بنات المغتربين .. وعدم العرس .

[عطر الورد]

بصراحه كل شى قسمه ونصيب وبعدين منو اللى قال البنات فى الغربه ما بعرسو بالعكس انا بلاحظ انو فى السودان البنات كل همهن العرس عكس المغتربات وبصراحه فى ناس كتيره عرست فى الغربه

[sweet dream]

احترامي لكل من مؤسس الموضوع (موضوعك راااائع) والمشاركين..
أنا ماشايفة انو زيادة العوانس في المغتربات بس هي زيادة عاااااااامة.. ويمكن تكون النسبة في المغتربين اكتر بسسب افكار بعضهم عن العريس والزواج الي ذكروها اخوتنا..

[GentleMan]

صراحة .. الزواج من بنات المغتربين افضل لانو تكون معاك وتكون مرتاح وما تحس بالغربة
بس المشكلة هل بنات المغتربين ممكن يرجعوا للسودان اذا استعصت الظروف وكان لامفر
من الاستقرار بالسودان ؟؟ عايزين بنات المغتربين يجاوبوني بكل صراحة ؟

[بكري عثمان]

الحقيقه الموضوع شيق وشايك والمسالة ما مسالة عرس بنات المغتربين المسالة في استعداد بنات المغتربين لتحمل مسؤلية الحياة الزوجية ولنا عودة قريبا

[ابراهيم محمد]

بسم الكريم رب العرش العظيم ، أولا قرأت كل التعليقات المقدمة من الاخوة والاخوات امامي فقد كانت كل متنوعة ومختلفة الاراء وهذا ما يتمناه الفرد ان يكون هناك تنوع في الاراء ورائي انا ان ربنا قسم لكل انسان زوجة في حياته واحدة أو اثنين كما قسم الرب للشخص وهذا يعلمه الله العلي القدير حيث لا نعلم عن الاشياء الغيبية فمنذ الميلاد كل منا له قسمته سواء كانت سودانية أو غيرها من بنات الارض ولا نعلم أين يتم الذواج في الغربة أو في السودان أو في القمر أو في المريخ مستقبلاً لا ندري حتي لا اظلم أحد إن بنات المغتربين قمة الرقي والاحترام كما شاهدت وانا في الغربة افرح جداً عندما اجد ها سودانية لانوا بتعلم الاحترام فهذا ما يجعلني افنخر بأني سوداني ، والمغتربات أو بناتهم وعدم معؤفتهم بالطهى او غيره هذا ليس مقياس لانوا الواحد مش رايح يتزوج بشكارة زوجة والشخص نفسه يمكن ان يكون بإلمام ببعض الامور المنزلية مع عدمها عموماً لا نعرف ولا ندري اين ستكون قسمتنا في السودان ام سودانية ام اجنبية أو هي ملمة بالادارة المنزلية ام لا واحدة ام اثنين ام غير ذلك لا نعلمها ولكم حبي وعفواً علي الاطالة وعزراً إن كان رأي غيركم . مغترب

[نهر المحبه]

طيب الموضوع جميل وشايك
بس لو اصلا من البدايه الناس بتشيل هاجس الغربه وانه دي مغتربه وحتى لو كانت الفتاه عاديه وما عندها مشاكل لكن بسبب العقد والوهمات المتشكله في عقول السودانين من المغتربين
اول شيء بيقول ليك انها متطلعه وعايزه بيت 5نجوم وكده ما كل مغترب في البلد دي عايش ومرتاح في ناس ظروفهم ما يعلم بيها الا الله في الحاله دي على ما اعتقد انه البنات الفي السودان هم المطلعين
وبجي راجعه

[mubark59]

والله الموضوع شائك وكبير ومثل المحيط تماماً من الصعب أن تدرك له ساحل وعلى العموم أقول وبسم الله الرحمن الرحيم ، نؤمن بالقسمة والنصيب وهذا مدخل إيمانى جيد لذلك على كل رب أسرة أن يحرص على تعليم الابناء من الجنسين الصلاة فى أوقاتها وقراءة القران والصدق فى كل شىء والحرص على التحصيل فى الدورس وفى العبادات وكذلك تعلم العادات السودانية الممتازة والابتعاد عن الطالح منها والابتعاد عن مجاراه الموضه لبساً وحديثاً والالتزام الشرعى خاصه من جانب بنات حواء وهذا لايعنى أن نترك الحبل على الغارب للاولاد !!! عموماً وبما أننى فى غربة وبل من أصعب الاماكن (فى أروبا بيريطانيا ) وسوف أجد نفسى خلال فترة وجيرة أن طارق أو طارقى باب الشقة أو الهاتف لخطبة بنتى قد دنا لذلك أتمنى أن يوفقها الله فى دراستها ويسهل لها من هو مهتم بدينة وخلقة وحفظة للقرآن والذى إذا حفظة أو حفظتة حفظت نفسها من كل شرور حتى لو أصبحت فى عداد من فارق هذه الحياه الدنيا وأسأل الله أن أفارقها وأنا على شهاده أن لاإله إلا الله وأن محمداً رسول الله وحافظاً الكثير للقران ومواظباً على صلاتى فى المسجد مع الجماعة ومبتعداً من اللهو والاضاعة . وفقكم الله ووفق بناتنا وأبناءنا الى خيرهم فى الدين والدنيا آمين آمين آمين

[الملتزمه]

بنات المغتربين ليس لا يجدون الزواج , بل بالعكس الفرص جميله ورائعه عندهم , ومع احترامي للبنات اللي في السودان , لو كنت رجل وفضولوني بين المغتربه والمقيمه في السودان , لفضلت المغتربه لان المغتربه مسؤله ومدركه ومتفتحه وهميمه وطالع منها الحسد وحب المظاهر وعندها الحشمه والاحترام ولبسها كله ستره , انني افتخر بالمغتربات لانهم شريفات وعفيفات , مع احترامي للي موجودين في السودان , والمغتربه السودانيه بتقيف مع الرجل السوداني بالعمل داخل المنزل وخارجه ولايهما القيل والقال والحسد اهم شي عندها الانتاج ومراعاة العيال وحفظ شرفها وعفتها , وربنا يحفظ المغتربات .

[مهاجر في البلد]

بنات المغتربين ليس لا يجدون الزواج , بل بالعكس الفرص جميله ورائعه عندهم , ومع احترامي للبنات اللي في السودان , لو كنت رجل وفضولوني بين المغتربه والمقيمه في السودان , لفضلت المغتربه لان المغتربه مسؤله ومدركه ومتفتحه وهميمه وطالع منها الحسد وحب المظاهر وعندها الحشمه والاحترام ولبسها كله ستره , انني افتخر بالمغتربات لانهم شريفات وعفيفات , مع احترامي للي موجودين في السودان , والمغتربه السودانيه بتقيف مع الرجل السوداني بالعمل داخل المنزل وخارجه ولايهما القيل والقال والحسد اهم شي عندها الانتاج ومراعاة العيال وحفظ شرفها وعفتها , وربنا يحفظ المغتربات .

الاخت الملتزمة في البدء اتمنى ان اجد عروس تكون ملتزمة

ثانيا لو خيروني بين المغتربة والمقيمة في البلد اكيد حا اختار الفي البلد لانو انا لو مقيم في البلد اكيد البنت المعاي بكون عارف عنها كل شي مثل طريقة عيشها وتربيتها (لا اشك في تربية المغتربات طبعا) واكون عارف كل سلوكها او معظمه
اما المغتربة فانها تربت في بيئة مختلفة وعاشت وضع محدد تحب دائما ان تجد نفس البيئة والوضع الذي ترعرت عليه ... لذلك تجدي ان معظم الفتيات المغتربات لا يتم معظم الزواج بهن الا في البلد المغتربين بها ونادرا ماتتم زيجات بين مقيم في بلدو ومغتربة الا ان تكون من اسرته او من اهله او اخت صاحبو او زميلة اختو وكدا
عموما اسال الله تعالى ان يزوج جميع بناتنا بازواج صالحين سواءا داخليا او خارجيا

[النورس المهاجر]

لك التحية والتجلة أبو عمر ///
هذا أهم الموضوعات التي من المفترض تناقش وخاصة من أسرة المغترب سوء كان في داخل البلاد أو مغتربة الأسرة معه .. أقول ( وانا صاحب تجربتين _ زواج من مغتربة وأخرى من داخل السودان) :
1/ كل ما قيل عن بنت الغربة صحيح من عدم معرفة وقلة في تربية وتطلع ودلع ومخاوف من أحوال البلاد وعدم دراية بالمعاملات والمجاملات الاجتماعية حتى الدين مظهر وليس علم مؤاصل والقريب في الأمر تجد رب الاسرة ليس قيادي في أسرته بل يوافق جميع سلبيات الأسرة منهم من يصل به الحال لعدم السفر للبلاد
2/ قلة الزيارة للبلاد وعدم ربط الاولاد بالاهل فجوة يعاني منها جيمع أبناء البلاد بالغربة بل تزرع في دواخلهم كره المجتمع السوداني والمخاوف التي تزرع فيه من قبل من لا ينتمى للوطن .
3/ اسوء ما يلاقيه ابناء الغربة العزلة الاجتماعية والوصم من قبل مجتمع الدولة التي يعيش فيها بالسوداني( اسود) والعزلة في بلاده لأسباب اختلاف تربيته وفكره واحلامه الغير واقعيه بل تكبره علي مجتمعه بانه ابن مغترب ؛ حتى الزواج من بنت مغترب وهي في الداخل تقل الفرصة لها للحسابات المادية التي تعيشها الاسرة وترفعها على المجتمع ونظرتها للغير ومعاملاتها لبسطاء المجتمع قل وندر من يتواضع .
4/ اذكر اهم ملاحظة لنا كسودانيين ( اسره) كل سلبيات المجتمع الافريقي ( سود) تنسب لقبيلة السودان لذا تجد الانعكاسات السالبه في جميع محافل الاعلام الخارجي تسئ للأسرة السودانية قياسا بما يحصل من هذه الشريحة .
اخيرا اوصي جميع من لديه أسرة بالخارج أو هو بالخارج // عليك بربط الاسرة باسرتك جيدا مع نبذ كل ماهو مغاير لطبايع السودانيين بالداخل حتى وان لم يكون هنالك زواج لان موروثتنا وعادتنا وتقاليدنا وتربيتنا عز وفخر ومستوى حضاري وشهامة ورجولة وادب واخلاق ( المرة البتعشي ضيف الهجعة / الولد البصون العرض وبضبح الشايلة وبرش بالدم فوق بنات العم )
$$$ بلاد الغربة وان عظمة العيشة فيها ما هي بالخلد وللبلاد عودة وان طال البعاد فلماذا ولماذا ....؟؟؟*

[النورس المهاجر]

لك التحية والتجلة أبو عمر ///
هذا أهم الموضوعات التي من المفترض تناقش وخاصة من أسرة المغترب سوء كان في داخل البلاد أو مغتربة الأسرة معه .. أقول ( وانا صاحب تجربتين _ زواج من مغتربة وأخرى من داخل السودان) :
1/ كل ما قيل عن بنت الغربة صحيح من عدم معرفة وقلة في تربية وتطلع ودلع ومخاوف من أحوال البلاد وعدم دراية بالمعاملات والمجاملات الاجتماعية حتى الدين مظهر وليس علم مؤاصل والقريب في الأمر تجد رب الاسرة ليس قيادي في أسرته بل يوافق جميع سلبيات الأسرة منهم من يصل به الحال لعدم السفر للبلاد
2/ قلة الزيارة للبلاد وعدم ربط الاولاد بالاهل فجوة يعاني منها جيمع أبناء البلاد بالغربة بل تزرع في دواخلهم كره المجتمع السوداني والمخاوف التي تزرع فيه من قبل من لا ينتمى للوطن .
3/ اسوء ما يلاقيه ابناء الغربة العزلة الاجتماعية والوصم من قبل مجتمع الدولة التي يعيش فيها بالسوداني( اسود) والعزلة في بلاده لأسباب اختلاف تربيته وفكره واحلامه الغير واقعيه بل تكبره علي مجتمعه بانه ابن مغترب ؛ حتى الزواج من بنت مغترب وهي في الداخل تقل الفرصة لها للحسابات المادية التي تعيشها الاسرة وترفعها على المجتمع ونظرتها للغير ومعاملاتها لبسطاء المجتمع قل وندر من يتواضع .
4/ اذكر اهم ملاحظة لنا كسودانيين ( اسره) كل سلبيات المجتمع الافريقي ( سود) تنسب لقبيلة السودان لذا تجد الانعكاسات السالبه في جميع محافل الاعلام الخارجي تسئ للأسرة السودانية قياسا بما يحصل من هذه الشريحة .
اخيرا اوصي جميع من لديه أسرة بالخارج أو هو بالخارج // عليك بربط الاسرة باسرتك جيدا مع نبذ كل ماهو مغاير لطبايع السودانيين بالداخل حتى وان لم يكون هنالك زواج لان موروثتنا وعادتنا وتقاليدنا وتربيتنا عز وفخر ومستوى حضاري وشهامة ورجولة وادب واخلاق ( المرة البتعشي ضيف الهجعة / الولد البصون العرض وبضبح الشايلة وبرش بالدم فوق بنات العم )
$$$ بلاد الغربة وان عظمة العيشة فيها ما هي بالخلد وللبلاد عودة وان طال البعاد فلماذا ولماذا ....؟؟؟*

[king cairo]

مع احترامى ليك يا النورس المهاجر فى بنات فى الغربة متربين تربية افضل بكتير من بنات السودا يعنى فى اسر ملتزمة وبتخاف على بناتها وفى بنات بيخافو على تصرفاتهم ومحترمين كتير لكن فى السودان لانهم فى بلدهم تلاقى الامور فاكة فى بعضها ممكن يكون انت مريت بتجربة سيئة لاكن ما تعمم .

[الدغري]

يا اخوانا بردو نفسكم شوية ........... الموضوع وما فيه ....... انو في الاغتراب الأسر شوية معزولة والمغتربين العزابة ما بيشوفوا البنات حيعرسوهن كيف ؟

[صافية النية]

[[بلخص ليكم الموضوع كلو شوفو دي
حلتنا من كم سنة مضت ماسمعنا واحدة خطبوها بي الغلط
حلتنا بي العوانس والبايركس اتملت الشباب هاجر طفش
والبنات مشن الزلط بقن يكشرن ويتحنكشن وشغلو في سيد البن
قي اختصار شديد عرسان بقوووووووووووووو مافي نعمل شنو
نحنة

[النورس المهاجر]

يااااااااااا بنت القاهرة ( السودان) ركزي في جوانب الموضوع كلها وبشمولية وعموم ماذكرت المقصد منه معالجة لواقع الأسر بالاغتراب وليس النبذ أو الأساءة كل ماهو شرح لحال واقع الفتاة بالغربة ونوع تربيتها ( المسؤولية ) الوضع مغاااير فرصة الحياة في الغربة لأبناء المغتربيين جيدة وخالية من المسؤوليات لذا تواجه الفتاة التي ترغب في الزواج من له الصلة التامة بالبلاد ما أوضحته بعاليه من تجاربي بالزواج بفتاة داخل السودان وبمغتربه ( إجتماعيات / عادات / تقاليد ) وهو واقع معاش عندي الآن ولن أتحدث في جانب الأخلاق والحشمة وغيرها مما تظني ونحن لا ننكر الإجابيات لكن لم نبحث عنها هنا نريد تسليط الضوء على الجوانب المظلمة لنصل بالفتاة السودانية لما هو حلم كل سوداني ( عازة السودانية) وبس[/size]

عموما الله يزووووج من مصري سوداني

[king cairo]

/ كل ما قيل عن بنت الغربة صحيح من عدم معرفة وقلة في تربية وتطلع ودلع ومخاوف من أحوال البلاد وعدم دراية بالمعاملات والمجاملات الاجتماعية حتى الدين مظهر وليس علم مؤاصل والقريب في الأمر تجد رب الاسرة ليس قيادي في أسرته بل يوافق جميع سلبيات الأسرة منهم من يصل به الحال لعدم السفر للبلاد
2/ قلة الزيارة للبلاد وعدم ربط الاولاد بالاهل فجوة يعاني منها جيمع أبناء البلاد بالغربة بل تزرع في دواخلهم كره المجتمع السوداني والمخاوف التي تزرع فيه من قبل من لا ينتمى للوطن .
يعنى انا اللى فهمته صاح دا كلامك لاكن انا شايفة ان كلامك ما ينطبق على الكل يعنى دى وجهة نظرك من خلال تجربة فاشلة ولكن بنات الغربة عكس كدا. يعنى مثلا بما انى فى مصر 24 ساعة فى البيت والزيارات يا عائلية يا بلاش ومتربية على العادات والتقاليد السودانية .,
لكن البنات الان فى السودان وطبعا ما كلهم لان اسرتى انصار سنة بقو عندهم نقص فى التربية وبما انهم فى بلدهم والجيران حولهم بقى من الساهل خروج البنت عمال على بطال بدون قوانين تفرض تحت مسمى انها عند جارتها او صحبتها فى الحلة فى نفس الوقت احنا عندنا مافى شئ زى دا

[النورس المهاجر]

يااااااااااااااستاذة //الموضوع مش فشل ونجااااااااااااح لكن كل ماهناك سلب وإيجاب
وأهم ما أفتخر به الآن أنك من اعز عزيز عندي وافاخر بهم بني جلدتي ( إنتمائك واسرتك الكريمة لركب الهدى ـ أنصار السنة المحمدية) أنا وزوجااااااتي داعيات بالسودان وبالمملكة محفظة للقرآن خريجة معهد معلمات للقرآن الكريم ( من الجماعة).
بس أختي الفاضلة لا يمنع أن نتحدث عن قيمنا وعادتنا وتقاليدنا ومورثتنا السودانية بل حاجة الرجل الشرقي وخاصة السوداني لهذه القيم ( البيت المضياف لا ينافي الشرع / الحميمية والتواصل لا ينافي .../ حب الناس الغلابة والتواضع لحالهم لا ينافي .../ أما ماقلت في طرحي وتناولي ما هو مغااااااير لهذه الأشياء )
بالمناسبة أيش رايك في التبذل والتبرج والإختلاط والخناء والسكر في بلاد الحرمين من الأسر السودانية؟؟؟
أين تريد أن تهتدي ؟؟؟ أقل شئ أن يكون الشعب الذي تعيش بينه قدوة !!!

[منى@]

شكرا اختي دلع علي ما اظن لطرح موضوع مهم جدا وبعود من زمن بعيد جدا انو في ناس في الغربة و ما قادرين حتي علي حق الايجار ناهيك من انو يزوج ليه واحدة او يتزوج ليه واحدة معاهو في الغربة وبالذات في السعودية يعني الحال من بعضو المفروض الاولاد اول ما وصلو سن الدراسة طوالي يقوم يوديهم ليك ويخليهم يدرسو في السودان ويتأقلمو مع جو البلد وناس البلد ياخ في ناس لاسع كاشين من الناس التقول جايين من قمر تاني اما موضوع البت تبقي كبيرة في الغربة صعبة جدا والله الواحد بخاف يجلس مع بت مغترب في المواصلات عشان ما تديهو احراج كارب وعايشيين غير الواقع يعني مدلعة وجنها جيب لي معاك وبتاعت احراج تلقاها طول اليوم فاتحة اسنانها ربنا يستر غايتو انا طبعا ما بقول كلهن بس الغالبية العظمي وانا عايش مع الجماعة ديل وعارف كلو حاجة بس المهم نقول انشاء الله ربنا يرد غربتهم والسلام يا وطني يا غالي سلام .

اول شي السلام عليكم ورحمة الله كلامك كلو غلط بي العكس بنات المغتربين ماكده ومستحيل تقول ليك جيب لي معاك لان هي تكون معها فلوس زي ماعايزه اهلها يرسلوا ليها كل ماتحتاج ياريت تغير كلامك لان ماصح تقول كده

[كورتينا]

طيب كلامكم كله جميل
وانا بتحول لنقطة تانيه بعيدة انتو ماذكرتوها
يعني انا مثلا داير اتزوج وجاهز وقاعد في الغربة دي وعاوز من بنات المغتربين
بس المشكلة مش لاقي
الفرصة المتاحة هنا مش زي السودان بتشوف البت في البيت او الشارع او الجامعة او السوق او ....
لكن هنا في السعودية مثلا الا عن طريق زول معرفة يقوليك انا عندي ليك واحدة
او تشوف البت صدفة في حفلة .

[مان المان]

بنات المغتربين ليس لا يجدون الزواج , بل بالعكس الفرص جميله ورائعه عندهم , ومع احترامي للبنات اللي في السودان , لو كنت رجل وفضولوني بين المغتربه والمقيمه في السودان , لفضلت المغتربه لان المغتربه مسؤله ومدركه ومتفتحه وهميمه وطالع منها الحسد وحب المظاهر وعندها الحشمه والاحترام ولبسها كله ستره , انني افتخر بالمغتربات لانهم شريفات وعفيفات , مع احترامي للي موجودين في السودان , والمغتربه السودانيه بتقيف مع الرجل السوداني بالعمل داخل المنزل وخارجه ولايهما القيل والقال والحسد اهم شي عندها الانتاج ومراعاة العيال وحفظ شرفها وعفتها , وربنا يحفظ المغتربات .

أختي الملتزمة ....تحياتي وشكرا على المداخلة ولكن الا تلاحظي ان في كلامك الكثير من التعميم :d
والكثير من الملائكية ايضا ....لنتذكر اولا واخير سواء كنا رجال ام نساء مغتربين ام مستوطنين اننا بشر فينا الصالح والطالح أما قصة ان كل المغتربات (لان المغتربه مسؤله ومدركه ومتفتحه وهميمه وطالع منها الحسد وحب المظاهر وعندها الحشمه والاحترام ولبسها كله ستره , انني افتخر بالمغتربات لانهم شريفات وعفيفات , مع احترامي للي موجودين في السودان , والمغتربه السودانيه بتقيف مع الرجل السوداني بالعمل داخل المنزل وخارجه ولايهما القيل والقال والحسد اهم شي عندها الانتاج ومراعاة العيال وحفظ شرفها وعفته) ...فالمعذرة ياستي ليس كلهن كذلك( وان كنت اتمنى لكل اخواتي بنات الوطن ذلك ) وليس المقيمات في السودان عكس ماذكرتي