ساعدوني عاوزه اسم بنوته

[مذاهب]

اخواني واخواتي لكم التحيه
والله انا في حيره من امري اختي حترزق بعدكم يوم بمولوده ولحدي هسي مالاقين ليها اسم وانا جاده مابهزر
فتحت النت مالقيت اسم مناسب ممكن تساعدوني علييييييييكم الله عاوزه اسم جديد وما مطروق قبل كده



لكم امتناني........

[ابو العزائم احمد الطيب]

لوكانت بنتي لاسميتها رتاج او جني

[رغودة]

ربنا يقومها بالسلامة ويسهل ولادتها... اسم جودي كيف؟

[مهاجر في البلد]

اخواني واخواتي لكم التحيه
والله انا في حيره من امري اختي حترزق بعدكم يوم بمولوده ولحدي هسي مالاقين ليها اسم وانا جاده مابهزر
فتحت النت مالقيت اسم مناسب ممكن تساعدوني علييييييييكم الله عاوزه اسم جديد وما مطروق قبل كده



لكم امتناني........

حددي اختك بتحب الاسامي ايهما

العربية
السودانية
الانجليزية
الشرق اسيوية
الافريقية

وهل اختك بتحب الاسامي الرنانة ام التي لها هيبة ام انها تحب اسامي الجدود والحبوبات
هل اختك تميل لطبع الريف ام المدينة

وهل تحب المسلسلات المدبلجة

ردي وانا بديك اسم لقطة

[صلاح الدين محمد]

ربنا يقومها بالسلامه ويديها العافيه
كنت اتمنى ان ارزق ببنت واسميها شوق ( دعواتكم)
تحياتى

[ود الزوحي]

سموها رفقــة ..

[وهج الخيال]

الله يحفظه ليكم .. ويديها طولة العمر ..

اما عن الاسم .. انا بيعجبني اسم ..

( ردينه )بضم الراء .. ( مهره ) بضمّ الواو ..

[هديل الروح]

ربنا يحلها بالسلامة عن نفسي بعجبني اسم

حنين
هديل
أسيل
روان
غفران
ياسمين

كفاك ولا ازيدك

[حبيب الناس]

ربنا يقوم اختك بالسلامة وإن شاء الله تكون البنوتة بارة بواليدها وصالحة في الداريين .

انا عندي مجموعة أسامي وانتي اختاري واحد منهم .
وابحثي في القواميس على معانيها لانو مافي وقت لشرح المعاني

* تَباريح .
* تسابيح
* وعد
* دُعاش
* مًلًك .
* بسنت
* ريتاج
* تالة
* صفوة
* رًغًدْ
* ميرنا
* ليندا
* شُمُوخ

[نهـاد]

ربنا يقوم أختك بالســلامة يارب
الأسامي كتيرة وجميلة
بس هي حابة أي نوع من الأسامي
أجنبية او عربية او أيش بالضبط

أسمهان
جولينار ( معنى الأسم زهرة الرمان )
أمنيه
آية
تالا ( اسم مشتق من تاليا اليونانية ومعناه المزهرة والمنورة، الشابة الفتية )
جنان
جيهان
غيداء


والأسماء كتيرة جدا وجميلة

[رءوف]

سميها كفاح او اهازيج

[محمد مبارك عبد الجليل]

أسماء فتيات جاء الله بها بالقران

السلام عليكم ورحمة الله وبركاته


آلاء - آمنه - آيات - أبرار - آثار - إحسان - أحلام - إخلاص - إرم- استبرق

إسراء - أسماء - إسلام - إشراق - أفاق - أفنان - إكرام

أمانه - أماني - انعام - أنفال - أنهار -

آيه - إيمان - إيلاف

براءة - بروج - بشرى - بصائر - بيان -

بينة- بينات - بنين - بهجة - تحية - تقوى - تقيا - جهاد -

جنات - جنة - حسنات - حسنة - حنان - حنين - حياة - حور - خلود - خيرات -

دانية- دعاء- دنيا -ذكرى - ذهب - رحمة - رحيق - رغد -

رميم - روضة - زكية - زهرة - زينة -

سجود - سجى - سرمد-سهام

سلسبيلا - سلام - سلوى - سنابل - سندس -

شرعة - شفاعة - شفاء - شمس - شمائل - صباح- صديقة -

صفا - ضحى - ضياء - طيبة - عالية - عرفات - عزة - عهد- عيون - غفران -

فجر - فرات - فرقان - فرح - فردوس - فداء - فضة - فلك

قسمة - قطوف - قمر - كنوز - كوثـــــر -

كوكب - لقاء - ليال - ليل

لؤلؤ - مزن - مآل - مائدة - مثاني - ماوى -

مروة - مريم - مُلك - ملكوت - مهاد- منهاج - منتهى- مودة -

ميعاد - ميثاق - نبأ - نجوى - نداء - نمارق - نور - نهى -ود - وردة - وسيلة - وعد -

وثاق - ولاية - وهج - يمنى - يسرى - ياقـــــــوت - يقيق

[مهاجر في البلد]

مارديت علي كنت عاوز انجر ليك اسم حسب الرد

بس برشح ليك - وعليك الله لمن ربنا يحلها بلاسلامة ورينا سموها منو وما تنسي تعزيمنا السماية

بروق
مرام
منازل
هديل
هيفاء
إبداع

[حسن كج]

سلام وجيت اختار ليك اسم لقيت البشريه نزلت ليك المعجم الوسيط كلو هنا وماخلو اسم ماقالوهو
لكن انامكسرني اسم ريم ...ريييييييم يا..عليك الله سميها ريم اناغايتو بعدين لو جا ولد زاتو حسمي ريم ..

[سمارا]

ربنا يقوما بالسلامه وما تنسى تعزمينا على السمايه



سموها اسيل رحيل رغد مياده رحاب رونق اسماء منار


لو اخترتى من اسامينى رسلى لى كراع من الخروف حلاس:d


:d

[زوبه]

الله يقومها بالسلامه
عندي ليكي (نواره _ شعاع _ فاينوس _ منار _ ميار _ رحيق _ جوري )

[عصافير الخريف]

اعناب عناب

[مذاهب]

اخواني واخواتي شكرا لتفاعلكم معاي وفعلا افدتوني كتير في اسماء كتيييييييييره عجبتني ولمن نختار الاسم انتو اولف ناس حتعرفو
وتاني شكرا ولكم التحيه

[هديل الحب]

هديل
راما
نغم
احلى اسامي

[امينوف]

تحياتى

ربنا يفرج عن أختك ويحلها بالسلامة

هناك أسماء جميله غير مسماه فى السودان كثيراً

أختار لكى أحلاها وهو إسم من القرآن ومعناه مُعبر ومليان

الإسم هو (( وتين )) والوتين هو الشريان الذى يغذى الرقبة

وفيما معنى الآية (( نحن أقرب إليه من حبل الوتين ))