افتح .......... قلبك

[مجدى عكاشه]

العزيز احمد
افطارآ هنيئآ مقدمآ ...

ماذلت .. تصر على الفهم المعكوس لي ...!!
واراك تخاطب نفسك بصوت مرتفع وتقول .. واتجه الحوار الى الشكوى والاتهام ممن كنت ادافع عن شكواه ..................!!

ارجع الى الوراء فحسبـ
لتعلم اننى اتوازن دائمآ فى اطروحاتى
ولا اميل الى ... اثارة العنف او اثارة الضوضاء
او اثارة الفتن كما كان من قبلى يفعلـ ...................!!

ارجع الى الوراء فحسبـ ..
لتعلم اننى كنت حزينآ لتلك الجملة والتى قلت بصددها
(اذا عدت عزيزى الى هذه الدار سواء مصطحبا ازماتك الطفولية او ازماتك العاطفية فلن
تجدنى فى وسط النزوة فقد اكون قد التحقت بمدرسة تعلم الابداع .......... ليس لولهى بالابداع ولكن لكى اكون فوق القانون ............ )

لقد قلت لى ذلك
وانا فى غاية الاحباط من مجرى الحديثـ
فقد كنت شاكيآ باكيآ هنا .. اريد حلآ لتلك المشكلة
اريد حلآ يجعل الوحش في نائمآ وغير مستيقظ .. كنت احتاج حلآ قبلما اثور هائجآ بكلماتى الجارحة
نحو الكلـ ..............!!

ولكن .. وجدتك هائمآ بالنقد
ووجدتك مشغولآ بمدرسة تعلم الابداع .. والاختلاف مع الاستاذ صلاح
جأت مرة اخرى وقلت لك .. (اعزرونى ان ازعجت خلوتكم هنا
فقد اعتقدت انى سأجد من ينتبه معي الى خطورة ( القصة ) وتمادى
الطرف الاخر فى القذف جورآ ... وصبرى الذى بدأ ينفذ )

وبعــد كل هذا يا استاذ احمد يس
وجدتك هائمآ بأشياء اخر .. لا تعنيني البتة
فلم يمسنى ود الدسوقى حتى ألأن بكلمة تخالف قوانين المنتدى
ولكنه بدأ بنقد تجربتى بشكل مقذذ وفارغ يشعرنى دائمآ بالغثيانـ ...!!
واعتمد فى اسلوبة على استقطاب احداهن .. لتبدأ هي الاخرى بالتجريح ....

فهذا اسلوب عاجز .. لا استطيع تحمله طويلآ
لذلك لجأت اليكم لأيقاف شيء لم يبدأ بعد .. خاصة ان الاخر
يعتقد انه ... من كبار المبدعين والنافذين فى قلوب المعجبين .....

بغض النظر من صحة الاعتقاد او عدم صحتة ..
فأنا كنت بصدد طلب العونـ منكم .. لاخماد الحريق
وليس اشعال حريق اخر ........... مع كيانات اخرى ..
فذلك يعطى الاخر .. مكانة لا يستحقها البتة ... فهو مجرد مسمي وضع فى جدران المنتدى

ونصيحتى لك
ان كانت مدرسة الابداع قد خرجت ذلك المدعو بودالدسوقى
فلا تذهب الى هذة المدرسة .. فربما تصبح ( مسخآ مشوهآ ) من الجهل يومآ ما
فقط دعك من كل هذا .. وارحل بنفسك الى مكانـ يمكن ان تشرق فية الشمس


من جديد ...................!!


تحياتى مع امنياتى ان ينتهى الحوار
الذى لا طائل لنا فية .. مع اعتزارى المسبق
عن فتح حوار لا يليق بمستوى .............. الحضور



تحياتى

[مها]

الاخوة والاخوات

كنت قد فتحت هذا البوست قبل فترة ولم يجد الاقبال الكافى من الاعضاء ........ وقمت بحذفة وقت عملنا صيانة للمنتدى الاسبوع الماضى............. ولكن قررت ان افتحه مرة اخرى لسبب مباشر وهو دعوة الاخوين صهيب وحزن السنين للمناقشة الحرة بينهم وبين الاعضاء ....... ولسبب غير مباشر وهو ازدياد
عدد الاعضاء اليومى وبالتالى حاجتهم لمتنفس لهم يفتحون فيه قلوبهم ............. وهذا ما عبرت عنه الاخت سودانية نار ........................
اذا نقول على بركة الله

الاستاذ/ احمد يسن من منا لا يحتاج لقلب كبير يسعنا بهمومنا واملالنا
نحن فى اشد الحوجه لهذا القلب .....................................................
ارجوك اخى الكريم تفضل علينا بفتح هذا البوست عن تجربه شخصيه حسيت انه فى كلام فاصدنى واضايقت جدا جدا ولم اجد ما استشيره خفت من ( الردود الساخره ) واخيرا رسلت رساله خاصه لك ولاحد الاعضاء الكرام حتى ازيح عن صدرى ولو قليل
رجاء استاذنا الفاضل .....................

[احمد يس]

الاستاذ/ احمد يسن من منا لا يحتاج لقلب كبير يسعنا بهمومنا واملالنا
نحن فى اشد الحوجه لهذا القلب .....................................................
ارجوك اخى الكريم تفضل علينا بفتح هذا البوست عن تجربه شخصيه حسيت انه فى كلام فاصدنى واضايقت جدا جدا ولم اجد ما استشيره خفت من ( الردود الساخره ) واخيرا رسلت رساله خاصه لك ولاحد الاعضاء الكرام حتى ازيح عن صدرى ولو قليل
رجاء استاذنا الفاضل .....................

عزيزتى الاستاذة مها

نعم من منا بلا هموم ......... ومن منا لايحتاج الى اصحاب القلوب الكبيرة .........
خضت هذه التجربة دون قصد فى هذا الركن المتواضع ...........ولكنى ندمت على ذلك .......
فا بعض اصحاب الهموم يتخيلون من يلجئون اليه فى همومهم يملك الحلول السحرية لتلك الهموم .......
والبعض الآخر يحزن اذا كانت الردود ليس على هواهم ويريدون ردود مفصلة تفصيلا لمشاكلهم .....
ولكنى برغم ندمى فا انا موجود فى الركن لمن يريد ان يزيح عن صدره هموم الحياة .......تحياتى

[مها]

اذا كان البعض يحزن لان الرد ليس على هواه يبقى هو اساسا ما عايز يحل المشكله هو عنده تقيم لموضوعوا وعايز يطرح المشكله عشان يحس انك دعمته ويدى لنفسه المبررات وهو على علم تام بانه على خطا
يبقى هو اساسا مشكله

اعتب عليك استاذى فى كلمه ندمت
وان اعلم بانك لاتملك حلول سحريه ولكن تملك قلم يكتب بصدق دون تحيز

[احمد يس]

اذا كان البعض يحزن لان الرد ليس على هواه يبقى هو اساسا ما عايز يحل المشكله هو عنده تقيم لموضوعوا وعايز يطرح المشكله عشان يحس انك دعمته ويدى لنفسه المبررات وهو على علم تام بانه على خطا
يبقى هو اساسا مشكله

اعتب عليك استاذى فى كلمه ندمت
وان اعلم بانك لاتملك حلول سحريه ولكن تملك قلم يكتب بصدق دون تحيز

الاستاذة مها

اشكرك جزيل الشكر على مدحك لقلمى الحيادى...... وتصديقا لكلامك نعم هناك من يريد رايا متوافقا لرأيه حتى بجد مبررا لم يعتقد ......... ولكن ارى الركن هنا متنفسا للجميع .......انا نفسى كتبت عن بعض تجاربى الصعبة والمريرة وشعرت بعدها براحة عميقة .........وسوف تجدين هنا من الاعضاء اللذين اعتبرهم مثل ابنائى واخوانى لن يبخلوا ابدا باراءهم السديدة ومشاركتهم الجادة .....فلا تترددى

[احمد يس]

هل يأتى ...............ذلك اليوم

تعودت منذ سنوات طويلة ان اقرأ الصحف فى الصباح الباكر فى مكتبى قبل ان ابدأ العمل ولذا تجدونى دائما فى مكتبى قبل مواعيد العمل الرسمية ........... وتمنيت منذ سنوات كثيرة مضت ان تطالعنى الصحف باخبار سعيدة تشرح النفس .......لكن للاسف كلها اخبار نكد وموت ودمار وملاسنات واتهامات متبادلة وا اوبئة .......ولا ادرى لماذا انا مستمر فى قراءة تلك الصحف النكدية ........فهى تمثل لى خسارة مادية وفى نفس الوقت خسارة معنوية وقد تؤثر على ادائى اليومى اذا كان هناك اخبار سيئة عن الوطن ......
اليوم كانت العناويين الافتتاحية تشير كالعادة بالاخبار النكدية ....... على سبيل المثال مؤتمر يعقد فى جوبا للبحث فى احوال السودان برئاسة الحركة الشعبية وحضور 30 حزبا والمؤتمر الوطنى رفض الحضور بمساندت 40 حزبا ويقول امين اللجنة السياسية انهم لن يحضروا لان هذا التجمع لمحاكمة الانقاذ " عدد الاحزاب اكثر من عدد الركشات "
خبر آخر يقول الكشف عن مفاعل نووى سرى فى قم ........... " سرى لشنو ما عارف "
خبر آخر الحريرى يواصل مشاورته لتشكيل الحكومة " والله زهقنا من تشكيل حكوماتكم دى "

متى اقرأ صحيفتى وانا مبتسم وسعيد ............. فى المشمش ...........تحياتى

[حبوبة]

حبايبنا ازيكم

حقيقة الكلام رايح مني .. غريبة صاح؟؟
لي كم يوم بدخل اعمل مرور وامرق .. أحيانا كضيف .. ما لقيت تعبير للحالة الكانت ماسكاني إلا لم قريت كلام الفرح المهاجر في الراكوبة قبل شوية ... أهل الكهف ..

لم ارجع السودان بعد غيبة بقول اني برة الشبكة بحتاج كم يوم لغاية ما الكونيكشن يظبط ..
وهسة أنا لي كم يوم في انتظار زولا ولوف .. أو حتى أثر حروف تطرد الخوف تبرد حشاي والجوف ...

شفت اسم زينة .. بالله فرحت تقول كنت طاشة في الخلا (اتذكرت انها ما بتستقبل خاص زينة البنوت)
دخلت قلت اثبت وجودي أعقب وراها لقيتها وفت وكفت .. والموضوع بيقلب علي مواجع اتحاشيتو من زمان مخصوص ..

بت هندسة وودالزوحي وفارماس وصوفيا وام صبا ومان المان وريانة وعمر وعبدالرحمن ع الله وكمية من كتاب الشعر والخواطر المواظبين.. صاروا ركازة بقيت اجري عليهم اشوف اسماءهم اطمن اني ما زلت مواكبة ...
أما ناس الراكوبة الحلوين فأنا مشاركاتي معاهم ما كتيرة.. لكن متابعاهم على طول ومبسوطة من تواصلهم وترابطهم... ميمي نانا ملاك الورد عجوز رؤوف القلب الملك ودابنعوف هندسسة الأسير بكور مها آمال السوداني الاصيل محمد سليمان محمدنعيم هومي ودالعازة ضو البيت سيبو صانع النجوم والبقية من القدامى والجدد لكم التحية .. بس انا ما بقدر اجاريكم شان كدة بتابع من هنا .. يديكم العافية
ما تسألوني عن معنى الكلام ده كلو شنو ... العنوان افتح قلبك ... واهو انا فتحتو ع الآخر

معتز سيد هامس زينة الأستاذة مها وكاتب الركن الرطيب أستاذنا احمد يس ... مشناقييييييين ..

أعزائي أعضاء انا سوداني .. لكم المودة مابقيت ..
وزي ماقال ودالدرديري(يطراه الله بالخير) لييييييي قدام ..

وضلو عافية....

[معتز سيد]

حبايبنا ازيكم

حقيقة الكلام رايح مني .. غريبة صاح؟؟
لي كم يوم بدخل اعمل مرور وامرق .. أحيانا كضيف .. ما لقيت تعبير للحالة الكانت ماسكاني إلا لم قريت كلام الفرح المهاجر في الراكوبة قبل شوية ... أهل الكهف ..

لم ارجع السودان بعد غيبة بقول اني برة الشبكة بحتاج كم يوم لغاية ما الكونيكشن يظبط ..
وهسة أنا لي كم يوم في انتظار زولا ولوف .. أو حتى أثر حروف تطرد الخوف تبرد حشاي والجوف ...


معتز سيد هامس زينة الأستاذة مها وكاتب الركن الرطيب أستاذنا احمد يس ... مشناقييييييين ..

أعزائي أعضاء انا سوداني .. لكم المودة مابقيت ..
وزي ماقال ودالدرديري(يطراه الله بالخير) لييييييي قدام ..

وضلو عافية....

يا هلا وألف مرحبا (قراند مام )

والله نعجز عن وصف الاطمئنان الذي يعم المكان بوجودك
وألف ألف حمداً لله على السلامة.

بس الصراحة تعبتينا .. كل يومين مودعين ومستقبلين!!
اركزي على محل واحد


ألف حمد لله بالسلامة وأدام الله عليكم الصحة والعافية ... وكل ما تتمنين

[مها]

الغاليه حبوبه
الف حمد الله على السلامه
تمنيت ان اتعرف على تلك الانسانه الرائعه ولم تتحقق امنيتى
الحمد الله على رجوعك ومعاودتك
واتمنى ان تكونى قضيتى اجازة سعيده
واهلا والف مرحب بيك وبرجوعك لاهلك واحبتك بالمنتدى
واتمنى ان استفيد من ما يخطه قلمك
ودمتى لنا

[حبوبة]

بس الصراحة تعبتينا .. كل يومين مودعين ومستقبلين!!
اركزي على محل واحد

طيب أنا كنت ممغوسة وساكتة .. انت الجبتو لنفسك ,,

بكور والقائمين على رابطة انا سوداني بالخرطوم ....
أرفع ايكم شكوى بخصوص المدعو معتز سيد .. هو الوحيد من أعضاء انا سوداني المتداخلين معي وكان على علم بوجودي في الخرطوم ورغبتي بلقاء الأعضاء و.... زاااااااااااااااغ

شان تاني ما تطنش ... بالمناسبة انشالله لقيتها :d

[حبوبة]

الغاليه حبوبه
الف حمد الله على السلامه
تمنيت ان اتعرف على تلك الانسانه الرائعه ولم تتحقق امنيتى
الحمد الله على رجوعك ومعاودتك
واتمنى ان تكونى قضيتى اجازة سعيده
واهلا والف مرحب بيك وبرجوعك لاهلك واحبتك بالمنتدى
واتمنى ان استفيد من ما يخطه قلمك
ودمتى لنا

عزيزتي أدامك المولى وأعزك ..

تسلمي ع الرد الأنيق يا ذوق ,,, ودي المحرية فيكم ,,, وأتمنى إنك تكوني حققت انتصارك السنة دي :d

جيبي لينا شوية من ناس الراكوبة وطلينا مرة مرة .. لا ياخدوكِ بالمرة
خالص الود

[امال الناس]

[align=center]ايامنا في الفؤاد ذكراها ايامنا
ما بنحن لسؤاها ايامنا يالنسيت ايامنا [/align]

[حبوبة]

[align=center]ايامنا في الفؤاد ذكراها ايامنا
ما بنحن لسؤاها ايامنا يالنسيت ايامنا [/align]

هو انت انت بتتنسي ...

ما أظنو نسانا ... لكن الغايب عذره معاه .. بس قولي انشالله يكون عافية

آمالنا ازيك منورة البوست ..
تسلمي ع المرور وبركة الضويت حوش اخوك وتسأل منك العافية ياختي

[zaina]

الغالية حبوبة الحبوبة

حمدلله على السلامة وعساكم بخير الاولاد وسيد الاسم
وان شاء الله وجدتى كل الاهل بخير فى السودان
والله ليكى وحشة ونورتى المنتدى و المكان ده كمان "اصلوا صاحبوا طفى نوروا واختفى فجاة"

"بس اظن معتز سيد ده الا كان ناس بكور ديك يعملوا ليهو امر قبض عشان تشوفوه "

[هاميس النوبه]

افتـــــــــــــــح قــــلبكـ
وكل المتنفســين ببوح القــــــلوب
.. ســـــــــــــــــــــــــلام ورحمه وبركه من الله عليــكـمـ جمــيعا..

عمــــــــى احمد يسن
مفتــقديـــنكـ ياغالـــــــى

ان شاء الله المنــعك عننا يــــــكون خــــــــير
,,
تحياتى
lor]

[ريانه إمام]

[grade="ffa500 ff6347 008000 4b0082"] اولا ،، ألف حمدا لله علي سلامتك يا أستاذي و(ماي فاذر) ،، أحمد يس
(وجاري برضو ،،)
ثانيا ،،
عايزه افتح قلبي ،، أفتحو ولا الخطوط مشغوله بقلب آخر ؟؟!![/grade]

[حبوبة]

الغالية حبوبة الحبوبة

حمدلله على السلامة وعساكم بخير الاولاد وسيد الاسم
وان شاء الله وجدتى كل الاهل بخير فى السودان
والله ليكى وحشة ونورتى المنتدى و المكان ده كمان "اصلوا صاحبوا طفى نوروا واختفى فجاة"

"بس اظن معتز سيد ده الا كان ناس بكور ديك يعملوا ليهو امر قبض عشان تشوفوه "

زينة البنوت حبابك ألف

نحمد المولى الكريم عساه يقبل حمدنا.... ما تشوفي وحش دنيا وآخرة يا زينتنا
ايدكم معاي نوقد شمعة ونقول ليه ... امتى الرجعة ؟؟؟

ومعتز كمان بقول لو العفو والعافية ... لا يكون زعل .. ما بيناتنا

[حبوبة]

افتـــــــــــــــح قــــلبكـ
وكل المتنفســين ..

عمــــــــى احمد يسن
مفتــقديـــنكـ ياغالـــــــى

ان شاء الله المنــعك عننا يــــــكون خــــــــير
,,
تحياتى
lor]

انشالله يا هاميس ولا حتى الإيميل ما رداه .... عسى ما يشوف شر

تسأل منك العافية يا أصيلة يا ست الذوق .. وانشالله يكون عافية ويطمننا ..

[حبوبة]

[grade="ffa500 ff6347 008000 4b0082"] اولا ،، ألف حمدا لله علي سلامتك يا أستاذي و(ماي فاذر) ،، أحمد يس
(وجاري برضو ،،)
ثانيا ،،
عايزه افتح قلبي ،، أفتحو ولا الخطوط مشغوله بقلب آخر ؟؟!![/grade]

؟؟؟؟ ريانه لمحتِ وين طمنينا معاك ...

ولو ..... نجيب مقسم جديد عشان خاطر كتاباتك الحلوة

نحن عايزين نضوي المكان شان احمد يستعجل يجينا ... ننفع ك بديل والا إلا الأصلي ؟؟

[معتز سيد]

أرفع ايكم شكوى بخصوص المدعو معتز سيد .. هو الوحيد من أعضاء انا سوداني المتداخلين معي وكان على علم بوجودي في الخرطوم ورغبتي بلقاء الأعضاء و.... زاااااااااااااااغ

شان تاني ما تطنش ... بالمناسبة انشالله لقيتها :d

سلامات ... أجبرتيني اني أرد هنا (حفاظاً على سمعتي)

أنا أسبوع واحد كان عندي ظرف كلمتك بيهو..
ورسلت رسالة خاصة وجاني رد جاف (قطع ناشف ستة صفر)
والباقي نخليهو مستور (الموبايل وكدة) وبلاش فضايح.. عشان ما يغيروا رايهم

"بس اظن معتز سيد ده الا كان ناس بكور ديك يعملوا ليهو امر قبض عشان تشوفوه "

ما تحكموا ساكت



وكدة كفاية عشان أستاذنا أحمد يس -وعلى قول مجدي عكاشة- ما يجي يقول لخبطوا لي العدة