قناة زووووول ..

[حسن الفاضل على]

بسم الله الرحمن الرحيم
السلام عليكم ورحمه الله تعالى وبركاته
مشكورين الاداره والحضور .السيد ابوعمر شكر خاص
نرجو من الجهات المعنية باعادة النظر فى برامج قناة زول السودانية لانها تشاهد خارج الوطن الحبيب.
السمه السمعة السمعة.................
السودانى.................................

[الأسيد]

السلام عليكم ورحمة الله وبركاته
كل عام وأنتم بخيروالتحية لكل السودانيين عامة والرائعين ناس أنا سوداني بصفة خاصة.

ياجماعة القناة السودانية الإسمها زوووول رايكم فيها شنو ..
انا شايفها قناة غريبة شوية عن قنوات السودان الرئيسية ولاتشبة قناة الشروق ولا هارموني .
البنات المزيعات أو مقدمات البرامج الموجودات في قناة زول ليس لديهم حياء ولا خجل وعادي كاشفات رؤوسهن من غير طرحة ولا توب ولا حياء .. كأنهم ما سودانيات .
وجايبين لينا كمية من الحبش يغنوا لينا ويرقصوا ولا عاجبننا ونحن مافاهمين بقولوا شنو بالضبط ..
انا ما عارف القناة دي ما اسلامية .. ولا الناس المسئولين منها ديل يهود ولا شنو ما عارف ..
القناة ماخده اسم زول .. ولكن للأسف ليس لديها اي صلة بالزول السوداني .. لا العادات ولا التقاليد ولا حتى البرامج لها علاقة بالزول ..
المفروض طالما أن اسمها (زول) المفروض تكون قناة سودانية تعكس كل عادات الإنسان السوداني وطبائعه واختلاف بيئاته ومواقعهم وتتمسك بالعادات السودانية وتكون هي التي تنشر أو تعرف العالم الخارجي بالإنسان السوداني وما هيته وهويته .. ولكن للأسف الشيء البقدموه دا لا فيهو معنى للزول السوداني ولا السودان ولا شيء ..
وانا بصراحة مزعلاني الحكاية دي .. وسمعت ناس كتير معانا في السعودية هنا بسبوا في القناة دي وبقول عليها قناة صايعة ولا محترمة و لا تمس الإنسان السوداني بصلة .. وما عارف من وين لقطوها .. بل تدعوا لنظام جديد في السودان ولمزيد من الإنحلال أخلاقي .. ونحن برانا الفينا مكفينا .. الله يحفظنا منها .
كدي أدونا رايكم يا أخواني .

[align=center]في اعتقاااادي انها لاتمثل الشعب السوداني , وتوجهها انفتاااحي بمعني الكلمة , لا حياء ولا خجل فيما يعرض من اغاني وفيديو كليبااات ناهيك عن مقدماات البرامج , يعني الواحد بيحس نفسو عايش أديس , ولا اريتريا واحيانا بيحس انو بشاهد في قناة اوربية ,المصيبة الكبري ان بعض المزيعاااات تم انتقالعن الي قناة النيل الازرق وفي قمة الادب والحشمة لكن بي هنااك ما وزالت برامجهن تقدم للمشاهد , فتقلب بي هنا تلقاها عاملة السبعو وزمتها , وتقلب بي هنااااك تلقاها شئ تاني ومختلف ويمثل السودانيين ,وطبعا ده بيعترب لهن مااااض تعيس في حياتهن , وللمشاهد الاجني وصمة عااار في حق الشعب السوداااني,
اخيرا : اصبح الاعلاااام مسرح مفتوووح , لكل من هب ودب يريد ان يطلق عنان قناة فضائية دوون التركيز علي المضمون الفائدة التي يلتلقاها المشاهد , مع غيااب كامل لوزارة الاعلااااام ,
والله يكوون في عوون الجمييع[/align][/b][/size]

[saydbrka]

يسم الله
اولا هل للدولة سلطان على قناة زول ؟؟
او
هل القناة تبث من السودان ام من خارجه ؟؟
دة نمرة واحد
اما نمرة اتنين:
القناة قناة ربحية وليست رسالية .. بدليل المسابقات الوهمية اللى هدهفها الاتصال الهاتفى .. فقط .. وهى فى ذللك مثلها مثل المقاهى والكافتريات الموجودة فى قلب الخرطوم وتخدم بنات حبشيات ذوات اجسام وملابس خاصة . وبعض الكافتريات فى المنتزهات ـ زى منتزه الترعة بشرق النيل ـ فيها حسان حبشيات لزوم التسويق .. اذن القناة هدفها المال وفي سبيله يهون كل شىء ..

[مهاجر في البلد]

اكيد عاجباني
واستفتا منهم كثيييييييييييييير
انا مابعرف عن السودان حاجات كثيره زول بتوري التراث

بعدين ناسهم نضاااااااااااااف
وقناه حامله اسمنا

سم الزول السوداني
يعني كل الناسس لمن تشوف القناه دي حتقول ديل هم السودانننيييين
السمحين حتتغير نضرتم علي السوداني
مش قناه السودان القوميه العيانه
وهارموني برضو سمحه لكن زول غطت عليهم
ام العشر شكرا ليك

الحتفاوية العتل كيفك

والله سمحة انتي وسمح زوقك ... عسل عديل انتي يا زولة
في مثل سوداني بقول ليك تزاولي من ضلك سمعتي بيهو في الرياض الزهج
اها المثل دا زي كلامك العسل دا
احنا كلنا عيانين ما غناتنا بس العيانة - ماتجي نعمل خلطة ونطلع ناس حلوين اشتغلو في زول رايك شنو يا عسولة

[السيف الذهبي]

قناة زول لا تمثل ( الزول )

لذا كان من الأصدق أن تسمى هذه القناة باسم آخر

عندما بدأت هذه القناة بثها الترويجي كنت متشوقا لها ولكن عندما بدأ البث الرسمي انكشف المستور وظهرت الحقيقة

وبعدها كنت في حالة ترقب وانتظار لعل الأمور تتغير ونرى منها ما يسر

ولكن عندما استمر السخف الذي يعرض في هذه القناة لم أتردد في مسحها من ( الرسيفر ) وانتهى الموضوع


هامش :
أنا داير اعرف القناة دي حاتستفيد شنو
أولا : معظم السودانيين ما بعرفوها
ثانيا : السودانيين البعرفوها معظمهم ما بتابعوها
ثالثاً : نوعية البرامج التي تقدمها هذه القناة موجودة بكثرة في قنوات أخرى عربية وعالمية
فلو كان هناك شخص يريد أن يتابع مثل هذا الرقص والمجون والتكشف
لن يفكر في هذه القناة ولكن سيتابع قناة أخرى (ذات مستوى عالي) في قلة الأدب

هههههه قال قناة زول قال

[رءوف]

ياجماعة الرقص بقى فى شوارع الخرطوم وعادى
مافى زول اتكلم لى شنو لم تشوف ولد وبنت قاعدين
قدام عيونك واخر انسجام لا وايه كمان بقى القعاد
مع البنقالة انا شفت بى عينى بنات ماشين مع بنقالة
اها اخير رقيص قناة زول ولا رقيص البنقالة فى شوارع الخرطوم مع بناتنا ؟؟؟؟؟؟

[السيف الذهبي]

ياجماعة الرقص بقى فى شوارع الخرطوم وعادى
مافى زول اتكلم لى شنو لم تشوف ولد وبنت قاعدين
قدام عيونك واخر انسجام لا وايه كمان بقى القعاد
مع البنقالة انا شفت بى عينى بنات ماشين مع بنقالة
اها اخير رقيص قناة زول ولا رقيص البنقالة فى شوارع الخرطوم مع بناتنا ؟؟؟؟؟؟

كلامك صاح
لاكين عارف ليه الولاد والبنات بقو يقعدو مع بعض عيني عينك
لأنهم بشوفو الشي البيحصل في التلفزيون وبطبقوهو
لأنو معظم المسلسلات والأفلام والأغاني بتعرض الحاجات دي بغرض الإفساد وده امتداد لمشروع يهودي علماني كبير
أها لامن تجي قناة زي قناة زول تعرض الحاجات دي بتكون مساهمة في الافساد ده

إذن يجب إننا نتكلم في قناة زول وغيرها أولاً لانهم هم سبب المشكلة

[مهاجر في البلد]

ياجماعة الرقص بقى فى شوارع الخرطوم وعادى
مافى زول اتكلم لى شنو لم تشوف ولد وبنت قاعدين
قدام عيونك واخر انسجام لا وايه كمان بقى القعاد
مع البنقالة انا شفت بى عينى بنات ماشين مع بنقالة
اها اخير رقيص قناة زول ولا رقيص البنقالة فى شوارع الخرطوم مع بناتنا ؟؟؟؟؟؟

بناتنا بي خيييير ومربييين احسن تربية الا تكون شفتا بنات شبهتهن بي بناتنا
ولو كل زول بنتو رباها صاح وبالحلال ما اظن يخاف عليها من شي

[omar babikir]

ياجماعة الرقص بقى فى شوارع الخرطوم وعادى
مافى زول اتكلم لى شنو لم تشوف ولد وبنت قاعدين
قدام عيونك واخر انسجام لا وايه كمان بقى القعاد
مع البنقالة انا شفت بى عينى بنات ماشين مع بنقالة
اها اخير رقيص قناة زول ولا رقيص البنقالة فى شوارع الخرطوم مع بناتنا ؟؟؟؟؟؟

لو افترضنا ان الرقص اصبح في الشوارع .. فهذا امر لن يشاهده الكثير من الناس ولكن ما تقدمه قناة

زول يشاهده الملايين من السوانيين وغير السودانيين .. وهو بلا شك يعكس صورة سيئه عن السودانيين

وسوف يؤثر وان على المدي البعيد في النسيج الاجتماعي السوداني... يعنى لما تجي مزيعه سودانيه

لا تضع اي شي على راسها وترتدي لبس ضيق ..الا يؤثر ذلك على فتيات مراهقات ... الا يجعل من

ذلك امرا عاديا... ان ما تقوم به قناة زول لا ينتمى الينا ولا يمثلنا ولا يشرفنا.

[saydbrka]

بستغرب من الناس البيتكلموا عن قناة زول كأنها قناة تبث من الخرطوم او كأنها حكومية , وفى الحقيقة القناة دى ربحية زيها زى محلات الشيشة , بس الناس ما تفتحها , لانو مافى سلطان عليها زيها زى القنوات العربية التانية المهببة ديك , والديجتال عموما مابيسر .

[رءوف]

بناتنا بي خيييير ومربييين احسن تربية الا تكون شفتا بنات شبهتهن بي بناتنا
ولو كل زول بنتو رباها صاح وبالحلال ما اظن يخاف عليها من شي

شنو يعنى بناتنا بخيييييييييييير ومربيات احسن تربية ؟؟ انت بتشارك من اجل ظهور اسمك بس ولا نقاشك موضوعى ؟؟؟ انا هسع قلت مامتربيات ؟؟ ولا قصدك شنو انت ؟؟؟
قصدك شنو يعنى شفت بنات شبهتهن بى بناتنا ..انت شايفنى هندى ولا جاى من الواغ الواغ ؟؟؟
انا بقول ليك بى عينى شفت بنات على النيل ماشين مع بنقالة ولو ماخفت المشاكل كنت عاوز امشى اكفت البنقالى بس المعاى قالو لى ماليك دخل
وايه دخل تربة الحلال فى مشى البنات فى الشارع فى بنات ابواتهم مؤذنين فى المساجد وهم حايمين بالحدائق
لو سمحت يا مهاجر

[saydbrka]

شنو يعنى بناتنا بخيييييييييييير ومربيات احسن تربية ؟؟ انت بتشارك من اجل ظهور اسمك بس ولا نقاشك موضوعى ؟؟؟ انا هسع قلت مامتربيات ؟؟ ولا قصدك شنو انت ؟؟؟
قصدك شنو يعنى شفت بنات شبهتهن بى بناتنا ..انت شايفنى هندى ولا جاى من الواغ الواغ ؟؟؟
انا بقول ليك بى عينى شفت بنات على النيل ماشين مع بنقالة ولو ماخفت المشاكل كنت عاوز امشى اكفت البنقالى بس المعاى قالو لى ماليك دخل
وايه دخل تربة الحلال فى مشى البنات فى الشارع فى بنات ابواتهم مؤذنين فى المساجد وهم حايمين بالحدائق
لو سمحت يا مهاجر

روؤف سلامات :
عجبتنى نخوتك , لكن ليه تكفت البنغالى وتخلى البت ؟؟
ما هى اللى ادتو الفرصة وجات معاهو شارع النيل , يعنى جات غصبا عنها؟
والله المعاك ديل عاقلين , ولو خلوك تربى البنات الفى الشارع كان حاتكون فى مداققة من تصبح للمساء

[رءوف]

روؤف سلامات :
عجبتنى نخوتك , لكن ليه تكفت البنغالى وتخلى البت ؟؟
ما هى اللى ادتو الفرصة وجات معاهو شارع النيل , يعنى جات غصبا عنها؟
والله المعاك ديل عاقلين , ولو خلوك تربى البنات الفى الشارع كان حاتكون فى مداققة من تصبح للمساء

لسبب بسيط انو ماممكن انا اكفت البنت لانو لو كفتها ببساطة بغير ملامح وشها ويمكن اهلها لم يشوفوها مش ح يعرفوها ..لكن اضرب البنقالى عشان يعرف انو البنات السودانيات وراهم رجال ومايلعبوا بيهم

[saydbrka]

ذكرتنى اولاد الحلال -بفتح الحاء وتشديد اللام- زمان ما كانو بيشاغلو بنات حلتهم لكن بمشو للحلة المجاورة . وكان لمو فيك الله قال بى قولك

[omar babikir]

خبر عاجل : همر زول!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

قدر ما الواحد يقول يخلى قناة زول دي في حاله ...هي براها تقوم تهبشك وتخليك تجي تكتب

عايز عربيه همر ... اعرف كيس البطاطس دا وزنو كم واكسب همر..... ناس زول قايلين

السودانيين ديل عورا ولافي راسهم في قمبور ولا امكن عاضيهم كلب....همر مره واحده

طيب خلوها اكسنت .. ولا رقشه... همر طوالي...

اقول ليكم حاجه ....الهمر دا بيعوهوه وانتجوا بيه برامج بدل اغاني الحبش الما بتنفهم..

قال همر قال...

[القلب الملك]

تعرف يا omar ،،، يكون رقم الهمر لسا ما نشطو في الكمبيوتر ،،، يخلو الناس تتصل لحدي ما يجيبو تمنها ويربحو بعدا ينشطو الرقم ،،، 9999 محاولة شوف التوهان فيها ممكن يدخل كم ،،،،

[omar babikir]

تعرف يا omar ،،، يكون رقم الهمر لسا ما نشطو في الكمبيوتر ،،، يخلو الناس تتصل لحدي ما يجيبو تمنها ويربحو بعدا ينشطو الرقم ،،، 9999 محاولة شوف التوهان فيها ممكن يدخل كم ،،،،

خليك من الكمبيوترانا اكتر حاجه شاكي فيها المتصلين .... اتخيلي ديل ماجرنهم .... يعني اتصالات

فشنك......في قنوات كتيره البتصلوا عليهم بكونو قاعدين في الاستديو معاهم... زي البجيبوهم في برامج

التوك شو يصفقو ويضحكو للضيف..... ما اظن في زول نصيح بتصل على زول ...

والله ديل ما عندهم كارو بي حمار خلى همر.....

[مهاجر في البلد]

شنو يعنى بناتنا بخيييييييييييير ومربيات احسن تربية ؟؟ انت بتشارك من اجل ظهور اسمك بس ولا نقاشك موضوعى ؟؟؟ انا هسع قلت مامتربيات ؟؟ ولا قصدك شنو انت ؟؟؟
قصدك شنو يعنى شفت بنات شبهتهن بى بناتنا ..انت شايفنى هندى ولا جاى من الواغ الواغ ؟؟؟
انا بقول ليك بى عينى شفت بنات على النيل ماشين مع بنقالة ولو ماخفت المشاكل كنت عاوز امشى اكفت البنقالى بس المعاى قالو لى ماليك دخل
وايه دخل تربة الحلال فى مشى البنات فى الشارع فى بنات ابواتهم مؤذنين فى المساجد وهم حايمين بالحدائق
لو سمحت يا مهاجر

صدق يا اخي الحبيب رءوف يادوب شفت الرد دا وانت ما هندي انت سوداني مية المية
معليش ما تنفعل عشان صحتك طيب
واكيد انا ما بشارك عشان اسمي يظهر عشان بي بساطة ما بدوني جائزة
ولو ادو مهاجر في البلد جائزة احسن زول في المنتدى ما اظن في زول بعرف مهاجر في البلد
وقاصد انو بناتنا بي خييييييييير انو بناتنا تمام وطبعا في بنات في سن طايشة دايرات حبت رعاية وتربية وقاصد بالحلال انو تربية نضيفة
ولو في بنت مؤذن او امام مسجد ما تمام دي ما شهادة انو كل البنات كعبات
رءوف هل تصدق اني معجب بي ردودك وكتاباتك رغم اني في الواقع ما بعرف رءوف دا فعلا اسمك واللا اسم مستعار والله كمان ما عارف عنك اي معلومة غير مشاركاتك
ولو اي زول في المنتدى بتعامل بي رد فعل لشخص اصلا لا يكن له سوى الاحترام بقى مافي داعي اصلا للتواصل

الحقيقة الانا عارفها اكثر من اي شخص في المنتدى انو انا عابر سبيل ليس إلا ربما امكث اياما وربما ساعات وربما ثواني فكل لحظة تمضي لا ادري هل بعدها لحظة ام انها الحاسمة ...
ودائما حقو مانغلط في بعض ولا نشوه سمعة بناتنا السودانيات ولا نشوه سمعة المسلمات عامة فالانترنت كما تعلم مفتوح للكل طيب لو الكل اخدو فكرة انو بناتنا كده والحقيقة انو بناتنا هن امهاتنا وهن اخواتنا وهن زوجاتنا وبناتنا

اخي العزيز الرائع جدا رءوف أنا متأسف شديد على اي شيء انت فهمته خطأ وقبيل انت عرفت رأي الشخصي فيك في الرسائل الخاصة

مع خالص الود وانبل احترام واجل تقدير

اخــوك - مهاجر (اديني كم يوم ببعت ليك اسمي الحقيقي وبياناتي كلها في رسالة خاصة )

[@@الغريب@@]

شكرا علي الموضوع الجميل والحقيقة انو القناه واجها لكل سوداني تقبل مروري الخجل

[واد مدني]

والله انا عندي احساس انو صاحب هذه الغناة حبشي مرطب عايش في السودان