~~ قهوه سكر زياده ~~

[مجدى السيد]

هو واقعنا
وهكذا يبداء الصباح ....في كل صباح ... تحمل العالم يديني أخبار ... ومآسي . ..
حروب أقراها في طي جريده قهوتي سكر زياده والجريده أخبارها ساده
في الزاويه أقرا خبر ... واحد في الأنعاش ... والثاني أنتحر ..!!!؟؟
والاستاز فلان الفلاني ضربتو ملاريا
وجنبه إعلان :- الليله حفله يحييها فنان
جربوع ود الجراده
! وفوقهم مجرم على كتفه حمام قالوا ذا صانع السلام؟
وبعدها بصفحات ... صورة مدينه ومباني حزينه .....؟
وحشيه ودمار ... ياحلوها الأخبار .... ! قهوتي سكرها زياده والجريده أخبارها ساده
إعلاااان :- ضاعت كلبة فلان ... واللي لقاها له جائزه مليون

إعلاااان :- ملايين البشر من جوعهم يشكون !
! حااادث في تمام الساعه الفاجعه في منتصف الويل ...
وحادث إغتصاب طفلة يعتدي على عرضها شاب والقهر ما تعدت من عمرها الأعوام
والحكم 20 عام بالتمام بين قوسين كلها سنتين
ويتخارج ويفحط
.. قهوتي سكر زياده والجريده أخبارها ساده
وبعدها صفحه ملونه وحده قرعه ماتدري ليش وكأنها واحد داخل الجيش
والثانيه شتان شعرها واقف طويل تحسب إنه مهرجان وفوضه مابعدها فوضه ولما تمعنت وقريت عرفت إنهاااا الموضـــه

أبراج :- قــلت أنا بقرا الأبراج يمكن ألقى لي خبر يطيب الخاطر ويعدل لي المزاج ...
الحوت :- أنته مريض وجايز تموت ... كذبت أحساسي وقلت في نفسي أكــيد أنا ناسي ماهو ذااا برجي أكـــيد ذاا برج العدوو....؟
قلت أنا بقرا الدلو :- تخونك حبيبتك مع واااحد حلو
قهوتي سكر زياده والجريده أخبارها ساده
؟؟ طبقت الجريده زى ماكانت وقعدت أدور وين الذي باعها وين
فتحت الراديو ولقيت دكان ود البصير
على الهواء
دنيا مخستكه

[بت أبوظبي]

والله ده اكترمن واقع !
شكرا مجدي
مساهمه جميله

[صلاح يحيى سليمان]

تشكر اخ مجدى على تلك الخواطر
او سميها كما تشاء...!
لا الجريده ...لا التلفاز...لا الاخبار...لا الحقيقة
فيها لينا سلوى...!وله طعم الفرحه.....!
البركه فى قهوتنا الساده بى سكر زيادة....مع
تصفح منتدانا ...والواقع المعانا...!
ده ســــــــــــــــــودانا..!

مع تحياتى

[ود القبائل]

أخ مجدي
نعم هذا واقع
واقع السودان الرائع الجميل
ربما لا نعيشه كما تعيشونه في السودان
لكن وان ابتعدت خطانا
فهمس السودان في الدواخل باقي
بكل فرحه وأحزانه
الله يديك العافية

[الدكتوره]

تحياتى لك مجدى
لكنه واقعنا
اتمنى ان تستمع بقهوتك
دون ان يعكر صفوك اى شىء
تقبل مرورى

[Still I Need U]

انت يا مجدي يا أخوي ما دخلت الراكوبة حقتنا هنا ولا شنو ،،
جنس قهوة ومسكافيه أسكت ساي ،،
جرايد جرايد شنو ،، ما عندنا جرايد هناك ،،
تشرب القهوة تحت الراكوبة وتشم الهوا ،،
وتتكيف بي مزااااااااااااااج ،،
جمبك بكون أحمد يس ،، مستمتع معاك جدا بالقهوة ،،
انا ما بشرب قهوة ،،
انا بشرب شاي بي لبن ،،
كدي تعال لينا بي هناك ،،
قهوة على كيفك ،،
مش حتقدر تكملها ،،

[نورا]

روتين الحياة السودانية ..
ثانكس

[احمد يس]

عشان كدا انا بشربها على الريحة

[ود القبائل]

يا مشرفنا على الريحة المزاج ما ح يظبط فل
انا ح أشربها عديل
وانسى الهموم وراي

[مجدى السيد]

سادتى
بت ابوظبى ,, انا سودانى ,, ودالقبائل ,, الدكتوره
still,, نورا ,, احمد يس
نحزن لغيابكم حزن يلامس عنان السماء
نفرح لحضوركم فرح حد الانشطار ...
كونوا كما اتمناك شمسا تابى ان تغيب
شكرا لمروركم
والف شكر لكل ماهو جميل بيننا

[ود القبائل]

تسلم يا غالي
لكن لندع أجمل الاشياء كي تبقى بيننا
للابد

[رويدا الصادق]

[cc=مثلا انقر هنا لمشاهدة المحتوى المخفي] والله جبنتك ممتازه
لكن ما شايف انو سكره كثير شويه [/cc]

[ندى البيلسان]

حقيقة يا مجد السيد ما ذكرت

فلا الصحف ولا القنوات تأتيك بالجديد المفيد أو تبعث لك بالحقائق

لذا وكما ذكر مشرفنا ومؤسس منتدانا وديارنا

لا نركز كثيرا لما يأتي عبر هذه الجرائد التي فيها الكل يتحدث حسب هواه

لكن سوداني أنا يغنينا ويكفينا وبه نجد القهوة السادة السكر زيادة

مع مبدعين وشعراء وأخوة كرام ......

[مجدى السيد]

رويدا .. ندي

طابت ايامكم ودامت لياليك
هي الدنيا تضج بما تنضح وهذا واقعنا الذي لا فكاك منه

عميق احترامي

[مجدى عكاشه]

مجدى السيد مجدى السيد مجدى السيد





وين انت يا زولــــ ..!!؟