يلا نضحك مع نكات حقيقية للحناكيش!!!!

[فــتى الفلامنكو]

ههههههههههههههه

والله بجد ده ألعن عقااااب لاحول لله روحك تطلع


لو أنه مكانك أكان نطيت بشباك وواصلت مشي d

[اسيرغربتى]

نضحك شوية مع الاطفال

فى الاجازة فى بلدنا الحبيب هذا الموقف

يا ماما انت موش قولتى البيطلع من الحمام

بسفنجتو غبى ومابفهم وسخان وماعندو ادب

ماما ردت بنعم

طيب ياماما ليه خالو وسخان ومابفهم وما عندو ادب

الماما ردت عيب الكلام دة

شوفى خالو جالس بالسفنجة فى الصالة 000000

00000000000000000000000000000
0000000000000000000000000000

[jasmina]

ههههههههههههههه

والله بجد ده ألعن عقااااب لاحول لله روحك تطلع


لو أنه مكانك أكان نطيت بشباك وواصلت مشي d

[glow=ffff66]

ههههههههه هههههههههه
انا ماكانت عيني على مسكة الباب بس الدنيا كانت برد

[/glow]

[jasmina]

[glow=ffff66]

ولد خالي بيحبني شديد عمرو اربعة سنة... وكانم عندنا صاحبتي
في البيت وناس خالو معانا ..... وانا شايلة بت صاحبتي عمرها
سنة يادوب بتمشي ...... ولد خالي غار وعايز يدقها بس خايف
ندقو قام قعد جنبي وهي لمست راسو .............. بس لقى السبب
قام عليها قال زي مادقتو يدقها ............ انا حنستو قلت ليهو لا لا
هي صغيرة ماقاصدة تضربك .......... قال لي انا انا انا ذاتي
صغيرقلت ليهو طيب هي (( بابو )) قال بابو شنو !!! ما ما ما شايفاها
بتمشي في الواطة ؟؟؟ كيف بابو ؟؟؟؟

طبعاً الضريبة الطلبها عشان مايضربها اني انزلها !!!!

[/glow]

[أبو صديق]

مرة أولاد أختي رجعوا السودان إجازة وبيت زوجها بعيييد مننا فقام ولدها الكبير 10 سنوات حب إجي عندنا وطلع من غير إقول ليهم وبعد فترة طويييلة وصل عندنا ، وأهلوا بهناك قالبين عليهو الدنيا وفي الآخر قامو جونا في البيت إسألو عليو، فلقوهو قاعد إلعب مع العيال ، سألوهو يا حماده ليه ماكلمتنا أنك طالع من البيت وجيت هنا مع منو قال ليهم براااي وكيف عرفت البيت؟؟؟ قال ليهم مشيت ومشيت كتيييير لحدي ما لقيت مسجد وبعد داك شفت عمو سوداني وراني البيت ووصلت بسرعة صااااح، مش أنا قوي ؟؟؟

حمادة ده دلوقتي دكتور بالسعودية .....

[بسمة الحياة]

بوست رااااائع

مرة كنا في السودان وكانت اختي صغيرة
مشت لبتاع الدكان قالت ليهو اديني فش فاش (نوع من انواع الشيبسات)
قام حق الدكان قال ليها لي قالو ليك نحن ضابحين (هو كان قايلا قاصدة الفشفاش حق الخروف)
هههههههههه

ومرة تانية اختي دي زاتا مشت لي بتاع الدكان كانت عايزة تشتري عرديب قامت اتلخبطت و قالت لي اديني عنقريب قام قال ليها نحن ما بنبيع عفش قالت لي لا حسي البنت دي انا شفتها اشترت منك
قال ليها وينا قالت البت الماشة ديك و بعد نقاش طوييييل جات البيت وهي بتبكي قالتحق الدكان ما عايز يديني عنقريب نحن فعدنا نضحك ضحك بعد ما فهمنا هي قاصدة شنو


اختي دي حسي معانا في المنتدى

[اروع من الورود]

بوست رااااائع

مرة كنا في السودان وكانت اختي صغيرة
مشت لبتاع الدكان قالت ليهو اديني فش فاش (نوع من انواع الشيبسات)
قام حق الدكان قال ليها لي قالو ليك نحن ضابحين (هو كان قايلا قاصدة الفشفاش حق الخروف)
هههههههههه

ومرة تانية اختي دي زاتا مشت لي بتاع الدكان كانت عايزة تشتري عرديب قامت اتلخبطت و قالت لي اديني عنقريب قام قال ليها نحن ما بنبيع عفش قالت لي لا حسي البنت دي انا شفتها اشترت منك
قال ليها وينا قالت البت الماشة ديك و بعد نقاش طوييييل جات البيت وهي بتبكي قالتحق الدكان ما عايز يديني عنقريب نحن فعدنا نضحك ضحك بعد ما فهمنا هي قاصدة شنو


اختي دي حسي معانا في المنتدى

هيييييييييييي لي تتكلمي عني دون علمي

يعني لازم الاحراج

[jasmina]

[glow=FFFF66]

] & اروع من الورود

[/glow][glow=ffff66]

احلى ناس نوررررتو
وشكراً لمشاركتكم

[/glow]

[jasmina]

[glow=ffff66]

انا مشيت مع خالتي السوق قلت للراجل كيلو الفول بكم ؟؟؟
عاين لي كدة قال انتي جاية من السعودية مش ؟؟؟؟
نحنا عندنا هنابالرطل !!!!!!

وفي نفس اليوم ونحنا راجعين ركبنا المواصلات ...... الكمساري وقف قدامي وهو يطقطق
طبعاً هو قصدو القروش ...... انا عاينت ليهو عشرة عشرة ........ولفيت وشي منو وقلت في نفسي
قليل ادب قدام الناس مابيستحي ......... قال لي شنو يا.......... وانا لسة مدياهو ظهري ...... خالتي
اداركت الموقف ........... وادتو وقالت ليهو معليش دي ناس الرياض ....مافهمت والباص كلو ضحك
علي .......ههههههههههههه......... وتاني لما يكون الزول الراكب الباص دايرو يقيف بيصفر .........وانا لسوء حظي الوراي صفر ........طبعاً انا المرة دي عاينت لخالتي عشرة
عشرة ........وهي ماتت من الضحك ....وقالت لي بعدين اكلمك بعدين

[/glow]

[jasmina]

[glow=ffff66]

اولاد خالي مشاغبين مرة جايننا وراكبين مع خالهم قدام

عند الاشارة السيارة الوقفت جنبهم سايقها سعودي بخاري

يعني شكلو زي الصينيين ....... قعدو باعلى صوت مع بعض

خالو شوف جاكي شان ؟؟؟ وخالهم حاول يسكتهم سرعة بس الراجل سمعهم و

طلع نفسو حلوة وقعد يضحك !!!! طبعاً ماخلو حركة كراتية واحده مااستعرضوها

خالهم ياللة ويامين قدر قعدهم في الكرسي تاني

:

[/glow]

[أبعاج]

[jasmina]

[glow=ffff66]

اهلاً وسهلا ً بيك

نورررررررت

[/glow]

[اسيرغربتى]

حنكوووووووووووشة فى الخرطوم من الخليج
البنية السكرية لبسوها وسرحوها وقالت كدى
خرجت الشارع فى المنشية شافت اولاد قفراء
بيلعبو بالتراب 00000نادوها تعالى العبى معانا
فردت 000مامى قالت لى ما تلعبى مع الوسخانين
قام واحد من العيال خبطة بى كوريك على راسا
البنت قامت جارية لامها 00مامى وااااااااى مامى
اولاد القفراء ضربونى 00000000000
بملعقة 00إكس إكس لارج
ههههههه هههههههههههههههههه

[السودانى الاصيل]

ههههههههههههههههههههه

مواقف حلوه ياسمينا

تسلمى يا راقيه

دى امكن موقف انا بعتبرو محزن
بت ظريفونه انا فى موقف للمواصلات وا نا جاى لقرايبى فى ام درمان بنوته كدا سمحه يعنى وظاهر عليها من المغتربين والساعه امكن قريب 9 مساء
تسال بخجل وانا ما كنت عارفا بتقول شنو للناس البتتكلم معاهم ومشكلتا شنو سالت واحد واتنين
وتلاته وبصراحه اشكال الناس الكانو فى الموقف ما تطمن

لقيت نفسى بمشى عليها واقول ليها مالك انتى ؟؟
قالت لى ما عارفه المواصلات بتاعتم وين
وانا مقدد الخرطوم كلها قلت ليها انتى ساكنه فى اى حى ؟
اتخيلو قالت لى لو انا عارفه اسم المحل الساكنه فيهو كنت وصلت !!!!!!!!!!

اتضح انها اشتروا بيت جديد فى حى اسمو الاسكان الجديد واول يوم تطلع للجامعه
واسم الحى ما عارفاهو وتسال تقول ماشه وين دى المشكله

البت اشيل واسال فيها جنبو شنو وووووو تحريات وانا بقيت اسال وكانى تبعا
لحدى ما واحد قال اسمو قالت بسسس هو دا بيتنا هناك

الوقت اتاخر قلت ليها لازم اوصلك باب البيت وفعلا وصلتها بينى وبينكم كدا غلبنى الفراق خخخخ

وبعد كدا حصلت حاجات مؤلمه لحدى اللحظه متذكرا بس خلوها هسى

[اسيرغربتى]

حنكوش شاب من الخليج فى الخرطوم

الجماعة فى إجازة وقاليك الابو قال يدرب
ولدو على الحياة شوية ويكلفو بمهام وفى يوم
ارسل الولد يجيب خروف سمين
وصل الولد ومعاهو سخلة بيضاء ونادى ابوهو
بابا تعال شوف خرج الوالد فوجده اتى بسخلة
ياولد اقولك جيب خروف تجيب لى سخلة وضعيفة كمان
فرد الولد ياباب بابا شوف 00شوف عيونه شقراء كيف
ههههههههه ههههههههههه ههههههههههههه

[السودانى الاصيل]

حنكوش شاب من الخليج فى الخرطوم

الجماعة فى إجازة وقاليك الابو قال يدرب
ولدو على الحياة شوية ويكلفو بمهام وفى يوم
ارسل الولد يجيب خروف سمين
وصل الولد ومعاهو سخلة بيضاء ونادى ابوهو
بابا تعال شوف خرج الوالد فوجده اتى بسخلة
ياولد اقولك جيب خروف تجيب لى سخلة وضعيفة كمان
فرد الولد ياباب بابا شوف 00شوف عيونه شقراء كيف
ههههههههه ههههههههههه ههههههههههههه

اسير غربتى يا راااقى هههههههه
ذكرتنى بقولو عمك المغترب رسل بتو الصغنوونه
لى ود جيرانم

فى عيد الضحيه طبعا الابو زاتو ما بعرف اضبح ولا اسلخ
الشافع مشت للزول قالت ليهو

عمو بابا قال ليك تعال مووت الخروف وقشرو لينا

[The Sniper]

سلام شباب
دا موقف حصل لاخوي الكبير محمد
اول ما جينا من السعودية طوالي مشينا علي الجزيرة والوقت كان خريف
طبعا هناك في السعودية ما عندنا موية في الشارع
وكانت امطار غزيرة في الجزيرة اخوي شاف موية كتيرة ونحن راكبين السيارة مفتكرها شاطئ
علي طول طلع مداسو وبدا يطلع القميص
خالي سالو قال ليهو بتعمل في شنو ?
قال ليهو عايز اسبح
الجماعة شبعوا ضحك و لحد الان متذكرينها ليهو:D:D:D

[jasmina]

[glow=FFFF66]

سوداني اصيل اسير غربتي the sniper


نورررررررررررررررررررررررررتو البوست

وضحكتوني شديد

[/glow]

[العمده2]

يا شباب دى قصه بعيده عن الحناكيش 0 لكن حصلت فعلا فى الرياض

واحد من الشباب كابس كم سنه عشان يدخل السعوديه دى وفى النهايه عملو كشف واشترو ليه فيزا
00 وطبعا هو جاى بطموحات كبيره جدا بقى يضرب حسابات من جوه الباخره
السنه الاولى حابنى بيت 000 والتانيه حاشترى عربيه000 والتالته حاتزوج والرابعه 000 والخامسه
وعيييييييييك000 اول يوم وصل قعد مع الجماعه فى الجمعيه 00 والجمعيه طبعا متروسه عطاله لخشم الباب 00 المهم لقى ليه سرير كده ورقد بمزااااااج وقال ليهم يلا يا جماعه كدى شوفو لينا شغل!!!!
عمك من الجماعه الفى الجمعيه عاطل ليه سبعه سنين حرقو كلام الزول وقال ليه شوف يا ابنى مافى اى حاجه شغاله فى الجمعيه دى غير المكيف الفوقك ده 0 اقفل خشمك وشوف ليك مرتبه واتغمد

[jasmina]

الوقت اتاخر قلت ليها لازم اوصلك باب البيت وفعلا وصلتها بينى وبينكم كدا غلبنى الفراق خخخخ

وبعد كدا حصلت حاجات مؤلمه لحدى اللحظه متذكرا بس خلوها هسى

[glow=ffff66]

:smiels0لازم تكمل القصة

:

[/glow]