يعني حقيقي دا وضع ممل ،،، كل ما تحصل حاجة تجري بيت اهلا وتقول عايزة تتطلق ،،، اكيد لازم يطلقا ،، يمكن تعقل وما تكررا ،،، يقول ليها باقي في رصيدك طلقتين ،، كلما تمشي اهلك بتنقص واحدة لو طلبت ،، والعريس الكبري "التيس المستعار" ما بنفع ،،، ابقن عشرة علي العشرة ،،،
الراجل ممكن يدي العصمة للزوجة ،،، إذا كان ما عايزها ،،،
zaina كتب:واحدة كدة عروس"يعنى ماتمت سنة زواج" البت شكلها دلوعة خالص بس ماتحصل ليك بينها وبين عريسها مشكلة تقول ليهو "طلقنى ورسل لى ورقتى وجرى لبيت ابوها والحكاية اتكررت كم مرة
طبعا العريس فاكر الحكاية جادة "نسيت اقول العروس بتموت فى عريسها يعنى مازواج تقليدى ولابالقوة يعنى برضا الطرفين"
واخر مرة البت بعد زعلت ويادرب ودينى بيت ابوى وقومى اضربى للراجل "رسل لى ورقتى
والراجل المرة دى خلاص ماقدر يستحمل والحكاية زعلتوا
يعنى بعد تفكير طويل ومشاورة قرر يطلق فعلا ووده ليها الورقة
بس الحصل بعد كدة"البت قربت تجيها نفسيات "يعنى ماكان قاصدة الطلاق يعنى بس مجرد كلام عشان يراضيها" وبالتالى ماقدرت تتحمل انوا يطلقها
وهى تاثرت شديد"يعنى كان خاتة فى بالها"راجلى حبيبى اكيد بيموت فينى مستحيل يفكر يطلقنى يعنى لو قلتا ليهو كدة حيجى يقول لى "معقولة يامرتى المابشوف غيرك انا اطلقك
يعنى الحكاية طلعت دلع بنات ساكت وعدم تحمل مسؤلية"
يعنى القصة حقيقية ومافبركة ساى "يعنى اكيد دى حالة واحدة ان شفتها فمؤكد بتحصل كتيير ومامجرد حالة فردية"
فقلتا لروحى ياربى لو كان الطلاق شرعا كدة "يعنى افرضوا واتخيلوا الزوجة هى الكان بيدها تطلق
سين سؤال :
متخيلين شكل الحياة وخراب البيوت حيكون كيف وكميتوا قدر شنو ؟
وياربى يارجال بتقبلوا تكون العصمة فى يد زوجاتكم ؟
تسللللللللمي يا زينة على الموضوع الجميل
أتمني أنو كل الأخوات المتزوجات والما دخلو دنيا لسه ينظروا للموضوع ده نظرة عملية ومحل تقدير عشان يتعلموا كيف الحياة بتمشي بين الزوجين وأنو الدلع الفات حدو بودي لسكة تانية والناس في غنى عنها 0
ومهما كان حبيبك عسل ما تلحسي كلو يعني خلي شوية عليكي وشوية عليه عشان المركب تمشي لأنو المشاكل بين الزوجين تحل بينهم لكن حكاية أنا بيت أبوي رسل لي ورقتي دي مشكلة وما كل الناس بتحملوها وصاحبنا ده يا زينة إتحمل كثير شكلو وعانا لمن فقط السيطرة وجاب من الآخر وصاحبتنا ما صدقت الحصل كانت فاكراهو ذي كل مره يجي يصالحة ويطبطب عليها ويرجعه البيت 0
الدلع ما ممنوع بل بالعكس شيئ مهم بس إدلعي في حدود المعقول يعني دلع يسعد الزوج مش يقرفوا 0
بعدين حكاية العصمة في يد الزوجة دي موضووووووووووووووووع ما مقبول وما أظن يقبل يه راجل إلا إذا كان جوز الست 0
تقبلي مروري ولكي فائق مودتي وإحترامي
[grade="00008b ff1493 008000 4b0082"]زينه يا حلوه موضوعك حلو شديد بس بفتكر انو البت ما واعيه شويه وتصرفاتها طفوليه
في مشاكل مفروض تتحل في نطاق الاسره الصغيره الي هو الزوج والزوجه
يعني ما كل المشاكل البيتمشي فيها لي بيت ابوك
والعصمه في يد المراه حركه ماحلوه ولا مفروض الزوجه تقبلها على زوجها
بي طبيعه المراه بتنفعل بسرعه وما بتقدر تضبط نفسها في الغضب
تقبلي مروري وليك مودتي وتقديري [/grade]
المرة دائما شايته " عكس "
نعم عندها " لا " .. ولا " نعم "
وسبحان الله علام الغيوب ,,, " الرجال قوامون على النساء "[/grade]
دى لو كان فى يدها كان حتكمل فيهو الطلقات التلاتة فى شهر العسل
waya كتب:[grade="00008b ff6347 008000 4b0082"]
تخريمة :
رءوف أنت لسه ماسكاك " هصضبة العرس "
وبالمنافسة .. زينتنا دي قريب حتبارك ليها " بيت المال والعيال "
[/grade]
قول ليهو الزول ده مغلبنا "عليك الله ياوايا ماتشوف ليهو من بنات الامارات ديك واحدة واعقد ليهو عليها
بس اهم حاجة تكون العصمة بيدها "عشان تانى مايقدر ينضم مع بت ساكت خليك من يمشى يعرس فوقها
القلب الملك كتب:يعني حقيقي دا وضع ممل ،،، كل ما تحصل حاجة تجري بيت اهلا وتقول عايزة تتطلق ،،، اكيد لازم يطلقا ،، يمكن تعقل وما تكررا ،،، يقول ليها باقي في رصيدك طلقتين ،، كلما تمشي اهلك بتنقص واحدة لو طلبت ،، والعريس الكبري "التيس المستعار" ما بنفع ،،، ابقن عشرة علي العشرة ،،،
الراجل ممكن يدي العصمة للزوجة ،،، إذا كان ما عايزها ،،،
حلوة التيس المستعار دى
وضع اكتر من ممل "انا لو كنتا مكانوا جرت بيت اهلها ساكت دى وكمان تتدلع بالطلاق بديها العين الحمراء طوالى"المشكلة ياالقلب الملك فى الحتة دى الراجل دلعها حبتين ذيادة عشان كدة نفشت ريشها الغبيانة وفى النهاية عقلها يادوب بقى تمام وانعدل بس بعد ايه
مسكين الراجل "البت محظوظة الله اداها راجل عندوا صبر ايوب بس صبر ايوب ذاتوا عندوا حدود
بس على فكرة ماشرط يكون ماعايزها عشان العصمة يديها ليها "فى رجال ممكن يكون الحب الشديد للزوجة وضعف شخصيتوا وشخصية الزوجة تكون قوية يديهها العصمة حبا فيها"دى فى السودان ماعندنا بس فى مصر موجودة"وفى الحالة دى الزوجة بتكون هدفها تسيطر على الزوج وهو بوافق حبا وضعفا فى نفس الوقت
zaina كتب:واحدة كدة عروس"يعنى ماتمت سنة زواج" البت شكلها دلوعة خالص بس ماتحصل ليك بينها وبين عريسها مشكلة تقول ليهو "طلقنى ورسل لى ورقتى وجرى لبيت ابوها والحكاية اتكررت كم مرة
طبعا العريس فاكر الحكاية جادة "نسيت اقول العروس بتموت فى عريسها يعنى مازواج تقليدى ولابالقوة يعنى برضا الطرفين"
واخر مرة البت بعد زعلت ويادرب ودينى بيت ابوى وقومى اضربى للراجل "رسل لى ورقتى
والراجل المرة دى خلاص ماقدر يستحمل والحكاية زعلتوا
يعنى بعد تفكير طويل ومشاورة قرر يطلق فعلا ووده ليها الورقة
بس الحصل بعد كدة"البت قربت تجيها نفسيات "يعنى ماكان قاصدة الطلاق يعنى بس مجرد كلام عشان يراضيها" وبالتالى ماقدرت تتحمل انوا يطلقها
وهى تاثرت شديد"يعنى كان خاتة فى بالها"راجلى حبيبى اكيد بيموت فينى مستحيل يفكر يطلقنى يعنى لو قلتا ليهو كدة حيجى يقول لى "معقولة يامرتى المابشوف غيرك انا اطلقك
يعنى الحكاية طلعت دلع بنات ساكت وعدم تحمل مسؤلية"
يعنى القصة حقيقية ومافبركة ساى "يعنى اكيد دى حالة واحدة ان شفتها فمؤكد بتحصل كتيير ومامجرد حالة فردية"
فقلتا لروحى ياربى لو كان الطلاق شرعا كدة "يعنى افرضوا واتخيلوا الزوجة هى الكان بيدها تطلق
سين سؤال :
متخيلين شكل الحياة وخراب البيوت حيكون كيف وكميتوا قدر شنو ؟
وياربى يارجال بتقبلوا تكون العصمة فى يد زوجاتكم ؟
زيــــــــنة ســــــــلام
موضوعك جميل وحاصل كتير في الزمن دا
في بنات ما بكون واعين لمعنى الزواج والمسؤلية
وكل كلمتين جارية على أهلها
لكن برضو أهلها غلطانين مفروض يوعوها ويفهموها
انو ما كل مشكلة تجي ليهم جارية ويفهموها انها بقت انسانة مسؤلة بعد دا
ومفروض تحاول تحل مشاكلها بنفسها وبهدوء
المهم
تعرفي لو العصمة بقت في يد المرة
ما في راجل بعدي مع زوجتو اسبوعين لأنها بتكون طلقتو زمان :D
أتمني أنو كل الأخوات المتزوجات والما دخلو دنيا لسه ينظروا للموضوع ده نظرة عملية ومحل تقدير عشان يتعلموا كيف الحياة بتمشي بين الزوجين وأنو الدلع الفات حدو بودي لسكة تانية والناس في غنى عنها 0
المشكلة هنا يالباشا الوجيه "البت تكون تعودت على الدلع وعدم تحمل المسؤلية والزواج ده مسؤلية كبيرة
وفى الجانب الاخر اعتقد انوا الحاجات دى نتجت لعدم الاتفاق على الاساسيات قبل الزواج
يعنى حكاية بس اروح اتزوج على طول من غير مااعرف طبع الاخر وشخصيتوا عن قرب هى دى سبب رئيسى فى المشاكل"ودى نقطة البعض بشوفها ماعندها معنى بس هى مهمة جدا
الباشا الوجيه كتب:
ومهما كان حبيبك عسل ما تلحسي كلو يعني خلي شوية عليكي وشوية عليه عشان المركب تمشي لأنو المشاكل بين الزوجين تحل بينهم لكن حكاية أنا بيت أبوي رسل لي ورقتي دي مشكلة وما كل الناس بتحملوها وصاحبنا ده يا زينة إتحمل كثير شكلو وعانا لمن فقط السيطرة وجاب من الآخر وصاحبتنا ما صدقت الحصل كانت فاكراهو ذي كل مره يجي يصالحة ويطبطب عليها ويرجعه البيت 0
المشاكل الزوجية لما تخرج عن نطاق الزوجين صدقنى بتكبر وخاصة انى حللتا مشكلة البت دى كويس
فسماحها لاهلها بالتدخل فى كل مرة والشكوى الكثيرة "دى بقت نقة عديل" عملت رد فعل عكسى على الزوج نفسه وتراكم رد الفعل عليه نتج عنه قرار الطلاق
الباشا الوجيه كتب:
الدلع ما ممنوع بل بالعكس شيئ مهم بس إدلعي في حدود المعقول يعني دلع يسعد الزوج مش يقرفوا 0
بعدين حكاية العصمة في يد الزوجة دي موضووووووووووووووووع ما مقبول وما أظن يقبل يه راجل إلا إذا كان جوز الست 0
هناك فرق بين دلع ودلع ذى ماقلتا
الدلع البقرف ده هو نتاج اللامبالاة وعدم تحمل المسؤليات
فياليت بناتنا المتدلعات فى بيوت ابائهن يسمعن الكلام دى ويختوه حلقة فى ودانهم"على قول المصرييين قبل ما المركب تغرق بيها "
وصدقت ذى مابنشوف فى المسلسلات المصرية من يقبلون بذلك دايما بنشوفهم ناس"جوز الست
وجرى لبيت ابوها والحكاية اتكررت كم مرة 
؟ 
