هل نحن السودانيون عرب ؟؟؟؟؟؟؟

[كمال الشيخ عثمان]

بسم الله والصلاة والسلام على رسول الله . ياخي فطاحلت شعرنا ردو على هذا التسائل منهم من عرب ممزوج بيدم الزنوج الحار الى اخره ومنهم من قال انا سوداني انا افريقي في القصيد الرائعه .

[صلاح عبدالله الخضر]

[color=008000]الحمد لله والصلاة والسلام على رسول الله.يقول الحق فى كتابه الحق:(لسان الذين يلحدون اليك اعجمى وهذا لسان عربى مبين).يا اخوان الانتماء الى العربية ليس بDNA بل باللسان.ببساطة كل من نطق بالضاد فهو عربى.لغة الدولة هى العربية اذا فبما تسمى نفسك.تكون الوطن السودان من هجرات عربية واخرى افريقية التزواج والتجانس(وخلقناكم شعوبا وقبائل لتعارفو ان اكرمكم عند الله اتقاكم).التمازج اخرج للوجود الخلطة الفريدة(السودانى)ولعبس عنترة.باستثناء قبائل الجنوب احتفظت بزنجيتها صافية وقبائل الرشايدة احتفظت بعروبتها. (صلاح عبدالله) مع تحياتى[/color]

[هيثم ابراهيم]

انا سودانى انا ......انا افريقى ...

[امال الناس]

السودان يا استاذنا الجليل
هو افريقي - عربي
يعني بحمل الاثنين مع

بس عايزة اسئل استاذي احمد يسن من خلال القصة الرويتها يا استاذ احمد يعني نعرف السود مبوزين ولا شنو الحمد لله الطلعنا بين لونين ما طلعنا سود غاتو

[مصطفي حسن]

صدقوني لم تكن يوم من الايام العروبة جنس او قبيلة انما لغة كان يتكلم بها بعض القوم عندما ارسلت رسالت سيدنا محمد علية افضل التسليم وكانت بلغة هولاء القوم اكفيني اني سوداني

[حاتم تاج السرفزارى]

نسبه العرب فى السودان 68 فى المائه ونحنا يكفينا فخر اننا سودانيون اطيب واروع شعب[size=5]
يعنى شنو عرب اصلا العرب مافيهم خير ومايعرفون الا العنصريهانا عربى من قبيله معروفه بس مايهمنى المهم انا سوانى مسلم واحب وطنى واهل وطنى
من يساوم على عروبتنا لا دخل لنا به نفتخر ونعتز بهذا الشعب العظيم شعب السودان صاحب السمعه
الطيبه والاصاله [/font][/font][/size]

[جراح]

نحنا افارقا وعرب

يعنى خليط من الافارقه والعرب

فى عرب صافيين بس قليلين جدا والباقى ممزوج

عرب ممزوجه بدم الزنزج ديل اهلى لوما كنتى من زى ديلا واسفاى وماساتى وازلى

بجد الشعب السودانى اكتر شعب محترم داخليا وخاريجا

ولنا الفخر

[هيثم ابراهيم]

الف تحية ليكي من الفؤادي

بلادي بلادي اهلا يا بلادي

صدورنا حماية ليكي من الاعادي

بلادي انا بلاد ناسا مواريثم في اول شي كتاب الله

وخيل مشدود وسيف مسلول حداهو درع

تقاقيبن تسد الليل مع الحيران وشيخا في الخلاوي ورع

والله كم نخلاتا تهبهب في جروفا الساق

بقرة حلوبة تتضرع وليها ضرع

وساقية تصحي الليل مع الفجراوي

يبكي الليل ويدلق في جداولو دمع

يخدر في بلادي سلام

خدرة شاربة موية النيل

تزغرد في البوادي زرع

بلادي سهول بلادي حقول

بلادي الجنة للشافوها او للبرّة بيها سمع

بلاد ناسا تكرم الضيف

حتى الطير يجيها جعان ومن اطراف تكيها شبع

تشيل الناس وكل الناس وسع بي خيرو لينا يسع

وتدفق مياه النيل على الخيران

بياض الفضة في وهج الهجير بيشع

بلادي الصفقة والطنبور

داراتا تنح باليل

بنوتا تحاكي الخيل

تشابن زي جدي الريل

وشبالا مكنتل في الطريفو ودع

بلادي بلاد من التاريخ

من تيرهاقا لا عن ميسنا

حتى ان جاي خيرو تروع

بلادي امان بلادي حنان وناسا حُنان

يكفكفوا دمعة المفجوع

يحبوا الدار

يموتو عشان حقوق الجار

يخوضو النار عشان فد دمعة

كيف الحال لو شافوها سايلة دموع

ديل اهلي ديل اهلي

يبدو الغير علي زاتم

يقسموا اللقمة بيناتم

يدو الزاد حتى ان كان مصيرم جوع

ديل اهلي البقيف في الدارة وسط الدارة واتنبر كل الدنيا ديل اهلي

عرب ممزوجة بي دم الزنوج الحارة

ديل قبيلتي لمن ادور افصل ديل فصلي

اصحاب روحي والاحساس وسافر في بحار شوقم زمان عقلي

اقول بعضي الاقيهم تسربو في مسارب الروح

يقو كلي

محل قبلت القاهم معاي معاي زي ضلي

وكان ما جيت من زي ديل واسفاي وا ماساتي وا زّلي

تصور كيف يكون الحال لو ماكنت سوداني

واهل الحارة ما أهلي

ومن هنا االف تحيه الى الشاعر اسماعيل حسن

[أبعاج]

انا ....افريقى....انا سودانى.....!

[نميرى الشمال]

تحياتى وشكرى لاخ الفاضل مؤسس المنتدى صلاح
نحن سودانيون وعرب وافارقة
عرب ممزوجة بدم الزنوج الحارة ديل أهلى

[عاشق القمر]

نعم اخي الكريم انت عربي مسلم

[إيريل]

أيوه نحن عرب

[محمد سليمان]

مشكور ع البوست نحنا خليط بين الاثنين

[ودالعاصمة]

ابدا انحنا لا عرب لا افارقة
انحنا سودانين فقط وليست للعروبة اثر فى تقوية الدين الاسلامى اوهى للتباهى فقط
كن يجب ان نكون فى مقدمة الافارقة................. ولكننا اخترنا ان نكون فى مؤخرة العرب

[الصديق عثمان]

[color=FF0000]مشكلتنا كبيرة لاقدمنا خدمة للعرب ولا قدمنا خدمة الى افريقيا خيرا ان نكون سوادنيون وهذا فخرا لنا[/color]





ابوفاطمة

[محمود الرشيدي]

السودان العربي الافريقي
الوطن القارة المترامى الاطراف لابد ان يكون متعدد الثقافات ولكل شبر منه يسطر ثقافه بذاته لايوجد الا الاحترام امتبادل بين القوميات لافرق بين عربي علي عجمى الا بالتقوى ولكل شخص يجد انه غيرمعبرا به او مهمش يرمي اتهامه الجاهز سلفا علي العرب
اما نحن السودانيين عرب ام غير فيكفي قول الشاعر العربي
كل من نطق الفصحي له رحم ====== فوحدة العرب درع المجد يحميها

[امال الناس]

انا افريقي عربي
انا سوداني

[الفرح المهاجر]

[align=center]البوست دا بذكرنى كلام الترابى
قال نتحدث العربية ولست بعرب
وموطننا افريقيا ولست بى افارقة
؟؟؟؟؟
؟؟؟
؟؟
؟[/align][/size]

[ابكر العجلاتي]

[يااحباب ربنا بحكمتو خلقنا متفردين وحالة خاصة فى الموقع واللون والكرم والمروءة وبلدنا وسط بين العرب والافارقة واكرمنا بان وهبنا اجمل خصال العرب واحسن خصال الافارقة ومن كل الجمال اعطانا ليه عايزين نلصق روحنا بهذا وذاك . نحن الامة السودانية مثلنا متل الاحباش او الفرس او الاندونيسيين يكفى ان ترى من يرتدى جلابية وتوب اومن ترتدى ثوبا ويلفها العفاف لتعرف كل الدنيا من نحن. والحمد لله على نعمة الاسلام.

[السناري]

عشان نجاوب مفروض نعرف انت قاصد

العروبة العرق ام العروبة الثقافة ؟؟؟؟؟