سؤال لكل الاعضاء وجاوب دون مجاملة

[صديق علي]

وطنا ….
البي اسمك كتبنا ورطنا
أحبك ...
أحبك مكانك صميم الفؤاد
وباسمك أغنى.
تغنى السواقي
خيوط الطواقي
سلام التلاقي
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك
ترك الشموس
وما بين ظلالك
افتش وأكوس
أفتش طفولتي
وملامح صباي
بناتك عيونن
صفاهن سماي
وهيبة رجالك
بتسند قفاى
أحبك بتضحك
واحبك عبوس
صحي بتملأ عيني
وتشّرف غناي

[دوسة البسبوسة]

أكييييييييييييييد ودي دايرة كلام

[روينة]

السلام عليكم ورحمه اللَّه وبركاته
طبعا أفتخر أنى سودانية وبقوله تانى انا سودانية ويكفينى فخراً أنى سودانية
ويكفى الشعب السودانى يوم الأساءة للرسول صلى اللَّه عليه وسلم كان هو الشعب الوحيد
اللى خرج فى مظاهرة جماعية لنصرة الرسول صلى اللَّه عليه وسلم ولم يخاف من أى شىء
ويكفينى فخراً ان رئيس بلدى هو البشير ربنا ينصره ويبارك فى عمره
تصدقى باللَّه يومه اتمنيت انى أكون معاهم ونفسى ازور السودان جداً
أنا سودانية وافتخر

[اسامه خضر محمد على]

اكيد بفتخر بانى سودانى انجبتنى هذه الارض السمراء نشئت وتعلمت فيها وعشقتها الى درجة الجنون فالسودان وطن معطاء يهب الجميع كل ما يملك ولكن هل وهبه الجميع ما يستحق ؟؟؟؟؟ الله اعلم

[نهـاد]

أكيد سودانيه وأفتخر جداُ اني سودانيه

أما بالنسبه لتغير اللهجه فأنا عن نفسي بحب أتكلم مع أي واحد باللهجه القريبه منو يعني بتكلم بكم لهجه خليجي مصري شامي وأكيد سوداني طبعا
بس لما أتكلم بلهجه تانيه ما معناها اني ما بفتخر بأني سودانيه
لكن بقت بالنسبه لي زي لم بتكلم مع خواجه فبتكلم انجليزي

[سندس]

اكيد افتخر وكل الفخر ولو لم اولد سودانية لتمنيت ان اكون سودانية ... نحنا السودانيين اكتر ناااااس فخورين ببلدنا واكتر ناس حنينين للوطن واكتر ناس بيحبو بلدهم باخلاص ومستعدين يفدوهوا بارواحهم رخيصة ......... لو خيرونا ماخترنا ان نبتعد عنه ...
ليكي تحياتي موضووع قمة في الروعة..

[sadness]

[align=center]بقولها وبصوووووت عالى

يااااااااااااااااااعالم

انااااااااااا سودانية وافتخر..............[/align][/size]

[bintalsudan]

ااولا بشكرك على الموضوع اللطيف الحلو ده وبشكر كل الاعضاء على ردودهم اللي تفرح دي وانا بقول بلادي وان جارت علي عزيزة اهلي وان ضنوا على كرام وبقول اني سودانية وافتخر واللي مو عاجة ينتحر ويكتب على قبره منقهر

بت السودان

[لوال2]

سودانى وافتخر
قال الله كونوا ثم كنا
هل تحققنا من وجود الذات فى ارواحنا
ضد التكون واختلاف الكائنات

[زوزو الجامعي]

والله تسلمي ع الموضوع الجميييييييييييييييييل
وانا افخر واعتز بااني سودانيه والله في الغربه شفت كل الاجناس بس وحيات الله اعظم ولا احسن ولااحن من الشعب السوداني ماااااااااااااااافي
والناس اللي مابيفخرو بسودانيتهم دول اصل ماعندهم اصل لانه نكار اصلو ماعندو اصل
واللهجه انا بالنسبه لي لو الزول مغترب نقول عاش في الغربه ولسانو اتعوج لكن بتغاااااااااااااااظ من الناس اللي عايشين بالسودان وعمرهم ماطلعو منها وتلاقيهم بتكلمو بلهجات تانيه

[سيرينا]

اكيد بفتخر باني سوداني لانو لو ما بفتخر باني سودانيه ما استحق اعيش في تراب هذا الوطن الغالي
وبرفع راسي عالي وبقول :افتخر باني سوداني ,,,,

[bob marley 2009]

والله مافى حل نرضى بى المكتوب نعمل شنو يعنى

[نهر المحبه]

[color=00008B]كلي فخر اني سودانيه
بس على ماعتقد حتة الوطنيه دي عشان احنا اغلبنا العايشين خارج السودان نكاد نكون جاهلين بتاريخ السودان لو كنا قرينا لو جزء بسيط منه وعرفنا بلدنا دي عانت قدر شنو كان النظره بتكون غير
وانا لو علي اصرخ واقول للناس كلها انا سودانيه[/color]

[توتو اصيل]

اكـــــــــــــــــــــــــــــــيــــــــــــــــــــــــــــــــــــــــــــــــــــــــــــــــــــــــــــــــــــــد
انا سوداني انا

[مهند الطاهر على حيدوب]

بلادى انا بلاد ناسا فى اول شى عليك الله اسمعى كلمات اسماعيل حسن دى وقصيدة سيد احمد الحاردلو نحن الساس ونحن الراس تقول لى شنو وتقول لى منو الامراض الاصابت الوطنية فى نفوسنا سببها نحن مالسودان ماتظلمى البلد الجميل والناس الحلوة بالعكس نحن التعدد ده ممكن يكون اضافة ماخصم وافتكر دى مهمة الشباب والمجتمع السياسيين ديل عتدهم اولوياتهم احييك يابت يا زينة وافتكر السؤال بداية الحل ودليل عافية ودمتى ياعزيزتى

[فــتى الفلامنكو]

أكيـــــــــــــــــــــــــــــــــــد وليش لا

السودان سلة غذاء العالم


السودان المارد النائم


السودان والسودان مهما كلنا ومهما وصفنا إحنى مقصرين في حقو


ســـــــــــــــــــــــــــوداني أبـــــــــــــــــــــا عـــــــــن جــــــــــــــــــــــــــد ولي الفخر

[حسكو2009]

اناسوداني ياناس اناسوداني
واحمد ربي لاني سوداني

[عبيرالسودان]

كيف ما افتخر
دا كلامك
انا سوداني

[kaydoo]

سكتفي بهذة ااغنية لتعبر عن لسان حالي وقد عجزت عن التعبيربوصف انني سوداني





http://www.youtube.com/watch?v=UPnqgco2-hs

[النجيض]

من خلال متابعتى قبل ايام للقنوات الاماراتية جميعها بمناسبة احتفالهم بذكرى اتحادهم صدقونى اصابتنى غيرة منهم فقد وجدت ان القاسم المشترك بين كل مواطنيهم هو حبهم العميق لبلادهم وافتخارهم بوطنيتهم كثيرا لحد المدح
ورايت ان هناك القاسم المشترك بين اغلب الدول العربية وخاصة مصر ودول الخليج وبلاد الشام انهم جميعهم لديهم حس وطنى عميق

وعندما رايت حالنا تاثرت كثيرا لان الوطنية لغالبيتنا لا تعنى اى شئ
ولايعنى للكثيرين ان يحب السودان وشاهدوا عيد الاستقلال سنجد ان الغالبية لا يعنيهم ذلك

ولا نريد ان ندخل الوضع الاقتصادى باعتبار ان دول الخليج غنية فلننظر الى مصر التى بها اكبر نسبة عطالة فى الوطن العربى ولكن اى مصرى مهما كان حاله ستجده يعشق بلاده ويفتخر بانتسابه اليها
اتدرون لماذا غالبيتنا لا يفتخر بسودانيته او وطنيته وحبه لبلاده لان القبلية لدينا اعلى مرتبة والا لماذا فى بعض الوظائف يسئلون عن قبيلتك (انا شخصيا اذا سمعت زول قال لى سالونى فى المعاينة عن قبيلتك بتوجع شديد وبعتبر انوا ده استفزاز غير عادى)

وفى غالبية جامعاتنا تجد روابط لكل قبيلة وكثيرون منا يرون بعض القبائل ادنى مرتبة من غيرها
اما الجنسية السودانية فهى اصبحت من اسهل الاشياء التى يمكن ان يحصل عليها اى اجنبى وهذا كلام من مصدر موثوق به جدا ( وسيبكم من كلام المسئؤلين فى الجرائد عن التشدد فى الجنسية )
اى ان السودان بلد الكل

اما الشئ المحيرنى فى البرامج العربية عندما تستضاف شخصية سودانية تجد تغيير فى اللهجة وكان لهجتنا غير مناسبة(رايتها فى كثيرين )

وسؤالى اوجهه لكل من يقراء هذا الكلام وياريت اجابة تكون صريحة جدا ومن دون مجاملة عايزة اعرف اجابتكم البتحسوها لانى متاكدة ان كثيرون منا لا يفتخرون بجنسيتهم السودانية ولا يعنى لهم السودان اى شئ فاحدهم قال لى (بلا وطنية بلا كلام فاضى ]

لذلك احببت ان اسالكم هذا السؤال
هل تفتخر بانك سودانى ؟

طبعا افتخر بانى سودانى