ضياع الوقت فى الفاضى

[ام عزه]

انا متغربه تقريبا ست سنوات وبصراحه مندهشه من كل مراة قابلتها واهتمامها كله فى الفرش والعفش والله لو سالت عن اى شئ تلقى المخ فاضى مع انه فى الغربه الزمن كبير ممكن تثقف نفسها وتحفظ كتاب الله لانو دور التحفيظ متوفره او الاهم نحنا اتغربنا ليه؟ اكيد كل زول عنده هدف ياريت الكل يراجع نفسه بالذات الحريم لانو عندهم وقت فراغ كبير مازى الرجال طول وقتهم فى الشغل وياريت نسمع اراء تانيه فى هذا الموضوع

[مها]

والله يا ام عزه انا بفتكر انه النساء الموضوع بالنسبه لهم ( شوفونى) يعنى
الحكايه كله بوبار
كيف هى مغتربه وعملت ...وجابت.............وسوت وده كله كلام ماليه اى معنى
مفروض النساء المغتربات يراعن ظروف ازواجهم ويعرفوا هم اتغربوا ليه
والواحده تعمل المعقول
وممكن جدا لنساء المغتربين يملوا اوقات الفراغ بالدراسه او حفظ القران
وممكن لو فى امكانيه تشتغل وتساعد
لك الشكر

[ودالعاصمة]

والله كلام جميل
لكن باالنسبة ليكم انتو كمقتربين اغلب الوكت بيكون اوقات فراق والمسالة دى محتاجة لاى اصحاب الراى من المقتربين والنساء زى مازكرتى على وجة الخصوص
اما باالنسبة للرجال ففى السودان باالتحديد الزمن بيقى غاااالى جدا جدا والناس بقت تتسارع فيو بى قدر الامكان والمهم هو طريقة الاستفادة القصوى منو ودى حاجات بترجع لى تنظيم الوقت ولى الدراية الكافية لى اهميت الوقت وليكى التحية اختى الكريمة

[بسمة الحياة]

كلامك مية المية
خاصة النساء في السعودية الجو مهيأ ليهم اكتر انو يحفظو القران اكتر من اي بلد تاني
لانو كل حي تقريبا فيهو دار تحفيظ

[زهرة التشرين]

واللهياام عزة كلامك جميل فعلا" هنا في السعودية الزمن بيمشي بدون مانكون استفدنا مع ان ممكن الواحدة تهتم بي بيته وبي زوجها وبي نفسها وتحفظ القرأن لان بالجد دي ميزة حلوة جدا في البلد دي ان الواحدة ممكن تحفظ كتاب الله وخصوصا" ان ربنا سبحانه وتعالي بعدين حيسألنا فيما ضيعنا هذا الزمن ؟؟؟؟ وشكرا لإثارتك هذا الموضوع الجميل والقيم ؛؛؛؛؛
بالمناسبة يا ام عزة انتي في اي منطقة في الرياض ؟؟؟ انا في زهرة البديعة ؛؛؛

[مهاجر في البلد]

ام عزه

كلامك مليان وما فيهو غبار
ربنا يوفقك ويوفق كل الاخوات والامهات المغتربات انو يستفيدو بالشي الطيب ويسيبو المظاهر والبوبار

[الواضح]

كلامك عين العقل وانا اعرف ان هناك نساء اغلب الابناء فى السودان وهى رافضة الرجوع للسودان وقاعدة هنا للونسة والبوبار والبنات والاولاد هناك ساكنين لوحدهم ويقومون بالعجب العجائب من زاوج عرفى وحمل سفاح وهى لا يهمهما غير الملايات والستائر والراجل لا حولة له ولا قوة اتمنى ان ينتبهن لمستقبل اولادهم بدل المظاهر والبوبار

[احساس الكون]

والله صوابع يدك ما ذي بعض