**الحلم العطشان**

[وحدة كدة]

[align=center]وفضلت أحلم بالمحال
لو المحال هو المستحيل
بحلم أنا تحت الشمس ..
وارسم معاك عالم خيال
لا مستحيل تحت الشمس
يوجد أمل ...
أمل البتوه في صحراء..
وين ما التفت ...
كثبان رمال .. سلسال جبال
لاخضرة لا مويه بيشوف
فقد العشم ...
شاف السراب ...
حس الأمل ...
يا رب يكون شلال مياه
داك الهناك ؟؟
شال العشم ...
وبحلم أنا تحت الشمس
وبديتو مشوار الأمل ...
عطشان أنا حد الرمق
وشايل الأمل ...
والموية بين جبلين هناااك
مشوار طويل ...
لكني اتصبر وأقول ..
لا مستحيل تحت الشمس
ساير أنا خلف الأمل
خطوات واصل ...
دي الموية بين جبلين هناك
معقول ياناس حصل المحال ؟!
أشرب وأعب حتى النخاع...
لا .. أول ابلل شفتي ...
بعدين أعب ... بعدين أعب ..
لكني فجأة صحيت ...
وكنت لوحدي والأمل !!!
أنا والأمل تحت اشمس...[/align][/i][/color]

[وحدة كدة]

[align=center]كيف قدرت تقولو قولك ؟
قول نفذ جوه الصميم
أزبل الحب المفرهد جوه قلبي
وحطم الأمل القديم
كيف قدرت تقولو قولك
تنسى حبي وتدمي قلبي
تجرح القلب الهواك
وتنسى إني كنت ندك ونديمك
وانو في يوم كنت حلمك
وينو حلمك ياحليم .. ؟
مابصدق !!! ..
هل صحيح معقول ده إنت ؟!
هل صحيح عايزني أنسى .. ؟!
واسلو دنياك وأفارقك
ونهدم الصرح القديم
صرح افنيت عمري بيهو
وناوية أفني الباقي فيهو
بس يظل شامخ عظيم
سرمدي وبدون نهاية
واسمى من حب الأديم
كيف قدرت تقولو قولك
هل نيست البينا كلو ؟!
وكم سنين بيناتنا عدو
وكم ليالي علينا طلو ؟!
نهلنا كاسات السعادة
وارتشفنا من حنانا ما بنملو
هل صحيح ؟؟!!
الخليل ببقى قادر ينسى خلو
و يشوفو في يوما خصبم ؟
ما دام قدرت تقولو قولك ..
يبقى بتمناها ليك..
عيشة السعادة مع سواي
بس تأكد إنو حبك ..
بي حروف من نور كتبتو
وجوه في الأعماق كتمتو
ولأنو فقدك هو الجحيم
راضية اقضي العمر كلو
والقليب في هواك كليم ..
القليب في هواك كليم ...[/align][/i][/size]

[مان المان]

محال انساك...
بدور انساك عشان اعرف طعم الشوق...
اقبل جاي واقبل جاي واعاين فوق...
خيوط الليل بتعزف نوح...
وابيت مجروح ...
افكر في كلام الريد...
واعيد واوزيد...
ليلنا معاك صباح العيد...
صلاة المولى والرحمان...
عيدية للجيران...
سكوتنا معاك سكوت ضهبان بغلبو الحيل...
وانادي براي ...
تعالو معاي
نداوي الروح
حبيبي تعال نداوي جروح
حبيبي تعال نداوي جروح

[مها]

وحده كده / مان المان
قصائد روعه
لكم الود

[وحدة كدة]

[align=center]أخى مان المان وأختى مها
يسلمووووووووو
على المرور والمشاركة
مروركم يزين صفحتي بعطر تواجدكم
ولكم منى اجمل تحية[/align][/i][/color]

[الأسير22]

كلمات جميلة


تدل على حس شاعري



سلمت يمناك

[مان المان]

شوقي ليك

شوقي ليك ماشيتن بعرفوه الناس...
شوقي ليك شيتا بمشي في الانفاس....
شوقي ليك حديث الريدة في الهجعة...
قلدة ام لي وليدا بعد رجعة...
قدلت فارس بعد حوبة...
عرضت درويش في النوبا....
تفاصيل ريد بلملمني
يحيرني....
افكر في عيون تجنني...
تخليني اسافر في جناح عصفور ....
وبين الريدة والاشواق اعدي بحور...
وتبقى الريدة هي العنوان....
واعيش حيران...
واهيم فرحان...
وتبقى الريدة هي العنوان...
وتبقى الريدة هي العنوان...