الموضة والبنطلون الناصل (الساقط)

[كتلونى]

فيما يسمي بالسيستم .
تجتاح العالم وتنتشر بين الجنسين
الشائع ان مصدرها امريكا
فنحن سودانين لنا عادتنا وتقاليدنا

[zaina]

ياسيدى امريكا ايه البنعلق عليها شماعة عيوبنا دايما
دى حرية شخصية ناتجة عن مفاهيم مغلوطة معشعشة فى عقول البعض
بس نحنا هنا فى السودان نعتبر احسن حالا بنسبة كبيرة لو عاينت الشارع العام
الحاجات الشاذة شديد ماكتيرة

[عصافير الخريف]

center]صح كيد اي شي مختلف عن الدينا وعن الشريعة الاسلامية مش من المسلمين من الغرب والغرب هي امريكا هي سيدات العالم ومشكور خي علي هذا الموضوع (والله يكون في عون الشباب )

[/align]

[الدويحي 2]

مش عندكم بوست إسمو ماذا تتمنى في هذه اللحظة ؟؟
والله لمن أشوف لي ولد بنطلونه ناصل أتمنى في تلك اللحظة أرفع ليه بنطلونه أوصلو رقبتو وأخنقو بيه ..
غياظين ديل ...
.

[ام اواب]

طبعا منظر بايخ جدا واسمه(داقي سيستم)
في راجل كبير في السن كان راكب مواصلات عامه وشاف واحد لابس البنطلون المابتسمى والراجل على حسب نيته
قال ليه: يا ولدي بنطلونك ناصل
قام الولد هاج وردا على الرجل باسلوب مافيهه اي نوع من الاحترام
وباقي الركاب يهدو في الوضع
قالو ليه دي موضه جديده جاتنا من الغرب
مساكين شبابنا يقلدو كل ماهو اتى من الغرب
وكنت سمعت في احدى القنوات الفضائيه ان هذا البس كان يرتديه قوم لوط والعياز بالله
وفي احدى الولايات الامركية اصدر حاكم الولايه على كل من يرتدي هذا البنطال يسجن ويدفع غرامه ماليه
اذا هذا حال هذا الحاكم
فما هو حالنا اللهم اهدي شباب المسلمين

[بحلم]

فكرت الموضوع رائعة
تسلم يا كتلونى
جد الموضوع ده ما تكلم فى احد رغم اهميته لان
اى موضة جديدة بتكون فعل من الغرب وللاسف
الشباب والبنات تفكرهم انى لازم يجارو العصر
ولازم يلبسوا احدث الخطوط علشان ما يبقوا رجعين
ولكن الحمد لله على حد علمى انى فى السودان الموضة دى
ما منتشرة كتير
والان يوجد موضه جديدة وهى لبس البنطلون (الاسكين)
الماسك جدا على الجسم ولكم ان تتخيلوا المنظر
ولكن ربنا يهدى الشباب جد
انا اتمنا انى العرب جميع يحاولوا يقلدهم فى التقدم
وليس فى اللبس العريان والماسك

[عاشور]

هي بلا شك عادات دخيله علي مجتمعنا المسلم ........ولكن ..!!!

أين دور الاسرة المسلمة المربية لأخلاق الاسلام ...؟؟؟

أين الرقابة الاجتماعية والتي من دورها تصحيح لوحة البلد المسلم ...؟؟؟

أين دور أمن المجتمع والذي من دورة تهذيب الشارع العام ...؟؟؟؟

بكل أسف نحن ننظر الي الغلط بأم أعيينا ولا نستطيع إصلاحه

هل نصبر حتي تجئ ألينا أمريكا وتقول لنا هذا خطأ ونقتنع بما تقوله ,, أم نتحرك بأنفسنا ونعالج هذه الاخطاء التي من الممكن أن تنهي أجيالنا القادمه

ولا حولا ولا قوة الا بالله

[كتلونى]

شكرا للمرور
--------------------ر

[GentleMan]

الموضة دي منتشرة بكثرة في السعودية بالذات شباب جدة مسميناها (طيحني)
علما بان سعر البنطلون غالي جدا والشي الملاحظ انو كل المحلات التجارية تبيعه
انا زاتي مشيت اشتري بنطلون وكلما ادخل في .. غرف الغيار اجربو القاه اكبر مني
يعني مالص في النهاية رحت اشتريت قماش وفصلت بناطلين عند الترزي
مش احسن من يقولوا علي كديانة ؟؟ الله يستر

[مهاجر في البلد]

حصلت معاي مواقف من الجماعة ديل

بس يا شباب ارجو انو ما يكون في المنتدى واحد ماشي بالنمط دا
وارجو انو اي واحد مسئول من اخوانو يراعيهم كويس ويراغب تصرفاتهم بغرض التوجيه

لو عملنا شبكة زي شبكة قولد كويست او كويس نت اي واحد يوصل المعلومة لي اتنين يمين وشمال
وديلك بدورهم اي واحد يوصلها لي اتنين وهكذا الى ان تنتشر القيم الفاضلة مع الترغيب والترهيب

والدال على الخير كفاعله

[مهاجر في البلد]

الموضة دي منتشرة بكثرة في السعودية بالذات شباب جدة مسميناها (طيحني)
علما بان سعر البنطلون غالي جدا والشي الملاحظ انو كل المحلات التجارية تبيعه
انا زاتي مشيت اشتري بنطلون وكلما ادخل في .. غرف الغيار اجربو القاه اكبر مني
يعني مالص في النهاية رحت اشتريت قماش وفصلت بناطلين عند الترزي
مش احسن من يقولوا علي كديانة ؟؟ الله يستر

ربنا يسترك ويستر الكل

بس انت ما ملاحظ انو في شي غلط

[سمارا]

قبل فتره فى الشارع واحد داقى سيستم وبنطلونه وقع.........


وتانى يوم برضو لابسه وما اتعظ عات ده كلام بقينا ما بنفرز البنت من الولد