هل يحق للاخ بضرب اخته مهما كانت الاسباب؟للمناقشة

[احساس الكون]

لسلام عليكم اخواني واخواتي في المنتدا انا سودانى


هل يحق للأخ ضرب أخته مهما كانت الاسباب ؟؟؟
للأسف هذه الظاهرة موجودة بيننا رغم التكتم عنها.

هذه الظاهرة بدأت تظهر على السطح بسبب وعي

المرأة ورفضها إلى القهر والظلم والاستبداد من قبل الرجل.

هل يحق للأخ ضرب أخته مهما كانت الأسباب وهل تؤيد ذلك؟؟؟

هل يريد الاخ أن يبرهن لنفسه ولاخته على انه سيد البيت المطلق في ضل غياب الاب..

والاخت ليست سوى جاريه تطيع أوامر السيد ؟؟؟؟

هل الاخ الذي يضرب أخته أخ غير ناضج وضعيف الشخصية؟؟؟

هل الاخ الذي يلجأ إلى وسيله الضرب ..هو إنسان واعي و فاهم و متعلم ؟؟؟

هل يستمدّ الرجل جبروته من قوّته، أم من ضعف المرأه؟؟؟

هل المرأة لا يجب ضربها على الإطلاق، مهما كانت الظروف
أو الأسباب؟

اسئلة للمناقشة ولأستطلاع ارائكم
.....

اتمنى التفاااااااااااااااااااااااااااااااااااااااااااااااا عل مع الموضوع

[TAM]

نععععععععم لكن حسب السبب لو كان سببو وجيه تشيل الكف وتمشي لي اوضتا لو ما وجيه يجليهو ابوه اديهو كف وديه لو اوضتو

[KBASHI]

يديك العافية (احساس الكون)...
...اذا اخذنا الموضوع بنظرة دينية...
ربنا قال.... الرجال قوامون علي النساء..
ودا طبعا ما معناه انو الاخ يضرب اخته...
لكن ..الرجل قوام علي المراة لانو المراة ضعيفة بطبيعتها..والرجل هو القوي الذي لا تؤثر فيه المواقف البسيطة..بقدر يتحكم في عواطفه..ويعتمد عليه ...
المهم...
انا شخصيا ما مع ..(ضرب الاخوات)..لانو الرسول صلي الله عليه وسلم قال:(يقصد النساء):(ما اكرمهن الا كريم وما اهانهن الا لئيم)...فهذا الرسول الكريم يوصينا علي احترام النساء ..
.. لكن انا شايف انو حتي الواحد لو ضرب اخته ما بيكون متكيف ..بيكون زعلان علي نفسو بس هو بيكون ضربها مضطر..لانو نحنا (الرجال)..الواحد لما يكون عندو اخت بيكون شايل همها اكتر من اي حاجة..يعني الواحد عايز اخته تسمع كلامه باحترام...ما زي الجارية زي ما قلتي....عشان يكون واثق فيها وبالتالي يكون متطمن...
...ونرجع ونقول (*ما اكرمهن الا كريم وما اهانهن الا لئيم*)...
شكرا علي البوست...

[مسلمة وافتخر]

لا طبعا

الضرب دا اسلوب رجعى اولا

والزول القوى لا يضرب ابدا بغض النظر عن السبب

وانا ضد الضرب تماما

[احساس الكون]

kbashi
ذات الشجون
يعطيكم العافية

تحياتى

[ملاك الورد]

هو صراحه في مجتمع السودانيين الاخو ما بعرف اخته
بس من ما البت كبرت بتذكر انها اخته يلا يكون مستني الفرصه انه يشوفها بتكلم في ولد و يمسكها يكسرها يطلع عينها عشان يقولوا عليه راجل خايف على اخته
عدم موضوع بس

[امال الناس]

في راي ان الضرب لا يجدي

[احساس الكون]

شكرا امال الناس على الرد

[عمرالنعيم عثمان]

الضرب عيب فى راى الشخصى المراة دايما ضعيفة مايستحق ليك انا تضربها بس اذا شفتها مع ولد بكسر راسها ههههههههههههههههههههههههه اسلمو احساس الكون على الطرح الجميـــــل

[ابو العزائم احمد الطيب]

[align=center]الأخ العزيز إحساس الكون الإخوة والأخوات الأعضاء نشكر أخونا الكاتب لما قام به من طرح لمشكلة تكاد موجودة وهي السبب الرئيسي في فرقة البيت وإهمال الإخوة في ما بينهم

الضرب المبرح أو التربية القائمة علي أساس الرعب والخوف غير صحيحة
للبنت أو غيرها تعتبر جريمة في نظري ومن ناحية سايكلوجية
من الأنبياء سيدنا أيوب الذي حلف علي أن يضرب زوجته عندما رأي ذؤبتها غير موجودة والذؤبة هي الضفاير كانت لمراة سيدنا أيوب أثنتا عشر ذؤبة .
وزوجة هي رحمه بنت افرايم بن يوسف علية السلام
ذهبت الي إمراة خبازه وقالت لها أن حبيبي أيوب جائع فأقرضيني قالت المرأة تنحي عني لئلا يراك زوجي
ولكن أعطيني ذؤبة وكان سيدنا أيوب يحب تلك الذؤبة وجاءت بالمقرض وقصتها لها وكان في رحمه شبة من جدها يوسف علية السلام وقالت يارب أن هذا في طاعة زوجي ونبيك أيوب بعته بذؤبتي فلما رأي أيوب الخبر الصحيح اشتد عليه الأمر وظن أنها باعت نفسها وحلف بان شافاه الله سيضربها مائة جلدة
وهي التي قال الله تعالي في كفارتها (وخذ بيدك ضغثا) أي قبضة من حشيش (اضرب به ولا تحنث)بمعني هذا الكلام نكون فهمنا ان الضرب يكون عند الحلف ولا يحق لنا ضرب أخواتنا ولا اخواننا التربية التي تقوم علي اللين والعطف لا مثيل لهاولا يحق للاخ التأمر في غياب الاب ولا رفع الصوت لامه ولا للذي اكبر منه ولا اصغر منه
انا لااؤيد الضرب لا للاخت ولا للاخ ولا للإبن حتي
والإنسان الذي يلجأ لوسيلة الضرب إنسان غير واعي وغير متعلم ابدا

واشكرك اخي الكريم علي الموضوع ونتمني كل من يستعمل خاصية الضرب أن يتوقف عنها ويلجأ الي القول باليين والإحسان وحينها نكون سعدا غير اشقيا ونكون كسبنا ود إخواننا وأخواتنا وأهلينا[/align][/size]

[ملاك الورد]

شكرا امال الناس على الرد

انت شنو رأيك

[نهر المحبه]

لايحق للاخ ان يضرب اخته
احيانا تكون المشاكل كبيره ومع حدتها ينفعل الاخ ويتصرف تصرفات احتمال يكون في حاله من عدم الوعي التام مع الانفعال
من هنا يجب على كل اخ ان يتحلى بالحلم ويكون واسع البصيره ويشوف الموضوع ويدرس ابعاده
ويعرف ليه هي اصلا عملت كده وبعد داك يقعد معاها ويشاورها وينصحها بالطريقه دي هي حتحب اخوها مابعيد يكون بعد داك صندوق اسرارها ويكون دليلها في حياتها
اما اذا كان انسان متعود على الضرب طبيعي اني حاكرهه ماحاقدر امن عليه من هنا تجي مشاكل ماتخطر على البال وماحيكون فكر يوم انها حتحصل وفي النهايه حيكون خسر اخته
ومشكور احساس الكون على الموضوع الجميل
وتقبل مروري

[ود الزوحي]

التحية لكم كلكم .. بلا تفرقة ..

حقيقة .. كونو الواحد يقدر يوصل لقب أخته ويحصل على ثقتها .. ده ما حاجه هينة ..

حتسألوني كيف ..

إنتو الضرب القاصدنو هنا على ما اعتقد في حتة التصرفات الغير سليمة .. وخاصة لما البت تكبر شوية .. يعني كده بالواضح لماتلقاها متعرفة على ولد وألا كده ..

خلونا نكون واعين .. زي ما نحن الأولاد عندنا صداقة مع بنات .. البنات برضو عندهم صداقات مع أولاد ..

يعني كيف إنت عايز أختك تشوفك مصاحب وحدة وبتتكلم معاها وهي زاتا ما تعمل زيك ..لكن لما تقدر تتقرب منها وتعرف تصرفات الولد ده شنو ... أكيد حتقدر توريها الصح من الغلط .. وكلو واحد فينا عنده ثقة كبيرة في اختو أكيد .. عشان كده نحاول نصاحبن .. ونساعدهم كيف يقدرو يخلو علاقتهم مع الأولاد محدودة .. لأنو بصراحة يا معشر الأولاد كده .. بيني وبينكم الممنوع مرغوب ..

ده بالنسبة للبنات الكبار العاملين علاقات صداقة مع الأولاد ..

حتة الضرب ده ممكن تكون للبنت الصغيرة .. يعني عشان تصرف ماحلو صدر منها في البيت عشان تاني ما تكرره .. وبالضرب ممكن تفهم انو الشي ده عيب ..

بالنسبة للبنت الكبيرة .. حتفسر إنو ليه هو يعني يكون عنده بنات .. وأنا لأ ..

فالحتة بتختلف ..

أنا بتمنى أنو كلو واحد يقرب من أختو ويشوفا هي عايزة وبتقصد شنو من تصرفاتا .. وياريت لو يقدر يوصل لأخذ ثقتها كمان ..


تحيااااااتي

[احساس الكون]

يعطيك العافية ود الزوحي