انصاره من جميع انحاء السودان كل الثورات التي اتت من دون قبليه او جهويه
والاستعمار الانجليزي بالذات عكس الدول المستعمر على سبيل المثال فرنسا كان يهتم بتعليم او فرض الحضارة الفرنسيه وفي حال الرفض هو الحرب كما هو في دول المغرب العربي ام الانجليزي مارس تقسيم الدول وزرع الفتن كما هو في السودان مشاكل حدوديه مع كل دول الجوار مع مصر واثيوبيا
وتشاد حتى مع الجنوب لماذ منع من دخول الشمالي في الجنوب في عهدالاستعمار ما قدمته الاستعمار من خدمات كان من اجل اقتصاد دولتهم فقط السكه حديد لتصدير القطن الي نجلترا كلية غردون لادارة دفة شركاتهم وامورهم الاخرى
مشروع الجزيرة لانتاج الذهب الابيض شارع النيل من اجل حاكم الخرطوم كبري بحري من اجل مرور القطار فلنقارن الاستعمار الحديث في العراق وافغانستان بالاستعمار القديم في الدول الاخرى حتى نعرف ما معنى الاستقلال وعندما نفضل الاستعمار هضمنا حق ما فعله البواسل الابطال من اجل الحريه
ولم يحاربو هؤلاء البواسل من اجل التنميه بل من اجل الحريه ولماذا عندما نعجز عن شيئ ندعو للاستعمار
ونتمناه ونجلب من يقدمنا ويطورنا لماذا لم نقترح شيئ نقدم به انفسنا

[محمد على محمود]

اخى ابو العزائم وبنت الناس ماتنداس لكم التحية والشكر على المشاركة واشكر كل الذين علقو على البموضوع بس يا ابو العزائم بضيف حاجة انا ما بكتب عن شى هلامى او شاذ انا بكتب عن واقع بلد انت نفسك تتيقن انة جنازة منذ خروج المستعمر ونحن السودانيين لا نجيد ادارة السودان والدليل لو عملت مقارنة بسيطة وانت فى السعودية على حسب البلد الموضح فى تعريفك لوجدت الفرق شاسع ولا مجال للمقارنة ولو كنت صادق لحسبت تاريخ اكتشاف النفط والزمن الذى بنيت فية دولة بمواصفات المملكة وكثير من دول الخليج لوجدت عمرها قضاة ساستنا فى المغالطات والاطاحة بالانظمة وسياسة كبر كومك بالعامية السودانية نحن اخى نعانى من شلل تنموى وشح فى الوطنية الحقيقية وغيرنا ولسنوات قريبة كانت بلادهم صحراء جرداء وبفضل الوطنية الحقة صارت رياض وواحات تستجير بها من فقر وتخلف السودان والمسالة ليست مكابرة ولا وطنية مزيفة ولا انتماء ارعن فانا سودانى ولا شكك فى سودانيتى لكننى ضد الانتماء والخوض مع الخائضين ان احسنو احسنت وان اساؤا اسات ولو رجعت للابطال الذين تتكلم عنهم لم يؤرثو السودان غير تبعيات استقلالهم للعقلايات البسيطة وهى الاحزاب التقليدية التى ما زالت تصارع من اجل لم الارث وهو السودان الذى يعتبروة من ضمن الاحصائية المتروكة من الاجداد كن صريحا اخى السودان يعانى وسيعانى طالما يسرى منطق اظهار شعارات الذين ينهبونة بمسميات انهم هم الاجدر والاحق والاكثر وطنية واسال شيخك وهو فى سن الثمانين هل هو مقتنع بدولة الدراويش التى كانت تلتف حول المهدى وهل تلك كانت عقليات لها خلفيات سياسية ولا تجادل بمنطق هش وتستند على الوطنية انتم وشيخكم من ادخلتم الياس فى كل السودان وجعلتو اعزة اهلة ازلاء انتم من جعلتم الجهوية تتفشى والحزبية تقوى وذلك لخدمة مصلحة الاخوان المسلمين انتم العاقين لشيخكم والذين طردوكم من المولد كلكم تجار وطن وللاسف زهتم فية والمستعمر لايسلب الناس حق التعبير والرفض والدليل انة خرج بالسلم دون اطلاق عيار واحد انتم من روجتم سياسة الحروب والفتنة اشد من القتل اما اختى بنت الناس ما تنداس بقول ليها مستعمر خارجى خير من الكيزان لانة سيحترمك كما احترم لبنى احمد حسين 0 ودمتم

[بنت الناس ماتنداس]

اخي محمد علي احلاهما مر



لكن برضو بفضل اتهان مهما اتهان من سودانيين



ابناء بلدي وما اتهان من كافر اوربي حيوان


مهما يكون

انا واخوي علي ابني عمي



وانا وابن عمي علي الغريب

[مهاجر في البلد]

رايك شنو نصدر بناتنا الى اوربا عشان يتم احترامهم صاااااااااااااااااااااح زي لبنى

بس داير أسالك لو كان واحدة بهمك امرها بتخليها تنطلق في الغرب ويحترموها وكدا ؟؟
ماتقول لي الكيزان والوهمات دي - الناس ديل كلهم واحد (كيزان - شعبي - وطني- عدل تحرير - شرق - انصار - امة - اتحادي - السودان انا - الجيش الشعبي ) كلهم مطبلاتية لمنظمات انت عارفا اكثر مننا لانو شكلك مثقف

ودايما بنت الناس ما بتنداس

[مهاجر في البلد]

سلام شباب ...

اولآ التحية لى الاستاذ محمد علي محمود
فى فتح مواضيع قيمة .. ولها معاني اكثير من معانيها البارزة ..
والتحية ايضآ موصولة لكل المشاركين الذين تغمرهم مياة الغيرة وحب الوطن وتاريخ .. الوطن

نبدا من النص ..

مافى زول بيحب الاستعمار
ومافي زول .. بيقول ان الاستعمار سمح او نمشي ننادية
اضافة لى كدة .. فى شهداء قدمو حياتهم للوطن وللمواطن وللدين والشرف
ويستحيل بما كان الواحد ينسي التاريخ وينسي ابطال التاريخ ..

لكن ما افتكر ان الاستاذ محمد علي محمود كان بيتكلم عن النقطة دى
بأعتبار ان لحدى تاريخ 2010 فى معالم واضحة للمستعمر الانجليزي
فى تحريك الاقتصاد وتنظيم حركة السير ,, وشارع النيل وكل المعالم البارزة
لا ننكر ايضآ استهلاك واستهداف الاستعمار لابناء الوطن وموارد الوطن الحقيقية
ولا ننكر ايضآ ان التعليم بدا بصورة جدية فى عهد الاستعمار وتم تعليم الاخرين الثورة بديمقراطية الجيش وحب الوطن .. وهذا تم تعليمة من غير قصد ..

لو ذاكرنا كويس فترة الاستعمار بنلقي ان الدولة السودانية استفادت من وجود المستعمر
بدليل بعد جلاء المستعمر مافى حاجة اتغيرت من سلوكياتو .. حتي الاخوة فى جنوب السودان
بقو يرددو .. ان ذهب مستعمر واتي مستعمر أخر .. بالاشارة لابناء العرب وتعاملهم مع جنوب السودان
وما ننسي التهميش الكان متعمد من قبل تيارات الازهرى بما يختص بجنوب السوددان فى تلك الحقبة من الزمان ..

من توسيع دائرة التعليم والتمثيل فى البرلمان والمشاركة فى دفة الحكم ..

العايز اقولو ..
ان اذا جا الاستعمار الليلة كلنا بما فيهم الاستاذ محمد علي محمود عن دافع عن الوطن ونقدم روحنا لية
لكن اذا كان الاستعمار زمان قعد فترة اطول بعوامل الصدفة لكان الوضع نسبيآ اتحسن فى عملية توزيع الاقتصاد والتعليم وتوسيع دائرة الحراك المعرفي ..

لان السودان كان فى حالة هيمنة طائفية
اى بمعني انى لمن اصحي من النوم واقول انى شفت النبي .. تاني يوم حيعملو لي قبة .. ويسموها قبة الشيخ مجدى عكاشه ......

الفترة ديك المجتمع السودان عايش حالة انغلاق معرفي تام
وماعايز فى زات نفسو ان يتداخل مع الاخرين فى شؤون العلم او غيرو
ودة السببة لينا ازمة اجيال موجودة حتي ألأن ............


يعني معقولة نفس الشخصيات بتحكم وبتعارض
ليها اكتر من تلاتين سنة .................................!!؟

ادوني بلد زينا كدة ............................!!


ممكن القي رئساء ليهم اكتر من 26 سنة
لكن .. فى حكومة ومعارضة .. نفس الشخصيات بيتخاصمو ويتصالحو
ليهم اكتر من ربع قرن وماشيين علي نص قرن .....................!!

مجدي عكاشة بصراحة

كلامك زي الشهد وأحلى

[محمد على محمود]

لك التحية مهاجر فى البلد وانت تسال هل لنا ان نصدر بناتنا الى اوربا ليتم احترامهن فانا اقول لك لو اجرينا استطلاع عن الراغبات فى الهجرة والساخطات على نظام الخرطوم لما بقى الا نساء وبنات المؤتمر الوطنى فى السودان لان القانون يحترم الانسان مطلقا فى اوربا وامريكا ولا فروقات فى الجنس ولا اللون وانت تتكلم وتساوى نخب الشماليين الذين نعموا بالسودان منذ 56 والرفقا الذين عانو التهميش والحرب بفضل هؤلاء كيف يستوى ان نقارن النضال بالتخازل والظلم والاستبداد الذى طال انسانية ابناء الجنوب والغرب والنيل الازرق والشرق واما عن المنظمات فهى ارحم من النظام ودعاة التصفيات العرقية وارحم من الشماليين الذين هم السوس الذى نقر اواصر التاخى ومزق مساحات التعايش السلمى بين ابناء الوطن الواحد وارادوة وطن بلا تنوع وتسرى فية سياسة الحزب الواحد واللون الواحد والاقليم الواحد ولا مجال للمجموعات الافريقية فى وطن هو بوابة افريقيا وعروبتة منقوصة بحكم الاغلبية ولك اخى ان اردت سودان الاخاء ان تكتب وتشجب دولة الشمال الاحتكارية وتدعوا لسودان جديد فية انسان متتطور ونابذ للعنصرية وداعم للتنوع ومعترف بالاخر 0000 ودمت

[مهاجر في البلد]

لك التحية مهاجر فى البلد وانت تسال هل لنا ان نصدر بناتنا الى اوربا ليتم احترامهن فانا اقول لك لو اجرينا استطلاع عن الراغبات فى الهجرة والساخطات على نظام الخرطوم لما بقى الا نساء وبنات المؤتمر الوطنى فى السودان لان القانون يحترم الانسان مطلقا فى اوربا وامريكا ولا فروقات فى الجنس ولا اللون وانت تتكلم وتساوى نخب الشماليين الذين نعموا بالسودان منذ 56 والرفقا الذين عانو التهميش والحرب بفضل هؤلاء كيف يستوى ان نقارن النضال بالتخازل والظلم والاستبداد الذى طال انسانية ابناء الجنوب والغرب والنيل الازرق والشرق واما عن المنظمات فهى ارحم من النظام ودعاة التصفيات العرقية وارحم من الشماليين الذين هم السوس الذى نقر اواصر التاخى ومزق مساحات التعايش السلمى بين ابناء الوطن الواحد وارادوة وطن بلا تنوع وتسرى فية سياسة الحزب الواحد واللون الواحد والاقليم الواحد ولا مجال للمجموعات الافريقية فى وطن هو بوابة افريقيا وعروبتة منقوصة بحكم الاغلبية ولك اخى ان اردت سودان الاخاء ان تكتب وتشجب دولة الشمال الاحتكارية وتدعوا لسودان جديد فية انسان متتطور ونابذ للعنصرية وداعم للتنوع ومعترف بالاخر 0000 ودمت

أخي محمد علي محمود

والله وبصراحـــة حيرتني
انت بتكره العنصرية
وافكارك معظمها عنصري
دائما تتحدث عن الشمال والمهمشين - اوع تكون من الجماعة البتاجرو بي قضية المهمشين
كدا بالجد تكون زي ناس الحكومة ديل بتاجرو بالمباديء والجماعة التانيين استلمو ارباحهم
والجماعة التالتية لسه بتاجر في السوق بقضايا المهمشين
انت عارف قصة المهمشين طويلة لانو هم فعلا مهمشين من الحكومة وبقت عليهم نارين بدل الحكومة براها
حتى ناسهم القامو عشانهم همشوهم ومشو اخر فنادق وحاجات تانية كثيييرة بره
قالو اخير قبيل

يا اخي العزيز كده برضو حاتكون في عنصرية لمن الكلام يكون عن الشمال وما ادراك ما الشمال
واحنا كلنا سودانيين حقو ننبذ قصة الانتماء العرقي شوية

وربنا يصلح الحال

بسم الله الرحمن الرحيم
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أكرَمَكُم عند الله أتقاكمصدق الله العظيم