سؤال لكل الاعضاء وجاوب دون مجاملة

[ام مودة]

تصور كيف يكون الحال لو ماكنت سودانية

وناس الحارة مااهلى لو ماكان جيت من ذى ديل


وا سفاى وا ماساتى وازلى

اكيد بعتز وافتخر بى انى سودانية

الاخت زينة مشكورة على موضوعك الجميل تقبلى مرورى وتحياتى

[معتز احمد]

من خلال متابعتى قبل ايام للقنوات الاماراتية جميعها بمناسبة احتفالهم بذكرى اتحادهم صدقونى اصابتنى غيرة منهم فقد وجدت ان القاسم المشترك بين كل مواطنيهم هو حبهم العميق لبلادهم وافتخارهم بوطنيتهم كثيرا لحد المدح
ورايت ان هناك القاسم المشترك بين اغلب الدول العربية وخاصة مصر ودول الخليج وبلاد الشام انهم جميعهم لديهم حس وطنى عميق

وعندما رايت حالنا تاثرت كثيرا لان الوطنية لغالبيتنا لا تعنى اى شئ
ولايعنى للكثيرين ان يحب السودان وشاهدوا عيد الاستقلال سنجد ان الغالبية لا يعنيهم ذلك

ولا نريد ان ندخل الوضع الاقتصادى باعتبار ان دول الخليج غنية فلننظر الى مصر التى بها اكبر نسبة عطالة فى الوطن العربى ولكن اى مصرى مهما كان حاله ستجده يعشق بلاده ويفتخر بانتسابه اليها
اتدرون لماذا غالبيتنا لا يفتخر بسودانيته او وطنيته وحبه لبلاده لان القبلية لدينا اعلى مرتبة والا لماذا فى بعض الوظائف يسئلون عن قبيلتك (انا شخصيا اذا سمعت زول قال لى سالونى فى المعاينة عن قبيلتك بتوجع شديد وبعتبر انوا ده استفزاز غير عادى)

وفى غالبية جامعاتنا تجد روابط لكل قبيلة وكثيرون منا يرون بعض القبائل ادنى مرتبة من غيرها
اما الجنسية السودانية فهى اصبحت من اسهل الاشياء التى يمكن ان يحصل عليها اى اجنبى وهذا كلام من مصدر موثوق به جدا ( وسيبكم من كلام المسئؤلين فى الجرائد عن التشدد فى الجنسية )
اى ان السودان بلد الكل

اما الشئ المحيرنى فى البرامج العربية عندما تستضاف شخصية سودانية تجد تغيير فى اللهجة وكان لهجتنا غير مناسبة(رايتها فى كثيرين )

وسؤالى اوجهه لكل من يقراء هذا الكلام وياريت اجابة تكون صريحة جدا ومن دون مجاملة عايزة اعرف اجابتكم البتحسوها لانى متاكدة ان كثيرون منا لا يفتخرون بجنسيتهم السودانية ولا يعنى لهم السودان اى شئ فاحدهم قال لى (بلا وطنية بلا كلام فاضى ]

لذلك احببت ان اسالكم هذا السؤال
هل تفتخر بانك سودانى ؟

سؤال غريب
بلدي وأن جارت علي عزيزه

[الزيتووون]

الله عليك يا زينه السودان بالجد موضوع مهم رائع

انا افتخر باني سوداني واتمنى ان يصبح لدينا حس الوطنية عالي هو موجود ولكن يحتاج الي دوافع تحركه والدليل اقرب حدث مباراة مصر والجزائر والكلام القالو المصريين على السودان وكيف الناس انفعلت واتجاوبت مع الحدث بس للاسف هو احاس مجمد في دواخلنا نحتاج لتفعيلة مدى الحياة

[جعلية]

سلام سودان سلام وبرضو بردد سودانى الجوه وجدانى بريدو ....... وبرضو انا بعرف ناس بيتنكروا للسودان ولى اصلهم لكن السودان بي خيرو وبي ناسو وحراسو

[مها]

طبعا سودانية بدون اى شك
موضوع فعلا جميل
و..... عيدكم مبارك

[ابن عوف]

افتخر انى سودانى


وعزيز انتا يا وطنى


مهما حصل سودانى

[ابن عوف]

مهما

حصل

برضو سوداني

عساك تكونى بخير

نتمنى تعودى تاني

[فيحـــــــاء]

[مشتاقه]

وطني السودان اعز مكان وكفي

[3Aiz A3eesh]

هل تفتخر بانك سودانى ?

لأ ... لأ ... لأ ...

[فرحه ودمعتين]

هل تفتخر بانك سودانى ?

لأ ... لأ ... لأ ...

ليش ياعايز تعيش ‏‎
‎