ممكن الحب يخليك تخلى اى حاجة؟؟؟

[رانيا امين]

سؤال بسيط بس مهم شديد؟؟؟؟
علاقة حب ومشاعر واحترام متبادل ممكن تخليك تغير عادات وطباع قمت واتربيت عليهاعشان الانسان دا والا يستحيل تتغير عشانه وفى ستين رضى بيك كدة اهلا وسهلا مارضى يشوف غيرك؟؟؟؟؟

[القلب الملك]

الأخت رانيا كل سنة وإنت طيبة وألف مرحب بيك بيننا ،،،


سؤال مهم جدا ،،،


كل إنسان نشأ على طباع وثقافة خاصة به ، فعندما يلتقي بإنسان آخر خاصة في حال الإرتباط بالحب والزواج تصدتم طباع وثقافة الإثنين ،،، وعندها لا بد من تقديم التنازلات المناسبة حتى يصل الإثنان إلى أرضية مشتركة بينهما يستطيعان من خلالها المحافظة على حبهما وعلاقتهما بتذليل الطباع والثقافة ،،،



ده لو كان الإثنان حريصين على الحب الذي جمعهما ،،، فإن حرص كليهما على إرضاء الآخر ،،، تبحر سفينة حياتهما إلى بر الأمان ،،،


تقبلي مروري ،،،

[عاشور]

سؤال بسيط بس مهم شديد؟؟؟؟
علاقة حب ومشاعر واحترام متبادل ممكن تخليك تغير عادات وطباع قمت واتربيت عليهاعشان الانسان دا والا يستحيل تتغير عشانه وفى ستين رضى بيك كدة اهلا وسهلا مارضى يشوف غيرك؟؟؟؟؟

الاخت رانيا

كل سنة وانت طيب

طالما انه نشأت علاقة حب بين طرفين فأكيد سوف تكون هنالك تنازلات وتضحيات حتي لا يموت هذا الحب وإلا فإن هذا الحب يكون قد بني علي أساس مصلحة معينة تنتهي بقضاء هذه المصلحة

شكري وإمتناني

[sadness]

اولا كل سنة وانتي وجميع الاعضاء بخير..
موضوعك حلو
بس انا من وجهة نظري شايفة انو اللي بيبحبني لازم يقبلني زي ما انا بعيوبي لانو صعب شديد الواحد يغير في نفسو حاجات اتعود عليها من زمان بس ده ما يمنع اني ممكن اقدم تنازلات عشان الحب ده يستمر..تقبلي مروري

[sma7a]

[grade="00008b ff0000 008000 ff1493"] الحب اعمي
والحب اهم شى فيهو التنازلات والتضحيه
لو كان الحاجة تستاهل بغير
تحياتى
يسلمووو[/grade]

[محمد الهادي]

الحب قد ينسيك نفسك فما بالك بالاخرين

[ام اواب]

الحب احساس رائع وجميل والحب الصادق لازم يكون فيه تنازل لان كل طرف ببحث عن سعادة حبيبو عشان تعم السعادة في حياتم ويقدرو يسعدو الحولهم

[ود الزوحي]

شوفي يا ستي ..

الوضع بختلف شوية .. يعني الواحدات ..(يعني البت أو الولد) كل واحد فيهم لما يتعرف على التاني ويلقى فيه المواصفات العايزه .. أكيد وده في الغالب كل واحد بقوم يغير شوية من طبايعه وممكن من عوايده عشان يلفت نظر وانتباه الآخر ويقول عنه إنو مناسب ليه ..

وبعد الزواج بينكشف المستور .. طبعا ماطوالي .. بعد فترة كده ..

المهم انا حبيت أوضح إنو الوضع بختلف في بعض الحالات .. لكن أكيد انا ممكن أغير من طبايعي عشان زول تاني لقيت فيه الحاجات الأنا عايزه فيها .. لأنو مافي زول كامل والكمال لله وحده ..


تحيااااااااتي

[قمر الليالي]

ماعارفه
بس ما يخلي اي شي من طباعو الى لوالطرف التاني طلب منو كده

مثلا
لو قال ليها بطلي سهر تبطلو
لو قال ليها ما تطلعي الى بعبايه ما تطلع الى بيها
لو قال ليها ما تاكلي شاورما من كفتيريا في الجامعه ما تاكلها حتى لو كانت بتحبها


ده لو فعلا كانت بتحبو حتسمع الكلام وتتنازل

[رانيا امين]

كلامكم جميل ياشباب
وانا فى راى ماكل حاجة تغيرها يعنى فى حاجات تتغير وحاجات لا. مش تغير كل حاجة فيك صح او غلط عشان خاطر الطرف التانى دا يعتبر ضعف فى الشخصية.
وكمان ما تتمسك بحاجات غلط عشان تثبت شخصيتك لانه دا باثر على العلاقة لما كل واحد يتشدد برايه وما حتستمر العلاقة دى وحيكتب ليها الفشل

[رءوف]

الطبائع دى اهم حاجة يعنى مثلا عندك الاخوات قمر الليالى وميمى وهانا مونتانا ديل بنات طبيعتهم الهمبرجر والايسكريم استحيل واحد يرتبط بيهم الا يكون بياكل ايسكريم برضو بس بالمقابل ممكن تلقى زى نهر المحبة او عازفة الحب او مها او زينة بتاعين العصيدة وتبقى طبيعتكم واحدة وبس

[القلب الملك]

الطبائع دى اهم حاجة يعنى مثلا عندك الاخوات قمر الليالى وميمى وهانا مونتانا ديل بنات طبيعتهم الهمبرجر والايسكريم استحيل واحد يرتبط بيهم الا يكون بياكل ايسكريم برضو بس بالمقابل ممكن تلقى زى نهر المحبة او عازفة الحب او مها او زينة بتاعين العصيدة وتبقى طبيعتكم واحدة وبس

ههههههههههههههههه

حاج أوفا وإنت من ياتن ؟

[رءوف]

ههههههههههههههههه

حاج أوفا وإنت من ياتن ؟

انت جنيت ولا عاضيك كلب
انا البودينى لى البتفورد والايسكريم شنو
ديل لو عرست واحدة منهم الا تشحد

[كتلونى]

دا كلام جرائد الحب كان زمان

[سودانية وأفتخر]

أنا عن نفسي مجربة وكل حاجة فيني اتغيرت بس من الأسواء الي الأحسن
وشكرا علي الموضوع

[عاشور]

أنا عن نفسي مجربة وكل حاجة فيني اتغيرت بس من الأسواء الي الأحسن
وشكرا علي الموضوع

الف مبروك والله

طيب ممكن تحكي لينا شوية عن الحب

انا شخصيا برلوم وفي مرحلة بناء عش حب صغير ورحلة بحث عن طرف آخر

[دق التحيه قدامك سودانيه]

موضوع جميل وسائل مهم الحب هوا التضحيه لكن هل من مقدر لي الثضحيه؟؟؟؟؟
مافي بي صراحه دئمآ البنت بي طبعها تحاول تحافظ علي حبه وتضحي عشانو لكن كتير من الاولاد ما بيعرفو لي التضحيه تعريف او حتى فهم معين
انتي تضحي هوا يحكمك بي التضحيه وما يفكر في يوم عشانك يضحي ابد

[رءوف]

موضوع جميل وسائل مهم الحب هوا التضحيه لكن هل من مقدر لي الثضحيه؟؟؟؟؟
مافي بي صراحه دئمآ البنت بي طبعها تحاول تحافظ علي حبه وتضحي عشانو لكن كتير من الاولاد ما بيعرفو لي التضحيه تعريف او حتى فهم معين
انتي تضحي هوا يحكمك بي التضحيه وما يفكر في يوم عشانك يضحي ابد

ليه كدة بس