ما هو شعورك اذا لم يتداخل معك احد فى موضوع طرحته ؟؟؟

[saydbrka]

وما هو شعورك اذا لم يعيرك صاحب موضوع ما اى اهتمام ؟؟


وما هو رد فعلك ازاء ذلك ؟؟

[السودانى الاصيل]

انا قاعد احذف المشاركه وتانى ما برد ليهو فى اى موضوع

[saydbrka]

شكرا السودانى الاصيل
غايتو مرقتنى من حتة ما يتداخل معاى زول هنا
وبينى وبينك كنت خايف من الحكاية دى تبقى على هنا

لكن :
هل حذف المشاركة هو الحل الاسلم
وهل عدم التداخل مرة اخرى - فى حالة التجاهل - هو رد الفعل لانسب ؟؟








ــــــــــــــــــــــــــــــــــــــــــــــــــــــــــ

لا اعتقد

[مصعب الحداد]

والله ياسيد بزعل واكلها وامشيها
لكن مابزعل من زول وماارد عليه
لانو ممكن الفكره ماناسبت الناس
فبقول عادي وامشي الموضوع

[مسلمة وافتخر]

وما هو شعورك اذا لم يعيرك صاحب موضوع ما اى اهتمام ؟؟


وما هو رد فعلك ازاء ذلك ؟؟

انا بشوفو عااادى يعنى

وبكبر دماغى


وتانى شئ على حسب الموضوع بمعنى انه اذا انا عجبنى الموضوع

حارد عليه وما بكون منتظرة اى حاجة من صاحب الموضوع

المهم اقول رائ وخلاص

واذا رد على مشاركتى كان بها واذا ما رد عااادى يعنى

[saydbrka]

شكرا مصعب
شكرا ذات الشجون
لكن ما قلتو لى اذا كان البوست فتحتو انت ومافى اى زول خش معاك , ولا اى زول كتب ليك نقطة :
ما هو شعورك ؟؟؟

[القلب الملك]

ليس بالضروة أن يتداخل معي أحدهم في موضوع ،،،


المهم أن تصل الفكرة ،،، وأن تثبت في ميزان الحسنات ،،، وهي متاحة عبر النت إلى ما شاء الله ،،،

فلربما تكون من الأعمال الجارية ،،،


====سلمت=== :040

[رءوف]

انت دائما وابدا اكتب موضوع له اهداف يعنى موضوع ذو اهمية وليس من اجل الكتابة فقط كما يفعل الكثير وعندها سوف تجد ان كل الناس ردوا عليك حتى الكانو مكجننك برضو بيردو عليك انشاء الله ينتقدوك زى ماحصل كثير معاى انا فى ناس بس انا قاعدين لى عشان اغلط طوالى اجو ناطين ولو كتبت شى ينقط دهب ماقاعد اشوفهم ..تصدق بقعد اضحك لم اشوفهم جو ناطين لى ... وكبر دماغك

[مسلمة وافتخر]

حابقى كدا

او كدا



بهظر ساى

بكبر دماغى برضو

[saare]

[omar babikir]

كبير الدماغ دا المرحلة التانيه ... اما المرحله الاولى فهى الاحباط من عدم مشاركة احد....

[السودانى الاصيل]

يا جماعه الله

الزول دا قال انت رديت على زول فى موضوع
وجا طنشك ما قال ليك شكرا على مرورك

وانت شيايفو من المقصورة بتاعة الشمشره

انا بزعل

يعنى مثلا مبارك 59
كتب قبل يومين موضوع وزول ساى قال ليهو انت بتقول فى شنو مافى
قمت حنيت على موضوعو وكتبت ليهو

جاء كتب بعدى ولااااااااا جاب خبرى ؟؟؟؟؟؟؟؟؟؟؟
زى دا تعمل شنو

حرم اقلع مشاركتى من عروقا وتانى كان كتب عن عمر البشير ما ارد
بس

لكن ما قصدى انو ما اردو لى فى موضوعى

[saydbrka]

ليس بالضروة أن يتداخل معي أحدهم في موضوع ،،،


المهم أن تصل الفكرة ،،، وأن تثبت في ميزان الحسنات ،،، وهي متاحة عبر النت إلى ما شاء الله ،،،

فلربما تكون من الأعمال الجارية ،،،


====سلمت=== :040

القلب الملك:
نورت
لكن ما بجيك احساس انو موضوعك دة ما مهم؟؟؟

[مصعب الحداد]

ايوه انا قصدي اصلا شنو اني اذا فتحت موضوع ومافي زول رد عليه
ايزي جدا ياعزيزي ومافي زول مجبور يرد يمكن الفكره ماعجبت الناس
ولا شنو

[القلب الملك]

القلب الملك:
نورت
لكن ما بجيك احساس انو موضوعك دة ما مهم؟؟؟

لما بكتبو بحس بأهميتو أولا وتنتهي علاقتي به هنا ،،،


واحترم رأي الآخر ،،، إن أراد تداخلا

[saydbrka]

انت دائما وابدا اكتب موضوع له اهداف يعنى موضوع ذو اهمية وليس من اجل الكتابة فقط كما يفعل الكثير وعندها سوف تجد ان كل الناس ردوا عليك حتى الكانو مكجننك برضو بيردو عليك انشاء الله ينتقدوك زى ماحصل كثير معاى انا فى ناس بس انا قاعدين لى عشان اغلط طوالى اجو ناطين ولو كتبت شى ينقط دهب ماقاعد اشوفهم ..تصدق بقعد اضحك لم اشوفهم جو ناطين لى ... وكبر دماغك

شكرا روؤف على المداخلة
الا ترى معى ان كل من كتب شيئا هنا فمن وجهة نظره انه شىء يستحق الطرح, يعنى شىء مهم , دة من وجهة نظر الكاتب , اما الناس اللبى يكونو قاصدنك ديل , فبالتأكيد لو انت ما مهم وما مشكل ليهم رقم ما كانوا اتغاظو منك ,( ولا احد يركل كلبا ميتا) مثل .
تحياتى

[رغودة]

أنا طبعا ماعندي شعور لأني ماعندي موضوع زاته...

[saydbrka]

ابلغ من الكلمات

شكرا

[الدويحي 2]

شكرا مصعب
شكرا ذات الشجون
لكن ما قلتو لى اذا كان البوست فتحتو انت ومافى اى زول خش معاك , ولا اى زول كتب ليك نقطة :
ما هو شعورك ؟؟؟

والله في الحالة دي بيكون في إحباط وغبن شديييييييييييد وبقلبي بقول :( كويس يا أولاد الذينَ ، بأدبكم ))

[saydbrka]

كبير الدماغ دا المرحلة التانيه ... اما المرحله الاولى فهى الاحباط من عدم مشاركة احد....

فى الصميم

شكرا عمر