هل ابناء المغتربين كائنات فضائيه؟؟

[مذاهب]

لكم التحيه
انا عاوزه اتكلم عن نظرة السودانين(ودي عباره ديما برددا المغتربين للمقيمين في السودان) لاولاد
المغتربين يعني مثلا في الجامعه لمن يعرفوانك شهاده عربيه بيعاينو ليك بنظره غريبه حتي طريقة المعامله بتختلف(ياربي ليه؟؟) كانك جاي من كوكب تاني ولا عندك راسين وبعدين بيتخيلو انك ماعارف اي شئ عن بلدك وثقافاتا(عاد ده كلام يااولاد امي) لدرجة انو في زميله سامحها الله قالت لي انتي حافظه نشيدالعلم حق السودان؟؟؟
يخواناااااااااا بس (سعال) دي يسوليها شنووووووووووو؟

[ABOODY8]

مذاهب .. سلاااام
بصراحة اولاد المغتربين براهم جايبين لنفسهم الكلام
عدم المام كثير منهم بمعلومات عن بلدهم
ثقافة خليجية بحتة
حنكشة احيانا تكون قسب عنهم لمن المسئلة يبقى فيها فتة .. بوش
وفي النهاية في ناس جايبين لناس الكلام .. كل الشهادة عربية كده


تخريمة :
بخصوص نشيد العلم
بصراحة كدة انت رديتي ولا لا . .. قولي الحقيقة

[مذاهب]

اخي الكريم لك التحيه
انا متفقه معاك انو في جزو من ابناء المغتربين هدااااااهم الله هم اللي جابوالسمعه دي لينا لكن ده ماينطبق علينا كلناهسي اجيالنادي بقت اوعا وعندها شغف اكترعشان تعرف عن بلدا وتخوض اقوانقاش مع (اجعص)سوداني
وبعدين سؤالك عن نشيدالعلم انا مارديت مش لانوسؤال زي ده مابديهوشرف الاجابه عليهو!!!!!
شكرا لمرورك ولك امتناني........

[احساس الكون]

انا مغترب بس عاوز اشوف حنكوش فى ليبيا ديل زى المافيا الشباب زى ماتقول قاعدين فى ميامي والبنات قمة الاحترام بعدين العندنا دي كان حناااااكيش ربي يكون فى عون السودان

[صلاح الدين محمد]

والله يا اخت ما عارفين نسوى شنو لا مرتحين فى بلدنا ولا بره المهم ربنا يعين الجميع
الصبر الصبر احسن ما فى الدنيا
تحياتى

[الدويحي 2]

مذاهب .. سلاااام
بصراحة اولاد المغتربين براهم جايبين لنفسهم الكلام
عدم المام كثير منهم بمعلومات عن بلدهم
ثقافة خليجية بحتة
حنكشة احيانا تكون قسب عنهم لمن المسئلة يبقى فيها فتة .. بوش
وفي النهاية في ناس جايبين لناس الكلام .. كل الشهادة عربية كده


تخريمة :
بخصوص نشيد العلم
بصراحة كدة انت رديتي ولا لا . .. قولي الحقيقة

ردك منطقي مع ان بعض المغتربين يعرفون السودان أكتر من الناس الجوة

الموضوع جميل ويستحق نقاش أكتر من كده

[saare]

[align=right][align=center]مشكورة مذاهب على الموضوع ده
يعنى دى واجهتنى كتير منها
زى انت بتاكل عصيدة اصلوا مابصدق
دى قالتها لى واحدة قريبتى
رديت عليها قلت ليها (( ليه انا مازى الناس البياكلوا فيها ))
قالت (( ماباين عليك فى شكلك ولبسك ده انك بتاكلها ))
سبحان الله ناس تفكيرها غريب الناس ديل[/align][/align]

[jasmina]

[glow=ffff00] كلامك صح بس لاكين انا قابلت نماذج كتيرة مابتعرف حتى تاريخ الاستقلال
ومابتحب تتكلم سوداني ناس.....ايش .......وليش........ودة شنو ودة شنو ((( طبعاً غالباً تصنع الحنكشة)))
يعني انا مولودة ومتربية في السعودية بس بتكلم سوداني وبس مع اني لو اتكلمت سعودي بتقولي والله سعودية !!!!!!!!! بس لية انا بفتخر بلهجتي والكلام السوداني عربي وواضح
بس في ناس بيجو من 5 او 10 سنة ولما يرجعو يعملو نظام شهادة عربية و...... واااااااو ........و ياااااااااي

(((ادخلي موضوعي تقدر تجاوب ياحنكوش)))في منتدى المغتربين وشوفي معلوماتهم عن السودان وادخلي معاي في التحدي الاتحدانا بيهو احد الأعضاء ونتناقش ونتحدا نحنا
((( ابناء المغتربين )))
والدعوة لكل ابناء المغتربين[/glow]

[مان المان]

الحناكيش والحنكشة...موضوع ذو شجون.
بالنسبة لسؤال البوست طبعا بديهيا الاجابة لا .لكن.
في رأيي المتواضع الحنكشة يااما وضع اقتصادي او اجتماعي اواسلوب حياة .
نمسك الوضع الاقتصادي :
النظرية الحنكوشية:
شاب اوفتاة( من اسرة ثرية )+ حياة في خارج السودان=حنكوش اوحنكوشة.
طبعا لوجينا لي اخوانا المغتربين فاكثر من 95% (بدون احصاءات) بعيد كل البعد عن الثراء ومستلزماته
ودا برجعنا لي فهم الاغتراب .
يااخوان المغترب شخص لم يجد فرصة عمل في وطنو او وجدها بدخل لايغطي التزاماته فحزم حقيبته
الى بلدان بعضها لايجد فيه ابسط حقوقه( خاصة بعض الدول الخليجية ) فكيف بالله عليكم يكون من الاثرياء.؟؟؟؟؟؟
ففي الحالة دي بالنسبة لابناء وبنات ا لمغتربين لمن يثورو على اسلوب الحياة في السودان بس لانو تعودو على اسلوب حياة معين في البلدان العايشين فيها حال ابن القرية مع المدينة بدرجة اقل .
نواصل

[عطر الورد]

مرحبا يا جماعه ما تعقدو الموضوع كلنا مغتربين وحكاية الحنكشه دى خالقنها ناس السودان بس اول ما الواحد انزل السودان حنكشه حنكشه والله كرهونا وبعدين فكرت ناس السودان عن اى شخص اجى اكون اسلوبو فى الكلام بختلف عنهم ده فى نظرهم حنكوش عشان كدى ما تتعبو روحكم خلوهم احنكشوكم

[ريناد]

الحنكشة دي مامرتبطة بس بي ابناء المغتربين السودان فيهو نااااااس اخير منهم الشهادة العربية حتى لمى يقولو لينا انو احنا مابنعرف حاجه عن تاريخ السودان ده ماذنبنا احنا مادام بنقرا برا السودان مجبوورين بتاريخ البلد اللاحنا فيها

[whiteangel]

انا بعتقد انهم غيرانيين لاعتقادهم انو ظروفنا احسن من ظروفهم
او لانو بنظرتهم اننا بره بلدنا والكلام ده
وبعد ده كلو يقولوا انتو كده وكده يا المغتربين
والله عيوبهم معبية الدنيا والكلام ما للكل زي ما انتو بتعمموا المغتربين بكلمة واحدة حناكيش
والله ما حناكيش الا انتو
ونحن ما اتغربنا الا لاننا ما لقينا فرص للمكوث في بلدنا الحبيب ان شاء الله لما نرجع تكون في فرصة لاستقبالنا

[ألوية بت شندي]

موضوع راائع للطرح والمناقشة