رأيكم شنو في جهاز شؤون المغتربين ؟؟؟؟

[ود الغرب]

جهاز شؤون المغتربين : اسم كبير يدل على أن هناك جسم يهتم بنا نحن المغتربين ويقدم لنا خدمات وتسهيلات كبيرة غير موجودة في أي دولة أخرى والعكس في الموضوع صحيح جهاز شؤون المخربين نحن المغتربين ما مستفيدين منك أي حاجة ( سوء إدارة ) لكثرة المنسقين ، وفي علم الإدارة وجود وظيفة التنسيق دليل على فشل الإدارة 0
أرجو من كل الأعضاء أبداء رأيهم بكل حرية وبدون خوف وتحفظ لأن الخوف ده خلانا أكثر من خمسة عشر عاماً ما نعمل انقلاب ؟

ود الغرب حرق جهاز المخربين حرق
لنا وجب وطني قمنا به ، فعليكم ألتزام القيام به
::

[sarona]

ود الغرب

انا بعتبر جهاز شئون المغتربين بيأدي دوره بشكل ممتاز

ويمكن بعض الاجراءات بتكون معقدة لكن بتكون قادر على انجازها في نفس اليوم ومن غير عطلة


بس كان خلافي دايما معاهم في الدمغات الاجبارية كدمغة جريح وشهيد وخلافه ......

وبعض الناس بتدفعا بجهل......

وهم بيدفعوها للناس بشكل ديل اغبياء وبيدفعو .....

عموما هو اكثر جهة بعيدة عن العطلة واالتأجيل


تقبل مروري


.

[4ever]

ود الغرب موضوع مهم شديد وفعلا دورو ما فعال لإنو زي ما قلته أونشئ عشان يخفف عن المغتربين لكن الحاصل العكس ،كنته في إجازة شهر 11 الفات بعد غياب 12 سنة ولقيتو زي ماهو أقصد العقلية البتعامل معاها الموظف مع المغترب نفس الخليتها قبل 12 سنة إحتمال يكون في شوية تطوير في المبنى وكدا لكن الجوهر أو المضمون زي ما هو عقلية بتاعت جباية (قلع قروش ) غايتو الله كريم علينا سااي

[retalaa]

والله نحنا كمغتربين خارج أرض الوطن
كونو انو نلقا جهة تهتم بينا
وتساعد في تيسير امورنا
ده فضل كبير والله
ونحنا لازم ما ننكر الجميل
ولازم نقيف مع الناس على الاقل وقفو معانا
وساعدونا ونحنا في أرض المهجر
بصراحة.....
دي خدمة انا بشكر عليها القائمين على امرها
وبضيف تلميح لأخي ود الغرب
انو مافي جهة بتكون خدماتها مية المية
لابد انو يكون فيها بعض التأخير أو بعض الغلطات
لانو الناس الشغاليين فيها بشر زينا مش ملائكة
واي زوول بيتعرض للأخطاء
ونحنا لازم نحاول نشوف الغلطات دي وين ونحاول نصلحها
علشان بلدنا يمشي لي قداااام
مش كل واحد يقعد ينظر ويعمل فيها فاهم اي حاجة
ويقعد يقول الحكومة والسودان وما عارف شنو
نحنا لازم أول شيء كل واحد يشوف نفسو
ويحاول يهأل نفسو بالشكل المطلوب
علشان نقدر نكون مجتمع فاهم وعاقل
ونقدر نقيف قدام العالم ونحنا رافعيين راسنا فووق
وكما قال الله تعالى:
((لا يغير الله ما بقوم حتى يغيرو ما بأنفسهم))

علشان كده يا أخوي لو انت شايف اي حاجة غلط في جهاز المغتربين
الجوضه والكواريك وانقلاب وما انقلاب
ده كلو كلام فارغ
اذا كنت بالجد عاوز تحل الخطاء ده
في جهات مختصة ممكن تطرح فيها مشاكلك
وهم بينظرو فيها بجدية ولو لقو انو في خطأ بالجد
والله في اسرع وقت بيصححوهو


وتقبل مروري
أخوك,.,,
ريتلا

[ود الغرب]

أخي العزيز /ريتلا المحترم
يا أخي جهاز شؤون المغتربين جهاز غير كفء وغير فعّال بجد أن كمغترب غلبان شايل هم الغربة والشتات ما استفد منه أي شيء الخدمات والحاجات المنوطة بهم دي أنا بدفعها في السفرة واسهل شئ هو الدفع في القنصليات لما يحتوا غبارك ، بعدين أنت كمغترب كون أنوا دفعت الضريبة والزكاة والخدمات واشروا ليك وغادرت خلاص 00000 لآ ي أخيى عندك حاجات كثيرة وكبيرة وين حقك كمواطن من قطعة أرض علشان بكرة تتركها لأبنائك وانت عارف الغربة مريضها يوم يومين وعييييك
وبعدين وين مقابل خدماتك وتعبك البتدفعوا ده المقابل شنوا اسهل شيء علشان تسافر بالبر المصاريف التالية :
1650 ريال + 1000ريال + 1500ريال + تأمين سيارة في شركة شيكان ( أحسن ما تأمن فيها ) كلام في كلام ده بدون الباخرة إذا كان أنت وأولادك ( معليش أنا عارفك لسع ماوصلت المرحلة لكن اسهل والدك في جلسة شاي في ظل العصر 0 بالإضافة إلى المصاريف الأخرى ده كلها علشان تصل السودان يعني قروشك كلها وراك وتعال شوف المرمطة في الجهاز 0
وأزيدك من الشعر بيت السفر بسيارة بيك اب (بوكس ) ممنوع إلا بإستثناء ده لزموا شنو ؟ أنا مسافر ذهاب وإياب معاي أسرتي أنتظر في سواكن لغاية ما يوافقوا لي ( الإستثناء ) 0
المهم مداخلتك ممتازة لكن في اعتقادي ما عارف حقوقك والخدمات التي يجب أن يقدمها لك الجهاز ؟ انت العارف الناس ديل والإنقاذ عاملننا بند مفتوح ونحن أغبياء وما بنفهم حاجة 0
في عام 2005 في شهر أبريل وبالضبط يوم 21 حضر الينا وفد مصلحة الأراضي وجونا بأراضي وعلى ما أعتقد برضوا في الإمارات والسعودية المهم شبعوا كويس ، يازول مشينا الصباح السفارة من تسعة صباحاً الوفد وصل الساعة 12 أجرينا السحب وكل واحد استلم رقم القطعة والمربع والمساحة وحددوا التكاليف المهم مشينا وكل فرحان تسلمي ياحكومة السودان وتسلمي ياالإنقاذ والمهم اخذوا الأوارق والطلبات وقالوا سوف نذهب الخرطوم ونتنفحص هذه الطلبات لمعرفة من انتفع بخطة اسكانية أم لا وبعد ذلك يكون الرد عبر سفارتنا بدولة قطر ، شوفنا الموضوع طول اتصلنا بالسفارة لا والله ما في جديد المهم أجرينا اتصالتنا بالسودان ولقينا ود حلال قال لنا انتوا ما سددوا الرسوم وانتزعوا منكم الأراضي ( أعلم علم الغيب) وفد ممثل لحكومة وشعب ما قادر يصل لنا عبر السفارة مع أرقام هواتفنا مسجلة وبشهود وأنا أتحدى اي واحد استلم 0
في خلاص الموضوع وفد مصلحة الأراضي والإنقاذ أنقذوا نفسهم وغرقوا الناس ن اين جهاز المغتربين من هؤلاء الذين يتلاعبون بنا 0
وفي الختام الله يعرس ليك عشان الواحد يعرف رايك ( نجيض) 0
أخوك / ود الغرب ما تزعل البساط أحمدي

[ابراهيم الجيو]

[quote="ود الغرب"]أرجو من كل الأعضاء أبداء رأيهم بكل حرية وبدون خوف وتحفظ لأن الخوف ده خلانا أكثر من خمسة عشر عاماً ما نعمل انقلاب ؟

ود الغرب حرق جهاز المخربين حرق
لنا وجب وطني قمنا به ، فعليكم ألتزام القيام به
:: [/quote]



العزيز,, ود الغرب,,,

جهاز شئون المغتربين ,,, رغم صعوبة وتعقيد إجرائته,,, إلا أننا فعلاً بحاجة ماسة إليه,,, ولا نعيب عليه سوى بعض العيبوب اللي هي فعلاً بسيطة,, يعني دمغة جريح ودمغة شهيد والكلام دا كلها على بعضها كم ألف جنيه,,,وأتوقع المساعادات اللي ببتطلع للمناطق النائية بإسم جهاز المغتربين واضحة ومعلمومة وصورة معلقة وموجدوة في أي مكان,,,.


بيغادي كيدي,,/

إقتباسي لكلامك والشروط العامة للمنتدى,,, (المنبر ليس سياسي)),,,

دمت بود,,,

[أهتم فيني]

السلام عليكم والله ياجماعه الموضوع ده مهم جدا ولازم ينحل لكن كيف الله أعلم أنا أجلت سفري
للسودان السنه دي عشان مدتها شهر واحد مايكفي أني أروح وأتعذب في شؤون المغتربين وتأجيل
الخدمه الألزاميه والله كريم..............................
وسودانا فوق بأذن الله

[retalaa]

أخي العزيز /ريتلا المحترم
يا أخي جهاز شؤون المغتربين جهاز غير كفء وغير فعّال بجد أن كمغترب غلبان شايل هم الغربة والشتات ما استفد منه أي شيء الخدمات والحاجات المنوطة بهم دي أنا بدفعها في السفرة واسهل شئ هو الدفع في القنصليات لما يحتوا غبارك ، بعدين أنت كمغترب كون أنوا دفعت الضريبة والزكاة والخدمات واشروا ليك وغادرت خلاص 00000 لآ ي أخيى عندك حاجات كثيرة وكبيرة وين حقك كمواطن من قطعة أرض علشان بكرة تتركها لأبنائك وانت عارف الغربة مريضها يوم يومين وعييييك
وبعدين وين مقابل خدماتك وتعبك البتدفعوا ده المقابل شنوا اسهل شيء علشان تسافر بالبر المصاريف التالية :
1650 ريال + 1000ريال + 1500ريال + تأمين سيارة في شركة شيكان ( أحسن ما تأمن فيها ) كلام في كلام ده بدون الباخرة إذا كان أنت وأولادك ( معليش أنا عارفك لسع ماوصلت المرحلة لكن اسهل والدك في جلسة شاي في ظل العصر 0 بالإضافة إلى المصاريف الأخرى ده كلها علشان تصل السودان يعني قروشك كلها وراك وتعال شوف المرمطة في الجهاز 0
وأزيدك من الشعر بيت السفر بسيارة بيك اب (بوكس ) ممنوع إلا بإستثناء ده لزموا شنو ؟ أنا مسافر ذهاب وإياب معاي أسرتي أنتظر في سواكن لغاية ما يوافقوا لي ( الإستثناء ) 0
المهم مداخلتك ممتازة لكن في اعتقادي ما عارف حقوقك والخدمات التي يجب أن يقدمها لك الجهاز ؟ انت العارف الناس ديل والإنقاذ عاملننا بند مفتوح ونحن أغبياء وما بنفهم حاجة 0
في عام 2005 في شهر أبريل وبالضبط يوم 21 حضر الينا وفد مصلحة الأراضي وجونا بأراضي وعلى ما أعتقد برضوا في الإمارات والسعودية المهم شبعوا كويس ، يازول مشينا الصباح السفارة من تسعة صباحاً الوفد وصل الساعة 12 أجرينا السحب وكل واحد استلم رقم القطعة والمربع والمساحة وحددوا التكاليف المهم مشينا وكل فرحان تسلمي ياحكومة السودان وتسلمي ياالإنقاذ والمهم اخذوا الأوارق والطلبات وقالوا سوف نذهب الخرطوم ونتنفحص هذه الطلبات لمعرفة من انتفع بخطة اسكانية أم لا وبعد ذلك يكون الرد عبر سفارتنا بدولة قطر ، شوفنا الموضوع طول اتصلنا بالسفارة لا والله ما في جديد المهم أجرينا اتصالتنا بالسودان ولقينا ود حلال قال لنا انتوا ما سددوا الرسوم وانتزعوا منكم الأراضي ( أعلم علم الغيب) وفد ممثل لحكومة وشعب ما قادر يصل لنا عبر السفارة مع أرقام هواتفنا مسجلة وبشهود وأنا أتحدى اي واحد استلم 0
في خلاص الموضوع وفد مصلحة الأراضي والإنقاذ أنقذوا نفسهم وغرقوا الناس ن اين جهاز المغتربين من هؤلاء الذين يتلاعبون بنا 0
وفي الختام الله يعرس ليك عشان الواحد يعرف رايك ( نجيض) 0
أخوك / ود الغرب ما تزعل البساط أحمدي

يا مرحب عمنا/ود الغرب
والله موضوعك مهم وحلو وبيستاهل الواحد يقعد ويناقشك فيهو
لحدي ما نوصل لي حل
لكن والله وللأسف الشديد اليومين ديل انا معصووور مع الامتحانات
وما عندي وقت علشان احك شعري حتى
لكن انشاء الله باقي اسبوعين بالضبط ونخلص من السمستر ده
وبعدها انشاء الله انا حرجع هنا
وحناقشك في الموضوع ده بالتفصيل وانشاء الله حنوصل لحل
وبالنسبة لموضوع الأراضي
يا ريت ترسل لي رسالة خاصة وتديني تفاصيل الموضوع
ومع بعض الادلة والبراهين
وانشاء الله ما يصير الا خير

سودانا فووووووووق

[محتار محتار]

و الله لا أراه إلا إبتلاء قد إبتلي به بعض السودانيين اللذين أضطرتهم ظروفهم للإغتراب ، و لا يعدو كونه أداة جباية لا أكثر و لا أقل ، ويكفي أنك تضطر أن تحلف القسم على أمور لا تستحق وكأنك متهم بالسرقة وتحتاج لتبرئة نفسك ، و هذا أمر لا يحدث إلا في هذه البلاد (المنقذة) و إذا واجهتك أي مشكلة و دا حصل معاي شخصياُ فلن تجد من يستمع إليك ناهيك عن من يحلها لك و أرى أنه قد تجاوزه الزمن كأداة للجباية و الآن فقط يحتاج أن يحول إلى فرع من وزارة الداخلية يهتم بإصدارة التأشيرات و الأمور الإدارية فقط ، بعد أن أنتهى زمن نكتة الزكاة و المساهمة و أساليب القرصنة القديمة

[retalaa]

رجعنا ليك يا ود الغرب
ارح تعال ونورنا
ارح نشوف الحاصل شنوووو
اسي انا فاااااااااااااااااااااضي ليك
وممكن نتناقش سنه كاملة لو عاوز
ويا حبذا لو ضفته ايميلي عندك
علشان الناقاش يكون في محلو

وتقبل مروري

[سفر النوارس]

السلام عليكم ورحمة الله وبركاته
بسم الله الرحمن الرحيم
التحية لكل الذين كتبوا عن جهاز المغتربين
ولعل الكثيون يذكرون من مغتربي السودان القدامي ما كانوا يلاقونه في اكمال اجراءات السفر قبل انشاء جهاز المغتربين ،وبعد انشاء الجهاز تم جمع كل المؤسسات المعنية بمنح تاشيرة الخروج في مجمع واحد حيث يسهل على المغترب تكملة الاجراءات ، ومرت مراحل كثيرة على جهاز المغتربين وعبر سنين عمر الجهاز استطاعت الادارة العليا بالجهاز من تحسين الاداء وتسهيل الاجراءات على المغتربين ، وعملت الادارة جاهدت لتخفيف الاعباء المالية عن المغتربين ، عرفاناً بما قدموهو للسودان في كل الظروف والكوارث التي مرت على البلاد وتوجت مجهودات الادارة العليا بجهاز المغتربين حتى تم اعفاء فئة العمال والموظفين من المساهمة الوطنية ورفع حد التكليف للزكاة حتى 3850ريال سعودي بعد استخراج 70% منه كوائح اصلية وتخفيض المساهمة للمهنيين الى 100دولار ، والمساعي جارية حتى يتم الاعافاء الكامل لهم ، وفي جانب الجمارك تم اعفاء 25 صنف من الامتعة من الجمارك عند العودة النهائية والان تجري المباحثات مع وزارة التجارة والجمارك لاعفاء السيارة .
وهذا قليل من كثقير من مجهودات جهاز المغتربين ومن يزيد المزيد في الجانب الاجتماعي والثقافي وفي جانب تعليم ابناء المغتربين وما يتعلق بالرسوم الدراسية يمكنه الرجوع لموقع الجهاز
sswa.sd
مع خالص ودي ودمتم في حفظ الله ورعايته

[بنت بلادها]

شكرات
علي المضوع
صراحة الموضوع أخدني
وكان روعة
تسلم

[retalaa]

ويييييييييييييينك يا ود الغرب
شنو الغيبه دي
نحنا منتظرك ترجع
وفاضيييييييييييين ليك وعاوزين نناقشك يا عم

[ahmed_salah]

بصراحة جهاز مرض ومعفن ولو لغوهو يكون اهسن

[الأسيد]

[align=center][align=center]في اعتقادي ان جهاااز شئوون المغتربين يحتاج الي إعادة نظر , او ربما تؤل المسئلة الي القاءه مع التقدم التكلونوجي الان ,
بعدين لماذ يكون هناك جهاز مغتربين؟؟؟ في حين انهم غير مستفيدين منه البته , بل قضي عليهم ماديا وارهقهم نفسيا .اما اذا كان عشان ضرائب , الان صارت اوضاع المغتربين غير , وصعبة جدا والكل يعلم ,يبقي كيف يستطيع المغترب بدفع تلك الضريبة وتلك الجبايات وهو في امس الحوجة لها ليعول اهله ؟؟؟ اين الخدمات التي تقدم مقابل تلك الضريبة ؟؟
تسأؤلات كثيرة تدور بالخاطر وتشغل بالنا نحن معاشر المغتربين ولكن لاحياة لمن تنادي من قبل ادارة الجهاز ,
بس السؤال المحيرني ولي هسه وارجو الاجابة عليهو: انك تحلف القسم لي موظف لو شك في مهنتك ,دي تجي كيف ؟؟؟ يعني اصبح موظف ,وقاضي, وجامع جباية في وقت واحد..
نحن مشكلتنا العشوائية والمحسوبية
والله المستعااان[/align][/b][/b][/align][/size]

[عبدالرحمن سعيد]

وأنا شخصياً الود والثقة بيني وبين هذا الجهاز معدومين خالص لا لشيء إلا لإحساسي بأنه دار جباية ليس إلا ولم استفد منه طوال غربتي شيء ، واخيراً سمعت من بعض الأخوة العائدين قريباً من السودان بأنَّ الجهاز أعاد مسألة الضرائب مرةً أخرى لبعض الفئات بالرغم من توجيهات وقرارات سعادة رئيس الجمهورية بإلغائها ولا أعلم إلى أيِّ شيء استندوا ...

[بعد الزمن]

بي ذمة يازول فى جهاز اسموا كده
اول مرة اسمع بيه

[الدغري]

يحتاج الى الكثير من التنظيم ................

والتأهيل ............. والصدق والأمانة .........

لأن الكثير من العاملين فيه دورهم الأساسي استنزاف المغترب .............