هل تعيش مع مرض السكر؟

[بنت ملوك النيل]

ازيكم ... ايه اخبار السكري معاكم؟
انا واحدة من اللي هاجمهم السكري على حين غرة !! لسة في العشرينات يادوب اتخرجت احلام .. طموحات تحضير .. سفر .. اماني كلها اصبحت مقيدة!! الحمدلله على كل حال
ياترى انا براي في البلد دي ولا في ناس تانيين؟ اتمنى الاقي ناس زيي نحكي قصة التعايش ونتشارك المعاناة!

[رغودة]

الأخت العزيزة... اولا دعواتي الصادقة ليك بالشفاء وربنا يحقق ليك أحلامك ويسهل طريقك ..وعليك بالصبر فهو مفتاح الفرج.. وكمان عليك بالدعاء... وإحنا أكيد ماحننساك من دعآئنا إنت وكل مرضى المسلمين... انا الحمد لله مابعاني من السكر لكن برضو بعاني من حاجات تانية بس ربنا هو الشافي.. لكن عندي صحبتي برضو في ال 24 وجاها السكري وماشاء الله تبارك الله ماجايبة ليهو خبر وعايشة حياتها عادي..(مع إنه الإهمال أكيد ماكويس) خلي بالك من نفسك وادعي وادعي لينا معاك والله الشافي اولا وأخيرا...

[دق التحيه قدامك سودانيه]

يا بنت ملوك النيل ربنا يشفيكي وقالو ربنا اذا احب العبدابتلاه لاكن لابد من ان تكوني اقوة وتتحلي بي الصبر وتعيشي حياتك وتحققي طموحك والاهم من كدا انك تصبحي اقوة من الاول ومافي انسان مامريض لكي مني خالص الدعاء بي الشفاء

[بنت ملوك النيل]

الأخت العزيزة... اولا دعواتي الصادقة ليك بالشفاء وربنا يحقق ليك أحلامك ويسهل طريقك ..وعليك بالصبر فهو مفتاح الفرج.. وكمان عليك بالدعاء... وإحنا أكيد ماحننساك من دعآئنا إنت وكل مرضى المسلمين... انا الحمد لله مابعاني من السكر لكن برضو بعاني من حاجات تانية بس ربنا هو الشافي.. لكن عندي صحبتي برضو في ال 24 وجاها السكري وماشاء الله تبارك الله ماجايبة ليهو خبر وعايشة حياتها عادي..(مع إنه الإهمال أكيد ماكويس) خلي بالك من نفسك وادعي وادعي لينا معاك والله الشافي اولا وأخيرا...

شكرا على المشاركة الصادقة وربنا يشفينا جميعا" ... بس كنت اتمنى الاقى ناس ليهم نفس ظروفي .. لمن تتخاطب مع زول زيك بحس بيك اكتر من اي زول تاني ... الصبر كلمة صعبة جدا جدا... حتى لو صبرتي في الاول بتكوني دايرة مشاركة زول بيعاني زيك ... حقن كل يوم فحص ... مقابلة سخيفة مع الدكتور كل شهر ولا شهريين يسالك اكلتي شنة عملتي شنو اتريضتى ..... الخ دا غير الحرماااااااااااااااااااااااااااااااااان!! طاقتك مرات تكون عالية وما تهتمي لا شى وساعات تكون في الحضيض ما محاتجة لاي نصيحة قدر احتياجك لزول زيك يديك امل انك تقدري تواصلي الباقي من الحياة!

السكر مرض غريب ليس له اي اسباب وليس له اي علاج سوى الانسولين الخارجى ا والحبوب حتى زراعة البنكرياس غير مجدية لان السبب في تدمير خلايا البنكرياس الاصلية غير معروف وبالتالي ليس هنالك اي ضمان ببقاء البنكرياس المزروعة.

داعواتي لكل المرضى بالسكر بالصبر والثبات وربنا يحمينا من غدر السكر.
الشفاء من عند الله

[بنت ملوك النيل]

يا بنت ملوك النيل ربنا يشفيكي وقالو ربنا اذا احب العبدابتلاه لاكن لابد من ان تكوني اقوة وتتحلي بي الصبر وتعيشي حياتك وتحققي طموحك والاهم من كدا انك تصبحي اقوة من الاول ومافي انسان مامريض لكي مني خالص الدعاء بي الشفاء

شكرا "انين العالم" على المشاركة والنصائح الغالية .. وربنا هو الشافي ..

[محمد الهادي]

الله يشفيكي ويعافيكي من كل مرض هناك عشبه عندنا اسمها شرش الروباص لا اعرف ما اسمها عندكم ولكن هي عباره عن جزور لشجره اسمها الروباص وهي لها طعم مر جدا شديد تاخذي منها كل يوم قطعه قدر حبة الحمص تذاب في كاس ماء حوالي ثلاث ساعات ثم تشربين ماؤها ولو تقرئين هذه الايه الكريمه كل يوم 129 مره تفيدك كثيرا باذن الله سبحانه وتعالى بسم الله الرحمن الرحيم ان ربي لطيفا لمن يشاء انه هو العليم الحكيم صدق الله العظيم وبعد الله لا يوجد شافي ولا معافي ولا قبله

[اميرامدر]

الاخت بنت ملوك النيل شفانا وشفاك اللة قبل ستة سنة وانا في السودان شعرت بالام في البطن وذهبت للدكتور وبعد الفحوصات واعادتها كم مرة تاكد الدكتور من اصابتي بالسكري وتخيلي ماذا قال لي
عندك كم صديق عزيز عليك قلت ثلاثة قال لي (الف مبروك صارو اربعة ودة حيكون اعز واحد لانو
لو زعلتو انت الخسران ولو كسبتة انت المستفيد ولم يعطيني اي ادوية وفي البداية كانت في خوفة ورهبة من المرض ومانسمعة عنة لكن صبرت وسلمت بالامر وتعاملت مع صديقي احسن معاملة لدرجة انة لم يحرمني من اي شي في نفسي من الاكل يعني قطعة كيكة حبة حلاوة واخذ لي بعدها شوية مشية ذي حمية كدة بتجيب لها شوية عرق وقول ليك واللة الستة سنة دي صديقي ما زعلتو يوم واتفق معك في رائك بمداخلة كل الاعضاء المصابين بالسكري ونكون جمعية اقترح عليها اسم الطاعمين

[من خلق الظلام يراني _mlk_]

فعلا صدق امير ام در...يكون صديقا حين تعرف كيف تعتاد عليه لكن فيما عدى ذلك فهو مرض لئيم قالت لي الطبيبة انني اعتدت عليه سريعا من مستوى السكر في جسدي..لكنها لا تعلم انني لا اميل للسكر كثيرا ولا احبه جدا..مرض مؤلم لكن اعتقد انه اقل ما يمكن ان تفعله الحياة لتمنعني من تحقيق احلامي عليها ان تفعل اكثر من ذلك ان كانت تريد ايقافي لا تستسلمي له...
عفانا الله واياك وجميع مرضى المسلمين..
لك التحية

[صلاح الدين محمد]

اختى العزيزة شفاكى الله والحمدلله على كل حال اعانى من مرض السكرى منذ فترة ولكن اتعامل معه
كويس يعنى ما تكترى من النشويات والسكريات وابتعدى من الاعشاب واتبعى تعليمات الطبيب وربنا يشفينا ويشفى جميع المرضى اللهم اميييييييييييييييييييييييين

تحياتى

[بنت ملوك النيل]

اختى العزيزة شفاكى الله والحمدلله على كل حال اعانى من مرض السكرى منذ فترة ولكن اتعامل معه
كويس يعنى ما تكترى من النشويات والسكريات وابتعدى من الاعشاب واتبعى تعليمات الطبيب وربنا يشفينا ويشفى جميع المرضى اللهم اميييييييييييييييييييييييين

تحياتى

اهلا بك اخي العزيز وأعاننا الله واياكم على التعامل مع هذا "الضيف الثقيل".
قلت لي بتاكل سكريات والله انت مبسوط عديل كدا ... انا لما تكون نفسي في شكولاتة بعمل عمليه الدكتور حذرني منها اللى هي افوت مواعيد الوجبة بتاعى الساعة 12 وعلى الساعة 2 كدا تبدا الحالة اللي انت عارفها ديك (نمل ماشي في كل انحاء الجسم... عرق شديد .. زغللة في العيون ... عدم قدرة على التركيز) تسمع كانو زول بيقول ليك عاااااااااااااااااااااااايز سكرررررررررررررر بس طوال اقوم اكل الشكلاته انا محضراها
لا اتعاطي اي نوع من الاعشاب لاني انا عارفة اصل المشكلة والعلاج الوحيد (انو تقوم لينا بنكرياس جديدة) ..!!! بيني وبينك ما بعيدة على رب العالميين (انما امره اذا اراد شيئا ان يقول له كن فيكون)

[بنت ملوك النيل]

الاخت بنت ملوك النيل شفانا وشفاك اللة قبل ستة سنة وانا في السودان شعرت بالام في البطن وذهبت للدكتور وبعد الفحوصات واعادتها كم مرة تاكد الدكتور من اصابتي بالسكري وتخيلي ماذا قال لي
عندك كم صديق عزيز عليك قلت ثلاثة قال لي (الف مبروك صارو اربعة ودة حيكون اعز واحد لانو
لو زعلتو انت الخسران ولو كسبتة انت المستفيد ولم يعطيني اي ادوية وفي البداية كانت في خوفة ورهبة من المرض ومانسمعة عنة لكن صبرت وسلمت بالامر وتعاملت مع صديقي احسن معاملة لدرجة انة لم يحرمني من اي شي في نفسي من الاكل يعني قطعة كيكة حبة حلاوة واخذ لي بعدها شوية مشية ذي حمية كدة بتجيب لها شوية عرق وقول ليك واللة الستة سنة دي صديقي ما زعلتو يوم واتفق معك في رائك بمداخلة كل الاعضاء المصابين بالسكري ونكون جمعية اقترح عليها اسم الطاعمين

لا تعلمون مدى سعادتي بلقياكم ظللن وقت طويل اختبئ من مواجهة مرضى او إعلانه امام الناس حتى لا يقولون (كرعلي لسة صغيرة ... هي المرض دا ما عندنا في عيلتنا جبتيهو من وين) دا غير التنظير والنصائح الغريبة اشربي شنو عشبة الشنو ما بعرفو داك وعلاج الدكتور دا وقيفيهو خالص .... الخ
اعتقد انه ان الاوان لمواجهة الجميع بالحقيقة العلمية الموثقة..
بالنسبة لصديقى اللدود فاكتشفته يوم 7/7/2007 مشيت الدكتور عشان حاسة بصداع شديد وحمى واستفراغ (اعرض ملاريا مش) انا قلت بس دي الملاريا بس قيليها بكم شهر كل زول يشوفني مالك ضعفتي كدا والله كملتي كلو كلو يا بت كل ما نلاقيك نلاقاك ماشة نازلة لمن تكملي كلكلو ... بس الدكتور من سمع دا فحص اول يوم وتاني يوم وطوالى قشطني ليك بحقن الانسليين... اها بكيت لي كم يوم بعد ما اتخيلت نفسي مقطعة ومنتشة وعميان ووو بس خلي ساي الكان بيجيني في راسي ..الحمدللله بعد داك بديت العلاج واهو ماشة كويس بس هذا الصديق اللدود لا يحب ابدا ان يراني غاضب او متوترة طوالي يزعل معاي ويبقى عالى..
بالنسبة للجمعية انا اضم صوتي لصوتك فقط اقترح ان يكون اسمها (الزايدين حلاة)
اللهم انت الشافي لاشفاءإلا شفاؤك ..اشفنا يارب العالمين

[بنت ملوك النيل]

فعلا صدق امير ام در...يكون صديقا حين تعرف كيف تعتاد عليه لكن فيما عدى ذلك فهو مرض لئيم قالت لي الطبيبة انني اعتدت عليه سريعا من مستوى السكر في جسدي..لكنها لا تعلم انني لا اميل للسكر كثيرا ولا احبه جدا..مرض مؤلم لكن اعتقد انه اقل ما يمكن ان تفعله الحياة لتمنعني من تحقيق احلامي عليها ان تفعل اكثر من ذلك ان كانت تريد ايقافي لا تستسلمي له...
عفانا الله واياك وجميع مرضى المسلمين..
لك التحية

احتجت سنتين حتى اعتاد عليه فالمفاجاءة كانت فوق احتمالي ... واكثر ما يقلقني انه مرض لئيم وغدار يمكن ان نعيش من غي ان نلقى له بالا لكن بعد 10 سنوت يجب ان نستعد للأسوء .. كلما نازعتني نفسي اللي الاكل بشراهة تذكرت كل ما قرأت عن المضاعفات. اسأل الله ان يحمينا من غدره.

لك اجمل التجايا

[صلاح الدين محمد]

يا استاذة انت شكلك شايل الهم اكثر من الازم والله مرض عادى جدا ولازم الواحد يرضى بالمكتوب وارجوك وللمرة المليون ما تقرى عن السكرى والمضاعفات لاننى عشت فى نفس الدوامه وانسى انك
عندك سكرى وانا اكتشفت المرض فى سنة 2000 والحمد لله انا بخير اوصيكى باتباع تعليمات الطبيب ونتمنى لك ولجميع المرضى الشفاء
اللهم اشفى كل مريض

تحياتى

[بنت ملوك النيل]

الي الزايدين حلاة وطاعميين زيادة وينكم؟؟؟ واخباركم شنو؟

[اميرامدر]

الاخت العزيزة بت الملوك لك التحية والاحترام واسال اللة لك تمام الصحة والعافية
اتخيلي امي ارسلت لي من السودان شنو اي واللة برسيم ناشف اكل البهائم اللة يكرمك وقالت لي لازم تغليوة كل يوم وتشربو ذي الشاي عشان هي استعملتو ونفعها وطبعا وصية امي استعملتة بس لانفع ولاشي غير اني الليل كل مانمت اتخيل اصوات بااااااااااع مااااااااااااااع هااااااااااااااااء
ودمتي بخير

[بنت ملوك النيل]

اهلا بيك في قروب (الزايدين حلاة) ..
في انتظار باقي حكاياتك مع الصديق اللدود.

[مهاجر في البلد]

ازيكم ... ايه اخبار السكري معاكم؟
انا واحدة من اللي هاجمهم السكري على حين غرة !! لسة في العشرينات يادوب اتخرجت احلام .. طموحات تحضير .. سفر .. اماني كلها اصبحت مقيدة!! الحمدلله على كل حال
ياترى انا براي في البلد دي ولا في ناس تانيين؟ اتمنى الاقي ناس زيي نحكي قصة التعايش ونتشارك المعاناة!

الاخت بنت ملوك النيل
السكري اصبح اليوم من الامراض التي لا بد منها وهو مرض صديق للانسان ان احسن التعامل معه فاي منزل في السودان او اي مربوع لا يخلو من مرض السكري
طبعا مرض السكري هو عدم مقدرة البنكرياس على افراز الانسولين لمعالجة السكريات في الدم والسكري له مخاطر كثيرة اذا اسيء التصرف معه منها بعض الامراض نسأل الله ان يعافي الجميع ويعافينا

لي صديق مصاب بهذا المرض منذ 13 سنة وعمره الان 43 سنه وهو يعيش حياة طبيعية لكنه يصادق مرض السكري بالآتي
1. من الصباح ( علي الريق ) يشرب كوبا كبيرا من الغرفة المسحونة المغليه بعد ان تبرد ( يتم تحضيرها مثل الشاي بمقدار ملعتين من الغرفة للكوب )
2. يتناول حقن الانسولين بانتظام
3. يكثر من اكل الخضروات الطازجــــــة
4. تناول اكبر قدر من الماء خاصة في الفترة الصباحية
5. ممارسة رياضة خفيفة
6. تناول العسل الاصلي بمقدار محدد يوميا
7. التفاؤل والتعايش مع الأمر

الاخت بنت ملوك النيل - اسأل الله العلي القدير ان يخفف عنك حدة المرض ويلطف بك من كل سوء وان يساعدك في الشفاء فهو على كل شي قدير

[بنت ملوك النيل]

الاخ مهاجر في البلد
عارف من كتر ما قريت عن السكر بقيت دكتورة عديل حتى مقدرا جرعة الانسولين عرفت بحسبوها كيف !! الصعوبة بتجي من المعايشة اليومية ما بتقدر تزوغ منه كدا ولا كدا .. ومسمنه المرض الصديق في صاحب كويس بلصق فيك كدا المفروض يسمو الصاحب اللايوق


اللهم اشفنا انت الشاقي لا شفاء الا شفاؤك

مشكور على المرور الجميل

[بنت ملوك النيل]

امير امدر : سمعت بالقرفة او جربتها؟
بعد بحث طويل على الشبكة العنكبوتية وبعد توصية الاهل ولاصحاب لقيت ليك القرفة دي خطيرة جدا..
الكلام دا منشور في جريدة الشرق الاوسط بواسطة د. حسن محمد صندقجي

الدراسات التي تمت حتى اليوم تشير بمجملها الى أن هناك تأثيراً واضحاً للقرفة في تحسين الحالة الصحية لمرضى النوع الثاني من السكري، عبر زيادة قدرة خلايا أجسامهم على التجاوب والتأثر بمفعول ما هو متوفر في أجسادهم من الأنسولين، وتقليل إنتاج هذه الخلايا للأنزيمات التي تحول دون عمل الأنسولين بشكل جيد في هذه الخلايا، مما يؤدي الى تعديل نسبة سكر الدم نحو المعدل الطبيعي له. وتعتبر الدراسة الباكستانية ـ الأميركية، أهم مراحل البحث العلمي في تأثير القرفة على السكر كما تقدم. وفيها تمت متابعة 60 شخصاً من مرضى السكري الذين لا يعالجون بالأنسولين. وقد قُسموا الى ست مجموعات، تناول المرضى في كل من المجموعات الثلاث الأولى كبسولات ذات جرعات مختلفة من مسحوق القرفة، وتحديداً 1 و 3 و 6 غرامات من القرفة المسحوقة. أما بقية المجموعات الثلاث الأخرى فتناول الأفراد فيها كبسولات وهمية على أنها مسحوق قرفة، وهي ليست كذلك.

وتمت متابعة نسبة السكري وتحليل الدهون والكوليسترول في الدم أيضاً، وذلك في مراحل عدة قبل وأثناء وبعد 20 يوماً من التوقف عن تناول القرفة. وقد ادهشت النتائج الجميع، إذْ تبين أن تناول القرفة حتى بنسبة 1 غرام يومياً أدى الى انخفاض نسبة السكر بعد الصيام الليلي بنسبة تتراوح ما بين 18 و 29%، وخفض نسبة الكوليسترول الكلي بنسبة تتراوح ما بين 12 و 26%، ونسبة الكوليسترول الخفيف الضار بنسبة تتراوح ما بين 7 و 27%، ونسبة الدهون الثلاثية بنسبة تتراوح ما بين 23 و 30%، واستمر المفعول لمدة 20 يوماً بعد الانقطاع عن تناوله.

وبعدها أجرى الباحثون وما زالوا في إدارة أبحاث الزراعة المتقدمة الذكر في الولايات المتحدة، دراسات في المختبرات لمعرفة آليات تأثير القرفة وموادها على مرض السكري. وتشير النتائج بمجملها الى تنشيط تفاعل الأنسولين مع الخلايا كما تقدم.

ونشرت آخر الدراسات، بحسب اطلاعي، في عدد 8 مارس الحالي من مجلة الصيدلة العرقية للباحثين من كوريا الجنوبية حول نفس الأمور المتعلقة بالسكري والكوليسترول مع تناول القرفة، وأكدت النتائج.