لبيب ودأونسه حبوبه عمر النعيم
امــــــــال الناس
ياجماعه والله ماقصرتو
بس اليوم ماشايفكم
انا موجودة بكثرة يا اخوي الضراع الله يخضر ضراعك بس شائفي في ربكة كدة بوصول العيبة المصريين والجزائرين والانتخابات وعايزين نتخارج من المكاتب ونجري جري علي بيوتنا يسئل منك الخير يا عزيزي
[align=center]ناس الحج خلاص اللية عدوا وقاموا
في البيت الحرام كل زول تزيل آلامو
بعد الحجة للقبة المشرفة هاموا
زايرين الرسول العالي ديما مقامو[/align][/b][/size]
لبيب كتب:[align=center]ناس الحج خلاص اللية عدوا وقاموا
في البيت الحرام كل زول تزيل آلامو
بعد الحجة للقبة المشرفة هاموا
زايرين الرسول العالي ديما مقامو[/align][/b][/size]
الليله الحاج فوق مكه نزل تايتو
سألين الكريم يغفر زنوبو الفاتو
يارب يامعين تسهل حالتو
يصل المدينه وتكتمل نياتو
[align=center]جانا العيد سعيد والناس عموم مبتهجة
وكل الناس عموم غير شك بسيبو الزهجة
يارب العباد خالق صحيح النهج
كلنا والاهل في العاقبة نلقى الحجة[/align][/b]
اليوم عيد والعيد عليك مبروك
اوعاك تدقس ومخخك يكون مركوك
دي يوم الفرحه البيهو القليب مملوك
يوم غفران الزنوب للرعاه وملوووك
[align=center]بالحيل يا الضراع قولك صحيح مسبوك
وفي درب المسادير صرنا بيك ملوك
دربك في الشعر دايما يكون مسلوك
تفرح والجميع امك واخوك وابوك
(كل عام وانتم بخير)[/align][/b][/size]
حبيبنا لبيب كيفك
والله كتر الله خيرك انك
الوحيد الحتي الان متواصل في
البوست دا
بس اناوالله ماشاعر
لكن حبيت اجاريكم فقط في
المشاركات الفاتت
عشان كدا يلا خلونا
نشد الهمة
والبوست مايقيف
لبيب كتب:[align=center]ياخوانا المسادير ليكم انتوا تنادي
كيف تنسوها تجفلوا منهن ياغادي
ياناس هوي تعالوا نقول نشد النادي
نقدعد فيهو نعزم كل زول بى غادي[/align][/b][/size]
انا الشعر كل ماقلت اقول بجفل غادي
ماعايز يجيني واصبح لحياتي معـــــــــــادي
لكن انتو واصلو في شعر الحضر والبادي
شدو حيلكم تمام واعملوكم نـــــــــــــــادي
[align=center]معقول يا الضراع تمشي وتفوت بي غادي؟
ياخ خليك قريب شيد معانا النادي
يالحارس مساديرنا المعاك بتهاتي
تصبح لينا فارس والشعر بينادي[/align][/b][/color]