مســـــــــــــــــــدار + مســــــــــــــدار

[لبيب]

[align=center]وينكم ياشباب فراس عموم الكلمة
هيا على المسادير عبو ديمة الهمة
بالقول الرصين دايما معاني الحكمة
تصدح بيكم انتوا وتبقى ديمة مهمة[/align][/b]

[حبوبة]

[align=center]وينكم ياشباب فراس عموم الكلمة[/align][/b]

مالك يا اللبيب الليلة فارقت النباهة نهار
الجندرة وما أدراك؟ ما ليك بيها خبار
قاعد تهب في شرارك لامن وَقد لك نار
ماك عارفني كايسة بكابس في الشمار :d

[ود أونسه]

جايين للجمـــــــــــيع نهني بالاعياد

في العام الجديد ان شا الله تبقو شداد

رافلين في نعيم باشين فرح واسعاد

يرزقكم ثبات يوم وقفة الاشهــــــاد

[لبيب]

مالك يا اللبيب الليلة فارقت النباهة نهار
الجندرة وما أدراك؟ ما ليك بيها خبار
قاعد تهب في شرارك لامن وَقد لك نار
ماك عارفني كايسة بكابس في الشمار :d

[align=center]ياحبوبة والله العظيم بالغتي
(معظم) شعري دايما في الصواب مابخطي
لكن بعذرك سمح الكلام القلتي
شان اصدح واقول سمح الكلام من خطي[/align][/b][/size]

[لبيب]

جايين للجمـــــــــــيع نهني بالاعياد

في العام الجديد ان شا الله تبقو شداد

رافلين في نعيم باشين فرح واسعاد

يرزقكم ثبات يوم وقفة الاشهــــــاد

[align=center]ياود اونسه مرحب بيك تب شرفت
في العم الجديد لى مبتغاك وصلت
امين ياكريم لى صوت دعاك القلت
بعد الحالة نلقاك في جنانو نزلت[/align][/b]

[mubark59]

طول ما غشيت مسدرت فى سودانى
والله المساديرعندى ليها معانى
فى كل منتدى ما لقيت من أتحدانى
لكن فى سودانى والله أنتو تهانى

[mubark59]

جيت راجع طريت أصحابى كل الشله
ناس هاله وهناء ناس العبيد ودبله
يدوك المسادير ماشة زى خيت شله
ما قال شاعرم قال فى الكلام أى والله

[mubark59]

يا أخوانى الشباب والكبار جاييكم
ما تقيف المسادير تشرب مع شايكم
نشرب صافى ديمة الصافى زى صافيكم
يا أهل الكرم يأهل النغم الليلة جيت حاريكم

[mubark59]

أزيك صلاح سيد العلوم فى بازل
وفى أمر المنتدى مراقب وأصلك بازل
ما نام منتداك وصاحى عادى ليلو منازل
ما راجع وراء زايد إشتراك وطالع وتب ما نازل

[mubark59]

بديكم كلام أنا حمت طفت كتير
زى منتداكم ما لاقنى من تدبير
أطلقوا فى البخور العين بعيده تطير
وفى عين الحسود نملاها شطة سفير

[mubark59]

أبعدو من نبيشة واللوم مع الاصحاب
لو غلب الهلال ما تقول لى أخوك كضاب
بكرة بيغلبك ..يقفل عليك الباب
خلى الروح رياضة ماتكون خصام وعتاب

[mubark59]

حاولت أن أعوّض الاخوان هذا الغياب الغير مقصود ورجعت أكثر من 5 صفحات وجدت الاخوان الذين شاركوا بقوة ورأيت أن أدخلهم فى مسدار واحد (حتى يجدعوا كويس ) وقلت فيهم :
لبيب هامس ودأونسة والله ما قصرتو
أبوأشواق حبوبه عاشقة توتيل جد بصرتو
الهجير مهاجر فى البلد أحلى الكلام وعصرتو
حالى وبرتقان وأحلى الترجمان فسرتو

[mubark59]

العام الجديد الهجرى والميلاد
أنا ليكم سلام للصغير وأجداد
أمسكو فى الصلاه مانكون سهر ورقاد
وأمسك فى الكتاب أحفظ ودى الاعياد

[لبيب]

[align=center]حبابك عشرة يامبارك حباب الجابك
ليك تحية توصل مني لاعند بابك
نحفظ للمسادير في الحضور وغيابك
تب ماتخاف عليها بس ارضى انت جنابك[/align][/b][/size]

[mubark59]

نميت يا لبيب والله والله وما قصرت
وفى أمر المسادير والله ما اتحاصرت
أتمكن تمام وشديت الزمام أصلو ما اتعسرت
أقدل فوق عديلك فوق شيخ القبيلة نزلت

[مهاجر في البلد]

الليلة الشعر جاني من بون جرمن
تور لي جروح بالساهلة مابندملن
حبيبي القبيل خلاني كيف اتمحن
والخبير اليقين انو الدموع اتكبن

[mubark59]

ما بيبكن دموعك قشيت دموع الببكن
ومسدارك جميل سيدو جال وأتمكّن
أدينا الظريف الفى المخالى مدكن
أدينى السريع عشان ألحق مشيهن جكن

[لبيب]

نميت يا لبيب والله والله وما قصرت
وفى أمر المسادير والله ما اتحاصرت
أتمكن تمام وشديت الزمام أصلو ما اتعسرت
أقدل فوق عديلك فوق شيخ القبيلة نزلت

[align=center]في شخصي الضعيف يابركة ماقصرت
شكرا ليك في سمح الكلام القلت
انا---في المسدار جديد مهما عملت وقلت
في المسدار حدائق يادوبي فيها نزلت[/align][/b][/color]

[لبيب]

الليلة الشعر جاني من بون جرمن
تور لي جروح بالساهلة مابندملن
حبيبي القبيل خلاني كيف اتمحن
والخبير اليقين انو الدموع اتكبن

[align=center]من عهدا بعييييد قايل جروحي اتغتن
بس من نظرة بس من تاني قامن يوجن
والشعر اندفق فوق الورق واتسكن
دا الخلاه يسكن في حشاي ويتمكن[/align][/b][/size]

[مهاجر في البلد]

ما بيبكن دموعك قشيت دموع الببكن
ومسدارك جميل سيدو جال وأتمكّن
أدينا الظريف الفى المخالى مدكن
أدينى السريع عشان ألحق مشيهن جكن

السيد مبارك ردك كتير اسعدني
من حزنا كبير والله جا وطلعني
سألتا الاله انك تزيد تتعلا
والقاصد عديل ليه الصواقع تملا