[align=center]- الكهرباء فى الخرطوم زى ام العروس تدخل وتمرق
-الشوارع فى الخرطوم اخييع ( دخلت فى بلاعه وغيرت مشوارى)
- الرصيد فى الخرطوم زي حلاوه قطن تدخلو تلقاه مافى
- القروش فى الخرطوم بعد ضبط الزات والإراده تمرق بحق التذكره
وكان ما قدرت تنضبط تتملى ديون لى عينك
- الاكل فى الخرطوم وجبتين بس جمع العشاء والغذاء سوى ومرات واحده وعلى الطائر
حليل بلدنا ثلاثه وجبات وفي مواعيده وثلاثه جانبيه بالنهار ترمس وتمر و حلو مر وموية ليمون
بالعصر الجبنه بالمغرب الشاي معاه قروض
- الصلاه فى الخرطوم اربعه اوقات فقط .انت تركب من العصير يمر عليك المغرب والعشاء فى الحافله
ولا الظهر والعصر. والعشاء زاته على مضض والشفع والوتر باص فترانين
- الناس فى الخرطوم يا حليلن بس جارييين دايرين يقعو على وشيهن تمشي لى صاحبك وقاطعلو المسافات
يكتفى بالسلام يا قالك انتظرنى بجيك تطقطق اصابعك العشرين وتنشره وتنشف وتشرب ليك عشرين سيجاره ولا زجاجتين بارد وتسالى ولبان وتلجأ للتلفون تقلبو صفحه صفحه يا سمعت اغنية يا راجعت رساله يمكن فايت عليك معنى يا تضرب عشرين مكالمه ما تلقى ليك عزى بلا تكمل رصيدك وتبدأ تمسكل ولا حياة لمن تنادى ويا صاحبك يقولك بنتلاقى وعييييييييييييييييييييك
-ولا تمشي لي ناس زياره تلقاهم لابسين كان بقيت ظريف وقلت ليهم امشوا يقولو ليك هسه نجى يجو يلقوك نمت ويدك فى خدك لا عشاء ولا عشى ولا زول يصحيك يقولك العقرب التاكلك
- الاسره فى الخرطوم يتلاقو من الجمعه للجمعه فى صينية الفطور الس12ــــــاعة الولد يجى يلقى اختو نايمه
وهى تمرق تخليهو نايم ولا زول يعرف عن التانى حاجه والأب يشوفوهو في الإسبوع مره ده كلام؟
- اللبس فى الخرطوم مبالغه اتلخبطت الكيمان ما تعرف البت من الولد اما الرجال ماتو فى كررى جلاليب بالالوان و البنات اقتصدو فى القماش كمان ما شفتو الحجاب فى الحفلات كركير الرأس وترك الرقبه محزق في النص وشفاف فى الكم والاولاد الكم شفنيز ( اسمه حماده قاملو عضل ) واقمصه مشجره
- الحفلات عباره عن حلقه زار بأغانيه وحركاته ومسيقاه الصاخبه
-الحب في الخرطوم بقي رخيص عملو حدايق في الشوارع اسمها ( حبيبي مفلس ) راس ماله شمسيه
وسفنجات تقعد فيهن ونظاره مظلله عشان الناس الفي العربات ما يعرفوهم
رسائل خاصه:
- ناس الخرطوم : قلبى معاكم
- الخرطوم: برضو حلوة وربنا يرجعنا ليها باالسلامة[/align][/i]
لافتات خرطومية؟؟
المشرف: بانه
رد: لافتات خرطومية؟؟
×?°
تحياتي وحدة كدة
×?°رغم اختلافي معك في فحوى الموضوع بل اعجبني سردك واشكرك اختي الكريمه والحمدلله مازال السودان بخير وهي الاميز من بين الدول الاخرى في العلاقات الاجتماعيه والاسريه وفي استقبال الضيوف واذا تكررت الزيارة فانت احد من ابناء البيت الواحد وهذا البيت من القصيده يعرفه الكبير والصغير في السودان يا ضيفنا لو زرتنا لوجدتنا نحن الضيوف وانت رب المنزل والسودان موعود بالخير الكثير سيرى النور قريبا انشاء الله في كل المجالات وشكرا لك وحدة كدة
×?°توقن فنتي
×?°رد: لافتات خرطومية؟؟
يسلموووو على رايكتوقن فنتي كتب:×?°تحياتي وحدة كدة×?°
رغم اختلافي معك في فحوى الموضوع بل اعجبني سردك واشكرك اختي الكريمه والحمدلله مازال السودان بخير وهي الاميز من بين الدول الاخرى في العلاقات الاجتماعيه والاسريه وفي استقبال الضيوف واذا تكررت الزيارة فانت احد من ابناء البيت الواحد وهذا البيت من القصيده يعرفه الكبير والصغير في السودان يا ضيفنا لو زرتنا لوجدتنا نحن الضيوف وانت رب المنزل والسودان موعود بالخير الكثير سيرى النور قريبا انشاء الله في كل المجالات وشكرا لك وحدة كدة×?°توقن فنتي×?°
ومرورك
لك منى اجمل تحية