على الوالي تعويض المريخاب بالطابق الثاني

[معتز سيد]

[overline][grade="00008B FF6347 008000 4B0082 FF1493"]الترتيب النهائي للفرق بنهاية البطولة[/grade][/overline]





بطل الدوري

[معتز سيد]

[overline][grade="00008B FF6347 008000 4B0082 FF1493"]سجل هدافي البطولة[/grade][/overline]

[مصعب الحداد]

اديك العافيه عزاوي وهارد لك ع الهزيمه
ومبروك الدوري
ولنا كل الفخر فريقنا بطل

[معتز سيد]

اديك العافيه عزاوي وهارد لك ع الهزيمه
ومبروك الدوري
ولنا كل الفخر فريقنا بطل

مشكور كتير يا [fot1]قـلـب[/fot1]

النتيجة كويسة وما بطالة ... حرام الوصيفاب ديل ما يلقوا حاجة السنة دي ...
إذا فريقهم دة اتفرتق ... نلقى لينا ضل ووصيف وين تاني

مشكـــووور

[معتز سيد]

[glow=0033ff]خبـــــر[/glow]
نقلاً عن صحيفة قوون في عددها الصادر بتاريخ 5 ديسمبر

[overline][grade="00008b ff6347 008000 4b0082 ff1493"]جماهير المريخ تصيب كاريكا[/grade][/overline]

حصبت جماهير المريخ نجوم الهلال اثناء احتفالهم بلقب بطولة دوري سوداني الممتاز باستاد الخرطوم واصابت مهاجم الفريق مدثر كاريكا اصابة بالغة فوق حاجب عينه الشمال بزجاجة وقام طبيب الفريق د. يوسف الخير بتكثيف العلاج للاعب مدثر

[mtohg=3399FF]http://anasudani.net/php1/pic/kareka.jpg [/mtohg]




[glow=0033ff]تعليـــــق[/glow]

الفليقاب ديل احترنا معاهم.
مغلوبين يفلقوا... غالبين يفلقوا
[fot1]ربنــا يهديهــم[/fot1]

[مصعب الحداد]

عادي ياعزاوي ماتستغرب
بتحصل من ارقى الوصيفاب الطيشاب التعادلاب ابو السبعاب والرقاصات طيش المجموعتين الافريقيه
عادي زي الزبادي
عاشت الصفوه الكلام خشم... قال صفوه قال ..... صفوه مين ياعمي ...دي كفوه

[معتز سيد]

[glow=FF0000]الماســــورة وارغـــــو[/glow]


باين من العنوان ... ومن الصورة المُعبرة
وحسرة جمال الوالي على ما دفعه مقابل هذا اللاعب







حصيلة أهدافه طوال هذا الموسم ستة أهداف

خمسة منها في مباريات ودية هي
الفريق الروسي ولا الأزبكي ما بعرف
وفريق الشجرة وفريق جزيرة الفيل.

والهدف الوحيد في مباراة دورية
هو هدفه في مباراة الاتحاد مدني


وفي أي مباراة المريخاب يترقبون هدف لوارغو...
مرة يقولوا عسى ... ومرة يقولوا لعل
احتمال المرة الجاية يجيب قون
كدي نديهو فرصة يتأقلم...

وبعدين هو زاتو صانع ألعاب ما هداف...
وما إلى ذلك من الحجج



اظن بعد كدة الموسم انتهى وتاني خلاص ما في مجال
إلا في حالة تجديد العقد
وتجديد العقد دة بالذات ما أظن ..
لأنه شكلو محتاج ليهو موسمين تلاتة للتأقلم مع السودان


وعليه استحق شهادة

ماسوراة فخرية ...


ولا يا ربي المريخاب يكونوا مستعدين
يدافعوا عنه موسم تاني

[ود الزوحي]

هوووووووووي .. انا عجبتني الصورة بس ..


مافي زول يجي ينضم معاي ..


يا عزو .. صورة الشهادة ده وين طيب ..

[معتز سيد]

هوووووووووي .. انا عجبتني الصورة بس ..


مافي زول يجي ينضم معاي ..


يا عزو .. صورة الشهادة ده وين طيب ..

يا حبيبنا [fot1]ود الزوحي[/fot1] .. شقة غريبة منك تجينا بي جاي ..
لكن حلوة .. لانه المريخاب طلعوا ما عندهم زوق .. مشوا خلونا نتكلم برانا

الماسوراة الفخرية دي انا قطعتها من راسي ... والصورة دي لقيتها جاهزة
وانا ما خبير في التصميم عشان اعمل ليهو شهادة ... انت اذا بتقدر تعملها اعملها

وارغو دة بيستاهل والله

[نهـاد]

ههههههههههههه
الصورة رهيبة يا معتز
والله انتو الماعندو شغلة بالكورة بتخلو يجي داخل معاكم



اها قبل ما أنسى [fot1]مبـــــــــــــــــــــــــــــــــــــروك[/fot1] الفوز




تحــــــ نااناا ـــــــــياتــي

[معتز سيد]

ههههههههههههه
الصورة رهيبة يا معتز
والله انتو الماعندو شغلة بالكورة بتخلو يجي داخل معاكم


اها قبل ما أنسى [fot1]مبـــــــــــــــــــــــــــــــــــــروك[/fot1] الفوز



تحــــــ نااناا ـــــــــياتــي

هلا هلا [fot1]نهاد[/fot1] ولا [fot1]نااناا[/fot1] >> البعجبك فيهم

طلتك نادرة وجميلة ... بس خلي بالك مرات هنا بندوِّر مشاكل عديل
انتبهي ما يجيك حجر طايش ... تعالي مرة مرة

ومبروك ليك لو كنتي من أسياد البلد .. وهاردلك لو كنتي من وصيف البلد

[صوفيا لورين]

جبت الصوره دي من وين بالغت لكن
بتجيب للجماعه سكته قلبيه
بس بالجد حلوه يسلمو عليها على فكره ناس المريخ وين

[معتز سيد]

جبت الصوره دي من وين بالغت لكن
بتجيب للجماعه سكته قلبيه
بس بالجد حلوه يسلمو عليها على فكره ناس المريخ وين

أهلاً أهلاً أهلاً [fot1]صوفيا[/fot1] نورتي

الوصيفاب ديل ما تسألي عنهم.
لما اتلطشوا تلاتة من سيد البلد اختفوا ما ظهروا
ظهروا بعد خسارة الهلال من مازمبي (كأنهم هم الغالبين ).
لما فازوا في مباراة الممتاز ظهروا لمدة عشرة أيام
وبعد خسارة كاس السودان وتحقيق الوصافة التانية اختفوا من جديد

عشان كدة ما تاخدي في بالك .. هكذا حال كرة القدم

[bad zoal]

ماسووورة 20 بوصة

[ابو ايووودي]

اكبر ماسورة على مدى تاريخ الكورة السودانية
طبعا المريخاب خائيفين من اسياد البلد يشمتوا فيهم
ما عارفين يتخارجوا منه وبفتشوا ليهم في مبرر مقنع
لكن بصراحه مااااااااااااااااااااااااسورة كبيرة
عقبال المواسير القادمة زي مدافع اتراكو
ههههههههههههههههههههههههههههههههههههه

تسلم ايدك يا معتز يا غالي

[bad zoal]

وارغو ده قلب زيييييييير عدييييييييييييل
20 بوصة

[مصعب الحداد]

زمان يامعتز قلنا شنو انحنا
قلنا الزول دا ماسوره
وفي مواسير السجانه زاتو مابتلقي
لكن التمهيداب ديل مابصدقوا الكلام
اها هسي لاقدرين يتخارجوا منها بالمبلغ الجابو بيها
ولاقادرين يصبروا عليها
نستنى ونشوف حيعملوا بيها شنو لانو حتى لو ودوها السجانه مابتجيب سعر خخخخخخ

[معتز سيد]

[overline][grade="000000 D2691E A0522D 0000FF 800080"]يوسف محمد يوافق على العودة مجددا للهلال
قوون فتحت خطا ساخنا مع اللاعب قبل التوجه لجنوب افريقيا ..[/grade][/overline]

[mtohg=990099]http://anasudani.net/php1/pic/yousifm.jpg [/mtohg]

اكد اللاعب النيجيري يوسف محمد المحترف بصفوف نادي سيون السويسري في حديث جديد لقوون التي فتحت معه خطا ساخنا امس قبل توجهه لمعسكر النسور الخضراء بجنوب افريقيا موافقته بالعودة للاحتراف بصفوف الهلال بعد الاتصالات المكثفة التي اجراها معه الارباب صلاح ادريس رئيس نادي الهلال مشيرا بان عودته للعب للهلال مرة اخري لاتعتبر نهاية لمشواره الاحترافي باوربا بل يعتبر ذلك عودة جديدة لبيته الذي شهد تألقه اللافت الذي قاده للاحتراف بسويسرا.

[grade="00008B FF6347 008000 4B0082 FF1493"]وتمنى يوسف محمد ان تكون عودته للهلال تمهيدا لخطوة احترافية جديدة وقال مثلما قدمني الهلال للاحتراف باوربا سيعود بشهية مفتوحة حتي يتمكن من الظهور بشكل جديد يمكنه من الاحتراف في وجهة جديدة واوضح يوسف محمد ان امر انتقاله للهلال من عدمه اصبح مسألة اتفاق فقط بين ناديي الهلال فريقه السابق وسيون السويسري فريقه الحالي مؤكدا بانه فوض الامر برمته لوكيله مايكل لوكا الموجود حاليا بلندن.[/grade]

وابدي اللاعب حماسا عاليا اثناء حديثه لقوون وقال انه قد تم استدعاؤه لمنتخب النسور الخضراء الذي يستعد لعقد معسكر بجنوب افريقيا استعداداً للمشاركة في امم افريقيا بانقولا مؤكدا بانه سينال اجازة خاصة لمدة اسبوع من الجهاز الفني للمنتخب بالعودة لسويسرا ومنها للخرطوم اذا ماتكللت مفاوضاته مع الهلال بالنجاح.

[grade="FF4500 4B0082 0000FF 000000 FF1493"]يجدر ذكره ان اللاعب قد ابدي رغبة بالعودة للهلال في مقابلة سابقة اجرتها معه قوون بسويسرا بحضور السفير الصادق المقلي.[/grade]


من صحيفة قوون بتاريخ 28 ديسمبر 2009

[ابو ايووودي]

نتمنى أن يعود مرة آخرى للديار الزرقاء
يوسف محمد لاعب خلوق ويمتاز بامكانيات فنية رائعة
افضل محترف مرة على الكرة السودانية .... والوصيفاب يمسكوا قلوبهم من الآن
هوووووووووووووت جااااااااااكم

[مصعب الحداد]

دا الكلام المزبوط يوسف هوت يرجع دا احلى خبر وتاني ماعاوزين زول
والله فقدناه الموسم الماضي ان شاءالله ربنا يسهل ويرجع ونشوف لينا واحد كمان طرف شمال
وان شاءالله مايردنا الا البطوله الافريقيه السنه الجايه.
الف شكر عزاوي على نقل الخبر