لعبة جديدة .....ثقافات سودانية.... ادخلو اللعبة واستفيدو...

[العشاري]

اهاا هاكم دي

التكة

ههههههههههههههههههه
دا شنو دا ؟

التكه دي حزام السروال

[العشاري]

علي ماظن حاجه مصنوعه من السعف وبيستعملوها زي الصلايه
صح ولا انا غلطانه؟
طيب هاكم دي(المرق) بكسر الميم والراء

المرق دا يا استاذه
جزع الشجر يستخدم في البناء او السقف في وضع عكسي للاخشاب الاصغر حجما منه لتثبيتها او لكي لا تنكسر [/color]

[العشاري]

ازيكم

المشلعيب دي من السعف بعلقوة

علي السقف

اها هاك ديل


1- المحراكة ( بضم الميم)
2- التكل ( بضم التاء)
3- القد ( بكسر القاف)
4- القرقريبة
5- المعراكة

المحراكه حجرين كبار واحد بكون مثبت علي الارض والتاني من فوق ليو و بتخت العيش و بتطحنو بي الجر التاني لحدي ما يبقي دقيق

التكل كوخ صغير او غرفه من الطين مكان العوسه
القد او عنقريب القد مصنوع من جلد البقر يقطع شرائح طويله ويتم تجليد او سباكته بطريقه حريفه
ويستخدم لعلاج الام الظهر لقوته ومتونته يعني بخليك نايم وضهرك عديل

القرقريبه دي بستخدموها لي عواسة الكسره الرهيفه تصنع من الالمونيوم او السعف
حاليا بقت بي الاسكراتش ( علم والله)

[العشاري]

يلا هاكم دي

مشلعيب
و

دبنقه

المشلعيب
ما سمعتو بي الكديسه لما ما حصلت اللحم قالت هو زاتو عفن
عفن اشان بختوهو في المشلعيب دا اشان زمان مافي تلاجات
اصلا مصنوع من السعف وبعلقو بي حبل طويل بكون مربوط في العرش اشان الكديسه ما تحصلو (خخخخخخخخ)
دنيا دبنقا

[العشاري]

بلبل تعال جاي
وين انت ؟
اعرفو لي مغتمله معناها شنو؟

[ابن عوف]

ودي كمان عرفتها .....حبوبتنا قاعده في ( العنقريب )

لالالالالالالا

دى حبوبتى قاعدة فى ديوانها تاكل فى مصرانه

( الفانوس وهولمبة الجازولين بتستخدم لما الكهرباء تكون قاطعة )

[ابن عوف]

المحراكه دي حجرين كبار يختوهم فوق بعض و يطحنو بيها العيش

التكل دي بتاعت العواسه

القد دي ما عرفتها ؟؟؟

القرقريبه دي بتاعت العواسه

المعراكه يسوطو بيها الملاح

المعراكة يا صلاح بمسحو بيها الصاج بعد كل طرقة رهيفة او ل بحطو شوية من الطايوق وبعدين بمسحو

بالمعراكة


الكدنكة

والقدوم

العتلة

[ahmedBolbol]

بلبل تعال جاي
وين انت ؟
اعرفو لي مغتمله معناها شنو؟

والله ما عارف معناها يا معلم .........

[ahmedBolbol]

المعراكة يا صلاح بمسحو بيها الصاج بعد كل طرقة رهيفة او ل بحطو شوية من الطايوق وبعدين بمسحو

بالمعراكة

الكدنكة

والقدوم

العتلة

الطايف ده شنو ؟ وبستخدموهو ليه وعشان شنو؟........؟

[ahmedBolbol]

يا جماعة وييييييييييييييييييين الاستاز الكبير العشارى ... و ود ابعوف .. وصلاح العجبانى

الجماعة ديل مشو وييييييييييين منتظرين الجديد والمفيدد منكم والله ...

[العشاري]

بلبل حبيب الكل
بتصدقني لو قلتا ليك مشتاق ليك شوق خليو ساي كيمان كيمان معليش كنت تائه في شؤني و عدم النت
بس انتو دايما في البال والخاطر
ابدا ليك بي كليمه صغيره للتشجيع واعادة الحياة في البوست اللذيذ

واسوق [/color]

[ahmedBolbol]

والله يا عشارى الشوق بالكميات ووحشتنا ووحشتنا طلتك وابداعاتك الرائعة يا غالى
واليوم البوست نور والله بوجودك ولو كنا عارفين انك قادم كان فرشنا ليك ورد
على المنتدى كلو .................


يلا يا حلوين اليوم عاوزين نعرف معنا كلمة

((واسوق )) ....

وتسلم يا غالى وان شاء الشباب احلوها ..........

[رغودة]

يعني واسوق عربية يعني وأقود... بمعنى السواقة مش كده؟

[ahmedBolbol]

يعني واسوق عربية يعني وأقود... بمعنى السواقة مش كده؟

معقولة بس يارغودة ........

[رغودة]

طيب في اجابة تانية..
هو الحبل البيجرو بيهو الدلو من البير وبينزلوا بيهو ولا حاجة زي دي؟؟؟

[العشاري]

الكحه ولا صمة الخشم احسن تخبتي من طرف
واسوق سوقي طوالي بي خبطك دا ماتقيفي لمن تخبطيني انا
ولا كيف يا بلبل ؟

[العشاري]

احسن احلها ليكم انا
اتمني تفهمو شرحي يا اساتذه
الواسوق هو اداة لتسيوة الارض بعد الحفر بالسوداني كدا بستعملوهو اشان يطرح التراب المكوم وتكون المكان او الحنه المحفوره متساويه ويستخدم في اغلب الاحيان في الزراعه والمقابر للدفن لكبر حجمه حيث يسع اكبر كميه من التراب
شكلو يشبه الكوريق لكن كل اجزائه مصنوعه من الخشب والجزء الاسفل علي شكل مستطيل وبه حلقتان يربط بهما حبل من كل جيه ويجر من شخصين ويكون الشخص الثالث ممسكا بالعصاة
فهمتو؟

[ahmedBolbol]

والله ما قصرت يا عسسسسسسسسسل كفيت ووفيت الله اديك الف الف عافية ..
بس ويييييييييين الكلمة التانية يا معلم اسمع تكون على خفيف عشان ناس رغوده
ديل ما اصدموك يا عششششششششل ....

[امال الناس]

دنيا دبنقة دردقي بشيش
(الكلمة المراد تفسيرها دبنقة يعني شنو)

[رغودة]

أجاوب ياخالتو ولا ردي في معنى الواسوق أفحمكم خلاص...؟؟